今日買完麵包返公司時, 有個中等身型的男仔突然走到我面前, 同我講話做咩有關涼鞋的project, 想影我對腳同對鞋, 同最多唔影個樣. 啋! 我又唔識你, 做咩要比對腳你影? 況且又唔知你會拿張相做其他用途? 所以我咪用返工遲到去拒絕佢.
放左工之後都唔好得好多, 我幫我個妹去買漫畫, 點知唔夠錢買三本, 於是咪返左去公司. 當一開lift門時, 美容院果二隻狗衝左入去, 我最討厭個包包面(佢好醜樣, 又肥, 但又要懶美同懶潮, 因為佢塊面成日好似水種, 所以改佢呢個花名, 當然佢係唔知)捉唔切二隻狗, 本來我都想扮見唔到, 但見果二隻狗係老闆娘, 而我都算認識佢, 加上lift入面個人都冇意思幫個女仔, 我咪幫佢按住部lift, 佢向我道謝之後我就即刻走. 不過如果有得選, 我一定唔會幫佢! 不過我只係討厭那個女仔, 我唔會對其他人這麼差~~哈哈~~
之後問姑姐借左d錢幫我妹買漫畫, 我見自己睇開個作者又出書, 咪買左二本, 總共買五本, 點知我果二本係唔好睇, 而且有一本仲幫妹買錯左出版社. 總之我買返[魔法老師17,18期]好過啦!.....鳴鳴.......
welcome to my world...
My beautiful life
My model life since Nov 09~
My sweet life w/ bf joejoe since Dec 09^^
My model life since Nov 09~
My sweet life w/ bf joejoe since Dec 09^^
琴日睇完呢套野後, 就好似唔係我預期中這麼好睇,最大原因可能係只得半個鐘, 真係"到喉唔到肺", 加上佢在開設公司都在街上搵人選model的節奏太快. 鬼咩! 在半個鐘之內影這麼多野, 唔快就有鬼!
不過令我最震驚的係一開始在選model 時已要d人(無論男女)在大眾面前除哂衫, 任得d人去影, 真係膽細d, 又或者比較傳統的一定受不了! 不過我都幾欣賞一個神父, 佢為左宗教同道德而不脫下衣服, 結果..係睇過[超模]的人都知janice那麼"串",你都知那神父的下場啦!
最後只有五個人成功同janice 簽左約, 有3女2男, 2個男仔也係自己覺得在眾多侯選人之中最型仔的二個, 我好似都幾有男仔的"審美眼光"(講笑), 可惜在現實中勁少遇到, 即使遇到也不能認識, 我真係個可憐的女人~~!!!
上星期日睇完《全美超模新秀選》之後, 我都擔心冇電視節目睇, 點知之後有呢套[J.D 超模公司], 仲要係由以前在[American next top model]做過評判的janice Dickinson所開的模特兒公司
[她在「超模」當中的毒舌評論更是毫不掩飾，當中有些參賽女孩因為她的評論，自信心大受打擊。] & [呢次janice決定自立門戶,開設自己的模特兒公司,由自己一手一腳去選模特兒,把他們培訓,把自己三十年作為超模的經驗傳授新一代 ], 呢d在tvb網站內所介紹的內容, 真係好期待睇牙!!
無論d相係真係假都好, 都好期待睇呢個節目, 鬼叫我係[超模]迷咩?冇計. 希望好似[american next top model] 那麼好睇就得!!
下個月就到我生日, 勁開心~~因為蔡蔡, 阿蕉同eva都答應在我生日果日去長州玩, 好野!有人幫我慶祝生日係中環同旺角d同事, 之後二年都冇試過! 除此之外, 我都仲未送生日禮物比蔡蔡, 而佢又想送禮物比我, 於是我哋今日決定去mk睇下有冇我哋至愛的星星手錬, 或者較型的首飾.
同埋先前在度介紹過的[太鼓之達人DS], 唔知點解我在屋企dl game 時dl 到同呢個名一樣的遊戲, 但個玩法非常唔同, 係隻寫日文字的game, 好在今日同eva玩 msn時, 佢send左個[真正的太鼓]比我, 你真係我的救命恩人, 多謝哂(^_^), 最多我幫你睇下有冇二支太鼓專用筆賣
我哋都幾準時在老地方(旺角mtr 站銀中出口)集合, 之後就到旺角中心同花園街睇首飾, 但都毫無收穫, 唔通星星首飾真係這樣難買? 於是我哋就放棄, 轉去信和睇下有冇太鼓筆. 行左好耐中心, 都見唔到有呢二支筆, 於是問下店舖老闆, 第一間店舖老闆話冇, 第二間果老闆娘好心地同我哋講話呢二支筆跟隨遊戲送. 吓? 第一個老闆又唔一早講, 整到我哋周圍搵!!佢冇理由唔知掛?真係比佢激死!!!
最後行左潮流特區, 終於見到我都幾愛的公仔 -stitch!!!其實有個相機套都幾like, 但我哋個相機係全家一齊用, 驚佢哋唔like個機套, 於是最後買左個stitch的毛毛鎖匙扣, 好得意架(>口<)! 我想買返件衫比蔡蔡(因佢like比較實際的物件), 都最後都冇, 真可惜呢~~~
其實我都冇咩興趣去, 因我覺得睇cosplay girl, 即場打機, 買咩[步驚雲手辦模型]等等都係男仔的興趣, 我哋女仔真係唔知去黎做咩? 如果睇漫畫倒不如去信和果d店舖好過啦! 可能多數女仔妒忌心重, 見到cosplay d女仔扮美d, 穿得性感, 就係發姣; 如果唔美, 又話佢哋豬排, 倒不如(果d女仔)自己上去扮好過. 唉~!!身為女仔的我, 或多或少都會這樣想, 但我估應該都有d女仔真係美掛? 
八八掛掛睇左好多關於電玩節的cosplay, 以我眼光中, 多數女仔都麻麻地美, 即唔太美也唔太醜, 但覺得呢個女仔都算美, 所以post左在呢度, 至於隔離個男仔就....哈哈哈, 留返比你哋自己評論!!
八八掛掛睇左好多關於電玩節的cosplay, 以我眼光中, 多數女仔都麻麻地美, 即唔太美也唔太醜, 但覺得呢個女仔都算美, 所以post左在呢度, 至於隔離個男仔就....哈哈哈, 留返比你哋自己評論!!而且都係有Xbox360試玩, 自己本身對呢部機不感興趣, 覺得佢d game唔太好玩掛!不過佢有三款game市場未有售, 都會吸引d機迷玩掛?
(全部圖片都係由yahoo.com.hk提供, 如果拿左原創者的相就very sorry, or 可留comment話比我知)
唉~!!今日又要出job啦, 真係千萬個唔願意, 鬼叫自己打人工, 冇計啦! 去到果度又要對住d完全唔認識的人, 唔可以傾計, 只有自己一個坐在辦公室工作, 真係好鬼悶! 好鬼懷念同蔡蔡, eva同edwin等人傾計的日子.....
曾經有人問過我, 點解唔在果度認識d朋友呢? 其實唔係我唔想認識, 而係我哋工作上根本冇接觸, 而且佢哋比較鍾意大大聲講野, 係唔係都笑一餐, 所以令呢個好靜同較正經的我好點討厭吧? 不過最重要的係我去到果度太多工作做, 與其在lunch傾無謂野, 倒不如快d做完野返公司同朋友傾計仲好. 我曾經計過, 我一年見佢哋都只有24日, 加上我太多工作同個人比較慢熱, 所以唔熟都算正常掛! 不過都有二個人比較熟少少, 就係winnie同catrene -可能係工作上較接觸得多, 而且佢哋二個都算好人, 希望之後會成為朋友啦!
今日係我最好的朋友生日, 首先祝你生日快樂, 一年美過一年, 同埋...快d認識到男友~!!哈哈哈!!
我一如以往要加班, 就同蔡蔡msn傾計, 我哋先互相得知大家鍾意星星的物件, 於是約左呢個星期六去買同一款手錬比大家做生日禮物, 正牙~!!就當係互相買比大家(^_^), 好期待呢個星期六快d黎牙, 我哋好耐冇行過街, 順便睇下有咩衫而家興又買
今日睇蔡蔡個blog, 佢個生日蛋糕好正!!! 所以借一借你張相post在度, 希望你大人有大量, 唔好介意~~其實除左tiramisu外, 第二like的係黑森林
就算大家星期六有冇睇港姐都好, 或者從雜誌, 上網等都知今年港姐冠軍都幾"美女", 而家網上論壇都話佢似王宇詩, 又話佢都冠軍欣兒都可做港姐之類的說話, 總之有幾衰講到幾衰, 又話有黑幕等等.
冇可否認, 佢樣貌, 身材就....比較差d, 但都唔使話得佢太盡. 而且呢件已成為香港醜事, 就連鄰近國家都以呢件新聞做標題. 我毎日都有上日本yahoo的習慣, 點知就比我見到呢段新聞, 有興趣可去呢度睇:http://www.recordchina.co.jp/group/g9919.html就連日本人都知我哋不滿吧次賽果, 真係核突!!
唉~~!!香港呢次真係臭名遠播....(哭)
之前咪講過我弟個女友有左BB, 但都未知道結果...
琴日我放工返到屋企, 竟見到我弟在屋企(因佢平時同我哋分開住). 其實我哋二家屋企人於今朝在酒樓講我兄弟同女友結婚之事. 聰明的大家都應該估到佢哋會生個BB, 所以在仲"未見肚"的情況下結婚
大家都同意佢哋婚禮一切從簡, 據我所知, 當日只在酒樓擺三圍酒算, 仲有幾十張聖安娜餅咭. 其實我都唔太like呢個結婚方法, 因為我始終覺得要穿過婚紗, 影婚紗相, 婚禮大堂怖置先算係結婚. 但佢哋年紀太小同在毫無準備下結婚, 跟本整唔切呢d野, 所以咪覺得有d可惜...anyway, 我都會祝佢哋幸福, 同埋希望呢件事後, 佢哋思想會變得成熟d, 可以照顧到個BB!
今日難得唔使返工返工, 在休息一下打機, 但因為要幫姑姐做part-time, 所以朝早咪幫姑姐入數, 點知部腦無端端壞左~~!!!吓!唔係掛, 琴日都仲可一邊睇港姐, 一邊入數, 點解今日會這樣? 我已經犧牲休息時間工作, 點降個天要這樣對我....鳴......而家惟有打返機, 真係唔知開唔開心...
迎排又有書展, 我記得在中學時期勁鍾意去, 唔係因為我喜愛睇小說之類, 而係以前冇漫畫節, 去睇漫畫. 但隨自己長大, 要返工同返學, 都有多年冇去過書展.
今年都好似有幾多人去書展, 首先係我的msn一個很好的男仔朋友 -edwin話星期五去, 但佢的目的係.....同美女影相!?吓? 呢個唔係漫畫節, 會有美女影相嗎? 但都希望佢有"收穫"...
另一個係我好友蔡蔡, 佢非常鍾意一個小說家叫雲海, 仲話帶左成十本小說比佢簽名之外, 仲要寫"to candy". 哈, 又真係幾似罰雲海抄..(講笑)不過都希望佢可以得到雲海簽名同影相
至於我自己就冇去, 只係留意[哈利波特7]的結局篇小說, 其實自己真係唔鐘意睇小說, 仲要係英文. 不過最重要係個價錢, 成一百五十幾元本, 真係貴到死! 我只係想知三個主角中有邊二個死左, 同埋呢集係最後一集先至想睇
姑姐之前買左隻股票, 搵多左D錢, 咪請我哋一家今晚去pizza hut 食飯, 正牙!好耐都冇食過啦!
講真, 我平時好少行荃灣, 所以我同姑姐都唔識路, 跟住我就叫妹黎搵我哋, 經過幾番波折, 終於到左pizza hut, 但果度太多人, 要在門口等食. 就在呢個時候, 阿媽同我哋講話我弟個女友有左BB!!!??? 吓?唔係掛!我個女友只得十八歲, 我弟只有二十三, 而且我弟人工唔高同冇儲錢的習慣, 又點可養活個BB? 我聽到呢度真係呆左, 同時也為佢哋日後的生活而憂心...
返到屋企, 我弟就打電話比媽同姑姐, 佢雖然因為女友有左BB而開心, 但之後有咩打算 -佢哋會結婚嗎? 會把BB生出黎嗎? 佢哋就係討論呢D問題, 因為真係好長遠, 一定要考慮清楚. 同時我弟又怕阿爸嬲, 成日在姑姐面前問爸點反應, 而爸都唔知黎個咩反應, 也唔識嬲, 可能真係嚇呆左. 總之最後結論只有一個 -就係由佢哋二個自己決定!!
睇完蔡蔡寫個blog, 佢話個男仔講以前d情史比佢聽, 個男仔話2個月前先剛剛分手,佢而家又鍾意咗佢另一個佢一個好fd的女仔朋友, 又話佢個女朋友又鍾意其他男人. 吓!? 而家d人興一腳踏幾船咩? 可能我比較[老土], 接受唔到呢樣野, 又或者我對愛情認真, 認為要對自己的情人專一, 如果在拍拖期間鍾意另一個, 這就跟本唔係真心愛對方
加上我曾在msn同男仔講愛情觀, 了解下佢哋為什麼喜歡一腳踏二船, 發覺佢哋多數因為對個女友太多而感到悶, 想搵d刺激, 同埋而家d女仔對性那麼開放, 自動投懷送抱, 男性又渴求性慾, 自然會對女友不忠, 只要瞞得一日得一日就得, 更唔會女友感受...聽到呢度, 我個心一沈, 會想下第時個男友會唔會又係這樣?唉~~令我對愛情越來越失望, 同時令我反思, 愛情究竟係咩?
今日我姑姐一早返左公司, 佢同我講左個壞消息 : "又上唔到網!"吓!?又上唔到網? 已經係第二次啦! 我唔係那麼黑仔..鳴..結果?咪自己比哂心機去工作, 呢個情景都算少見, 就連我姑姐都讚我非常勤力!直至五點幾先至整返network??!! 但係...最好都唔好有第二次,唔係真係會悶死左!!!
除左安踏外, 之前申請左另一隻新股 -復星, 由於毎人有一手, 所以又有多一隻股. 但聽其他人講, 呢隻唔好長期hold住, 於是咪今日上市即賣
我同姑姐提早左食飯, 目的當然係盡快賣出呢隻股去earn多d, 點知一去到銀行就勁多人排隊~~睇黎仲有好多人放走呢隻, 我哋足足排左差唔多一個鐘先至排到, 首先係我放股, 隻股原價$9.2, 我以$10.72賣出, 而我姑姐只係遲我少少, 就只有$10.7.吓~~!!? 只係欠1-2分鐘, 就已經差太遠? 最後老闆都想賣, 可惜上午要見客, 當佢返黎時只係$10.5!!??所以話股市難料, 同埋呢個係搶食世界係正確!!
由於今日成三十幾度, 太過熱啦~!!原定同蔡蔡去街, 但佢話要追劇, 所以冇同我去, so 我咪在屋企玩返d死人舊game
跟住就無聊用之前去莎莎買的脫毛膏, 塗左在我二隻手上試下. 用果支野前先用暖水洗濕要脫毛部分, 之後塗上脫毛膏再等5-15分鐘, 然後用暖水再洗乾淨.
哇~!!又真係幾有用, d手毛完全冇哂, 正牙~~!!睇黎以後都唔駛再因為手腳毛而煩(^_^)
琴日我聽姑姐講, 星期五中天會轉ID, 這咪冇玩msn同上網, 點知放工後, 竟然仲上到網!? 我都驚嚇左一陣, 但琴日姑姐話行街, 所以msn咪冇online. 琴日最後去左花園街 -其中有一間店舖賣d衫超正, 但幾乎所有衫都係黑色, 而家興[monotune](即黑,白, 灰), 整到我都有d心郁想買....但我太怕熱, 都係考慮下先, 至於姑姐買左件長褲
點知今日返工, 竟然冇得上網~~!???唔係掛, 我一定會悶死, 最後做累了就訓左半個鐘教. 跟住去食左大家樂下午茶雞比
之後姑姐話琴日買條褲個size穿唔到, 咪去返果間換, 最後我都買左條黑色工人裙, 唉~!!熱死先至算.....
首先要恭喜我姑姐讀果個curtain的會計二科都合格先, 呢餐我實走唔"luck", 一定會請你食..
今日下午5:00後, 因為中天要為我哋公司轉ID, 之後會整一整個電腦網絡, 所以會在呢段時間後冇得上網同msn, 可以早d放工同休息一下, 唔使OT,萬歲~~!!但係...咪冇得同我d好友傾計? 這樣究竟好唔好??.....(汗) 所以趁而家得閒update左個blog先, 哈哈!!
其實我一早都知我公司隔離有一間美容院, 有個客帶左二隻狗仔黎, 但因為同d人唔熟, 所以冇同二隻狗玩過.
今日我姑姐去完toliet返黎後, 聽到隻狗勁大聲, 於是咪出去睇一睇, 原來在我上次入票坐lift時見到果二隻狗, 一隻叫"公主", 佢仲穿左一件紅色衫; 另一隻叫波波. 唔知係咪男仔總係活潑d, 波波成日走黎走去, 而公主就怕羞, 我想摸佢, 佢竟然走開. 玩左一輪後, 我先可以跪在地下摸公主, 佢就跳到我身上, 仲聞我身上果陣臭汗味..!?真係有d驚, 但好開心
之後佢哋二隻狗入去我哋公司探險, 其實在我哋公司周圍走, 最後二隻狗仔玩到主人叫佢都唔捨得走. 最後二隻狗仔玩厭左先至走~~呢日真係正, 可以見到二隻可愛狗仔, 但之後就要工作!!唉~~
唉~~!我連核數都未做好, 做左三日都唔知有冇四分之一, 真慘. 之後仲有大把公司要我入數, 今次真係死得. 連休息打機的時間都冇, 真係生不如死~
仲有剛聽到電台話今日極曬, 話去沙灘的話要附帶太陽眼鏡等, 總之做足預防措施, 同埋盡量避免出外!? 吓, 死啦! 我同蔡蔡仲想呢個月尾想去沙灘tim, 我唔想我哋個計劃又取消!! 而家惟有希望第時唔太曬
不過有樣野仲抵死, 琴日六合彩, 我原本買開果條飛中左四個字, 但係...果期我冇買到, 真係想死, 這樣冇左$300, 不過有隻安踏, 這損失都不太慘重...
唉~~!!點解公司好多野做? 個死人客d資料仲要唔齊, 而且又印錯ledger, 人哋多數全年印, 佢就逐個月印, 想睇死人咩~!!仲要冇voucher(即係張紙話比我哋知點入數)同supporting, 痴線架!? 想做死人咩, 叫老闆加佢核數費先得
唔好講d大家唔明的野, 我仲要去三間bank, 同埋7-11交電話費, 仲要而家好鬼熱, 真係想死~!!去完入數又要做核數, 周而復始. 返去又要幫我姑姐做part-time 入數, 真係想死!!我真係好憎核數同入數, 即係成個會計都憎, 我要快d轉工牙!
p.s. 我抽中左隻安踏體育用品本來連扣手績費都有$2200, 點知最後只得$1800到, 不過一日有千幾都算, 見好就收...嗚....
返工已習慣msn, 本來以為冇事, 點知今朝一早我姑姐就同我講, 叫我再見到我玩msn會出警告信~~!!?? 唔係掛!?這樣同坐牢有咩分別?我最後只好哭喪著臉去做....嗚.....
在放工先至可msn, d朋友都差唔多走哂啦!!最多只有蔡蔡同eva.仲on黎做咩? 就算係傾都傾得唔耐啦! 返去又要幫姑姐做數, 其實真係好痛苦~!!不過冇得話唔制, 惟有毎日望放工.
各位朋友, sorry牙~!!同唔到你哋msn, 你哋唔怕等小女子可以在6:00後同我msn, 又或者send offline message 比我牙, 我一定會覆你哋!!
我爸媽好喜歡返大陸碧珪園間屋, 同埋我爺所起的三層大屋, 所以在星期六又返左上去, 星期日就會返黎香港, 我哋二姐妹就可以霸住間屋~!!哈, 唔好比爸媽聽到!! 不過佢哋毎次在大陸落黎時, 都會買雙皮奶, 而且仲毎人二碗, 真係正到飛起~~!!
而家天氣日日都熱, 最好都係留在屋企算, 而我當然係玩返應援2, 一直令我最苦惱的最後一首歌, 玩左一個星期都玩唔到, 但今日真係唔知痴咩線, 竟然比我玩到!!勁開心~~~!! "激烈的應援"爆左機後, 就可拿到應援2最高難度 -"華麗的應援"!!!!
一開始玩時, 見到d女仔同畫面勁美牙!!不過就玩得好變態 :d指令雖然少左, 但比之前三個難度仲細粒同快左好多, 只要有一個X已經玩唔到(>口<), 所以坐村巴的話一定玩唔到! 我想影哂所有片段出黎, 但太過難影, 最後只影左一張....鳴.....
今日放工後, 以前在HKU space 的朋友仔約左我同姑姐去旺中隔離neway唱k, 我哋先去地鐵D出口搵amy, 因為佢住在香港島, 好少去九龍, 然後先等埋jovy, mandy, eva同coco後, 我哋先去neway搵位先.
由於我哋食K buffet, 但有d朋友仔仲未黎, 所以先要計返人頭搵位, 同埋有一個人生日, 可免人頭, 正牙~!! 但係...間房太細了, 而且距離自助餐果度太遠, 不過總比要等的好! 我哋放底袋後便去拿食物. 點知出面成個擔食世界, d食物勁快冇哂, 以下呢d係我哋辛苦搶返黎食物~~~
有好多peach牙~~!!仲有tiramisu, 本來我勁like食, 但唔知點解會食到有檸檬味?死啦!? 唔通我味覺有問題~~!!???
其中最正的dessert莫過於係心太軟, 食到中間有chocolate 漏出黎, 簡直一流, 同時呢個也係等得最耐, 等左10分鐘到, 仲要毎次只有6-7粒, 毎人限拿2粒, 都比我, 我姑姐同個fd拿哂
最後一個係梳乎哩, 不過呢個就麻麻, 但都算好食~~
食完野後, eva同kit終於黎到, 總算所有朋友都黎哂, 我哋都開始唱k, 佢哋全部點哂d高音歌, 真係唱到想死~coco仲點左好多新歌, 好似[迫得太近]...好在平時在電台聽得多...但自己都唔係太like中文歌, so 有好多新歌唔認識唱(>口<)
跟住neway d人就拿蛋糕入黎, 在呢度先講句kit, 生日快樂先~~!!可能係一分錢一分貨, 個蛋糕的賣相同味道就....食完蛋糕後再飲香濱, 枝野又幾好飲~!!唱完k後各自回家....
今日放左工後, 蔡蔡突然用msn同我講 :我生日果日去長洲玩好唔好?
我自問d朋友好少同我慶祝生日, 對上一次應該係一年之前在中環返工, 果日係星期六, 老闆多數唔會在公司, 本來如常工作, 點知d同事(都可以話係朋友, 共有6人)突然熄燈, 唱住生日歌, 拿住個點左燭光的生日tiramisu走到我個位度, 果一刻真係勁開心同難忘, 可惜在果度只工作左一年, 之後來左旺角做, 便再冇慶祝.
但佢哋有個幾好習慣, 就係先問毎個同事的生日日期, 然後寫在個告示版度, 那就一定記得人生日啦~~!!大家公司都可以學下! 不過呢個方法多數係細公司用..
仲有一樣野令我好驚訝, 原來個老闆認識設計!!??之前我同我老闆講話會讀graphic design, 當中包括廣告創作, 但我只話比佢聽只讀廣告設計, 佢都有d鼓勵我, 跟住教我要睇設計品的用途同意念, 就算抄襲別人作品都要知人哋設計背後的想法, 同埋從細微觀察毎一件物品的創作原因同用途, 佢仲講左個例子 : 為什麼毎張枱子(食飯枱同工作枱)個高度係30吋? 我就唔講答案住, 比你哋估下, 不過好易估. 不過最後令我驚訝的係個老闆係設計公司樓下個回收桶~~~!!???吓!呢一刻先知佢原來有做設計, 好勁牙~~!!佢仲話之後可同佢傾設計的事? 總之一講設計就好開心, 多謝老闆教我好多野, 多謝~!!
今日我個好友Edwin佢唔開心, 於是咪用msn問佢咩原因, 點知佢不但冇答我, 而且仲off埋line. 成日口口聲聲話係好朋友, 但連唔開心的原因都唔話我知, 那麼我哋仲算係朋友嗎? 我明白男仔係要面子, 但唔開心都可話比人知, 比人同你分擔下都好. 加上之前三個月女友件事, 佢到底當我係咩? 係性伴侶, 情人, 定好朋友? 我個腦越來越亂, 唔想再去想, 話唔埋遠離男仔仲好~
仲有平時至好的其中好友 -蔡蔡同eva都唔可以同我傾計, 蔡蔡就去見工, eva就忙碌....總之而家又悶又慘, 不過都希望蔡蔡見得成工
三日假期終於完結, 因為我媽d同鄉突然來香港, 同在我哋屋企住左二日, 我唔可以安安靜靜過假期! 而且因為連日落雨及冇錢的關係, 我冇得去街, 害到我白白浪費左呢幾日....鳴.....
由於公司太多工作, 都冇咩時間在msn同人傾計, 雖然再冇比男仔煩住哂, 呢樣係好, 但冇得同我d好朋友傾計, 最多只靠佢哋個blog知佢哋近況, 這樣就唔好啦! 希望大家快d做哂手頭上工作, 再一同傾計~~
唔知係咪星期日晚落大雨, 今朝可見到彩虹. 其實我媽, 爸一早已睇到, 於是便叫醒我去睇, 之後我講左一句 : 有冇影底佢? 可能係條彩虹太美了, 佢哋而家先想起影相. 不過真係好少見到彩虹, 估唔到真係好美~~
可惜我訓到成隻死豬, 唔可以由頭到尾睇哂成條彩虹, 不過可以近距離見到已經好開心! 好在我媽有叫醒我睇. 阿媽, thank you (^_^)
琴日我妹去沖涼時, 叫我幫佢玩住一隻新的online game, 但唔記得左叫咩名, 但d公仔好得意. 除左打架升level外, 仲要喂隻種子食野升level. 而家先post左d相比大家睇睇~~
仲係個新手醫師, 比心機升level 牙~~!!
仲係個新手醫師, 比心機升level 牙~~!!
可憐到要做乞丐, 拿住張韓文報紙周圍訓!? 其實只係休息回HP同MP, 不過小心比D怪打啊~~!!
粒種子係毎一個job都裝得, 不過要成日喂佢, 而呢粒種子都幾串下, 有時要睇下佢想食d咩~~!!越食得多野就會升level同發芽!
呢隻game真係好得意, 可惜我平時要返工, 唔可以玩...鳴...我都想玩牙~!仲要同布甸做對情侶. 至於做咩job? 都係有得玩先至算...