其實我屋企已經有月餅架啦, 只係今日提早左半個鐘放工, 所以自己無聊周圍行下, 點知見到無論聖安娜又好, 美心又好, 全部月餅都做緊特價, 而且仲好鬼抵, 三十元竟然有三個冰皮月餅!? 簡直平得離譜..於是我就買左兩個意大利咖啡芝士及一個奶皇~個袋仔都幾得意喎~

哈哈~三隻冰皮月餅加個袋仔, 一個人食哂三個都幾係野....

我至like既意大利咖啡芝士~可能其他人會覺得苦苦地, 但我覺得苦都幾好味, 勝左唔太sweet...有d似自己既人生呢, 哈哈~

滑滑奶皇!? 其實都唔係好滑...味道就麻麻啦, 不過我屋企人都話呢個好食d~

我地夜晚已經食月餅啦, 都仲未到中秋...不過唔緊要啦, 雪櫃仲有大把冰皮月餅等住我地, 真係食到我地完全O o西咀=.="