終於到08年最後一日啦, 也係大除夕, 大家顯然都冇咩心機工作, 只係一直等放工. 都到左三點, 老闆娘都仲未叫走既!? 睇黎今日都係冇咩希望早走, 都係繼續工作吧!! 真係好想快d返屋企啊~

直至四點, mooji係食飯時間前同老闆娘買個成三千幾元既手提, 我都好想出雙糧, 好想買其他野~只怪自己之前唔爭氣! 不過原來candy係上年剛入職時同我一樣, 都係按比例去出雙糧, 睇黎我真係不用灰心, 但都要努力. 講返正題先, 點解會講到mooji買電話呢? 因為佢四點要去拿返個手提, 老闆娘也係呢段時間放工, 我哋三人仍然呆呆係公司, 直至到mooji拿個電話上黎, 都已經成四點幾, 佢先同我哋講話老闆娘比我哋五點半放工!? 吓!? 咪即係只提早半個鐘頭走.....真係有d掃興呢....

老闆娘之前買既吸塵機會係今日送到公司, 結果成五點半都未送黎, 我哋要一直等, 直到五點五十分先送到黎!最後我哋只可以提早兩個字走人, 真係可憐呢....

夜晚十二點前係fb同哂所有好友講新年快樂, 估唔到要同好多人講, 包括所有同學仔, 好友, fb度認識既朋友及係英國居住既親人, 成三十人到, 本來想寫埋老闆娘及同事落去, 最後都係覺得唔好呢. 大家都係早d訓, 迎接呢日既黎臨吧!