而家大熱天時, 相信好多女仔都有好多短褲同短裙, 又係佢地出動的時候~特別係我呢個怕熱同穿長褲的人, 呢個係必需. 但今日有同事竟然同我講[你大脾幾幾粗下], 雖然我知佢率直, 但也傷害到我牙! 比佢講完之後, 我到toliet照下鏡, 望下自己, 發覺自己隻手臂, 大脾全部都好粗. 梗係啦, 老闆娘佢地比幾多野我食, 成日食剩果d送比哂我食, 而且之前果排晚晚返學, 成日都好夜先食飯, 唔肥都唔得啦! 整到我而家係辦公室唔敢食得多, 又想周圍行下, 可惜我係公司太多野做, 根本冇時間去行下.....惟有係食物方面入手....

放左工之後, 自己一個走去行下減下壓, 冇打算要買d咩, 只係周圍行下, 睇下靚衫就得! 途中見到有間店舖, 條牛仔褲都幾靚下, 問下有冇我size, 我都要穿中碼低腰, 褲頭成28吋!? 唔係掛! 簡直係打擊! 低腰褲比自己條腰只係少兩吋先講....

個褲腳可以伸長縮短, 而且仲係格仔黎~

返到屋企, 我試下條褲, 條褲真係好細, 鬼叫冇哂8號碼(褲頭), 得條7號咩! 我雖然都可穿到, 但竟然差點....不能拉拉錬=_="好在試的時候都只係食完飯之後, 唔係一定傷心死....之後我都可以勉強拉到, 算係不幸中之大幸! 自己果然肥左, 睇黎keep fit計畫要聽日開始!