自從琴日收到curtin收我之後, 其實都唔知應唔應該開心. 開心既係終於搵到入大學既路, 相信只要努力讀書, 可以順利畢業再加上經驗的話, 自己可以做到一直夢想既女強人之路, 當然最好就有埋美貌及品味啦, 哈哈~話唔埋會搵到個有錢靚仔既老公~~最重要既係有自己事業, 有愛情就最好, 即使冇愛情都唔太緊要既, 自己可以自由去旅行, 周圍去下不知幾好, 希望會有呢日啦^^

有d唔開心既係有人話女仔做得專業會計師(CPA)既話, 多數都係老姑婆, 其實自己都唔想咁架, 與其比人話老姑婆, 不如周圍去旅行仲好, 費時比人話得多, 自己又冇隱=.="

讀finance既話, 個前途及人工方面會高好多, 但一諗起投資組合就....真係都唔太想讀; 如果自己情願平淡生活, 又唔想太辛苦既話, 其實讀techno已經得啦, 同樣都係double major, 起碼比finance易讀先~但係以我既材料, 我讀finance一定會死硬><

記得我讀hi dip時讀十三科, 只有一科肥左, 就係果科fm, 也即係finance既科目, 所以到而家我都好驚呢科, 而且毎科curtin定左只可衰兩次, 衰第三次會冇得讀呢, 所以仍然都係好驚. 但又唔想太平淡, 驚自己第時老左未結婚, 冇人依靠, 又冇錢既話會慘上加慘, 可能係呢個唔安定既心令我想搵更多錢, 令到自己有保障吧!?自己始終係個缺乏安全感既人黎呢......下星期就要決定好, 都仲未知道讀邊個major, 真係頭痛呢~