今日一早返到公司竟然冇人既!?? 平時我返公司, 阿head或老闆都會係度, 再唔係同事阿ben都會返到, 但而家竟然冇人既><


呢間就係我公司啦, 由於果陣我仲食緊早餐, 手震震影左間公司!! 竟然冇人開閘!?

開閘本身係件簡單既事, 但對我地公司黎講係件勁麻煩!! 除左基本開閘外, 仲要解除密碼, 如果冇解除既話, 個警鐘就會響!! 之後保安公司就會打電話黎叫你解除個密碼. 我第一次咁早返, 鬼識咩!!! 整左我五分鐘之後先識, 終於解除左密碼, 而且保安公司仲打多次電話, 仲比佢地問我咩名, 同埋自己改既口頭密碼, 所以咪話超麻煩!!

好在我入左公司, 唔係等老闆返, 實會遲到啦!! 比佢誤會就唔好啦, 再加上佢一定會問我做咩唔試下開, 費時麻煩啦~


放左工之後, 我既衰運都仲未完, 咁多人排隊等村巴. 當我上車時, 前面果個女人上左車之後到我上, 點知已經滿左, 點解唔上埋我啊><