今日真係邊度都唔使去囉><我媽媽一早叫我幫手打掃....我先望下個屋企, 原來真係咁鬼亂, 惟有先從我間房執起吧~

原來我真係買左好多衫, 真係成個衣櫃都裝唔哂, 我都扔左好多衫, 果然係浪費, 下次都係唔好買太多衫囉. 由於我間房太多傢私, 光係抺都用左成個鐘時間先抺完, 尤其係木門縫既塵, 呢樣先最難抺. 當然要執好我d漫畫, 除左我床前個漫畫櫃外, 仲有衣櫃下面兩個櫃都係擺漫畫, 對住我床前既係我成日睇既漫畫~

全部執好哂之後就要清潔洗手間, 我屋企有兩個洗手間, 全部都要抺哂, 真係抺個半死....首先分好清潔類別: 分別係浴缸及洗手盆, 玻璃鏡(佔全個洗手間既一半), 同埋窗, 因呢三樣野用唔同清潔劑清潔. 抺左兩個洗手間, 我既餓又累, 於是我走到自己房間打機及等食飯, 其實都唔算係食飯既, 只係食左少少野, 食完後又要再清潔鞋櫃及客廳櫃, 六點幾打邊爐, 我既清潔生涯就完囉><

食完飯之後, 蕃薯先打電話問我做咩野, 原來佢同阿聯係黃金買game, 又問我食左飯未, 你太遲約我囉~下次早d約我啦^^