姑姐之前買左隻股票, 搵多左D錢, 咪請我哋一家今晚去pizza hut 食飯, 正牙!好耐都冇食過啦!

講真, 我平時好少行荃灣, 所以我同姑姐都唔識路, 跟住我就叫妹黎搵我哋, 經過幾番波折, 終於到左pizza hut, 但果度太多人, 要在門口等食. 就在呢個時候, 阿媽同我哋講話我弟個女友有左BB!!!??? 吓?唔係掛!我個女友只得十八歲, 我弟只有二十三, 而且我弟人工唔高同冇儲錢的習慣, 又點可養活個BB? 我聽到呢度真係呆左, 同時也為佢哋日後的生活而憂心...

返到屋企, 我弟就打電話比媽同姑姐, 佢雖然因為女友有左BB而開心, 但之後有咩打算 -佢哋會結婚嗎? 會把BB生出黎嗎? 佢哋就係討論呢D問題, 因為真係好長遠, 一定要考慮清楚. 同時我弟又怕阿爸嬲, 成日在姑姐面前問爸點反應, 而爸都唔知黎個咩反應, 也唔識嬲, 可能真係嚇呆左. 總之最後結論只有一個 -就係由佢哋二個自己決定!!