今日放左工後, 蔡蔡突然用msn同我講 :我生日果日去長洲玩好唔好?

我自問d朋友好少同我慶祝生日, 對上一次應該係一年之前在中環返工, 果日係星期六, 老闆多數唔會在公司, 本來如常工作, 點知d同事(都可以話係朋友, 共有6人)突然熄燈, 唱住生日歌, 拿住個點左燭光的生日tiramisu走到我個位度, 果一刻真係勁開心同難忘, 可惜在果度只工作左一年, 之後來左旺角做, 便再冇慶祝.

但佢哋有個幾好習慣, 就係先問毎個同事的生日日期, 然後寫在個告示版度, 那就一定記得人生日啦~~!!大家公司都可以學下! 不過呢個方法多數係細公司用..

仲有一樣野令我好驚訝, 原來個老闆認識設計!!??之前我同我老闆講話會讀graphic design, 當中包括廣告創作, 但我只話比佢聽只讀廣告設計, 佢都有d鼓勵我, 跟住教我要睇設計品的用途同意念, 就算抄襲別人作品都要知人哋設計背後的想法, 同埋從細微觀察毎一件物品的創作原因同用途, 佢仲講左個例子 : 為什麼毎張枱子(食飯枱同工作枱)個高度係30吋? 我就唔講答案住, 比你哋估下, 不過好易估. 不過最後令我驚訝的係個老闆係設計公司樓下個回收桶~~~!!???吓!呢一刻先知佢原來有做設計, 好勁牙~~!!佢仲話之後可同佢傾設計的事? 總之一講設計就好開心, 多謝老闆教我好多野, 多謝~!!