今日落大雨, 冇得去街, 加上大陸又有四個唔係太熟的親戚黎我屋企, 同我爸媽傾計, 必定會嘈到飛起, 所以我決定在公司休息返陣先至返屋企
我姑姐同我一樣, 又在公司入面, 我哋二個打算到大家樂食雞比, 但係太過大雨, 都係勁狼狽先買到返公司. 正當我一邊歎雞比, 一邊上網時, 竟有一個男仔突然比佢個blog我? 吓!? 咩事牙, 我都唔認識佢, 做咩突然比個blog我? 於是咪睇下啦!發覺佢原來之前係食煙, 不過而家開始戒, 仲戒左五日.見佢有心戒煙, 咪同佢傾幾句, 後來竟發覺佢又係cmt的同學仔!!!!!!而且仲大我一年!?
個男仔叫阿jack, 係我二個朋友仔winki同emily把我msn話比佢知. 唉~!!呢個故事教訓我唔好胡亂講個msn比人知
welcome to my world...
My beautiful life
My model life since Nov 09~
My sweet life w/ bf joejoe since Dec 09^^
My model life since Nov 09~
My sweet life w/ bf joejoe since Dec 09^^
今日在lunch無聊就睇下VIVI同上網睇時裝資訊, 首先上網睇左先, 見到有一個網站幾正, 寫呢個網業的人用日曆把唔同的衫show出黎,仲在日本都幾潮下果隻, 有d我而家仲穿緊, 有興趣可到呢個網址睇睇 : http://www.fashionj.com/trend/2007/june.html
而我聽日係穿6月29日果一套, 正牙~~!!不過只有星期六先可以這樣穿...鳴..... 本來想tee & 人字拖講再見的說....
星期二先post左vivi入面d衫的衫在呢度...
同場加映的有msn其中一個男仔, 佢其實有gf, 但唔知係咪身痕, 竟然叫我做住佢三個月的msn 女友!?哇~~!!我第一句當然話[你唔係當我貨物嗎? 有試用期的?]我覺得愛情唔係交易, 唔應該係這樣! 佢根本唔尊重愛情. 加上我根本唔鐘意佢, 而且係相同見面的機會都冇,又點會應允佢? 跟住我見佢係我好友, 咪叫佢唔好制, 這樣形同玩火, 加上呢個後果可以好壞, 我唔想比佢女友kill 左我.
其實我都以為佢講笑, 因為我哋不嬲都講笑, 點知佢話唔係玩. 唔知係咪因為我同simon傾計, 話大家又冇拖友而開心, 跟住佢話同simon之後會忘記同唔理佢牙, 又話個男仔會代替佢 (好朋友果隻), 所以先至這樣講, 真係越來越唔明佢哋..?
唉~~!!點解d男仔鍾意一腳踏二船, 仲叫我唔好話比其他人知, 呢個係咩世界?我真係唔想因為一時刺激而傷害左佢同個gf
今日好鬼死忙, 點知又有一個男仔在msn度add左我, 佢叫simon, 31歲, 在車房度工作, 佢有二樣野同我幾似...第一係佢冇gf, 同我一樣冇bf, 真係同病相憐...可惜我唔會因為如此會吼佢! 第二樣野似應該係居住地方, 佢住荃灣, 我住深井, 又幾鬼近...唔知之前有冇同佢見過面?
至於佢就勁有錢, 有車, 有樓(自己一個住村屋, 仲要成800呎!!!)我同自己屋企人住先至有呢個居住area~~!!難道而家d人真係好有錢? 不過有樣野真係好怪 -就係做車房真的可以那麼有錢嗎?
呢樣唔算恐怖, 最恐怖係佢竟估中我d性格(如外柔內剛, 好易比人影響, 單純...)好似查過我, 都咪話唔驚!? 我真係唔信男仔直覺那麼準! 不過我而家知道一樣野係....我又被麻煩男仔煩住啦!真係死左佢算吧啦!
大約在3:00幾到, 我如常去toliet, 點知見到有個奇怪女子在我哋公司行黎行去. 我走出去時, 佢就即刻去返toliet. 我見到佢手拿住個廁紙筒, 只知係美容院果邊d人,但係客人定美容院的人就唔知.
照計我又唔未見過佢, 又唔認識佢, 應該冇咩仇怨? 佢係我朋友咩?但又冇印象認識佢. 佢做咩會在我哋公司行來行去? 唔通只係單純對我哋會計師樓有興趣? 但佢做咩又偷偷摸摸? 但我同佢去toliet又冇咩野!呢一連串的問題, 搵adam鄭傾下先至得!
琴日同大家講過咪有一篇文我唔識解, 經過我二位美女朋友查過後, 終於知道點解, 在呢個blog度多謝二位先. 另外eva同其他fd都想知原文係點, 我而家先post左出黎先 :
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.
veron 証明左呢d係葡文黎, 仲可以全部翻譯哂, 估唔到除左平時翻譯中英文外, 連葡文都難唔到你, 不愧係才女! 仲有蔡蔡直頭幫我全篇翻譯哂, 多謝你哋牙~!!你哋真係抵錫~!! 以下係呢篇文的翻譯 :
[喂, 我喺google嗰度揾倒你既blog, 幾得意吖, 我都幾鐘意嗰post.好耐以前喺我個blog度都擺過,係關於一d好個性化既T-shirt,重係一步一步咁慢慢show出嚟,就好似要創造一件好吸引好個性化既T-shirt咁添.遲d再傾.]
我都想同佢傾, 但.....我唔認識葡文, 點同佢講? 不過我有個疑問, 佢又點知個post有趣? 除非佢認識中文. 如果佢認識中文又唔用中文打, 係咪想引我注意佢? 唉!呢d就由大家想像下....
今日一早返公司睇返自己個blog, 睇下有咩人會留言比我, 除左我d好友留言比我外,仲見到一個我從不認識的人的名字, 佢叫做Rodrigo. 哇~~!一見到佢個名都唔知係邊個, 仲要唔知打d留言, 好恐怖牙~~!!不過因為私人, 就唔在呢度打果篇野. if 你哋有興趣知,可去我在6月22日果篇文章個comment度睇, 可以幫我翻譯埋仲好.
其實呢一件事都令我驚訝外, 也令我開心, 因為有其他我唔認識的人會睇我個blog, 其實我一d都唔介意有其他人睇我個blog. If 唔認識我的人可能因為"生外"而唔留言, 唔緊要架, 你哋可以照留言(如你哋有興趣), 我一定會覆你哋,話唔埋會從留言中傾下傾下會做到fd.不過你哋來睇我個blog我都已經好開心, 多謝你哋. 同埋一直睇我個blog同在身邊支持我的好朋友~~!!總之多謝大家支持小女子~~!!
自從應援2出左後, 我就不停地玩, 即使玩唔到都好開心, 可能係咩都唔使想, 只係點擊掛, 好鬼輕鬆~~!!唔同一般的角色扮演(RPG)這樣, 又要用時間升level, 又要搵隱藏物品同人, 真係覺得有d煩, 尤其係玩完獅子戰爭後更加覺係. 死啦! 我睇黎已唔再係[RPG 小女王] (自稱) -因為我以前玩rpg 的game 多, 同埋必會玩完美save(即係全部隱藏人同物品全部拿哂).希望再出多D類似應援呢類的game就好..又可聽歌又好玩~~!!
今日又要返工, 由於平時我最早返到公司的關係, 多數由我洗杯, 點知個同事都早返, 佢咪去洗杯啦! 點知佢竟打破左我個杯蓋~~!(我仲用左大半年), 我洗杯都冇破,而佢平時都好少洗杯, 點知佢一洗杯就....嗚.....仲要一句對唔住都冇, 激死我啦~!
之後再睇佢衣著打扮, 哇!!簡直嚇死人, 四十幾歲人竟學妹妹仔穿tee同牛仔短褲, 條褲仲要穿左三日!? 好恐怖牙, 今日在MTR先見到有二十幾歲的女仔又係這樣穿, 佢仲要個樣唔係baby face!!一睇都知道扮後生. 我對眼在"受罪".天啊!我真係想早d放工.
本來就黎放工時, 好耐都冇見的IPB突然在msn上網, 咪同佢傾幾句, 仲用web-cam 見到佢個樣同佢隻i-dog. 隻i-dog就可愛啦, 但佢個樣就...總之係普通男仔一個啦! 而且同蔡蔡傾計, 之後蔡蔡放工後我都走了.
琴日都叫得閒少少, 在放工後同d朋友傾下計同睇下佢哋個blog, 先知蔡蔡間公司有個肥男仔同事平時都不太忙, 但又唔接電話, 同埋所有case都差唔多比蔡蔡做哂, 令到蔡蔡好唔開心同想離開呢間公司. 後來先知道個肥仔要返學, 喂!返學唔係大哂架, 我以前都要返啦, 唔通我又唔工作咩!? 如果有機會見到個肥仔, 我一定會這樣話佢, 仲有我最後咪又可半工讀完成學業同工作.
至於eva都好慘, 佢成日比個同佢差唔多大的同事點去工作, 好似話去影product相, 仲影左三日不特止, 又被個同事彈三彈四.
聽到呢度, 都覺得佢哋二個好慘, 鬼叫我哋年紀同post細咩!?惟有不停去讀書同拿工作經驗去脫離呢種比人點的生活~~!!我哋未來一定可以架, 大家加油!
仲有唔知veron會choose 邊份工?同埋佢最近好嗎? 因為唔知點解去唔到xanga個網頁, 好慘牙~~~!!
做完工作後都非常累, 咪聽下我至愛的日文歌, 首先聽左YUI隻[understand]同Greeen[愛唄], 真係麻麻. 但都係[應援2]d歌好聽d,正牙~~!全部19首係哂度,(除左一首), 大家可以聽下先同鐘意啦!
01.全力少年 - スキマスイッチ http://www.tg777.com/levelup/user/fangcun/music/yyt/01.mp3
02.リルラ リルハ - 木村カエラ http://www.tg777.com/levelup/user/fangcun/music/yyt/11.mp3
03.贈る言葉 - FLOW
http://mtv3.53kd.com/mp3/jp/zuhe/FLOW/KSCL-1082/FLOW13.mp3
04.POP STAR - 平井堅 http://www.tg777.com/levelup/user/fangcun/music/yyt/10.mp3
05.Go my way - 矢井田瞳http://cnc.ting98.com/S/2006122919528/9218997.wma
06.VISTA - GOING UNDER GROUND
http://@@@@/7537525432618943
07.ジュリアに傷心 - チェッカーズ http://www.tg777.com/levelup/user/fangcun/music/yyt/05.mp3
08.少年ハート - HOME MADE 家族 http://www.tg777.com/levelup/user/fangcun/music/yyt/06.mp3
09.気分上々↑↑ - mihimaru GT http://www.tg777.com/levelup/user/fangcun/music/yyt/03.mp3
10.バンビーナ - 布袋寅泰 http://www.tg777.com/levelup/user/fangcun/music/yyt/08.mp3
11.BANG! BANG! バカンス! - SMAP http://www.tg777.com/levelup/user/fangcun/music/yyt/09.mp3
12.Believe - AI http://homepage.ntu.edu.tw/~b92b02016/funny/music/01.Believe.mp3
13.ミュージック・アワー - ポルノグラフィティhttp://@@@@/9139129103413310
14.COUNTDOWN - HYDE
http://www.kekkai.org/ng/nikon/countdown.mp3
16.世界はそれを愛と呼ぶんだぜ - サンボマスター http://www.howkind.com/music/den%20...%20ld_calling_love.mp3
17.MONKEY MAGIC - ゴダイゴ (hidden track) http://@@@@/cn/pickupok.do
18.GLAMOROUS SKY - 中島美嘉 (hidden track) http://219.136.248.230/Music2/mp3/125011218c.mp3
19.サムライブルー - ZZ (hidden track) (http://down.manyoteam.com/down/17.mp3
仲有一首[族]搵唔到, sorry~~!!
今日係阿麻死忌, 我同姑姐一早去拜佢, 我姑姐仲打包左d點心去比阿麻同我, 真係細心. 可惜我一返到公司狂做野, 要邊做邊食...嗚...
其實我姑姐今日要考個account的試, 所以請左假. 而我因為ive上次報名拿漏成績表正本及欠相, 今日要再去一次青衣分校, 加上佢今日係報名deadline, 所以今日一定要去. 除此之外, 我又唔想自己一個對住個衰同事, 於是就請左二個鐘頭假去
當我去到青衣ive時, 已聽到有警鐘聲, 但當時不以為意, 上去報名處報名. 點知到我報名時, 個男員工話一定要走火警, 暫時未辦我的報名. 當時不知所措, 心想 :(死啦! 我要走去邊度?) 之後有一個女員工叫我跟住其他人走, 最後走到一個空地, 加上琴日勁熱, 我即刻在個袋度拿把遮出黎, 費鬼事哂黑. 擾攘左一陣後, 先從其他人口中知係警鐘誤鳴! 真係激死我~~!!害到我要同人一同走!!不過算啦! 最後個男員工核對完資料後, 終於完成報名手續, 我可以返屋企了, 好感動(>_<)
今日雖然多一日假係好, 但係成日做D咩呢? 之唔係又係打機或者訓教....不過今日多左一樣野, 就係幫姑姐入數(即係我姑姐在外邊接左D細公司做accounting)同埋食糉啦~~!!
之後睇下龍舟, 電視仲話有d公司更總動員去玩龍舟tim, 於是突然想起 :如果係我哋果三個老闆一定唔制, 又要出錢出力, 加上d同事都未必去, 就算係去, 公司男少女多, 都唔知可唔可以"餐"得郁隻船, 第時一定比人笑死. 算啦!又在度發埋d白日夢, 不如在屋企打機好過啦~~!!
今日又係好忙, 在lunch同下edwin傾計, 唔知點解無端端講開我哋的友情, 佢仲話唔排除第時有咩變化. 吓!? 我哋咪好朋友, 會有咩變化? 唔通做情人咩? 佢都有女友啦! 於是咪答佢係咪變兄妹, 佢最後都話呢個建議都幾好, 仲話暫時做我阿哥. 這麼我咪有個哥哥? 好野, 我恨左好耐~~!!好開心~~!!!
突然間想起, 哈, 用呢招兄妹都唔錯, 起碼可杜絕d衰男仔的歪念, 但又可同佢做朋友, 呢招正牙!
琴日話說因為人少而取消沙灘之旅, 呢頭就有月事, 仲痛到飛起...真係好彩冇得去, 但冇得去又有d唔開心, 唉~!!惟有8月再定時間去...
我弟今日慶祝父親節, 所以返黎屋企, 本來心想佢返黎同我玩應援2的"激烈的應援"果版最後四首歌(包括ending二首), 爆左機可拿女仔啦啦隊(華麗的應援), 同埋獅子戰爭共同做任務拿裝備. 結果就...拿的裝備都ok好, 但....我弟話太耐冇玩應援2,一首都同我過唔到....嗚.....而且佢都係爆唔到機, 最後我都只可玩到一首. 我仲比有d fd 話我係咪鐘意果二個團長, 到而家都唔捨得爆機~!! 激死, 妳哋都未爆啦!仲係度話我! 哼! 果二個團長妳要啦!(都係講笑, 希望你哋唔好介意)
最多比你哋睇下二隊女子啦啦隊同你"至愛"二個團長d畫(問你哋死未!?)
最後cc(我弟女友)拿左隻ps2舊game -FF & DQ 大富翁走, 期間仲教佢點玩, 而我就拿左我弟隻PSP game 走, 哈哈! 但睇黎我仲有大把game玩, oh no~~!!
今日3:00約左蔡蔡行街, 之前我姑姐話想行街, 就同佢行左一陣, 好在而家店舖來來去去都賣tee, 吊帶背心, 短牛仔裙/褲之類先唔駛大出血...因為全部屋企都有, 只係買左二頂太陽帽, 合共$10, 真係好抵!
行左冇耐就夠鍾去搵蔡蔡, 佢一早企左在約定地點, 我勁like準時的人! 之後我哋行左旺中睇衫, 信和睇漫畫, PSP game碟...行得累了, 就上左去我公司睇u.want 的"俊男美女".哇~!!大多數果然太過"俊男" or "美女", 我相信晚飯都可能慳唔少...我只可講句: 勇氣可加!!!
睇緊呢個網站時, liz 即刻打黎, 話已到我夢中情人果度, 唉~~!佢都走左九世耐,不過佢仲記得,真有心. 可能我同liz有d溝通問題, 大家都冇通知嘉華黎食飯,不過佢最後都應允黎, 好野!! 我哋都傾左一陣去邊間日本野度食, 最近都choose左銀城果間(唔記得叫咩名), 一去度就即刻叫左食物, 而且d食物勁快來到, 只好問侍應拿幾隻碟蓋住d食物.
食過飯後, 我哋五人 -我, 蔡蔡, 酸梅, 嘉華和liz一同影貼紙相, 我哋只係想左pose和位置都要好耐, 但好開心~~!見到大家雞手鴨腳個樣都幾好笑..
影完相後, 原本在頭先食飯話聽日唔去沙灘的寶妮突然話去, 本來係好事,但eva在今朝sms話唔去, 最後因為只有三個人去沙灘而要被迫取消. 要8月才會計劃再去, 於是我睇睇日曆, 就講笑話不如我生日果日去, 大家都講笑話唔在呢日去, 仲裝作離去...鳴.....好傷心.....大家唔好走哂去啦!!!都係講下笑~~!!
睇左書名果句, 唔好以為我想認識男仔! (係普通朋友,if係情人更好...?)只係睇網上論壇話有個男仔問IVE邊度會多D美女(溝), 我見到有好多人都話行政管理同設計會有好多識打扮的女仔. 死啦! 我之後會讀果科都算係設計, 會唔會好多女仔? 我估都係時裝同珠寶設計多D掛, 唔係我個廣告設計.
不過多唔多女仔或男仔都唔緊要, 最重要係可認識到更多朋友, 毎一個人都融洽; 同埋可實現自己的夢想~~!!(咪係做個美女的graphic designer)
講開男仔, 如果有以下果隊gazette是但一個型仔, 而佢又鍾意我就好...又發白日夢....同埋我都知在hk都幾難搵...
今日又要出job啦!知唔係又要去葵興, 我在lunch時原本熄左燈, 伏在枱上訓教(我在果度自己一個人一間房工作), 點知個老闆個阿爸, 即係大老闆返左黎, 我慌忙讓座, 不過最黑仔的唔係冇得訓教,而係佢一直不停食煙, 仲要關埋門果隻. 我計過佢在短短二個鐘內食左五支煙, 而且見到隻手仲黑哂. 同埋我慘係成為二手煙受害者, 真係命都短幾年, 仲要佢用左部腦, 我唔可以工作, 真係激死.
以為放左工可脫離個"煙袋", 點知出面落大雨, 我又冇遮, 於是咪落湯雞由我返工果度去地鐵站, 但沿途放工的人竟冇人幫我, d人真係黑心! 雖然我明知落雨唔拿遮係我衰, 但唔至於冇人幫我. 呢件事令我記得在六年前,當時我仲返緊學, 在途中落大雨, 好似仲係紅色暴雨,我又係冇遮, 但果陣時有個幾後生的女人竟遮到我返學一半路程, 之後我仲可以返去工廠. 以前熱心幫助他人的人全部去哂邊? 而家d人學歷係高, 周街都係大學生; 而且又搵得多錢, 但佢哋的良心已冇哂. 換轉係我見到有人冇遮, 我一定會遮埋佢. 總之我都係比較懷念以前人人熱心助人的時侯...
不過皇天不負有心人, 我一返到屋企即刻爆左隻應援2, 仲拿左隱藏難關, 真係好鬼難玩, 毎首歌都要B級先至得. 不過令我最開心的係IVE竟收左我讀我一直都想讀的科 -數碼娛樂及科技的hi-dip!?其實呢個課程係廣告設計,電腦遊戲開發同電腦繪圖.好開心牙~~!!不過.....要在6月16-20日要報名!這樣我咪要特登去返我所讀的分校度辦入學手續!?都唔知呢樣好唔好??
今日edwin終於返左工, 本來我應該恭喜佢, 怎知我因為佢一直冇比相我的事而耿耿於懷, 於是佢hi我時便問佢- 為什麼次次隱瞞自己張相的原因. 佢就話自己有女友同想認識, 了解我先至比張相我睇, 仲有話外表不太緊要. 同埋話出黎見面先見到佢個樣. 試問一個唔比相我睇的人又點會同我出黎? 於是我用呢一點同佢講.
跟住佢就同我講, 話我係佢好朋友, 同埋我係個好女仔, 但唔知點解我有d嬲. 於是同佢講左好多難聽的說話, 話自己其實唔係個好女仔, 又話自己貪錢, 總之講到自己一文不值. 其實我一早知佢唔喜歡貪錢的女仔, 但我偏要激佢, 之後佢真係好嬲, 同我講佢自己唔想同貪錢的女仔再傾計. 我在那時更加嬲, 就話好女仔跟本冇人識欣賞, 可能男仔比較大量d, 佢反而問我為什麼話自己冇人欣賞.
之後佢off左line, 我覺悟自己講得太衰, 同想係咪因為我激得佢太嬲先至off? 其實我都唔想同你鬧交架, 但我又搵唔到原因去解釋, 難道我喜歡了他? 不會吧!我連佢聲音同外表都未見過, 怎會喜歡? 況且佢成日同我講驚女友誤會, 又叫我唔好愛上佢, 即係佢都唔like我. 從以上推斷我哋二個係冇可能. 我只係因為冇左個好友而傷心.....
好在佢後來on番line, 我便同佢道歉, 佢好似都原諒我, 太好人啦~~!!仲好關心我問返我why會講好女仔冇人欣賞, 仲同我講話唔埋有男仔鐘意我. 唉~~!!呢d只係佢推測, 加上又唔認識我d男仔朋友, 佢又點知? 仲話我第時一定會搵到個bf.在呢一刻, 我對頭先對佢差的事非常後悔, 佢不但冇嬲?仲反過來安慰我, 如果佢冇女友同鐘意我就好, 我一直都想搵呢類性格的bf. 我哋之後如常傾計, 希望呢件事冇破壞呢段友情......!!!
最近公司忙到半死~~!! 所以我一放工, 在屋企多數打機. 鬼叫d朋友有d唔得閒, 又冇另一半同我過咩! 可能我呢一世都係遊戲機陪我....講下笑
我而家分別玩二隻game -psp的獅子戰爭同nds的應援2. 以下係我對d game的評語同進度. 獅子戰爭就玩到最後個章, 雖然未爆機, 但全部隱藏人拿哂. 也都係我第一次玩戰棋game, 所以對於我來說係勁難玩, 而且我又唔like升level, 所以狂game over, 但最後拿左ff7男主角 -cloud就狂升level, 我真係偏心~~(笑, 鬼叫型仔大哂)至於個男主角只有lv 50....其他人都同佢差唔多.....
第二隻係應援2, 頭果二個難度(氣輕同果敢的應援)都有爆機首歌, 而且呢隻game又好玩, 又多歌聽. 我較like"pop star", "believe",同埋爆機果首, 也係電車男尾果首曲
仲有今日edwin病左冇返工, 先祝佢快d好返, 聽日msn見!
琴日經過我,姑姐商量後, 就決定去黃大仙間富臨慶祝算. 至於不是阿爸決定嗎?其實佢就冇所謂, 因為佢一早已去左釣魚, 仲要好遲先返, 加上佢為人比較冇所謂,第時有好野食就得(比阿爸見到呢篇野驚比佢鬧死).
唔知各位朋友的家人有冇飲"特價茶"的習慣? 我哋一家就有, 所以晨早阿爸揸車出去.唉~!!同平時返工起身個時間差唔多, 無奈!不過算了, 為左平d都值得.
我姑姐一早去到搵埋位, 仲叫左好多正野食 -牛腸, 牛肉球, 肉餅飯..正呀! 跟住當然由主角阿爸話事, 佢仲叫左燒買, 蝦腸..叫下叫下, 五個人共食左十二碟野, 差唔多啦!仲好好味tim.大家可能會估, 叫這麼多食物實貴死我, 仲要係我請, 其實只係要$120到, 勁抵牙! 如果父親節果日食一定超過呢個價, 仲要有排等, 因為我哋以前都試過, 唔通仲唔信邪咩!
anyway, 餐茶的價錢只係其次, 最重要係阿爸食得開心, 同埋在呢度講句 :父親節快樂, 同埋買股再搵多d, 盡快還完呢間樓的債! 同時我都希望自己可搵多d, 比多d家用幫手供樓, 雖然數量不太多.....(死啦! 係咪講得太多私人野...!?)
今日又要返工, 但呢個只係名義上, 實際上都係同朋友用msn傾計, 今日同蔡蔡, liz 傾計, 而且仲約好下星期六同成班朋友去食飯.
跟住我順便問埋liz下星期日去唔去石澳, 佢話果日父親節, 要同阿爸食飯, 唔去得. 死啦!最重要的父親節都唔記得, 真係不孝! 鬼咩, 只係公司野都做到我死, 所以唔記得都正常!? (比藉口比自己), 但都唔會影響到我去沙灘, 因為我決定聽日同阿爸預祝左先, 正日果日飲茶好貴, 又難搵位. 最多呢餐我請(^_^)
不過最重要都係問左d人下星期六去唔去食飯先, 但以我性格一定會唔記得. 唉~!惟有自己"執生"啦!
如往常一樣, 在放工後同蔡蔡msn, 無端端講左tiffany, 佢係我f.6-7時, 同蔡蔡讀埋同一班, 我同蔡蔡有時會同佢, ada食飯, 而且我覺得佢在學校幾美女的一個(^_^), 但考完a-level後冇再見面, 甚至連聯絡都冇. 今日從蔡蔡口中得知佢眼睛發炎!? 一聽到呢個消息, 加上佢竟在今日上網, 所以我就即刻問候佢.
我一開始都有d驚, 究竟佢仲記得我嗎? 好在佢仲記得我. 之後我當然問佢有冇事, 祝佢好返之類的說話, 我哋傾得非常開心, 而且tiff 仲叫我哋得閒的話去食飯! 當然好啦! 我哋好耐冇傾計, 第時一定有排傾~~!! 好耐冇見都唔緊要, 我哋仲互相交換對方個blog, 見到佢個blog好美, 多謝先! 可惜而家公司多野做, 但我一有時間一定會睇同留言!
唉!一年一度的課稅年度已經開始,又係做到"成隻積"的時候, 我都想有OT錢, 可惜沒有, 之前最多星期六返工便可趕到工, 在星期一至五仲可msn, 而家連msn都少左, 好傷心~~!!
今日工作後同蔡蔡msn傾計, 佢話買左<壹周刊>, 當然因為有林峰先買..., 於是我問佢相唔相信雜誌所講d野, 佢話當然唔信. 跟住就講左三個發電的女人, 姣余, 狐妮, 同埋陳法拉. 仲話<師奶兵團>入面個角色同陳法拉很襯, 勁好笑! 但我因為要趕住返去睇師奶, 傾左冇耐就走左..唉, 好想快d做完野,同各位fd在msn傾計牙~~!!!
在請完病假之後的一天, 又要返工啦! 一如以往我先睇其他人的blog, 當我見到蔡蔡個blog時, 見到佢有一篇文章話原定呢個星期日去沙灘加燒烤要取消!!!因為果日會有雷雨(哭牙)!同話我17日約左人, 其實唔係17日, 係23日, 於是我便在佢個blog度留返言比佢, 佢一見到我個留言勁開心, 仲話呢日去補番燒烤.跟住佢即刻問其他人可唔可以17日去tim. 我就一定會去~~!!
仲有eva見到我冇on9, 於是在早上即刻問我為什麼琴日唔見我在msn上網, 我就同佢講呢個騎呢病同感冒, 佢叫我多休息等等安慰的說話, 好感動! 多謝你關心, eva!
至於蔡蔡就以為我要出job, 所以冇問我唔返工原因, 但當佢知道我因生病唔返工, 問我為什麼唔請多日假, 我好感動, 多謝佢關心我先! 其實星期二係我姑姐同個同事出job的日子, 但因為我生病而取消, 以及公司勁多野做, 所以第二日一定要返工.
我今朝一起身, 就覺得個頭非常痛之外, 個心口又極之痛, 甚至仲難以呼吸; 於是打比我姑姐, 話我返唔到工, 令到原本呢日要出job的佢哋要改期, sorry!!
我再回到床上休息一陣, 突然想起我麻麻也死於心臟病, 佢在生時也成日話心口痛, 又話難呼吸, 而我d特徵又好似, 於是咪開始驚起來, 聽講心臟病可以遺傳. 在呢一刻, 我想到自己如果真係有, 會只有幾多個月命? 同埋在世要做d咩? 我真係唔捨得離開所有屋企人同朋友,我又唔想很快離開, 因為自己仲有好多心願未完成.
想下想下, 我媽入到我房同我講話同我去睇醫生, 而我姑姐話心口痛可大可小, 叫我去急証室, 但最後我都係先睇醫生, 然後由個醫生決定我應否去急証室.
後來經醫生診斷, 佢話我心口軟骨發炎?吓!咩病黎架? 都未聽過, 跟住個醫生就話係由細菌感染的一種病, 特徵係心口痛, 難以呼吸, 一按個心口會好痛. 呢個心臟病疑惑已解開, 原來只係普通病!!害到我白擔心, 不過算啦!而家冇事就好(^_^)
之後返左屋企就去dl 左 nds game玩, 睇黎都有排玩, 不過食完藥後訓下覺先, 好累..
eva 在佢生日時病左, 我哋呢班fd唔可以即時同佢慶祝生日, 所以要押後到今日先同佢慶祝, 但我係今日先知, 冇買禮物比佢, 對唔住牙~!(>_<)希望eva大小姐大人有大量, 唔好介意(講笑)!!
大家已約好在tst地鐵站恆生銀行等, 由於我先要返自己公司換返對不太高的高跟鞋而遲左一個字, 怎知去到集合地點時, 只有veron拿住部nds在果度, 那麼我算遲到嗎? 跟住veron 同我講阿蕉, eva, elaine 遲d先到, 我咪拿部psp出來玩, 怎知阿蕉就黎左, 仲話先買個蛋糕先!?因為之前佢冇同我講補祝eva生日,所以我咩禮物都冇準備. 其後蕉提議我哋三個先去住唱k, 邊唱邊等.
可能我哋較早去到, 我見有好多"吉"房, 經過九曲十三彎後, 終於到左我哋唱k間房.唔知係咪我哋太耐冇黎唱k, 而家好多新歌都唔識唱, 只係認識唱<化>同<講不出聲>真係唔知怎死, 鬼叫我只係聽日文歌咩? 這只好點返d舊歌唱, 當中阿蕉更唱返80年代同而家政府的廣告歌(有句:香港始終有你)個首, 阿蕉, 你好勁啊!!!之後eva同elaine 到左, 大家一同食蛋糕同影相後就離開k房後, join返管運雨, 去樓上cafe用nds練過 .
我哋去搵樓上cafe, 見到有一間有貓, veron同管運雨有d驚, 唔太想入去, 但之後再搵唔到cafe而要去那間. 那間cafe唔算大, 但就有好多貓走來走去, 起初我哋六個要坐細枱, 後來有大枱就換左枱. 唔知係咪veron太受歡迎, 隻貓從地上跳到veron椅子上, 嚇到veron半死, 冇事吧?之後佢叫我幫佢留意有冇貓經過, 再話比佢知.
之後我哋埋單時見到張單與我哋食的食物不符, 咪叫個waiter check 真d, 個waiter 好似唔太高興, 狂話只跟住部機收錢, 但後來再去check返先知印錯單, 我哋先至可比返原本個amount. (因為在6:00前落單不需收加一, 但第一次張單係6:10, 但veron 見到我哋在5:20落)
最後阿蕉數返有冇收足錢時發現管運雨冇比$40佢自己, 令到管運雨上返間cafe check 下, 但eva同veron 一再解釋後(原來d錢找左比eva)都冇事啦!真係虛驚一場!
(仲有我琴日冇帶相機, d相在eva度,希望eva可以快d e-mail返比我~!!! thx~~!!)
今日又係要返工, 但放左工如之前的星期六一樣, 多數同蔡蔡shopping. 不過今次有d唔同, 我哋唔係買咩今期至潮的衫,而係買沙灘必備物品 -泳衣.
其實我同蔡蔡在早二日msn都提及過買咩款式, 一件頭雖然密實, 但又娘爆; 二件頭(三點式)就美d, 但冇身材show; 三件頭又好似好低b? 所以最後決定買二件頭. 外面加件tee同埋沙灘褲, 這就不太sexy , 而且仲可以穿得好睇d, 於是我哋今日朝住呢個方向買泳衣.
我姑姐話想行下花園街, 於是便同佢去mk地鐵站join返蔡蔡, 一開始當然由我介紹大家比對方認識, 大家認識後就決定行花園街, 一同去睇下衫. 行了沒多久姑姐便回家, 佢驚阻住我同fd去食野, 我哋都表示唔介意, 但佢最後都走左, 只有我同蔡蔡行街同食野.
之後我哋去左新世紀food court去choose 食物, 行左好耐先見到有間上海舖, 佢d下午茶都幾抵, $15一碗面/小龍包..再加一杯飲品, 真係好抵. 買完食物後便傾下下星期日游水加bbq買d咩食, 約埋其他人, 總之都幾忙下.食物就一早講好,多數去到筲萁灣街市或超市買, 跟住就開始約fd :
veron, eva : 大多數會去, 但veron唔sure佢屋企人會唔會下星期旅行.
liz : 佢本來都想去, 但果日要上課, 唔去得, 不過之後會同我, 蔡蔡等等食飯
蕉蕉 : 又係想去, 但下個全個星期都要出job唔去得. 但唔緊要, 聽日唱k都好
酸梅 : 表示有興趣同一定去
嘉華,寶妮 : 二個sure會去, 好野~~!咿!!飛左去留言!?
最後暫定有7個人去得!都好牙!人數唔太多又唔太少, 正牙!
約好哂人同決定買咩食後, 就去花園街同旺中買泳衣, d款式就差唔多, 但d價錢差好遠, 有d$59一套, 有d$89一套, 唔通d質料唔同, 但摸落去又差唔多.最後都買左$89一套再加一條沙灘褲. 原來泳衣這麼貴, 真係太耐冇買都唔知. 買完後便各自回家.
琴日同蔡蔡在msn講開沙灘, 當然今日都唔放過, 再約好時間, 地點, 同集合時間先啦! 最後地點決定係石澳, 蔡蔡比左去的方法我 :在筲箕灣地鐵站, 再乘巴士9 號 線,在石澳道下車, 這樣集合地點係筲箕灣地鐵站. 至於時間係下午1:00
我哋預定先去沙灘第一件事 -當然係去玩數字球等等遊戲先!! 玩到夜晚就在果度燒野食同傾計. 那時有d人去買野食, 有d人會去book爐先, 總之就分工合作!
仲有聽日就同蔡蔡去買泳衣同去街衫, 但我哋的上圍不太豐滿, 所以都係決定買二件頭算啦! 而且我哋仲傾埋聽日食咩, 本來我提議食小丸子同埋dessert, 但最後驚下星期穿泳衣時會顯得好肥, 最後都係食小丸子算啦! 鬼叫我哋貪美咩, 冇計, 惟有忍住口先, 等去完沙灘先至食!