和影師食飯again

今晚約左個影c去食飯, 其實之前係msn度同佢傾開攝影既主題, 但佢想再傾詳細d, 於是咪約左今日食飯

後來大家約好左見面, 發覺佢幾靚仔呢~係黑色短髮, 左邊耳仔帶住耳環, 可惜既係佢已經有個拍左五年拖既女友呢, 自己都係冇行架啦><


去左一間幾靚既樓上cafe食飯, 而且waiter及廚師都係鬼佬黎架><


menu好靚啊~不過d野食都幾貴下, 落單時你仲要講英文=口="


雖然唔鐘意飲紅湯, 不過算啦, 鬼叫冇得選擇....


叫左個檸檬汁芝士焗煙三文魚飯~其實都幾好味, 不過太多芝士, 太漏啦><

傾好左個主題, 係講述一個OL係起身, 返工及放工既故事, 地點分別係時鐘酒店房, 地鐵站及中環, 最後大家約好呢個星期六晚去影中環部分, 都係影夜店或酒吧, 見佢iphone比我睇既相佢影得好靚, 加上曾經影過出名既model, 我都幾期待呢~~

而且途中也提及有個化妝師想影婚紗相, 佢問我有冇興趣, 咁當然有啦, 但果日係呢個星期四, 惟有星期四請假去影啦!! 因為公司度我有三日annual leave, 我又唔知點用好, 一於就用黎影相啦^^

睇相及食飯!?

呢日約左一個叫raysand既影c食飯, 其實唔係同佢傾影相既事, 而係關於睇相...!? 原來呢個影c佢睇相都幾準架, 果然利害!! 不過都係食飽飽~


你叫既鐵板餐~個酥皮湯係我至愛><


我叫既個人火窩, 仲要係肥牛, 同埋唔使我出錢既...xd


哈哈~好多正野食!! 加埋個豬骨湯底, 超正><

食完野之後就幫我睇手相, 以下係手相既結果:
感情線: 雜亂, like 胡思亂想, 而且情緒化, 一生受感情所累
生命線: 斷開, 而且有三角, 會有血光之災, 可能係要做大手術之類
婚姻線: 應該係28-30歲到結婚
事業線: 年紀細就出黎工作, 可惜受感情拖累, 否則會好成功
貴人: 係睇手指長度, 似乎我唔多夠, 要努力先得!!


睇完手相睇面相: 眼睛: 眼睛常常濕潤, 好似漓左眼藥水, 係核花眼既象徵, 會好有人緣, 同樣也會吸引異性, 常陷入三角戀... 感情好易失敗..
耳朵: 係屋企人關係, 但似乎唔太好...
nose: 睇晚年運, 尤其係nose既肉, 睇黎我晚年都唔錯喎~
口: 上唇及下唇, if 上下都簿代表個人同人吵架都要win, 只有佢講冇人講, 而我就一半半啦, 而且話我心地善良...

似乎我既人生都幾多災多難, 希望唔好全部中哂啦, 但某部分又講得幾岩既, 其實只要我保持冷靜, 唔好太易投入另一段感情內, 仔細觀察一下對方就得啦!! 咁當然自己也要對自己有自信及唔好心軟啦!! 估唔到都準七成, 果然恐怖><

石澳@私影

又約左阿joe影相呢, 呢次係第二次影, 希望可以影到第一次咁靚~

去到石澳後, 好心既司機同我地講會有堆沙比賽!? 咁咪冇得影泳衣!? 好在仲有一個後灘, 不過就好dirty, 但都唔緊要啦, 總比冇既好....咁我地開始影相先, 好凍呢><


其實有部分沙灘都幾靚既(冇比污染部分), 而且仲有兩個靚仔鬼佬...xd


好大膽既一次, 影左三點式泳衣!? 不過都係見同joe熟先會影><


都係收起少少性感, 著返件衫先...><


呢張個feeling個人都幾like, 始終都係like cool系...xd

影影下開始覺得凍, 而且全個人都震哂....係呢個時候joe竟然一直攬住我!? 而且仲拎佢件褸比我披住, 仲話見我凍成咁覺得心痛, 結果呢我地兩個坐在沙灘的破船旁攬住, 突然之間覺得好溫暖, 仲有d sweet既感覺, 佢仲不停地啜我><""...估唔到我仲可以有愛情呢種感覺, 原來係咁溫暖及sweet, fantasy及anthony永遠都比唔到呢種感覺我啦!! 之後開始覺得開心起黎, 可以繼續去影相~~


可以再次影返展露笑容既相, 都係要多謝joe啦~~睇下玩水玩得幾開心^^


仲開開心心咁玩水槍, 我唔覺得凍咩!?

之後黎左兩批影師幫人影結婚相, 自己唔知會唔會有咁既一日呢?? 我見部分影師及附近餐廳客人都望住我, 可能我著得sexy吧!? 太陽開始落山, 我既泳衣照已經完啦, 到果陣我先發現我對拖鞋比海水沖走左!? 加上joe對鞋又唔見左, 大家真係同是天涯淪落人啦, 結果係一齊去買返對拖鞋=.="


之後去其他屋度影下相, 呢個係下午影既, 所以仲係日頭, 有好多好靚既屋仔啊><


呢間屋真係幾靚, 門口掛左個牌唔好影相, 但最後都影左...xd


我最愛既紫色~其實係間餐廳黎架, 可惜我同joe冇去食到><

d相出黎都幾好啊, 而且我開始笑啦, pose比之前冇咁硬, 同埋開始自然啦!! 唔通呢個係愛情既力量!?><

日頭燈飾@私影 + 2012

首先要多謝兩位朋友, 一位係影師calvin, 已經係第二次合作啦; 另一位係fb內認識既哥哥, 因我地成日都以兄妹相稱, 大家發覺都幾好傾, 於是做左兄妹^^

由於我未見過哥哥, 所以起初大家見面都有d奇怪, 唔認得大家呢~三位集合後去第一站朗豪坊, 估唔到呢個地方係短短一個月已經去過三次, 好鍾意佢既貓貓聖誕燈飾^^


愛死呢間屋~好多貓貓, 如果我住係間屋度就好=.="


原來果度係唔可以坐, 要企係度影....不過唔緊要, 至緊要影出黎靚啦=.="


門外可愛既羊仔啊><


同我至愛既兔仔影相~~又係兔仔啦>3<


同兔仔一齊彈琴及影相^^....我果然太愛兔仔啦...xd


我後面既恐龍骨都幾可愛, 而且仲有食物, 好cute^^


貓貓整麵包, 仲要係老鼠黎, 超可愛><


貓屋內既擺設~全部都係木做既傢俱, 而且有好多貓, 好cute><


屋內各年代既貓貓碟啊~


影完朗豪坊, 之後就去新世紀, 係另一個感覺呢...周圍都係聖誕樹^^


影到我發現另一個地方, 哥哥好野!! 係旁邊既一間小屋~


塗鴉既聖誕快樂, 但我覺得好似同整體既氣氛唔太襯...


超可愛既電視, 只要你係電視內出現, 佢就會幫任何人key一個公仔落去, 毎次都唔同架, 超好玩, 玩到唔捨得走..


自己都掛住玩, 好在有哥哥教我影, 估唔到我影相真係咁差...


又去左另一個新地方: 又一城啦!! 擺設以馬戲團為主~~


馬戲團既舞台~全部都係馬戲團公仔=.="


好珍貴既相片, 係我拍攝途中既過程, 唔係有其他人跟我去, 就唔會有呢d相><

點都要影下個門口既~比自己知道去左邊度影相~

那時已經兩點幾, 我同哥都冇食野, 開始覺得肚餓啦, 最後都係去左KFC度食...本來想食拉麵, 但太多人, 只有KFC有位, 冇辦法啦, 惟有等下次=.='"


食完野之後去德福~有好多可愛既teddy bear><


要同小朋友爭地方影相啊....好似好低能咁=.="


係德福實在太多人, 最後只好去megabox, 也係我地影相既最後一站....


其實果度景點唔多, 只好係玻璃屋內既牆影相啦...


不過都幾多聖誕樹及波波, 可以隨手拎黎影相~


原來megabox最頂都有擺設, 係充滿童真既地方呢^^


小屋外仲有一棟聖誕樹, d禮物可以推黎推去影相架><


最後都係有我地三人既合照啦~自己set時間制, 之後擺個相機係頭先d禮物度影. 估唔到禮物都可做腳架!!

其實仲未完結, 應該話影相完結, 但之後有節目, 就係同哥睇2012, 我地找到megabox及德福戲院, 但d位都full哂, 以為我同呢套戲冇希望, 點知竟然係一間隱藏戲院內搵到, 而且仲係尾三行, 超正!! 睇得好舒服, 套戲又好睇, 睇到我好緊張, 全程都握住挈頭, 驚個男主角會死麻!! 連哥都話我使唔使睇到咁肉緊, 哈哈~我太易代入角色啦><

睇完戲之後答地鐵返屋企, 點知比我見到袋內多左樣野, 我拎出黎一睇, 原來係一份禮物!? 我都係第一次收到禮物, 太開心啦, 多謝你!! 唔怪之得我睇戲時你全程幫我拎住個袋啦, 估唔到你都幾有心思><


份禮物好靚啊~係我like既pearl pink><


等我同份禮物影相先...xd


拆開左原來係首飾黎架!! 好靚啊, 多謝你啊, 阿輝哥哥^^

vivienne westwood

我突然之間心血來潮, 好想做返d同時裝有闔既野, 就係搵一d時裝設計師既資料, 於是我就搵左我至愛既designer, vivienne westwood啦, 不過佢d野真係好貴, 純銀既介指都要幾千元隻!?至於點解會like佢呢?? 因為我比較like punk 及 rock既style^^


向來愛punk的Vivienne Westwood「西太后」在踏入時裝界前，原是一名小學教師。直到1971年認識了The Sex Pistols樂隊管理人Malcolm McLaren才開始對時裝有興趣，除了為樂隊設計舞臺服飾，亦跟Malcolm McLaren合夥開設第一間時裝店，大膽而富S&M味的設計，深受punk rock支持者愛戴。

八十年代起，Vivienne Westwood開始以歷史作設計靈感，Pirate、Clint Eastwood、Mini-Crini and Harn's Tweed及Britain Must Go Pagan等系列的束胸、燈籠褲、厚底高跟鞋，幽默創意之餘也充滿戲劇及挑釁性。

從未受過正規時裝設計教育的Vivienne Westwood不用傳統剪裁，設計多是披披搭搭、破破爛爛的，有時甚至以別針把布料固定便算，充份反映出她那我行我素、不受束縛的人生態度。

恐怖的schedule=.="

最近呢幾個星期同影c傾計多, 同好友如菜菜, 文迪佢地少好多, sorry啊, 一有時間一定搵你地食飯架!! 之後再睇返我呢幾個星期既schedule, 恐怖都唔想睇><

28/11 : 到各商場影日頭燈飾, 同行有影c calvin及哥哥阿輝
29/11 : 到石澳影泳衣, 同行只有影c joe
30/11 : 同影c raysand食飯, 同埋比佢睇相
1/12 : 同影c jacky食飯, 同埋傾影相既事, 係一個OL既故事....
3/12 : 到美孚影伴娘/婚紗, 要特登請假一天
4/12 : 同joe食飯打邊爐 5/12 : 同raysand到中大影相
6/12 : 同joe影相
7/12 : 同阿輝食飯, 及買衫去影相
16/12: 同菜菜, 靜去食飯??
17/12: 阿輝買左阿凡達既戲票, 勁想去睇><


以下仲有好多未定 :
1) 同文迪, 菜菜食飯
2) 同mooji食飯
3) 同表姐食飯及行街
4) 同影c pcyu, jacky, 星夜浪人, gary, danny, calvin 及patrick傾影相檔期, 有d其實初步傾好, 但仲未有確實日期><

so 我咪冇時間做fashion design, 估唔到玩玩下既私影, 會有咁多appointment. 呢次真係唔知點算@@

過左probation

呢日終於收到支票!! 而且係加左人工~~終於有返以前既人工, 好開心啊^^自己係呢間公司既努力都冇白費><

可惜我電話冇電, 要返到屋企先比我屋企人知道, 佢地仲開心過我, 我又要比多d家用. 不過唔緊要啦, 我有多d錢買衫及化妝品玩私影, 雖然我影既相唔pro, 不過二十幾歲都仲可以玩到私影, 而且仲比人誤會係岩岩二十既o靚妹仔, 有d仲誇張到問我係咪返學, 自己唔通真係咁後生?? 不過d人都係亂up o者, 仲有好多影相既appointment, 睇怕都有排忙...

但過左probation要搞MPF既事, 要星期六影相之前去搞, 真係麻煩啊=3="

不過過左probation都好既, 個心唔使心掛掛驚佢唔請我, 而且仲係提早左兩個星期過, 自己好有滿足感, 今日要我一個人申請電子證書報關, 我可以簽名架, 總之全部關於報關既事我都要負責, 我既責任越來越大, 加油!!