呢日終於收到支票!! 而且係加左人工~~終於有返以前既人工, 好開心啊^^自己係呢間公司既努力都冇白費><

可惜我電話冇電, 要返到屋企先比我屋企人知道, 佢地仲開心過我, 我又要比多d家用. 不過唔緊要啦, 我有多d錢買衫及化妝品玩私影, 雖然我影既相唔pro, 不過二十幾歲都仲可以玩到私影, 而且仲比人誤會係岩岩二十既o靚妹仔, 有d仲誇張到問我係咪返學, 自己唔通真係咁後生?? 不過d人都係亂up o者, 仲有好多影相既appointment, 睇怕都有排忙...

但過左probation要搞MPF既事, 要星期六影相之前去搞, 真係麻煩啊=3="

不過過左probation都好既, 個心唔使心掛掛驚佢唔請我, 而且仲係提早左兩個星期過, 自己好有滿足感, 今日要我一個人申請電子證書報關, 我可以簽名架, 總之全部關於報關既事我都要負責, 我既責任越來越大, 加油!!