今日係文迪生日, 先祝佢生日快樂, 永遠都咁開心~~
老闆娘見到我條頸的皮膚有事, 話我有濕疹, 但唔太serious果隻, 於是同我講不如去睇中醫. 其實我以前我媽媽帶我去睇過一次, 我因為怕藥苦而唔去, 估唔到隔左幾年, 我比第二個人叫我去睇, 既然老闆娘叫到, 自己仲唔去咩, 於是我就去公司樓下間中醫睇下吧!
登記左後, 有個女中醫師幫我診證, 佢只係幫我把下脈, 周圍望望及伸條舌比佢睇下, 就見佢執筆幫我寫藥方, 好似好勁咁既樣, 寫左幾筆之後就叫人幫我執藥, 一日食兩劑, 要食二日, 總共四劑, 分別係十二點及四點, 而且仲有個免費送藥服務, 可以送到公司, 不過只限毎日的首劑, 第二劑唔會送, 要自己親自去拿, 都好過無啦, 而且仲相當平, 四劑連埋診金只係百五元, 毫無意外的話, 保險好似有得claim返全數, 當然去睇啦, 最多我只係出支藥膏的錢, 要成四十五元>< 終於到食第一劑藥的時間, 佢係用紙杯裝的藥, 一聞到陣味就覺得好臭, 飲左一啖, 真係苦到入心, 自己都唔係好想飲, 但冇理由倒左佢, 人地都有心機煲, 加上自己又比左錢, 惟有用老闆娘的方式, 邊食餅乾邊飲藥, 雖然係冇咁苦, 但都係苦><"仲要飲多三劑, 不如殺左我好過!!
真係要自己去拿第二劑, 可能呢劑凍左少少, 又冇咁苦, 我可以唔使食餅的情況下飲哂, 但之後問題出現, 我開始覺得頭暈, 而且冇咩胃口. 阿珍買左西餅返公司同叫我食, 我都冇食到. candy都話我轉左死性, 竟然唔食野, 總之我咩都唔想食, 只想快d放工返屋企....
返到屋企覺得無聊, 睇返fb上的人留言, d人都係因為見到我張相, 佢地話覺得我靚先會hi我. 我突然有個想法, 靚真係咁重要嗎? 加上老闆娘又成日同我講, 如果想靚d的話就飲中藥去改善皮膚, 於是我係msn上打句msg, 話索女改造計劃之類, 之後阿銘就hi我, 佢問我點解咁講, 我就話因為聽到男仔讚我靚而開心, 同埋為自己like的男仔(蕃薯), 佢話個男仔因個樣而鍾意我都係冇用, 但我自己覺得如果唔靚的話, 都唔會有男仔鍾意啦! 阿銘都睇得出我的出發點係為左男仔, 本來女仔貪靚係天經地義, 但最重要的係個出發點, 同佢傾計真係得益不少, 而且佢仲讚我性格可愛, 不過都冇用啦, 都唔會有男仔識得欣賞. anyway, 多謝佢讚賞^^
welcome to my world...
My model life since Nov 09~
My sweet life w/ bf joejoe since Dec 09^^
雖然今日係我生日, 因我本身同公司d人唔係太熟, 所以我冇同佢地講我今日生日一事. 但對我黎講, 自己卻同佢地過左一個特別的生日....
今朝一早返公司, 老闆娘已經同我講, 佢見樓下飲品平, 買左四箱飲品, 叫我推架車仔落去拿. 吓!? 一返工第一件事係...推車仔??果然係生日, 從來都冇試過, 而且佢仲同我講話, 我係公司內負責食物果個, 嘻嘻, 都唔知好嬲定好笑!? 好在mooji見我之前連扔張chair都要人幫, 所以佢同埋我落去搬飲品, 起初我以為佢係因老闆娘叫到先去陪我, 原來佢自己幫我, 多謝哂你^^
我地公司近排買左個軟件, 因我公司全部都係用手動, 於是咪搵個軟件自動化囉, 今日又要上堂, 上左幾個鐘, 老闆娘叫我留意下內容, 第時要我去做, 仲話我公司個會計咩都做. 吓!? 真係慘囉, 希望佢加下我人工啦!!上完堂後, 老闆娘叫我去匯錢到大陸, 佢地先去食飯, 只剩下可憐的我立即去到美孚分行的銀行入錢, 其中更要比一封簽證的信銀行蓋印, 我又未做過, 以為唔使拿返, 好在我都發覺唔對路, 於是問下老闆娘, 拿埋封信先走. 老闆娘已經叫我快d到酒樓去食飯, 我拿拿聲趕過去
去到酒樓, 佢地似乎已經食飽飽, 好在阿珍一早夾左d送落我隻碗度, 唔該哂你! 我唔客氣, 開始食野先~老闆娘問我叫唔叫點心, 我都唔好太臉皮厚, 人問你就要咩, 要用人地d錢, 所以我都拒絕左, 寧願叫多一碗南瓜西米露仲好! 其中老闆娘老公帶埋工人及bb黎左食飯, 見到mooji及candy玩個bb玩得好開心~
睇下mooji同老闆個仔玩得幾開心~我真係好怕抱人地個b架>< 同阿b玩完之後, 返公司做左冇幾耐野, 已經放工, 好野! 今日唔係好使做^^之後約左屋企人去食飯, 原本同我姑姐, 媽媽傾得好地地, 阿光又打電話比我同我講生日快樂, 佢又問我係咪拍住拖, 搵鬼拍咩?佢話總之同我食飯呢...同佢傾傾下, 世上至恐怖的事發生, 個電話竟然冇電!!!????死啦, 我仲約左父母同佢地集合, 於是我上去我爸公司, 但又冇人, 於是我想去樓下管理處借電話, 佢地又冇, 結果要出到外面先有電話亭打電話, 真係要入一元打電話果隻, 真係冇陰公>< 最後終於集合, 同埋二叔, 二嬸, 堂妹,六叔, 我細佬及弟婦一齊飲茶食飯. 冇錯, 真係[全線大飲茶]=_="不過呢餐好明顯係輕鬆及開心好多, 當然啦, 同屋企人食麻, 大家有傾有笑先至好, 而且飯送都好豐富^^
全家人共齊人啦, 一齊食飯!!但我影漏左個數細佬同弟婦=_="
真係一元一隻雞!? 係咪堅架? 個樣太正啦~
真係好多野食啊~食到捧住個肚啦, 好好味^^
我姑姐個保險朋友送比我架, 好得意, 我第一張真正的生日卡^^
父母及婆婆送比我的利是牙~雖然老土左少少, 但好多謝佢地記得我生日, 同埋佢地份心意~
仲有仲有, 阿聯及阿銘的生日快樂, 雖然係遲左一日同我講. anyway, thx a lot^^
好多謝各位親人, 朋友仔, 蕃薯, fb上的朋友, 大家的祝福及和我慶祝生日, 呢年真係我最開心及難忘的生日之一^^
仲差一日就到我生日, 真係好緊張啊~!究竟緊張d咩? 我真係唔知道, 可能自己比較悲觀吧, 覺得呢日未必會開心, 因以往生日都係冇咩特別, 平平淡淡咁過, 我估呢年生日都應該咁吧? 但其實今年都已經好開心, 因估唔到蕃薯會同我慶祝(我當琴日係慶祝吧?雖然佢冇同我講). 不但如此, 仲有好多自朋友仔, 甚至係fb上的人同我講句生日快樂~我想藉此多謝各位好友:
我妹妹: 佢一踏正十二點就突然入黎我房, 同我講句生日快樂! 我有時見佢唔洗碗, 同佢講左d難聽的說話比佢聽, 但佢竟然仲記得我生日, 仲請我食包士多啤梨味的熊仔餅, 最後我地都分金同味, 一齊share食, 都幾開心架^^
文迪: 多謝你同我講句生日快樂, 睇黎你同darren佢地食飯都幾開心, 你就好啦! 我都想有人同我食飯
蕃薯: 都係多謝你句生日快樂, 同埋你琴日同我食果餐吧? 雖然我都唔知係唔係, 同你傾開送禮物一事時, 先知你原來都唔like選擇禮物比人. 但你有時都要花下心思送野比人麻. 天啊! 點解我會愛上呢個悶人架? 雖然佢又真係幾可靠...
蔡蔡: 恭喜你終於搵到工先, 睇黎我地呢個月可以見面啦! 而且仲好似定左8月16日, 對吧?同埋都係多謝你同我講生日快樂^^上年你送比我隻史迪仔公仔仲係度~
仲少: 雖然名義上叫做網上男友, 但冇男友之實, 即係我其實真係冇鍾意過佢. 但佢講一樣野又真係幾好, 就係點同gf過生日, 先係一間浪漫的餐廳度食飯, 之後會突然送禮物, 同佢睇戲或去山頂, 條橋係娘左d, 但都好sweet. thx 你句happy birthday^^
berry, 壞人, 阿光: 平時好少同你傾計, 但你都同我講句生日快樂, 多謝你地^^
之後仲有fb上都有十零二十個人到同我講生日快樂, 有係收賣朋友之中認識, 也有d係完全唔認識, 佢地會同我講生日快樂的, 都係因為蕃薯幫我影果張紅背景, 穿間條衫果張相, 佢地覺得我靚女先會同我講, 唔係真心的, 所以我只會同佢地講多謝就可以啦, 其餘的唔講太多...如果我本身(其實而家)係個豬排的話, 佢地會恭賀我嗎? 不過都唔緊要, 最緊要仲有表姐同我講生日快樂就得, 真係好耐冇見佢...
聽日就係我生日, 唔知會唔會開心呢? 突然有點期待聽日添^^
睇完奧運之後就做part time會計, 點知蕃薯同我msn, 真係段哭笑不得的對話, 同時都有驚喜
蕃薯: 好悶~好想做下網頁
kumi:你like咪做囉~
蕃薯:但好悶....
kumi:咁你想點呀??雖然我都唔想做份pt
蕃薯:咁你咪打機囉. 你d pt仲未做哂咩?
kumi:未呀, 有排...
(本來講開pt好正常, 點知講講下就變成咁....)
蕃薯:好想同你玩sof(係佢比我一隻電腦射撃game)
kumi:但我唔識裝, 加上我又未做完pt, 冇得裝黎玩住. 你早d想玩我黎你到玩啦!
蕃薯:你唔怕遲咪黎囉!
kumi:但黎到已經五點幾啦!
蕃薯:咁又係....最緊要係你冇時間o者
kumi:咁又唔係冇....除非你預祝我生日, 我咪黎囉, 呵呵(講笑)
蕃薯:其實....我好想去散下心
蕃薯:長州都唔錯 <----吓!? 做咩講講下變左長州架!?
kumi:之前你都講過, 但你仲未拆線, 唔好亂去
蕃薯:今晚好想出去食飯 <----做咩又講返食飯(汗)
kumi:咪出街食囉....係啊,你多數都係屋企食飯, 好少出街食...
kumi:(見佢一直係屋企養傷咁可憐, 於是應承佢)你想食咩牙? 陪你啦
蕃薯:要同阿媽一齊架bor, 答應佢請食飯 kumi:咁就唔阻你地啦, 你地食得開心d
蕃薯:無所謂架, 咪一齊去
kumi:吓!? 我呢個外人去好騎呢, 而且我食相又核突
蕃薯:車....食下飯o者 蕃薯:你估下你幾多點黎我地度?
kumi:吓!? 講到好似真係黎咁 蕃薯:計下時間o者
kumi:(有點無奈, 因我仲未完全應承佢, 以為只係講下)ok, 我5:30黎到, 得嗎?
蕃薯:得...你話你咁岩黎佢屋企附近, 我叫你上黎食飯咪得
kumi:(吓!? 咁咪要我夾份呃伯母)......好啦, 我黎之前打比你
就咁樣, 我就無端端去左佢屋企, 去到屋企睇佢打機多, 我同佢媽媽傾耐左一陣, 佢就話我係咪玩架?睇黎佢好想我睇住佢玩, 因我會靠近佢麻, 而且佢又博慒想kiss我, 而且仲有幾次, 即使佢媽媽係附近睇電影, 佢都係咁=_="後來佢有一部分玩唔到, 上網搵左攻略, 仲有秘技令到個角色好勁, 我仲鼓勵佢用奸招過關, 我正一係個魔鬼黎呢~ 終於到左食飯時間, 我地三個又去tm市廣場食飯~
張相其實係我偷影, 當時自己驚比佢地知道先至手震=_="
我地行左好耐都未決定食咩, 本來想食大家樂食排, 因佢會送埋個香蕉船, 點知想食果個鐵板又冇; 去左KFC, 蕃薯又唔太like, 最後去左椰林閣, 因呢個係佢飛佛麻....我當時好肚餓, 叫左好多野食, 連我自己都食唔哂...
我的蘇皮白湯 + 豬頸肉pizza~我覺得個pizza幾正, 出面脆, 入面有豬頸肉及時菜, 好好味^^
黑椒牛排腸配雙排(豬及雞排)~真係太大份啦, 我只食左豬排及腸仔, 部分意粉, 之後都冇食. 都係自己眼闊肚窄, 真係哂野><
最後叫左一個餐飲, 同蕃薯一樣, 都係choco配桃味特飲, 好淡...
食完飯後, 大家傾左一陣, 之後便到附近商場行行, 行完之後就各自返屋企. 時間過得真快, 而且仲好開心. 由於呢次係佢竟然突然叫我去同佢食飯, 之前都從未試過, 難道係預祝我生日?都係唔好想太多吧!
candy拿拿聲執好東西放工, 原來佢想係七點之前返到屋企睇電視, 因今日係奧運開幕呢! 本來我對呢樣野都冇咩興趣, 但因為月事而準時放工
返到屋企後, 我見到爸媽都睇住個電視, 又係睇奧運開幕!? 真係咁好睇咩, 於是我好奇就走去睇睇, 只係見到佢狂放煙花, 同埋d人dancing, 都冇咩野睇, 於是我又想暴係部電腦度時, 見到其中一個好靚的畫面, 令我停底腳步去睇:
我覺得呢個情景好利害啊, 如果再仔細睇下, 係有好多人係個地球上走動. 而且站在地球上, 有兩個世界知名的歌手唱歌, 而觀眾席上面有各世界的人的笑容~呢幕已經係差唔多最後啦~
上空影下的煙花表演. 我開始明白點解咁多人返屋企睇電視啦~
最後到左呢一個重要儀式, 就係傳聖火, 中國搵左多個出名的運動員去傳火把, 最後一個火把手係體操王子李寧飛越半空點聖火, 真係型爆, 可惜的係, 佢已經唔係王子, 而係伯伯一個, 鬼咩? 我係之前都有睇奧運, 都咁耐啦, 仲唔老咩?
我本身真係好like支火把, 尤其佢紅色果部分, 真係好型. 李寧繞場一周時, 會有世界各地人傳火把的片段^^
奧運正式開始~有好多項目都想睇, 但又要返工, 可能會錄起掛!?不過呢個月都唔使返學, 都冇咩所謂啦~
中國運動員浩浩蕩蕩出場~希望佢地可以拿多d金牌啊, 話哂都係主辦國麻!
放工後, 由於要等蕃薯八點放工的關係, 我先到葵涌廣場行下先. 原本的目的係買衫, 禮物比文迪及蔡蔡, 以及買野食比蕃薯, 可惜的係我三樣都買唔到, 只係買左二本漫畫, 真係估我自己唔到...
其實我係見到第二期個封面靚, 同埋個故事都ok先買. 加上好多間都冇第一期買, 令到我更想買
之後去匯合蕃薯, 途中阿銘打左兩次電話黎, 問我鍾意食蛋撻定鮮奶撻, 仲問佢係咪拿黎比我食, 佢都未答我就收左線, 做咩牙? 騎騎呢呢...仲有都要同佢講句對唔住先, 我係電話度以為佢玩野, 講電話的語氣唔係太好>< 終於見到佢, 自己唔知點解開心起黎, 開心黎做咩? 我地原本想坐巴士, 但因大排長龍, 等左好耐都冇車, 蕃薯話大排長龍同咁耐冇車, 巴士一定勁多人, 佢傷口仲未好返, 點可以迫架? 不過點解等左幾個字先講啊!? 之後我地坐西鐵返去, 途中佢又去左地鐵及西鐵內的seven搵angelababy的寫真集及睇電腦雜誌, angelababy寫真集就冇啦, 只有一本電腦雜誌
途中坐架地鐵到車, 地上有攤人地嘔完的產物, 我覺得好核突, 成日避開唔敢直望, 於是蕃薯叫我企在旁邊, 佢企在我前面幫我遮住, 唔比我見到, 但我也唔想佢踏上這東西上, 於是叫佢企我旁邊, 雖然我都仲見到果pet野, 我真係完全諗唔到佢會咁做, 果陣真係好開心^^在列車中雖然冇咩點傾, 佢多數只講電腦野比我聽, 但我已經覺得可以同佢一齊, 聽佢講野都已經足夠,惟一有點唔開心的係, 我以為佢會同我講我地二人去camp之事, 但佢一句都冇講, 可能係佢傷口仲未好返, 唔想周圍去的緣故吧? 算啦, 唔期待就唔會失望, 對吧?
終於到左tm, 我打電話比文迪, 佢原來係tm市中心, 我地坐免費輕鐵去同佢地會合, 後來先知道阿銘都係度, 唔怪之得問我食咩啦=_="呢件事似連蕃薯都唔太知, 不過唔緊要啦, 多謝你地三個同我去搵地方買我的顛拿, 最後行左咁耐, 都係食返麥當當, 鬼叫佢平咩! 最開心的係我叫左九件麥樂雞的餐, 佢比多一件我, 嘻嘻~ 去到蕃薯屋企, 我食個顛拿啦, 蕃薯及文迪當然係整網頁, 而我食完野之後, 就係睇溏心2啦, 陳豪真係好好笑, 而且佢又幾高, 覺得佢好正, 之後蕃薯話可惜佢樣衰呢....喂! 我比較like的男明星都比你咁話法啊! 而且仲有時間影底佢地做咩: 
阿銘玩nds的三國志, 仲叫我唔好影佢, 你睇佢個樣都知啦, 但我都冇理佢, 照影^^
文迪及蕃薯努力研究文迪個網頁中~請勿打擾囉! 仲有文迪個網頁好靚, 我點會冇影架!真stupid!
做完功課後, 我地都要返屋企, 已經係十一點幾, 如果唔係文迪媽唔比的話, 我一定會收留佢係屋企住. 點知個天落起大雨黎, 同阿銘分別後, 我同文迪冒雨去坐小巴, 途中我地講起A-Z的男仔英文名, 真係好鬼好笑, 又搵d比較型的英文名, 都唔怕佢落大雨, 總之一直講, 好在都可平安地坐到小巴返屋企. 今晚玩得非常開心啊, 有你地三個, 加埋同蕃薯媽傾計~