見工, 婚紗, 見蕃薯之旅

今日發生左好多開心及有趣既事, 仲可以見到蕃薯....xd, 睇黎今日呢篇有排打囉~

*****見工*****
又係見工!? 都唔知見左幾多份囉....今日去紅磡既都會大廈, 原來一出地鐵站, 行過一個大商場就係, 等我仲成個傻婆咁周圍去問人, 真係低能=.="


都會大廈既門口, 超靚的說.....!!

去到見工時, 係果間公司坐左一陣先至有人比resume我寫, 再等一陣先有人in我, 呢次係個幾好既經理, 覺得佢都幾親切, 好好心咁提我, 話佢呢間公司既會計職責係咩....仲有佢話我幾乖!? 哈哈~好似好耐冇人咁讚我囉, 而且仲話我成績都幾好, 佢都好滿意, 想約我下星期二2nd in, 哈哈~今日見工真係好開心耶!!!!



*****婚紗展*****
見完工之後, 見附近商場有個台灣舉辦既婚紗展, 於是走去睇下, 見到好多好多婚紗, 好靚啊~唔知第時有機會結婚既話會著邊套婚紗呢? (係咪咁恨嫁啊我!?)....唔係既, 其實我fashion個project都係做婚紗, 唔比我搵題材咩, 真是的!! 好啦~睇下全部既婚紗先啦^^

婚紗展既招牌啊~係毎個作品下邊都又呢個牌, show唔同既婚紗原稿~

係入口上面既婚紗牌~因呢個展係近入口既, 係當眼地方, 係人都見到啦^^

婚紗展既裝飾, 一個花做既涼亭...XD

附近既檔攤~好可愛喔!!>O<

好多婚紗啊~呢個係其中一邊既場地, 擺放左拎獎既作品^^

純黑色既婚紗, 唔知點解覺得好似怪怪地....

好 like佢環環既design, 尤其係胸下既位^^

都幾靚既design, 尤其係裙中吊帶果部份, 覺得有種好高貴既感覺~

上半身影唔到啊.....其實係白色, 加埋一半黑色既裙

冠軍既作品~但老實講我覺得季軍果件似冠軍多d....XD

亞軍既作品, 個人覺得麻麻地, 但我覺得佢用色幾大膽, 唔錯!!

最like既拖尾款, 我呢張相比蕃薯睇, 佢話只係港式既做法, 外國唔會咁. 不過我覺得靚咪得囉~

季軍既作品~但我覺得呢件係最靚, 也係全場婚紗中既至愛~

都係上面個款式既上身部分. 同時也係我最喜歡既部分^^

好like裙既一層層簿紗~

簡單既款式都可以好靚, 但我覺得腰間既帶好似好奇怪.....

另一件得獎之作, 上身既設計都唔錯, 尤其係頸上既帶更靚~

後面好靚啊~跟據蕃薯媽講, 呢個效果係要剪碎d布先至得, 一剪錯左就冇左全塊布架啦><

都係簡單, 自然既款式.......都算唔錯的吧!?

婚紗展既另一邊, 沿途見到好多樹木及花, 真係好靚啊><

惟一既一個花盆, 至like花既我當然唔會放過啦, 而且仲係粉紅rose><

哇~太多粉紅rose啦!! 粉紅rose粉紅rose粉紅rose粉紅rose.....@@

最靚相信就係個頂部啦~有個小花瓶插住粉紅rose, 如果我第時結婚既場地都係咁就好~

另一邊既婚紗展~呢度既婚紗款式有少少特別, 同一般既婚紗好唔同....

上身雖然平凡左少少, 但下身好特別, 好有公主既感覺呢~

件衫上身幾靚既, 不過下身就....成個水泡一樣既!? 麻麻地...

惟一既深紫色婚紗, 可能呢隻色本人覺得同婚禮唔係太襯, 而且款式似伴娘或姐妹多d=.=

比較自然既感覺, 可能係因為腰間既帶子吧?

幾奪目既紅色婚紗, 其實我本身都幾like佢既設計, 有少少wild既感覺~也係我其中既至愛, 特別既上身及蛋糕裙, 其實我唔知點解咁like蛋糕裙...xd

比較普通既款色, 但作者花心思係布料利用方面, 令到感覺有d特別~

比較得意既一條裙~上面好似係何葉既設計~

惟一一條粉紅色既裙子, 但我對呢條裙子興趣不大....

簡單, 飄逸既款色....

比較少女既款式, 我都幾like既, 比人後生既感覺^^

好隆重既一件紅色婚紗~~o~

全部都係花既設計, 而且仲係pink rose, 正!! 仲有值得留意既係佢個拖尾~

好有宮廷feel既婚紗~

終於睇完個婚紗展, 全部款式都好靚~如果自己可以結婚既話, 我會著邊條呢? 又或者我會唔會太肥, 全部都著唔到呢? 真係越來越恨嫁. 不過呢d野, 都係第時先算啦, 單身一個自由自在都唔錯



*****見蕃薯之旅*****
睇完婚紗展, 之後要去醫院接蕃薯媽出院先. 當我sms問你媽媽係邊個病房時, 你竟然唔知道? 仲無啦啦比左個電話號碼我, 後來我先知係你媽媽個moblie....終於搵到你媽媽, 我地傾我份project做件婚紗出黎既事, 睇黎我都已經冇咩時間去整, 仲有多謝你媽媽願意幫我呢個忙><

出院之後等你返到屋企食飯, 你都好快咁到左屋企樓下. 你媽媽想去酒樓食小菜, 我哋大家一齊去啦. 我哋叫左幾個小菜, 除左我叫既栗米班塊唔好食之外, 其他都ok既~本來至靚既栗米班塊, 點知係最難食既一碟, 我叫錯左仲要你請, 唔好意思呢><

食飯途中, 你講起下星期六要去客串影婚紗相, 自己好開心諗住自己要點著, 我嬲了, 可能係因為新娘不是我!? 於是我唔出聲一尾食飯, 你見我唔出聲, 竟然仲話我係咪唔抵得, 令我更加嬲!! 後來當你話做我設計套婚紗時既男主角, 我竟然先冇咁嬲!? 做咩啊我, 係度嬲咩鬼, 比蕃薯及蕃薯媽知道唔太好啦.....我之後話睇佢影, 佢又話怕羞, 話人多望住影好怪, 但你都唔係叫太多人O者, 多我一個有咩唔妥呢?

返到屋企講開婚紗相, 你成日笑我只有一個人影pre-wedding, 於是我諗到個idea, 用photoshop key個男仔既樣落去, 你之後就話可惜你唔識分身, 都唔知拎部機影相定企入去影好!? 哇~你係我老公咩!? 企入去影, 不過聽到竟然開心!? 唔好比佢呃到啊, 可能佢只係開玩笑講下~

之後又講sexy內衣影相, 佢無啦啦話有人搵我做model影相制唔制, 之後仲話自己女友如果影既話, 佢會覺得點....請問關我咩事, 無啦啦講左女友都有既, 佢話就話測試對女友既極限, 我係覺得佢想暗示d野, 但唔好意思, 我get唔到(汗). 好啦, 於是我咪話如果男友在場既話, 都冇所謂啦, 點知佢話佢一定會在場, 搞咩啊!?仲話如果佢係我bf, 一定會比我影之類......哇~~佢想係言語上食我豆腐呢><
唔好再令我誤會啦, 唔係以為你真係鍾意我, 想做我bf架啦, 都係快d訓先, 但唔知點解又覺得忐忑不安, 可能自己已經一早中左招啦>w<

fashion project題目

幾經辛苦, 諗爆頭, 終於諗到個題目 ~就叫做[fairy bride]. 即係精靈既新娘衫, 雖然叫做精靈, 但只係用左佢地衣服既飄逸, 輕便既特點去整婚紗, 擺脫一般婚紗既模式, 而且仲用左一個新既元素去整呢件婚紗, 因精靈比人感覺係接近自然, 所以有可能會用真花及葉去做衫既其中一部分. 哈哈~都只係最初, 可能會有更改既.....睇下可唔可行先至得~

最初既精靈婚紗設計~唔知大家睇唔睇到呢? 婚紗裙唔用長裙, 改左用層層既短裙, 感覺上比較輕盈, 但短裙不夠高貴及隆重, 於是加左後面一條透明既薄紗拖地披肩之類, 全身雪白既婚紗外, 花既部份係許可既情況之下會用真花去表達自然既效果~

仲有要準備theme board, color board, presentation board, illustration, 整衫及攝影部分, 睇黎我呢兩個星期都有排忙囉, 聽日又要見工, 盡力而為啦=.="

見工．姪仔

今日都係去見工, 好好彩地去我爸公司附近既一幢商業大廈見工, 只係行幾步就到, 認真方便. 係我準備行去見工時, 點知落起大雨黎, 出門口時冇拎遮, 惟有返公司拎遮....點知拎完遮之後, 雨就停左. 係咪玩野啊!?

到左公司打電話比人事部負責人, 可能係大廈太隱密, 電話收唔到, 結果就去到樓梯口度先聽到電話. 入到去見工, 個會計副助手見我, 問左好多會計上既問題, 而且得知呢間係大公司, 毎個月有成....咩話!?成二千幾條transaction!? 唔好玩啦, 我之前d細公司只有20幾條, 果然係間大公司黎呢, 聽講有成六十幾七十人? 死啦, 我最怕見大公司, 偏偏見既係大公司, 而且越見越大間, 真係唔得佢死!! 之後佢叫我用英文講自己興趣及講自己將來既目標, 我d咁既爛英文又要出場, 好在都可過關=.="

佢話如果我呢次interview成功既話, 星期五再有2nd in, 呢次冇咁好彩啦, 係個日本經理見工, 全程都要用英文, 真係唔得佢死, 我突然心內有個願望, 唔好比我見到啊><...而且請我話雖然係9500元, 但呢間公司好得意, 要迫員工毎個月放三天冇薪假, 冇左足足成千元, 只有8500元人工!? 都係諗下先啦....xd 終於見完工返屋企, 見到姪仔有個樣超可愛, 就係佢飲野個樣, 塊面脹卜卜, 個咀唧起左, 好得意. 我即時拎部相機出黎, 捕捉左佢好耐, 佢又唔企定定飲野, 我只係影得果兩張....

佢飲住野, 岸居居個樣好搞野....XD

終於影到啦~~一張咁大把啦!! 等左好耐先至影到=.="

返工廠幫手做野=.="

話說因為父母間公司既客人趕住要成批商標要做剪接, 所以我要返我既公司一次... 首先講下咩係商標先, 即係車係衫, 褲及袋之類既標籤, 我哋公司就係要把全卷既商標用機器切成一個個, 之後再包裝比客人, 明白嗎? 唔明都冇辦法啦...xd(咩意思=.=")

十二點接到聽日見工既電話之後, 即刻接到媽媽既電話, 佢叫我搭村巴出公司幫手工作, 我立即換左衫, 接下屋企既衫之後即刻衝去幫手....

做左成六個鐘頭野, 一直做住重複既動作, 不過都唔緊要啦, 至重要係有野做, 咁生活先會有意義, 同埋唔使咁悶之外, 也會覺得自己有用d^^...但換黎既係隻腳好痛, 因我要走黎走去睇下三部機有冇切錯商標, 話哂都係錢黎ma, 真係唔錯得><

原本以為放左工之後可以返去上網, 玩fb及msn, 點知....竟然上唔到網都有!? 唔係掛!? 只好打blog, 又或者諗定fashion既題目啦....我暫時未sure, 暫設定係同妖精或精靈有關吧!? 我都開始有d擔心, 究竟可唔可以係下個星期六完成作品呢???

其中一部分所用既題材~尤其係隻腳, 好有精靈既感覺^^

預定會用既精靈角色~似乎係d比較憂傷既角色, 究竟會係點? 買下關子先...XD

預定會用既精靈pose~

究竟個fashion project會係咩內容呢? d衫同呢d內容有關嗎? 呢個只係初步既idea. 大家第時咪知囉~

自己第一個作品

琴日見到靚仔阿sir好輕鬆就油好左一個female, 而且仲油得咁靚, 今日我都想試下啊!! 於是決定自己去畫個female及上色啦, 足足用左三個鐘呢....我影底哂毎個steps, 原來真係唔係咁易架><
可能睇得唔太清楚呢, 其實係最初畫既稿黎, 會有好多準確量度位置既線條....XD

已經完成既鉛筆稿~~已經擦去多餘既線條, 之後就可以上色啦^^

本來想用黑筆去油邊, 見到sir既作品之後, 改左用顏色筆去做上色既效果~~呢幅用顏色筆畫邊^^

第一次上色, 先完成左個底色rose pink先, 如隔離張相所見係粉紅色~

第二次上色~呢次係用更深既粉紅去打陰影. 但問題係陰影唔係太覺眼.....

第三次上色~於是如阿sir講, 用不同顏色上色. 呢次係用紅色去令陰影效果加強~

第四次上色~用左黑色去畫比較暗既位置, 又或者畫返d邊位, 突出立體效果~

最後終於完成左啦~~超感動!!!不過個人睇起上黎有d歪歪斜斜=.=", 都叫做完成左啦>< 畫完之後已經三點幾, 唔怪之得開始肚餓啦! 咁我就同我妹妹分享下我琴日買既餅乾先~呢隻餅我好耐都冇食過同埋佢好好味, 見琴日琴開心咪買左黎食囉! 點知一食落去, 只可以講, 佢唔加芝麻咪好, 做咩要加落去喎, 整到勁難食=.=" 就係呢隻餅, 我見到佢實在太可愛啦, 而且之前食過都幾好味, 點知.....

fashion堂, 好開心啊^V^v

終於順利返到學校~~好奇怪點解會用[終於]兩個字, 係因為....我上個星期有月事返唔到, 再上一個星期呢, 我搭緊架九鐵去到旺角東無啦啦停左, 唔知咩事d人落哂車, 於是我岸居居咁搭返去九龍塘, 之後先可返到學, 所以今次我順利返到學, 好開心^^

返到學校我問返同學做咩功課, 慘啦! 我呢個星期有排煩, 要做返上星期同今個星期功課之外, 仲要開始諗個project主題...如果加埋之後毎天都見工既話, 呢次真係pk啦=.="

我交返上星期我應該要交既功課比個靚仔阿sir, 佢望一望, 比埋分數我, 連同上次兩份功課親自比埋我!? 哇~我咁大牌既!? 望一望毎份功課既分數, 果然有驚喜, 唔怪之得佢親自比我囉~

呢兩個係同一份功課黎既, 分別係設計四個neckline及collars既款, 本來想用雜誌形式表示款式懶特別, 但都只有六分(十分滿分)

點解毎次既功課只有6-6.5分呢? 於是我一改風格, 改以簡單既表達手法去表示我既作品. 結果呢份功課為我帶黎有全班最高既分數 -7.5分, 而且分數旁邊仲有個[gd]字樣...xd

今日補交既係呢份功課, 就係設計button, 本人至like彩色button果部分~也有唔錯既分數, 係7分耶~之前係最高分既分數耶~~

係落堂之後, 等阿sir同其他同學講下讀時裝及時裝職業, 同埋佢話收助手既要求, 自己都有興趣聽埋一份, 阿sir竟然認為係ive讀會好d?? 同埋其實我都想做靚仔阿sir既助手, 除左可成日見到佢之外, 仲可以做我至like既行業^^其他同學和阿sir傾完計之後, 終於到我啦! 等左成半個鐘呢....我比阿sir睇我上色既功課....話說我上堂咪冇返既, 我唔知點上色, so 當其他同學把已經完成既作品比阿sir睇時, 我順便偷下師先, 自己學左少少上色之後, 就把劣作拎比阿sir睇~~

點知阿sir話我上色都ok, 但也有d上色技巧要改善, 就係不用塗滿全個公仔, 仲有可用多二至三隻色去油光暗外, 也可用其他顏色輔助, 最重要既係可用黑色做陰影位....佢教我好多上色既方法, 好開心呢~仲有一樣更重要既係雖然毎次要交既功課計分不太重, 但會增加個印象分, 阿sir讚我上色及功課都ok, 自己諗下分數又幾開心既^^


自己畫既劣作.....雖然阿sir話上色ok, 但我也覺得有好多地方要改善><

最後得到阿sir既同意, 佢也好好人咁比哂佢畫既作品我影, 我可以影底佢係堂上示範既作品, 真係好靚啊~~

阿sir既作品之一, 我至愛既其中一張~係呢個時候自己開始鍾意icy blue啦, 因我覺得有種特別既感覺^^


阿sir既作品之二~ 不同色既裙好得意^^

阿sir既作品之三~也係我like既其中一張, 尤其係黑色既光暗做得好好, 自己一定要學!!

我的2nd in

上星期二係旺角見既果份工, 琴日果邊既同事通知我, 今日係2nd in. 大公司果然係大公司, interview都要分兩次, 仲要一早走去見工, 又哂車錢><

都係同平時一樣早十五分鐘去到, 我去返我第一次見工既地方, 因有人開會, 所以負責見工既陳小姐帶左我去另一個地方, 中途要落樓梯, 去到另一間公司, 原來樓下間公司先係請我既公司....去到另一個會議室等左冇耐, 佢地公司既會計部阿head見我啦, 有d驚!! 都係問我係以前公司做過d咩咁啦, 之後佢介紹我係公司既職位做咩, 有咩福利, 假期.....呢間公司既福利都幾ok架, 有月餅送比員工, 又有annual dinner. 不過唔好咁開心住, 因搞party, annual dinner之類係會計部做既, 而且我個post要毎個月去點貨, 負責accounts receivable部分, 即係拆數及追數, 仲有一些行政上既事項, 所以我個職位叫做[account and admin clerk], 個名好似好巴閉, 但其實人工比佢壓到得8k, 話會下星期會firm我有冇機會做到. 唉....我都唔知想唔想有機會做啦=.="