上星期二係旺角見既果份工, 琴日果邊既同事通知我, 今日係2nd in. 大公司果然係大公司, interview都要分兩次, 仲要一早走去見工, 又哂車錢><

都係同平時一樣早十五分鐘去到, 我去返我第一次見工既地方, 因有人開會, 所以負責見工既陳小姐帶左我去另一個地方, 中途要落樓梯, 去到另一間公司, 原來樓下間公司先係請我既公司....去到另一個會議室等左冇耐, 佢地公司既會計部阿head見我啦, 有d驚!! 都係問我係以前公司做過d咩咁啦, 之後佢介紹我係公司既職位做咩, 有咩福利, 假期.....呢間公司既福利都幾ok架, 有月餅送比員工, 又有annual dinner. 不過唔好咁開心住, 因搞party, annual dinner之類係會計部做既, 而且我個post要毎個月去點貨, 負責accounts receivable部分, 即係拆數及追數, 仲有一些行政上既事項, 所以我個職位叫做[account and admin clerk], 個名好似好巴閉, 但其實人工比佢壓到得8k, 話會下星期會firm我有冇機會做到. 唉....我都唔知想唔想有機會做啦=.="