電話壞左!?

今日放工一定要返屋企, 因我個電話已經冇電, 對於成日用電話sms的我, 冇左個電話用簡直係世界末日!? 於是返屋企差電, 點知.....個差電器有電, 但個差電器完全冇著燈!?我試左幾次都係咁, 而且因冇電連機都開唔到, 唔通真係壞左? 果陣我好失望架!!因我唔想咁快買過部, 其實呢部電話用左成四年, 只係我唔捨得買過另一部, 但又寧願買衫及駁髮, 真係離奇!

同左阿爸講, 聽日等我哋兩個放工之後去睇, 因佢話有部只係九百幾元, 只係比個價錢吸引住, 都要知道下咩功能, 部野點既樣先得架! 我都覺得自己真係有d寒酸=_="

之後同蕃薯講左, 佢提議我買阿聯果部, 因佢果部都係一千元, 而且又有中文手寫版, 影相又快又靚, 個mon又幾靚, 哇~睇起黎又真係幾正, 真係好想即刻去買, 問題係我唔知部機係咩牌子及咩形號, 都唔知點買, 後來都係我問佢願唔願意同我去先至買, 好彩佢都答應左我, 仲話都係佢工作地方樓下, 就咁成交! 同埋我唔知之後會唔會見到佢, 加上我有兩次去探佢都只得兩梳蕉, 咩都冇送比佢, 而且去佢屋企度都冇咩買過野上去, 本來我話係東海堂度買藍莓芝士蛋糕比佢, 但佢話我要買電話, 唔好再用錢, 整到我都有d唔好意思, 好似我好唔客氣去佢屋企度, 家陣我同佢及屋企人好熟咩? 又係呢句, 都係唔好想太多, 訓覺吧!

同學生日會~

文迪屋企實在太好訓啦, 自蔡蔡係九點幾到叫醒我, 同我講再見及研究一下文迪間屋度門點開之後, 我又再次訓過, 仲要訓成十一點幾....我仲要好貪靚咁梳洗及吹頭, 仲要文迪為自己同幫我化埋妝, 整到好耐先至出門口, 遲哂大到啦><"由於壞人唔識路, 文迪約左佢等, 之後我哋一齊去買蛋糕~

行去唱k途中見到susuki, 我哋四人一齊到達目的地!! 當我哋去到時, 已經見到好多人都到齊. 果陣蕃薯故意插曲, 先唱紅地毯, 本來我都不以為以, 同文迪先去counter登記, 因有人生日可免人頭, 哈哈~當我返到房間時, 蕃薯突然同我講, 做咩唔聽佢唱紅地毯, 我覺得好奇, 點解佢特別要我聽呢首歌呢? 我都好奇搵左d歌詞出黎, 因我想八下~

Stuck on you　最喜愛閒人　談論我　同座的　名什麼
妒忌也可　有品味如我　如為相貌評分　你獲最多
在自拍照撫摸　再親親一個　隨地貼　隨地擺　求什麼
沙灘中　吸引七八十個　你的手臂紋身　也未夠多
全人類望到我　我拖著你似將鑽石圍繞我
沉迷著你麼　我不需要原因　只需結果
Stuck on you　我天天廣播　還在笑　還在講　贏什麼
名模半祼　套房內行過　全部美夢成真　卻沒猛火
毫無興趣清楚　你感受如何　眉目裏　皮肉底　藏什麼
傾通宵　交了一份行課　是否只愛站於　你右與左
全人類望到我　我拖著你似將鑽石圍繞我
沉迷著你麼　若果感覺幸福　誰又會　像這麼
為何沒想過　有天定會看得厭倦瞞不過
在拍拖　要討好到大家　才自覺　愉快麼
Crazy for you　Crazy for you　觀眾在埸　鼓掌慶賀
Crazy for you　Crazy for you　愛你靠耳朵

Stuck on you　眼睛最在乎　藍熱褲　黃泳衣　嫌什麼
談情當作表演　會不斷做錯　要討好到大家　才自覺　愉快麼
Stuck on you　既不是嘍囉　無道理　沉沒於　紅地氈
搞清楚　一切選擇由我　搏影相有用麼　顧慮太多
我痴戀你什麼　明白了　別發火

弊啦....首歌咁似情歌, 至於係咩樣的情歌, 都係等大家估下, 自己唔好想太多! 先食左碗芝心丸烏冬先, 真係好太好味, 可惜的係冇同碗野影相. 食飽飽之後先影底同學百態先~

大家好投入去唱k啊^^


阿聯你點牙? 人影你又影!? 我知我個鏡頭唔及你果個大啦=_="

蕃薯一於話之我地玩, 佢自己一個睇電腦雜誌~

唉呀~連我都入埋鏡添!? 死啦=_="

玩wii, 勁正~!!同阿銘玩隻game係控制隻馬仔食野取分, 比阿銘田win左我, 激氣! 整到蕃薯都好奇睇下我玩咩game, 我一打機就會瘋狂, 咩都唔會理. 我哋會係中途換房, 我都仲玩緊wii, 蕃薯都拿住我之前拿的psp, 叫我唔好再玩, 阿光又叫我記得拿果二個手制....我又打機打上腦, sorry>< 去到另一間房, 已經冇得玩wii, 真係失望. 不過唔緊要啦, 仲有個生日派對, 有兩個大蛋糕啦, 香濱啦, 仲有各同學送的生日禮物.

大房變細房, 間房其中一部分~

其中一個cheese cake~簡單得黎又幾靚, 味道ok^^

我同文迪, 壞人買的蛋糕啊~哈哈~個cake真係好靚啊!

香濱黎到~呢支野真係幾好飲架~

點少得我哋全體的合照牙~不過neway果位哥哥又真係影得差d....仲有我點解好似挨左落蕃薯度架, 蒙上污點啦><

唱完k之後, 大家似乎意猶未盡, 想食埋個晚飯先, 不過大家又唔太肚餓, 由佐敦行到去旺角, 佢哋當然冇問題啦, 但我穿住對三吋高跟鞋就有問題, 真係撞鬼!! 直至睇完相機之後, 大家先決定好去沙爹王食飯, 文迪, berry及我分左三樣野黎食~我哋都食到好飽, 好好味^^

berry叫的冇骨鳳爪~食完仲想食多d, 一流!

葡汁焗四蔬, 尤其係西爛花, 一流~

文迪叫的咖哩牛肉粉絲~好香咖哩味^^

我叫的芝士蕃茄焗餃子, 但佢地都冇食到, 我一個人食哂, 好好味~

食完飯之後, 我地各自回家, 應該咁講, 本來係我自己返屋企, 蕃薯去左toliet, 但我都係唔捨得佢, 於是sms問佢係邊, 希望我哋一齊坐小巴回家. 最後我哋都會合左, 一齊坐小巴. 我好奇拆左文迪份禮物, 佢送比我的禮物好靚, 但有個[戀愛成就]的字樣, 當蕃薯問我份禮物係咩黎時, 我即刻把佢放係盒內, 之後又慢慢拿返比佢睇....我做咩咁驚青o者!? 比佢睇咪比佢睇囉, 真係生人唔生膽!! 之後佢仲大膽啊, 佢突然捱係我博頭上, 同埋攬住我, 又[meet]我肚子, 啊~!! 佢做咩牙, 而且仲扮哂野, 架車轉彎仲kiss我!!!!???唔係掛!? 琴晚用左支淋浴露, 又話會令段關係清清楚楚既? 點解仲係瞹眛關係架!? 可能冇咁快見效呢, 都係再睇耐d先算啦...

我全日的生日禮物終於登場~左起: 奧運福娃(雲妮送), 生日卡(全班同學仔), 粉紅戀愛成就(文迪), puzzle(winnie), 及大腳板匙扣(阿聯), 多謝咁多位的禮物, 要好好keep住先^^

好友聚會, 心靈治療及文迪屋企過夜^^

今日好開心可以見到文迪及蔡蔡, 尤其係蔡蔡真係好耐有見~真係好期待呢!!

文迪有點事要做, 遲d先黎會合我地, 我同佢一見面好多野傾, 本來想行去食下lunch, 都唔知行左去邊度, 最後去左維園附近商場的味千食飯, 果度格居都唔錯架!

全部都係玻璃窗隔住, 睇落去好光猛~

我想食我至愛的咖哩豬排拉麵, 因我的皮膚唔係咁好, 所以蔡蔡叫我食d比較清淡的食物, 而我總係最唔聽話, 點選擇都選唔到清淡的食物, 叫左個咖哩牛肉拉麵, 而蔡蔡最後都同我一樣, 哈哈^^

牛肉咖哩拉麵架到~真係好好食牙!

當我地食緊拉麵時, 文迪終於打電話黎, 問我地係邊度, 我地都唔知點答佢, 只係講左大約位置比佢知, 好在佢都可以黎到, 真聰明!! 我地傾左冇幾耐, 文迪已經預約的心靈治療已經遲到, 我地連忙搵預約的地方, 我哋周圍去都搵唔到, 行左一陣, 終於搵到啦, 快d入去先~去到果度我唔敢影相啊, 惟有係其他網站度拿d相黎用先, sorry喔>< 由底下影上間店舖上, 都已經見到店舖的名啦!

店舖內的wall呀~五顏六色, 見到真係好開心喔^^

店舖外的樓閣, 也係我係全間店舖最鍾意的部分, 可惜的係冇真正出去睇過~

各種的顏色治療的油, 茶係身上架~

死啦, 掛住周圍睇, 我唔記得左今日的目的添! 個心靈治療師為文迪治療啦! 原來文迪本身都唔知問咩, 於是治療師先用呢個顏色治療幫文迪, 咪即係叫人買野, 個治療師話最平及有效的係用淋浴露, 有不同顏色, 應該用邊隻好呢? 原來毎個人身上有個氣牆, 係有儀器測量的, 而人因為不同方面之事物而情緒不穩, 最終會影響氣牆, 而自己的氣牆差的話, 會影響身邊的所有人....最後治療師為文迪選擇左專旺各方面的白色及事業的綠色淋浴露.

後來個治療師講開毎種顏色的意思, 文迪當然問藍色吧, 原來藍色代表不安, 於是文迪代我問埋個占卜師purple.代表咩, 原來係代表唔愛自己及成日唔開心, 而且仲睇得出我成日唔開心. 其實係架, 雖然的擁有家人, 朋友及公司的好老闆及同事, 但總係成日覺得唔開心, 除左因愛情失意外, 最重要的係唔愛自己, 如明知同蕃薯已經分左手, 佢又冇心比女友個名義我, 但又同我瞹眛, 令我真係好辛苦, 如果聽文迪, 蔡蔡佢地講, 死心的話, 跟本唔會咁. 個治療師聽完我的故事後, 都叫我放棄呢段所謂的情. 我真係賤格, 唔聽文迪及蔡蔡講, 係要第三者同我講先聽, 激死左你哋兩個, 對唔住喔~最後我都買左一支紅色的淋浴露比自己, 除左可以快d解決我同蕃薯多個月的感情外, 也可以有助我同家人, 朋友的感情好d, 尤其係我媽媽

紅色淋浴露的真面目, 味道都ok既....

睇完心靈治療後, 我哋三人去左飲杯野, 而且仲講返起頭先講過的事, 文迪同蔡蔡教我唔好把愛情睇得咁重, 而且一開始認識男仔時, 唔好只掛住同佢地做朋友, 先做朋友先做情人等等呢d道理, 那時我覺得全個人突然覺得輕鬆左好多, 而且開始想通, 唔會再為愛情而煩~

我差d唔記得影~係我飲的椰汁珍珠, 個角度影到變左粉紅色!?

飲完野之後, 我地三人去海旁傾計, 附近有奧運的投射, 重影毎個運動員的精彩片段~加埋各遊客的歡呼聲, 真係好嘈雜呢!!!!

其實個影光幕好鬼細, 我見人地影得咁開心, 自己又走去影下~

好少可以見到個大月光架, 加埋附近的海景, 真係好迷人~

係我地傾計途中, 有個婆婆拿左一藍花黎賣, 我見佢好可憐, 而且只係5元支, 於是幫襯下佢, 可以送比我好友文迪及蔡蔡^^

傾傾下都已經十一點幾, 我本來想返屋企, 突然佢地有個提議, 就係文迪屋企過夜!? 我從未試過係人地屋企過夜, 唔係, 其實係試過去以前係工廠度做野的auntie屋企, 不過已經好耐冇試過, 我即刻打電話比我媽媽, 好在我媽媽都好好, 加上佢地兩個係電話邊叫auntie你好, 佢話見係女仔先至比, 好野! 好開心呀~我地三人一齊行去佢屋企, 打擾哂啦!!去到佢屋企, 佢為我地準備好被子及衣服...麻煩哂你, 我地傾多一陣; 用埋支淋浴露沖個靚涼; 又同蕃薯及網上bf傾計完後就訓左...

期待聽日的生日會, 呵呵~

已經心死

點解我總係為佢而唔開心, 哭左好多次都冇用...

今日蕃薯佢有個朋友比車撞親, 車到隻腳, 佢鄧個朋友擔心, 因佢個朋友唔願意去醫院, 佢同個朋友講聽日唔好就去醫院睇下. 佢雖然係咁講, 佢就擔心個半死, 話[大佬牙...咁咩朋友有事都會擔心吧], 睇得佢對朋友好好, 如果車親腳果個係我, 佢一樣會咁擔心嗎? 我都一直陪住佢, 問佢朋友的近況, 當我知道佢朋友冇去醫院時, 我都有點擔心, 但係又有咩用?

深夜兩點, 佢突然同我道歉, 話呢個星期唔開心, 冇咩點理過我, 我問佢點解唔開心, 佢話因知道個ex要結婚, 唔知點解會唔開心, 仲有點心痛, 當然啦, 佢都未放得底個死人miyako, 講真我一定憎死佢!!人地結婚關你鬼事咩? 唔怪之得佢唔接受我......雖然佢話自己已經唔再愛佢, 只係有點心痛, 佢呃鬼我咩, 唔愛邊度得黎心痛? 已經九個月啦, 原來我一直愛佢, 為佢做我所有野都係白費, 突然我覺得我最近老闆娘一直陪訓我做老闆, 仲有之前個老闆及我姑姐都想我成材, 我覺得唔可以再哂時間讀呢個冇咩前途的course, so 我想中途退出, 加上我唔想再見到佢, 唔想再為佢傷心, 等那個冇結果的愛情, 趁時間唔係太耐, 應該唔心痛時離開會更好....既然呢次已經交左錢, 就讀埋呢幾個月, 之後應該唔會再讀落去, 無論對我, 或者我的未來及愛情都有好處

結果我為左佢, 成晚一直哭, 原來佢都冇愛過我, 直至四點幾先訓...

灰色地帶

今日蕃薯要去醫院拆線, 預定係下午去拆, 但我都係太擔心佢, 雖然即使今日要上個軟件堂, 我仍然狂同佢sms, 自己又衰, 冇關到按鈕聲音, 整到個同事比張紙我, 提我sms時唔好太大聲, 好在只有我一個人知....

本來想同佢去拆線, 點知佢話唔洗同埋我要返工麻, 仲話四點半之前要去到拆線. 直到十二點幾, 佢突然同我講話已經拆完線, 都仲要返工, 我話想去探佢, 佢出個哈哈笑公仔話唔使. 其實我見四日冇見, 都係想見下你之麻, 點解都唔比我見你?仲有唔係我主動hi你, 你根本唔會搵我吧? 自從下午搵過你之後, 你一直都冇搵過我!

不過算啦, 我哋又唔係情人, 唔需要日日見吧, 即使唔見都冇問題, 我仲去期待d咩?我以為佢最近對我好左, 同我食飯, 佢會有少少咁多鍾意我, 原來一直只有自己係度努力, 多數只有我關心佢, 佢從來都冇表示過d咩, 可能連佢自己都唔想見到我吧! 好多野只要努力就會有回報, 但我可以咁講, 愛情呢樣野冇囉!! 我開始覺得好累, 我咁辛苦表示自己心意, 明示又有, 暗示又有, 點解最後一點回報都冇? 係咪我真正放棄, 唔理佢會好d呢? 既然我係佢心目中都係唔緊要, 冇左我佢又唔會覺得可惜, 更加唔好話佢會唔會緊張及掛住我, 睇黎我以後唔好再理佢好d! 希望我係呢篇blog之後, 唔好再提起佢, 提下其他男仔吧, 呢個世界咁大, 話唔埋會有個真正愛我的男仔呢. 之前真係愛佢, 太執著佢一個人, 而忽略左其他對我好的男仔, 睇黎我要爭取另一段幸福吧!

佢到左晚上終於主動hi我, 但佢太忙而好少同我傾, 呢日我完全唔開心, 同左仲少傾計, 佢有同我道歉, 一切都唔緊要, 你根本對我冇心. 傾咩都有咩作用, 當我向佢提及同個男仔傾心事時, 佢問我傾咩, 當然係關於你啦, 但我點講出口? 佢突然同我講想出去散心, 於是我同佢講, 你都有好多fd(女仔朋友)啦, 叫佢同d朋友去咪得, 之後佢又同我講[無...時...間]. 我問係蕃薯定佢朋友冇時間, 佢話自己冇吓!?見佢都辛苦, 於是同佢講話我同佢散心, 跟住佢即刻問我想去邊, 不過要遲d先...吓!? 佢頭先唔係話冇時間咩!? 佢反應都轉得幾快!! 其實佢成日都話同我去街啦, 但都只係上星期日去過一次食飯, 之後都冇見面....聽住先啦, 一笑置之算啦, 男人講既野信唔過, 唔好擺係個心度! 都唔知佢諗咩, 騎騎呢呢...

中藥及靚女

今日係文迪生日, 先祝佢生日快樂, 永遠都咁開心~~

老闆娘見到我條頸的皮膚有事, 話我有濕疹, 但唔太serious果隻, 於是同我講不如去睇中醫. 其實我以前我媽媽帶我去睇過一次, 我因為怕藥苦而唔去, 估唔到隔左幾年, 我比第二個人叫我去睇, 既然老闆娘叫到, 自己仲唔去咩, 於是我就去公司樓下間中醫睇下吧!

登記左後, 有個女中醫師幫我診證, 佢只係幫我把下脈, 周圍望望及伸條舌比佢睇下, 就見佢執筆幫我寫藥方, 好似好勁咁既樣, 寫左幾筆之後就叫人幫我執藥, 一日食兩劑, 要食二日, 總共四劑, 分別係十二點及四點, 而且仲有個免費送藥服務, 可以送到公司, 不過只限毎日的首劑, 第二劑唔會送, 要自己親自去拿, 都好過無啦, 而且仲相當平, 四劑連埋診金只係百五元, 毫無意外的話, 保險好似有得claim返全數, 當然去睇啦, 最多我只係出支藥膏的錢, 要成四十五元>< 終於到食第一劑藥的時間, 佢係用紙杯裝的藥, 一聞到陣味就覺得好臭, 飲左一啖, 真係苦到入心, 自己都唔係好想飲, 但冇理由倒左佢, 人地都有心機煲, 加上自己又比左錢, 惟有用老闆娘的方式, 邊食餅乾邊飲藥, 雖然係冇咁苦, 但都係苦><"仲要飲多三劑, 不如殺左我好過!!

真係要自己去拿第二劑, 可能呢劑凍左少少, 又冇咁苦, 我可以唔使食餅的情況下飲哂, 但之後問題出現, 我開始覺得頭暈, 而且冇咩胃口. 阿珍買左西餅返公司同叫我食, 我都冇食到. candy都話我轉左死性, 竟然唔食野, 總之我咩都唔想食, 只想快d放工返屋企....

返到屋企覺得無聊, 睇返fb上的人留言, d人都係因為見到我張相, 佢地話覺得我靚先會hi我. 我突然有個想法, 靚真係咁重要嗎? 加上老闆娘又成日同我講, 如果想靚d的話就飲中藥去改善皮膚, 於是我係msn上打句msg, 話索女改造計劃之類, 之後阿銘就hi我, 佢問我點解咁講, 我就話因為聽到男仔讚我靚而開心, 同埋為自己like的男仔(蕃薯), 佢話個男仔因個樣而鍾意我都係冇用, 但我自己覺得如果唔靚的話, 都唔會有男仔鍾意啦! 阿銘都睇得出我的出發點係為左男仔, 本來女仔貪靚係天經地義, 但最重要的係個出發點, 同佢傾計真係得益不少, 而且佢仲讚我性格可愛, 不過都冇用啦, 都唔會有男仔識得欣賞. anyway, 多謝佢讚賞^^

難忘的生日

雖然今日係我生日, 因我本身同公司d人唔係太熟, 所以我冇同佢地講我今日生日一事. 但對我黎講, 自己卻同佢地過左一個特別的生日....

今朝一早返公司, 老闆娘已經同我講, 佢見樓下飲品平, 買左四箱飲品, 叫我推架車仔落去拿. 吓!? 一返工第一件事係...推車仔??果然係生日, 從來都冇試過, 而且佢仲同我講話, 我係公司內負責食物果個, 嘻嘻, 都唔知好嬲定好笑!? 好在mooji見我之前連扔張chair都要人幫, 所以佢同埋我落去搬飲品, 起初我以為佢係因老闆娘叫到先去陪我, 原來佢自己幫我, 多謝哂你^^

我地公司近排買左個軟件, 因我公司全部都係用手動, 於是咪搵個軟件自動化囉, 今日又要上堂, 上左幾個鐘, 老闆娘叫我留意下內容, 第時要我去做, 仲話我公司個會計咩都做. 吓!? 真係慘囉, 希望佢加下我人工啦!!上完堂後, 老闆娘叫我去匯錢到大陸, 佢地先去食飯, 只剩下可憐的我立即去到美孚分行的銀行入錢, 其中更要比一封簽證的信銀行蓋印, 我又未做過, 以為唔使拿返, 好在我都發覺唔對路, 於是問下老闆娘, 拿埋封信先走. 老闆娘已經叫我快d到酒樓去食飯, 我拿拿聲趕過去

去到酒樓, 佢地似乎已經食飽飽, 好在阿珍一早夾左d送落我隻碗度, 唔該哂你! 我唔客氣, 開始食野先~老闆娘問我叫唔叫點心, 我都唔好太臉皮厚, 人問你就要咩, 要用人地d錢, 所以我都拒絕左, 寧願叫多一碗南瓜西米露仲好! 其中老闆娘老公帶埋工人及bb黎左食飯, 見到mooji及candy玩個bb玩得好開心~
睇下mooji同老闆個仔玩得幾開心~我真係好怕抱人地個b架>< 同阿b玩完之後, 返公司做左冇幾耐野, 已經放工, 好野! 今日唔係好使做^^之後約左屋企人去食飯, 原本同我姑姐, 媽媽傾得好地地, 阿光又打電話比我同我講生日快樂, 佢又問我係咪拍住拖, 搵鬼拍咩?佢話總之同我食飯呢...同佢傾傾下, 世上至恐怖的事發生, 個電話竟然冇電!!!????死啦, 我仲約左父母同佢地集合, 於是我上去我爸公司, 但又冇人, 於是我想去樓下管理處借電話, 佢地又冇, 結果要出到外面先有電話亭打電話, 真係要入一元打電話果隻, 真係冇陰公>< 最後終於集合, 同埋二叔, 二嬸, 堂妹,六叔, 我細佬及弟婦一齊飲茶食飯. 冇錯, 真係[全線大飲茶]=_="不過呢餐好明顯係輕鬆及開心好多, 當然啦, 同屋企人食麻, 大家有傾有笑先至好, 而且飯送都好豐富^^全家人共齊人啦, 一齊食飯!!但我影漏左個數細佬同弟婦=_="

真係一元一隻雞!? 係咪堅架? 個樣太正啦~

真係好多野食啊~食到捧住個肚啦, 好好味^^

我姑姐個保險朋友送比我架, 好得意, 我第一張真正的生日卡^^


父母及婆婆送比我的利是牙~雖然老土左少少, 但好多謝佢地記得我生日, 同埋佢地份心意~

仲有仲有, 阿聯及阿銘的生日快樂, 雖然係遲左一日同我講. anyway, thx a lot^^

好多謝各位親人, 朋友仔, 蕃薯, fb上的朋友, 大家的祝福及和我慶祝生日, 呢年真係我最開心及難忘的生日之一^^