我開始要準備定四月二至四日影相既衫,所以去左旺角花園街搵衫,咁岩joejoe開完OT之後打比我, 好在我仲未走, 於是約佢係旺角見面, 估唔到我哋仲可見, 真係幸運呢^^

睇黎joejoe都好累好餓, 我哋去返上次食天使麵果間餐廳, 同joejoe叫左同一款餐, 都係我上次食既白汁雙層魚(龍利柳及煙三文魚)天使麵, 點知已經冇上次咁好食; 而件充滿酒味既tiramisu, 呢次都已經冇咩酒味, 冇去一個星期全部野都退步哂咁..

之後同joejoe行左陣間, 見到有間店舖賣既野都幾靚幾可愛呢!! 好在可以比我任影, 太好^^



哇!! 全隻兔仔既燈啊!!! 除左可愛之外, 我都唔知用咩形容字去形容啦><



好少女feel既心型吊飾, 同我和joejoe對毛毛心型拖鞋一樣質地, 如果有間自己既屋及買埋真係好襯!!



花型既cool 旬呢!!仲要係rose, 都幾搞鬼架!! 等我有d錢都買返個先



呢個木做既蛋糕幾可愛喎!! 總之買呢個比姪仔玩下啦, 其實我自己都幾like~

之後再行花園街, 竟然比我買到而家興既牛仔長恤, 連埋啡色皮帶都只係59元, 抵到爛, 點解我咁講?? 因而家一件牛仔長恤都要八十幾元件, 佢咁平仲連belt咁抵, 唔怪之得剩下最後我呢一件><

行完花園街, joejoe建議行新世紀中心, 點知比我見到呢樣野....就係...一個復活節既兔仔展覽, 我既rabbit mode又再次啟動, 連joejoe都按我唔到, 我已經失控=口="



好可憐既兔仔呢...你睇佢兩旁既眼淚幾多, 唔知佢做咩哭呢????



兔仔呢次扮獅身人面像, 我就叫佢獅身人臉兔啦, 睇佢個樣傻傻地, 好搞笑!!



仲要扮埋太空人!? 佢個樣咁鬼祟, 好似做小偷多d...XD



仲有好多呢d公仔架, 可以咁近距離走到佢地身邊影相, 覺得好開心呢^^



著埋頭先買件牛仔長恤, 跟隻兔仔pose一樣影下相先~自己果然好傻婆=.="



想跟兔仔既pose, 好似錯左少少咁....而且只係覺得自己扮可愛, 真係受不了自己><



兔仔仲要紋埋身!? 邊夠佢玩呢?? 所以我都唔走去影, 影佢一隻已經夠睇頸啦^^



滑浪既pose!? 點解好似欠塊滑版咁?? 呢個pose真係學唔到啦, 都係比佢一隻兔表演啦...XD



仲有一個賣呢隻兔仔既攤位, 好在佢封左, 唔係我估自己又會大出血去買哂佢D野><



haha~真係幾多野買咁喎!! 而且仲幾可愛, 最重要既係價錢唔係太貴!!



之後見到牆上既兔仔, 話咩welcome, 想我地去邊度呢?? 等我周圍望下先~



係一間屋型鮮奶既屋後面!? 見到佢大大隻飲住支奶咁得意, 去間屋度睇睇先~



屋型鮮奶屋既前面, 而且仲有幾張畫, 等我地去近d睇下先~



原來係兔仔間屋既解剖圖, 如果佢間屋真係有咁大就好啦, 真係睇都有排睇...XD



仲有呢隻兔既介紹, 原來佢叫兔斯基, 而且佢部分介紹都幾好笑, 大家得閒可以去睇下~



間屋既內面, 都好似幾靚咁喎, 等我同joejoe入去睇下先~



間屋只係好細, 而且只有呢張畫比較靚, 其餘既就麻麻地好睇啦><



呢個係另一間屋!! 係樽型既鮮奶!? 唔知間屋偽咩樣既呢????



樽型鮮奶屋既入面!! 睇下隻兔仔幾識嘆~張梳化好似好正, 仲有好多人坐係度影相~



睇下我坐得幾串!! 但我也比較鍾意呢幅, 覺得呢張相比較似我呢!!



等我都影返joejoe影我既角度影返張相先~要joejoe幫我拎住個袋影相, sorry啊, joejoe><



再仔細睇下間屋既周圍先!! 有呢隻解剖左既兔仔既?? 咁鬼核突既><



仲有間屋內既唔同掛畫!! 全部都係兔仔佢自己黎既?? 佢真係自戀呢....XD



樽裝鮮奶屋內既兔仔~佢隻袖咁長都有既? 可能夠特別吸引左好多人同佢影^^



一個裝滿屋型鮮奶盒既櫃~入面有好多款鮮奶盒, 真係唔知影邊個好@@



各款屋型鮮奶盒既近照~有D係有兔仔個樣, 有D係其他圖案!



個大隻佬身型再配上兔仔頭!? 都幾搞鬼喎, 我仲改左佢個名叫大力奶!!



全場至靚係呢盒rose包裝既奶, 如果真係有呢盒奶, 我真係會唔捨得飲都未定...



呢包奶也好有性格呢!! 係我至like既黑及白色~ 仲有兔仔既傻瓜樣, so good!!

睇完左兔仔復活節展覽之後, 我同joejoe又去food court啦, 不過今次唔係食野, 而係去談心, 因為果度可以寧靜坐底傾下計, 不過最衰要十一點之前走啦, 毎次見面都傾好耐, 好唔捨得對方, 甚至好想係果度訓, 不過都係算啦, 發下夢好啦!!