一見到個標題, 以為我唔使返工呢, 當然唔係啦, 依然要返工, 除非自己中左六合彩幾千萬啦! 不過返工都有返工既樂趣既, 好似今日咁, 我要拿老闆娘樓宇按揭表格比佢老公填, 加上我又要親自去銀行交MPF, 咁咪可以又去下街, 唔使咁悶~

呢次係第二次去, 當然識路啦. 好快比完老闆娘個老公簽名後, 順便周圍去睇下先~果度風景真係幾靚, 最衰上次冇帶相機, 所以影唔到, 好鬼可惜. 所以今次我帶埋個相機去影, 加上老闆娘11月搬新屋, 自己都唔知有冇機會再去, 都係影定幾張相留念先~

老闆娘屋企樓下~其實係個水中公園, 可以比人行架, 不過我冇行到, 可惜=.="

我老闆娘屋企樓下, 真係勁靚~入面都好靚, 不過管理員係度, 冇得影><

佢屋企附近既lift, 就好似一個亭, 四周有水包圍住~

本來仲想影多d相及周圍睇下, 但自己都仲係返緊工, 唔好得意忘形啊!! 之後便交MPF. 最後返到公司, 點知返去勁多野要做, 會計方面要開始做成本會計, 計算毎件貨的profit或loss, 其實呢個係老闆娘叫我做, 但份文件點做就要自己諗辦法, 最後做完出黎之後老闆娘好滿意, 話係公司機密文件, 把呢d資料擺係佢間房, 又可以幫到跟單及見客果邊, 勁開心呢~仲有牙, 我由上星期開始用excel設計bra及收複褲, 開始接觸設計, 今日老闆娘仲叫我睇多d雜誌, 設計條收複褲比佢睇, 我自己真係可以做得到嗎? 自己又要做多d野, 都唔知開唔開心好?