好好彩地, 今日竟然掛起八號風球, 本來都冇咩好驚喜, 掛咪掛囉, 因多數會係冇幾耐就會除下, 兩個鐘頭內咪又係要返工. 但呢次有點唔同, 因呢個風球真係掛左成日, 雖然有時我提心吊膽, 驚個八號仔成日會落左, 所以成日留意個天氣報告, 我唔想返工麻~!點知都仲係八號, 好多同學仔也一樣唔使返工, 所以都一齊係msn度onlie, 好耐都冇見過咁多人傾計啦^^

嘩~使唔使咁多人牙? 撞鬼!

但都唔係維持太耐, 因有同學仔未完成份網頁功課, 最遲可係8月8日交(奧運開幕!?), 所以佢地都仲努力緊, 據我所知仲有文迪陳berry組仲未得, 加油啊! 文迪唔係太識做, 搵左蕃薯幫手, 點知佢同我講, 蕃薯都想搵埋我去. 吓!? 我都係果陣先知, 因佢冇同我提過, 我識電腦就話o者, 我唔識去黎做咩囉? 之後我問蕃薯, 佢話只有佢同文迪一個女仔唔方便, 呢個係咩答案黎架? 文迪仲笑我, 話又唔見佢對其他女仔咁講, 比佢講下講下, 又係喔, 我平時做功課都唔見佢咁講, 只係得我一個女仔, 又或者其他男同學做功課添, 唔通佢唔當我係女仔? 我唔係差到咁牙?雖然我真係有點男仔頭.....冇陰公囉><"

在對話之中, 先知文迪以前曾經住過tm, 所以都識路去. 之後我問蕃薯及文迪點樣集合, 原本文迪話我地先去tm等蕃薯, 而蕃薯叫我地係深水步等埋佢放工, 我就十五十六, 我唔想丟下文迪, 得佢自己一個人;另一方面, 我又好想見蕃薯多d. 文迪話佢自己冇問題, 會搵到人陪佢, 佢叫我同蕃薯一齊黎搵佢, 又話咩珍惜二人一齊的時間!? 雖然都唔太明白, 我同佢唔係情人果隻, 一直以黎只有我單戀佢吧? 是但啦, 總之有得見佢就好, 期待聽日~