今日我終於請左病假, 但唔係因為傷風感冒, 而係在六月時的一個病, 之唔係[心口骨發炎]囉! 大家可能唔記得左呢個係咩病, 講多次先啦, 其實係身體上(心口)的軟骨發左炎囉, 我會覺得個心口痛及好難呼吸, 都有d似心臟病, 不過我而家呢個病只要食d消炎藥就可以好返!
其實係晚上半夜起, 大約12點幾, 我心口無端端痛, 而且仲有種火瞥心的感覺, 好辛苦. 而f先生因為要趕住做好攝影功課, 即使我sms比佢, 佢也冇回應我, 不過我都把我辛苦呢件事話佢知, 之後我便訓覺. 但真係太辛苦啦, 竟在半夜二時幾起左身, 睇下佢有冇覆我sms, 跟住見到佢即刻問我, 問我有冇事, 而且仲有一件事驚訝, 佢竟然半夜打電話比我!?我當時都有d驚嚇, 我和佢細細聲傾電話, 傾左幾個字就訓覺
今日我媽陪我睇醫生, 其實我都估到係心口骨發炎, 只係想去拿醫生紙請病假, 比自己休息下及做攝影功課, 星期六要交功課啦, 我一d都未做過(>_<). 睇完醫生之後, 我就順便去左剪頭髮及染髮, 至於個新look係點, 我之後會post張相上黎, 而且我仲和二個幫我染髮及剪頭髮的男仔影相, 可惜的係我部相機冇插SD咭, save左在本身部相機度, 冇得比大家睇添, sorry~!!
剪完頭先後返去屋企, 開始整我份攝影功課, 但我仲未夠相, 原本想搵f先生幫手, 但佢又唔得閒; 這樣便問佢借塊星鏡, 在深水步地鐵站比我; 於是我又問mandy, 因佢問左阿駿借機, 佢應允同我出去, 好野!!多謝你呀, mandy^^我最後取消去f先生度拿鏡, 佢今日去人哋度拿攝影工具, 費時要佢走黎走去. 佢冇得見我個新look又慘左d, 咪星期五先見囉!
約在mandy在7:00佐敦地鐵站東海堂等, 但仲未到7:00, 我就同人玩msn, 分別係幾個中堅分子(即係on9一定搵佢傾的人), 包括mandy, edwin, 蔡..eva由於太忙冇搵, 仲有靜及同學仔波特先生hi我. 總共同左五. 其中波特先生在msn度話毎人都有個角色, 而我的角色就係做全班的model, 吓!?唔係掛?呢d優差唔好預我啦, 費時笑死人!
大約7點幾, mandy話因為聽berry電話而個電話fall左落地, 而且仲好似壞左; 而我同berry一齊等佢黎, berry見mandy都係拿攝影堂筆記,之後就話約左bf走左, 而我同mandy就係影相, 在呢度先多謝mandy佢特登同我影相, 因為佢跟本唔係影尖咀交功課, 加上佢冒病都要同我去海旁影相, 真係好感動及多謝^^除此之外, 都要多謝阿駿慷慨借相機比我哋二個, 我哋呢班實在太多好人啦~
講返影相先, 其實我哋二個基本上沿住上星期六成班同學去影相的路去行, 呢次只係補影返部分相, 比我拿去交功課, 而家比大家睇下我(及mandy)部分作品先, 有d係mandy影左比我交功課....
影完相之後, 大家都各自返屋企, 期間f先生send左短訊黎, 話聽日唔返學. 唔係掛? 你星期六又要出job冇得返學, 如果連你星期五都唔返, 咪見唔到你囉! 而家惟有明天有轉機....
2 意見:
好靚呀d燈飾, 好有xmas氣氛, 你同mandy一齊出街街真係好正呀~ 但幅相太細, 睇唔清楚你的新髮型...
仲有我最鍾意個波波tim~
你心口痛就真係要休息多d啦~ 唔好掛d sms!!!
被形容為中堅份子!? 哈哈, 咁日日都係呢個時間返工, 當然係中堅份子喇, 你自己都係喇, 不過今日唔係, 因為你請病假嘛xd
唔緊要啦!你到最後都有得見我個髮型,個髮型ok嗎?不過我都係想要返長曲髮..(哭)
係呀!我都覺得呢張好美,所以放左張相在呢度!
我在第二日已經好返哂,thx~!!希望以後唔好再痛啦!
張貼留言