最近睇我個blog的朋友仔, 唔知毎日睇我和fantasy之事會唔會悶呢? 睇黎我個blog都要改名, 唔好叫[黑夜之風], 不如叫[幻想愛情]啦!至於個名的由來, 你哋自己估下啦^^不過我唔會用呢個新名, 放心!因為實在....好核突!

今日如常同佢msn, sms 及一齊返學, 不過佢今日病左, 連聲都沙埋, 平時佢都鍾意撞我個頭, 今日唔撞啦! 感覺上冇之前這樣親切, 有d唔開心添!在車度一直掛住傾, 竟然見唔到tracy坐我哋前面二排, 我哋會唔會離譜左d呢?對唔住呀, tracy, 下次我會留意你及大家同學仔(>_<)

在break時, 阿銘幫我整返好張咭, 而我又掛住打機, 附近有mandy, berry及tracy在度, f先生和d男同學去左買野食, 而我也一直擔心佢病而冇留意mandy今日穿左好少衫, 所以覺得冷, 點解我會這樣大意架! 真係好對唔住, 最多我攬住你玩cooking mama2, 整樣野比你食先^^

之後f先生返黎, 佢摸tracy個頭, 話部機食左佢錢, 想起蔡蔡同我講過摸頭係情人動作, 令我覺得好難受及心痛, 於是我在後半堂真係一句聲都冇出過. 同時也令我想起, 其實佢一直都冇開口叫我做佢女友, 又未拖手, kiss, 攬住呢d親密動作, 即係都未正式女友, 我有咩資格要為佢呷操? 所以我最後只係間中望下佢算....

放左學之後, 大家又各散東西, 我又冇哂心機, 都係打機吧! 返到屋企時, f先生又send sms 比我, 大家講開出面好同自己屋企, 佢話自己屋企好暖, 而我屋企好冷, 於是叫我快黎佢屋企, 跟住我抵死到問我訓在邊度, 佢竟然話佢做地王, 比張床我訓. 無論係真定假, 聽到都應該開心吧? 後來我見佢病, 講左不如掉返轉, 我訓地下都得.....傾下傾下d無聊野, 又傾到一點到, 最後自己太累訓左教.....