其實琴日同埋今日都要出job, 去葵興工作, 冇得msn的日子真係想死! 但放左工之後就有好野跟住自己

首先係放左工後, 行過一條天橋先會到地鐵站, 在天橋途中見到一班阿婆拿住個捐款箱, 叫人買把扇, 起初個阿婆講唔清楚, 以為只係捐錢, 咪想只比佢五元, 後來我先知佢要我用$20 買一把, 係贊助獨居老人的日常支出, 以我一見到老人家就心軟的性格, 我就買左, 但我無後悔過, 可能因為[助人為快樂之本]掛, 句野娘就娘d, 但幾貼切 (之後post把扇張相上黎)

跟住返到屋企, 我姑姐打電話比我, 話我個畢業典禮在10月21日舉行, 但件怉的費用要 350元????唔係掛? 要這樣貴, 寧願唔穿!(講笑)不過又命不該絕, 之前做part-time 幫公司入數有二千元, 同我姑姐一人一半, 自己都有一千, 加上阿媽比五百我作為畢業禮物, 和之前買化妝品對數仲有得earn~!哈~

再之後蔡蔡都打過黎, 加上之前在msn提及, 9月節目如下 :
9月2日 : 同eva, veron 同我慶祝阿蕉生日
9月8日 : 同liz, 寶妮, 嘉華, 蔡同我在tst食晚飯, 約左6:00在地鐵恒生等, 不見不散!!
9月9日 : 蔡蔡, 小慧食飯
9月15日: 暫定去靜屋企傾計 with 蔡同我
9月16日:同eva, veron, 蔡蔡, (or 蕉)去海洋公園
9月19日:當然係最最最重要的日子 -我弟結婚!!果日會請假, 各位老友記之後先同我msn, sorry~!!不過而家仲煩緊果日穿咩衫, 我弟個gf只係穿晚裝, 我冇理由又穿晚裝去搶鏡掛? 最多驚阿爸話堅持晚裝, 係就pk啦!

總之9月節目勁多, 好似只有月尾先至有得休息, sorry, 計漏左在9月10日之後ive 會開學, 可能又會忙返, 不過無論如何, 都會去毎一個約會, 希望第時天公造美, 唔好再落雨, 同埋星期六節目唔好撞期, 就萬分感激!!