大陸點存貨日

今日晨早出門口, 好鬼眼訓呀! 鬼咩! 成六點幾起身, 加上天氣又只有十幾度, 又冷又累, 不過算啦!我在呢年四月都走啦, 呢次係我最後出外工作, 都係同姑姐快快換左衫之後便坐小巴去旺角火車站吧!

我哋去到旺角火車站之後, 我哋去搵埋個客個男會計, 一齊坐車去羅湖, 在車途中大家都冇咩講, 可能大家都眼訓掛? 大家只拿左地鐵站附近拿份報紙各自各睇, 我睇睇下都挨左在姑姐博頭訓左覺....坐左大約一個鐘, 終於到左羅湖, 今次我終於記得我哋點存貨的地方, 係在東笎的長安, 我哋坐直通車, 之後再坐的士, 大約個幾鐘到, 在途中都係做同一個動作, 就係訓教....

終於到左個客間廠, 我和姑姐, 同埋客個會計, 經過廠內人員帶領, 我哋先成間廠行哂, 睇下有咩地方的存貨要點之後, 我和姑姐開始點存貨. 我哋由底層開始點, 毎點毎個地方, 都有成二至三個人跟住自己幫助盤點, 我真係覺得好鬼煩, 因為多數都可以自己一人完成. 講到呢度, 可能大家唔知咩係點存貨, 等我大約講下先 : 其實毎間公司的會計要把毎次出入貨都要入賬, 而我哋呢次去就係睇下個客有冇入漏貨, 點下貨品數量是否齊全.

呢次d人在點存貨時或者功夫唔夠足, 有時會見到有人簽漏名, 不過呢樣都算, 我仲見到有張點貨物紙所寫之數量與現貨不對, 我話左比我姑姐知, 我姑姐之後再計算總數, 好在總數冇錯, 只係寫錯數量, 但已經好似好大件事, 有成五至六個員工走黎睇, 我應該發現這錯處嗎? 好似好serious...

由於呢年存貨比往年少, 我哋在大約四點幾已經全部完成. 我姑姐見仲有時間, 我哋去羅湖商業城行左一陣, 唔知係咪d[人仔]貴左, 加上果度d價錢差唔多, 真係唔抵囉! 我哋在菜肉市場買左d餃子及小龍包, 都係五元六隻, 個餃子都仲ok, 起碼都仲有d好食; 但個小龍包外面個皮厚到死, 真係[包]黎!入面d肉又唁唔新鮮, 真係食一次夠哂!

最後我買左一條二十元黑色7分褲及一條手錬, 條錬好過隱, 係女性內衣及其他飾物. 起初我以為問姑姐借錢買, 後來先講我知係我幫姑姐做數時所搵的錢買, 總之買貴d!!
後來返左黎香港, 開返個電話, 第一樣野見到...f先生比左個短訊我, 內容話 :[kumi在大陸一定工作得好辛苦了....我今日都好忙....但..好掛住你tim], 我見到呢句, 我當時成個呆左, 係開心到呆左果隻, 黎唔切反應....我都係第一次收到呢類sms, 我即刻覆返佢.本來想同佢一齊渡過除夕, 但佢又同朋友去食飯, 不過佢話有時間會去搵我, 聽住先啦!我自己一個只好返屋企同屋企人打邊爐

直到十二點, 新年終於黎到, f先生在尖沙咀, 由於睇完幻彩詠香江, 尖咀塞滿哂人, 地鐵口又封鎖哂, 佢被迫行到旺角坐車返屋企, 佢返屋企途中我哋一直有傾電話, 雖然係斷斷續續, 但都非常開心....佢成二點幾先返屋企, 我好眼訓啦, 訓教先...

都叫完成cs功課

今日下午我哋三個約左一點在返琴日間cafe等, 我就一早去到, 但阿光及susuki未到, 於是我在果度睇住漫畫等佢哋二個黎. 我冇叫到飲品, 因為佢哋唔黎點算呀? 我銀包真係冇哂, 都係唔好講埋d羞家野...大約半個鐘, 佢哋二個終於黎到

阿光話夜晚要睇死亡筆記, 所以仲有d未畫完, 在cafe立即叫左食物之後再畫, 我就修補自己上色部分; 而susuki就畫住少少邊先. 後來佢哋工作完成哂, 只有我上色, 佢哋一個拿住部nds, 一個拿住ipod睇[茶煲阿四]. 呢二件事我都想做呀(>_<)不過佢哋願意陪我上色至到夜晚7點都好, 多謝你哋二位!而家比住我部分作品大家睇先 , 影得blur左d, 大家唔好介意....

呢五張都係叫做呢份功課之中好d果幾張, 全部26張由我一個人上色, 真係上色上到死左, 大約都用左十個鐘頭到, 估唔到自己好有恒心去完成!其實我都好討厭上色, 我寧願做畫果個囉! 而家令我對木顏色筆有d害怕添!

做完cs功課之後, 由於我明天要去大陸點存貨, 所以我去左姑姐度訓一晚. 姑姐仲煮左我至愛的烏冬, 好野~!!原本我想做埋cs, 點知六叔在屋企用左張枱做佢自己野, 在我冇得做功課的情況之下, 我惟有幫我姑姐做audit功課寫文章....好耐冇寫過英文, 寫到我嘔血, 不過為左姑姐就算啦!

途中我當然有和f先生sms啦, 話比佢知我因明天要早起身而早訓教, 點知佢竟然打電話比我, 叫我穿多d衫, 小心返大陸冷親, 我叫佢你都係啦, 而家開始冇咳, 唔好再冷親. 而且佢仲答應我星期六上完攝影堂之後會幫我做攝影功課, 其實佢第二日都要做佢自己果份攝影功課, 佢一定好辛苦架!佢仲講笑話我份功課係全班第二份至美, 第一份至美!?...當然係佢果份啦!不過我都希望佢唔好太辛苦啦, 都係星期六先至算啦!

同佢傾左二十分鐘電話之後, 佢叫我早d訓..但我又衰, 想睇埋[茶煲阿四]先至訓教...惟有睇下自己可否聽日早起身!???

開始做cs功課

今日同五位組員:阿光, 阿ling, ryan, winnie及susuki 去左做cs功課, 去左一間cafe 度商討cs最後一份功課 -storyboard. 等我講下呢樣係咩黎先, 其實佢係逐格畫返全個故事, 仲要上埋色....果然係個難度, 我哋最後定好毎個人在角色 :

阿光 : 畫畫超勁的佢當然畫果部分啦!不過唔該唔好見我和f先生sms而話我哋, 好嗎?努力d畫好過啦!

susuki :當阿光畫完及我做第二次修改之後, 佢負責用黑色類似marker畫邊, 對整幅畫都好重要架, 小心d!

winnie, 阿ling, 壞人 : 你哋負責後期工作吧! 你哋點整個storyboard話之你哋啦~

至於我呢? 哈哈~照以上的描述, 我做的當然係優差啦! 就係...上色及第二次修改阿光d畫囉!等阿光仲成日話我添!

可惜我哋用左成日時間都唔可以完成, 後期製作部d人可以等我哋完工, 我, 阿光及susuki要明天再約出黎做功課. 唉....真係慘呢...我再出黎工作冇咩問題, 但最弊我要用錢麻!!!!我呢個月已經冇錢啦, 真係唔知點死囉!好在之前有老闆比我果一千元, 當然我唔會用哂啦! 要用黎交學費架!惟有希望公司快d出糧比我....

終於拿返自己同學班相

在呢個月尾, 我終於有時間打blog及做自己野, 當我打blog時, 發覺自己有好多和同學仔的合照都冇, 在msn又見到波特先生, 於是咪同佢傾幾句, 同埋拿返d相囉, 而家放在呢度比大家睇下先~呢張係在上完cs堂, mandy在受傷之後第一日返學影...點解我會企在後排架?仲要比f先生整我牛角添!?(怒)

呢張係英文最後一堂影, 我真係幸福啦, 左擁mandy, 右擁tracy, 男人便不能做到呢...而且我困陣未同f先生正式在一齊, 原本同學仔叫我哋企埋一齊合照, 最後都冇一齊企到影相...但我有二美女在身邊, 算數啦!

最後拿左呢一張, 在boxing day大家齊人時影, 由於之前我和f先生在放假時已經約會左幾次, 所以都唔介意二個坐埋一齊合照啦, 仲帶住對騎呢眼鏡...

總之呢次真係辛苦哂波特先生, 我估應該冇漏掛? 至於影燈飾果張我已經問左f先生拿, 期待可再影多d合照^^我和波特先生講多謝之後, 佢竟然話我比佢影十張相(交功課)便算...!?咪玩啦! 我先唔會做你model呢, 因我呢份功課要影自己麻....

抒情小品!?應該算係掛?

其實愛情到底係咩呢? 直至而家我才能真正接觸過, 呢種感覺似遠若近, 觸摸不到, 既固定又似非固定, 一切只能用心去感受, 領會.....只要自己全心全意去愛佢, 真正內心了解佢及知道他實際需要便可以, 而且係不問回報, 不希望他對你付出的愛的比例完全和你相同, 而係你為佢付出幾多, 不問任何回報, 惟一要求的係那男友真心及只喜歡自己一個便足夠了.其實在要求男友為你付出之同時, 你自己又可為他付出幾多呢?....在這個過程中, 自己本身懂得愛自己, 保持自己心境純正及開朗, 存在一份不但對情人的愛, 還有對家人, 朋友, 甚至係大自然的愛, 用愛去擁抱一切.

夜欄人靜, 工作過後, 我無時無刻都想起你, 滿腦子盡是與你愉快度過之回憶, 雖是短暫, 卻是人生之中最美好, 難忘之回憶..希望與你度過毎一段人生, 一齊分享悲與喜, 分擔各人之痛苦及苦惱, 與其只有你苦惱, 倒不如二人在苦惱, 也許這一刻我未能幫助你, 但願能成為你最忠實, 對你不離不棄的聆聽者, 甚至成為你內心之支柱...相反地, 我也會毫不保留地向你分享一切, 你不用想盡方法去幫助我, 只要你寧靜地在我身旁, 支持, 鼓勵及安慰我已經足夠...

而家都係轉返channal先!!哇!? 好耐冇打過愛情散文, 真係難頂到暈...!?但其實唔係自己無聊, 而係有感而發, 講出自己的心情, 在blog上打出黎, 或者睇的人唔多, 但總算可抒發自己感情, 而家講左出黎個心都舒服d! 有時打下呢d抒發心情的文章都幾多, 但唔知下次係幾時呢?

同學仔見面之日

我和f先生做咩成日都要一齊出動架?連呢次約好同學仔打羽毛球都係...我哋約埋在旺角地鐵站等, 之後一齊去搵路, 行左好多路先至到我, 簡直係已經做左運動先至去啦!

我哋最後終於到左運動場, 但果度有二個室內運動場, 經f先生問左波特先生?之後, 我見到mandy已經企在門口出面等我啦, 多謝你啊~等我都補送返份聖誕禮物比你先, 咪走啊~!!最後我都送左其中一份禮物比好友啦, 好開心!跟住我和f先生咪落場打下波先, 點知比個管理員話一定要穿波鞋打, 最後f先生除左對鞋打, 同mandy一隊, 波特先生決定用雙拍, 而我呢...都係周圍影下相同打氣啦!呢張相其實好難影, 仲要影到f先生jump起左打羽毛球, 連波特先生都讚我有攝影天份~(其實只係撞彩...)

仲有無聊地影的羽毛球用具...弊啦, 果個拍其實係壁球!? 我影黎做咩呀?

好啦, 講返mandy果邊打波先....吓!?f先生在度做咩呀?冇眼睇囉, 大家自己睇下啦~ 好心佢就學下mandy及波特先生認真打波啦!!!
打完波之後, 我哋等各球員?換衫之後, 在門口出面等. 點知班男仔掛住玩相機, 我都冇興趣理佢哋, 後來我見到有個可愛的細佬男仔, 於是我走過去同佢玩下, 後來家姐都走埋過黎, 可能細佬男仔怕[生寶], 起初好怕走到我附近, 後來先跟住我周圍玩; 至於家姐呢, 就熱情好多囉, 佢做咩動作我都跟住做, 自己成個大細佬跟住佢哋玩....哈哈...好耐都冇試過這樣開心, 後來我問左麻麻, 佢話男仔就歲半, 家姐就四歲, 家姐好似叫ruby架; 而且仲知佢哋一家人一齊黎玩, 仲有媽媽, 姑姐添...真係想返我以前, 屋企人都好鍾意帶我及弟一齊去玩, 所以這種感覺好令人懷念...那時的我無憂無慮, 真係好開心...最後我幫佢哋二姐弟拍照, 佢哋真係好得意!佢哋最近終於跟屋企人走左, 好唔捨得佢哋呀(>_<)最後波特同我講, 叫我轉職做幼稚園教師!?唔係掛?不過我又幾鍾意佢哋, 同佢哋玩真係好開心, 可以忘記一切煩惱...不過比其他同學仔見到我個大細佬樣....!?似乎唔係太好..

跟住我哋成班同學一齊去食飯, tracy都會同埋我哋一齊, 好野!!我哋最後去到新世紀美食廣場食飯, 由於我, tracy及ling一早食左野, 可以三人share一個套餐, 雖然最後係唔好食...但見平就算啦!當中波特先生提議去f先生屋企打機. 唔好啦掛!?我唔想又去多次, 當然我冇講出黎...

好在最後都係去返唱k, 我哋唱happy hour, 毎位盛為75元...波特先生自告奮勇去附近幫同學仔買飲品, 而f先生在出面等佢. 我哋理你呀, 我哋成班入去坐住先~之後f先生竟然打電話問我, 我哋在邊間房唱k, 點解會問我架?是但啦! 呢間k房好在一樣野, 就係有獨立廁所, 勁正!

一開始有工作人員拿d禮物比我哋, 我貪得意全部帶哂在我頭度玩, 結果咪...都幾騎呢下!都唔知點解我鍾意埋d騎呢野, 仲要比人睇添!我哋途中當然唱k多, 而且仲點互相點左d大家唔認識的歌, 我當然點日文歌, 但f先生一定認識, 因我哋都like YUI, 波特先生點左首粵曲, 我哋真係投降囉~我至怕聽呢d歌, 仲有f先生點mika!?算啦, 你一定唱唔到...至於其他人就正常d, 阿駿唔使講, 一定點joey的歌; f先生一定點側田, 仲有男人ktv添!佢明明話唔認識唱, 點解會識唱架? 唱左我對側田的至愛歌曲! 其他同學仔都係唱舊歌多, 都唱得幾好聽!

至於我點左咩歌呢? 估唔到我點左男仔歌, 其中一首係陳柏宇的固執, 當去到呢首時, 我咪開始唱囉, 點知f先生話呢首歌好呀, 於是佢又唱埋一份. 弊啦!我哋大哂計啦, 成班同學仔出哂k房, 只剩下我和佢二人在度唱, 仲要一直唱到尾!? 之後先叫返佢哋返入黎, 一齊影左相之後. 我,f先生, 阿ling, 波特及及阿聯一齊走人時, winnie及阿光都黎左, 我哋全班黎個大合照, 我等波特send返比我啊, 因為張相我帶左副紅色閃光眼鏡, 而f先生起初較好相機準備影大合照, 跟住同學仔要佢在我隔離影相之餘, 仲要帶埋另一副藍色閃光眼鏡, 估唔到佢竟然二樣都做!?咪即係....默認我哋之間的關係嗎?(一睇都知邊個係我哋二個)

影完相之後, 我哋各散東西, 最後佢哋三個走左之後, 我和f先生又開始約會啦, 但我因為冇錢而要去地鐵站拿錢, 點知見到波特先生!?原來佢好聰明, 估到我哋一定會黎拿錢嗎? 好在冇比佢見到我橋住f先生隻手行街! 拿完錢, 傾左幾句之後, 我哋一齊去個三十幾元的晚餐, 唔係毎人三十, 而係總共三十..我哋真係寒酸, 不過只要在大家二個一齊食就得!

食完飯之後我哋去左朗豪坊行街, 我哋由上行返下去, 途中行過無印買左包格仔餅, 呢包格仔餅有d野, 一陣話比大家知, 我幫f先生袋住先, 點知佢話我會唔會吞左佢包格仔餅架!?鬼得閒偷你咩! 係都一d值錢物件. 我哋一直行, 行到一個叫白色公園, 見到有隻廘仔, 於是我又叫佢影張合照, 仲夾定動作, 要揸住廘仔隻耳, 其實係自己提議, 自己真係殘忍!

可惜張相暗左d, 不過有f先生執返咪得囉!行完朗豪坊之後, 我哋去坐小巴返屋企. 好啦, 我要講返包格仔餅先, 其實呢包餅呢....好, 而家講故仔先, 我哋把餅撕開少少, 又係二個人食一舊仔, 點知f先生突然講左句 [我唔信你把全部餅吞哂], 跟住佢用口黎測試下, 我估都唔使講比大家知咩事, 大家都估到啦! 竟然用包餅黎做藉口又kiss我!!!佢話好鍾意咬我, 其實係想kiss我架!???我問過佢, 點解你鍾意咬我多過拖我手, 佢話....因為我係怪物囉!?咩理由黎架? 我個樣似怪物咩!!??(怒)唔怪之得比我朋友話我哋係騎呢情侶!

祝大家聖誕快樂, 及約會一個

今日終於到聖誕節, 首先祝大家聖誕快樂, 身體健康及年年都美先~有拖拍就和自己情人sweet; 冇拖拍希望快d搵到自己另一半先~

其實未認識f先生之前, 我一係同女仔朋友過, 一係自己在屋企打機, 所以對聖誕節都冇抱有同情人一齊過的期望. 也唔知道聖誕期間, d情侶有咩好慶祝, 咪又係行街, 睇戲同食飯, 都係同平時一樣啦!但呢一年先令我知道, 原來聖誕拍拖果種感覺真係好唔同...

在平安夜, f先生話一早約好朋友去bar, 在我買完聖誕禮物時出左去, 佢話我比較純品, 唔想我去呢d地方, 所以冇叫我去....呢番說話都曾經有男仔同我講過, 而家我先知道原來自己係比男仔保護果類型嗎? 我一直以為自己係一個堅強的女仔, 原來最後只係比男仔保護...係自己唔夠堅強?定因為戀愛的關係而令自己成為個小女人?

踏入聖誕節十二點正, f先生打電話比我, 同我講聖誕快樂, 跟住同佢傾左一陣計. 之後我又訓覺, 佢話仲在間bar度, 要兩點幾先走得, 我心想 :[聽日約會都唔知幾多點開始啦!?]之後我都太眼訓而訓教. 但我訓教期間, 佢不停send短訊比我, 直至我半夜去洗手間, 竟然剛好兩點幾, 佢又打電話比我, 傾左一陣我又訓覺...唉...呢下真係冇教好訓!?

呢次約會分左三部分, 普通的睇戲, 行街食飯少不了, 仲有一樣騎呢野, 就係去佢屋企度打機? 仲有我早上打blog, 漏左sd 咭在屋企, 結果一張相都冇, 惟有等f先生send返比我(自己真係失敗!?)~~~仲有呢次我會首次毎部分會分顏色....
part 1 -睇戲篇 :

最後佢在中午三點幾先至起身, 我哋原定行game展, 但因為佢遲左起身, 改左去屯門, 仲要先去睇戲, 我於是臨急更衣及化妝去到屯門...由於太過趕時間, 連眼睛都未化妝, 當然佢幫我化啦! 而且佢仲遲到, 點解你次次都遲到架,先生? 之後我哋行去戲院, 果間戲院好鬼偏僻, 行左十五分鐘到先到. 不過都冇所謂啦, 鬼叫戲飛只係三十五元, 勁抵!

去到戲院買飛到入場睇戲時, 已經遲左十分鐘, 但我哋照入去睇, 唔係要等到7點幾...我哋本來想睇異獸戰2(邊有情侶會睇呢d?), 但最後選擇[魔間傳奇], 其實情侶睇呢d戲有似有d問題, 鬼叫我哋都鍾意睇咩!?呢次唔認騎呢都唔得啦....我哋起初把頭拍埋一齊睇, 後來f先生竟然攬住我, 我又攬住佢睇戲囉....原來呢種感覺係好舒服!

part 2-行街, 食飯篇 :

睇完戲都大約8點幾, 我哋去屯門市中心的美食廣場搵位食飯. 期間真係勁多人, 我哋好難先搵到位食飯. 由於我哋以慳錢為主, 我哋毎人都叫左個二十八元的套餐, 都幾抵食....食完飯之後, 我哋先睇化妝品, 因自己要買支尾筆. 我d頭髮係啡色, 所以去買返支啡色尾筆襯返! 我哋周圍行左一陣都冇買野, 之後我哋一路行, 一路講打機, 最後去左佢屋企打機啦....原來佢一直都有玩街機太鼓, 我估一定勁型~~好想去睇~

part 3-去佢屋企打機

上到佢屋企之後, 見到佢阿媽用針線連緊條purple的裙, 仲有黑色喱士, 真係好美, 可惜呢件係佢攝影功課的裙, 即係唔係我穿啦...好失望!!之後睇佢打機多, 因為佢玩龍珠格鬥, 都唔適合我玩, 我咪冇玩囉! 其實呢次好明顯係佢想同我打機多, 不過我冇理佢之麻, 哈哈~最後又玩下psp太鼓,我d功力真係弱左好多, 要返屋企玩返先!!!

最後我拿埋相機腳架, 用黎做攝影final project時要用, 趁而家咪在佢屋企拿埋黎用!在途中講到身高問題, 佢話自己有d女仔朋友有成180添!?至於其他女仔多數150-170都有, 仲話佢同170個d女仔行街時, 叫佢哋唔好穿高跟鞋, 因佢只有175!?哈哈~我終於知你身高啦! 佢話我唔止165, 應該話仲高d, 當然唔係啦, 因我堂妹168高過我...係男仔都鍾意女仔唔好高過佢,尤其係女友麻~好在佢都仲高過我^^

本來佢一向唔願意同人哋合照, 但佢在我坐車返屋企之前竟然願意同我影相!?不過由於我冇帶sd咭的關係, 佢就用佢自己果張幫我影, 張相都幾美, 但要等佢執左相之後先比我...

終於去到巴士車站, 那時已經11:50到, 我哋先發覺巴士全部尾班車已經冇哂~!?心想唔係真係在佢屋企過夜吧!?在等車途中, 佢叫我望後面, 跟住佢又錫左我....跟住我做咩攬住佢架!?自己傻左咩!!好在皇天不負有心人, 都有一架通宵小巴返屋企, 不過要成20元, 但唔緊要啦, 至緊要今日開心咪得!

去買禮物囉~

都話我哋老闆wilson勁好人啦, 收到二份勁正聖誕禮物之後, 佢仲比我哋放早, 放3:30!!正到暈啦, 今年勁好彩. 其實我都幾欣賞及尊敬呢位老闆, 佢教左我好多會計知識, 尤其係入賬方式, 佢從來唔會直接教我, 而係比d提示我, 要我自己思考下先去做, 或者呢個方法適合我, 而且可更容易學習; 加上佢會教姑姐炒窩輪, 仲驚姑姐到老唔夠錢用, 佢幫我姑姐炒股搵錢, 而且仲搵左好多錢.

我講個秘密你知, 在我未遇到f先生時, 我都有考慮過我第時個老公才能及性格似我老闆就好, 外表冷酷, 但其實好好人, 對惡勢力絕不低頭, 堅持自己理據撐落去; 又有會計才能及應變能力, 識理財及搵錢. 其實真係和f先生性格完全相反呢, 或許愛情就係這樣, 即使個男仔未必係你心目中要求, 甚至相反. 但係竟然都愛上佢, 真係奇妙!而家對我老闆的感覺呢~只係一個值得我尊敬的長背!

放左工之後, 我和mandy, eva, veron, 靜及f先生傾計, 而且我睇緊蔡之blog, 其他人的blog我一有時間一定會睇. 大約6:00到, 我開始去荃灣買禮物. 我走到街上先至後悔, 因為太多人啦, 下年我買禮物一定唔會選平安夜囉! 呢次我會送零食為主, 因為大家都係愛食物多, 好過買d[唔等駛]的物品!我先去零食物語選擇食物先 : 呢盒係我妹妹, 佢都幾like雞蛋布甸, 佢應該like呢盒吧!?

呢三盒choco係三位勁愛藍色之美女 : 蔡蔡, mandy及eva, 我特登搵藍色盒的零食比你哋架! 有d仲要係新出, 連我都未食過, 唔知好唔好食架!? 唔好食唔好怪我呀...(汗)

之後去左千色店, 買左盒瑞士choco比f先生, 如果f先生仲咳的話係會收返(笑), 但冇理由把以上所有禮物冇包裝過就送出去, 於是我去埋千色店買埋花紙...我去到一個包裝專櫃去選購花紙, 個女sales勁好人, 佢介紹不同花紙比我, 仲問我係咪送比男仔, 我咪答係囉!最後選擇左一張漸變藍色花紙及啡色帶. 當中個女sales問我個男友玩唔玩得時, 我都考慮左一陣, 其實佢係玩得, 但我最後答左唔係. 你哋可能會覺得奇, 點解個sales問埋呢d野, 因為個男仔玩得的話會用d鮮色的花紙, 如鮮橙及綠, 我自己都唔係好受得呢二隻色, 所以先至話f先生唔玩得之麻. 最後完成品如下 :真係激氣!?點解佢果份這樣美架!?但mandy你哋三個都唔輸蝕, 我都為你哋在包裝專櫃度搵左d藍色紙袋仔比你哋, 仲要毎個都唔同架!

我唔知d紙袋會比邊個架, 一於由我決定吧~哈哈~原來藍色野真係好鬼易搵, 但purple真係難左d, 所以我仲未搵到veron禮物而煩惱, 不過我哋遲d先見面, 但仲有機會搵下, 最後我一袋二袋拿住返屋企. 惟有先買住三個人份禮物先, 之後後補啦, 至於後補人士包括 : veron, 蕉, 靜...睇黎我都要大出血囉, 不過送比好友冇法啦, 只要佢哋收到禮物時開心及真係鍾意就已經足夠^^

呢個聖誕不太悶掛!?

除左聖誕節同f先生去拍拖外, 我平日會做d咩野呢?當然打機啦! 近排成日玩nds, 因為nds出左好多RPG遊戲, 而家玩緊[Tales of Innocence] :呢隻game真係幾好玩, 尤其係打交畫面值得一讚, 佢沿用走黎走去打交呢種方式之外, 在hp上面有一行bar, 就係越駁得hit多, 行bar會越來越滿, 最後就可三個角色用合作技, 可以駁到80 hit以上. 換言之即係駁hit先可以win, 即使我呢d懶升level的人, 總之level低到爆炸,都可以戰勝嘍囉及大佬

仲有毎次tales必有screen shot畫面, 即係毎個角色的對話, 但呢集冇太多好笑野. 而且呢個係增加角色好感度, 好感度越高, 電腦角色幫玩家回復機會越大.

至於我近排期待玩的game仲包括nds的ff4, 我都係而家先知, 真係失敗, 我都仲未玩完tales, 都係遲d先玩啦, 不過d畫面真係好美, 見到真係好想玩, 但好唔好玩要玩過先知...

至於psp都有一隻大作RPG出, 就係在12月27日出的[star ocean 1], 係我其中至愛的RPG之一, 故事以科幻為主. 呢隻之前已出, 現移植到psp, 都係期待作品之一 d畫面當然冇ff這樣好, 但都ok, 始終係同一間廠出品, 而且二部機的解像度差唔多,算係這樣吧!

個戰鬥畫面都保持住一貫特色, 有左下角攻擊距離及右上角角色位置, 不過我就唔liked人名在上面囉!都係在下面好d. 但有四個人用就好野~

畫面係唔美, 始終係移植吧!? 但只要好玩咪得囉!!

有呢三隻新game玩, 我估聖誕節不會太悶吧? ....哈哈~好耐冇講過打機啦!正呀!可惜f先生佢唔玩RPG, 真係哂呀! 不過我好多類型的遊戲都識玩, 都可以同佢玩其他..

各人節目...突然見面!?

今晚我要做冬, 本來我要去幫手, 原來我姑姐已經叫左我妹在星期五返佢屋企幫手, 所以我就可以免疫. 但其實可能返去幫手會更加好....因為呢一日成個下午我都冇咩好做, 最多幫手做好阿爸公司盤數, 聽下歌, 同人哋msn,又差唔多一日.

今日見到edwin, 由於出job, 加上佢平日忙碌的關係, 同佢少左傾計, 今日難得一見, 當然同佢傾計啦! 原來佢屋企一早做冬, 今日同女友去行街...你真係醒目啦, 一早做左冬, 唔使同人迫車麻~但我哋傾得唔太多, 傾左冇耐佢就出街

msn :除此之外, 我又同左幾個熟朋友傾計, 靜就今日約左在msn度認識一個27歲男仔一齊去工展會, 之後返去做冬; 而蔡蔡在放工之後去買菜, 在屋企整返幾尾, 唉...身為女仔的我唔識煮飯, 認真慚愧呢~仲有佢話公司網路問題會在12月27-1月8(暫定)冇得上網!?我少左個好友同我傾計...我有股衝動想殺左幫蔡辦公室安裝寬貧的和記!!!!!仲有f先生, 例牌遲起身, 我見佢又冇sms及msn, 於是整個sms比佢, 即使佢在msn度上左網, 都仲要訓教, 真係啊...

差唔多時間去我姑姐屋企食飯, 我爸突然返黎屋企同我講話去食飯, 我衫都未換, 好在我爸話先接我媽先, 之後再搵返我及阿恬(我弟婦), 我哋四人一齊去食飯. 點知黃大仙撞左車, 塞左車好耐, 都有半個鐘到, 好在f先生一直都有同我sms, 唔係真係會悶死~

返到去姑姐屋企, 姑姐比返代我取的老闆的禮物, 原來係一侖勁美的choco及.....1000元現金!?其實呢個現金用利是封入住, 我起初以為係100元, 點知覺得唔對路, 點解張銀紙後面多左個零, 先知道係1000元, 對於冇錢的我, 呢個簡直係好消息啦!最後我比左八百元比姑姐袋住先, 作為儲錢交學費, 而我又多二百元

好消息一浪接一浪, f先生佢在sms內突然講話我在食飯之後出黎見下面!?我勁開心呀, 當然願意啦!於是我在九點幾出門口, 再坐小巴去旺角搵佢. 其實我哋的約會地點都講左好耐, 起初深井, 呢個好啊, 近大家屋企; 後來f先生話同朋友去深水步買野, 呢個地點都唔錯, 我可以在爸送弟及弟婦返屋企時, 可以在附近落車; 但最後約實的地點係...咩話!?又係旺角!唔係掛!?原來佢突然買左部ps2, 點解你唔買wii呀!?我可以去佢屋企玩麻~算啦, 無論你話去邊度都會搵你. 但今日最大問題係我冇化妝, 因我本來想食完飯就返屋企!

最後我去銀行中心間大家樂度搵返佢, 佢同緊個朋友傾計. 佢呢位朋友都幾有錢, 除左有我一直都想買的ps3外, 全部遊戲都買正版, 而且仲有一部幾萬元的相機. 而且走時仲講左句 :[我驚部ps3會玩殘, 想買多一部]吓!?唔係掛?你買多部不如買部比我啦(笑)

後來同佢個朋友講再見後, 終於到我哋二個人行街啦^^佢今日同我去旺角中心睇衫, 我最後買左一件閃粉黑色衫, 呢件會在聖誕節同佢約會時所穿的衫, 等我返去襯下先. 本來想食dessert, 最後驚d店舖關門而坐小巴回家. 唔知點解我哋坐小巴個位特別邪, 毎次都係穿雙人位最後果行, 佢突然整個咀埋黎想鍚我, 我哋呢下算kiss嗎? 真係勁緊張呢(>_<)自己唔識kiss會唔會冇用左d呢? 我哋最後只見一個鐘, 真係好唔夠呢...惟有在聖誕節再見吧!!

終於脫苦海~

我拿拿聲做完果邊的工作, 唔知係咪咀咒呢? 我毎次都係五點幾先至做完, 都唔使再返去旺角啦~返左去咪又係放工!? 姑姐在電話中提及到個好老闆毎人送左一盒禮物, 好似係choco, 以及毎人一封利是, 雖然唔知幾多錢, 但對於冇錢的我黎講, 就極之重要呢~多謝哂老闆先^^姑姐話聽日做冬時拿返去麻麻屋企比我, 又一次唔該哂!!

今日見到隻死人八兩金又跟我穿差唔多衫, 仲要自己覺得懶美, 真係囉我命. 自己外表唔美都唔緊要, 有d自知之明比較好d囉! 我最後走時都有同其他人講再見, 除左佢之外, 係我特登的! 哈哈~我都就黎走, 見你都唔多過六日啦! 話鬼知佢!

仲有f先生今日只返半日, 大約在三時走, 佢落實左今日去買布及剪頭髮. 大約四點幾, 佢已經買完布, 仲同我sms添! 大佬呀!?我果陣就黎做完哂d野, 趁早離開地獄好過啦~不過我都係有同佢傾, 因為果度真係好鬼悶...期間問佢去左邊度剪頭髮, 佢原先有個朋友開的銅鑼灣髮型屋在聖誕前已經滿哂啦, 邊個叫你而家先即興話剪頭髮, 佢話想好型仔的過聖誕....咩理由黎架!? 之後佢話自己有d心郁, 想買部華錫手提電腦比自己做聖誕禮物!? 唔係掛?係都送份禮物比我啦~又或者買件情人飾物都好.....不過佢既然真係鍾意, 我都冇計啦, 因佢一直都話自己想要一部手提電腦, 可惜太貴, 而家有一部平平地仲唔買咩? 我就同佢講, 不如我哋考慮下聖誕時食d咩啦, 佢竟然話.....我哋食杯麵!?再唔係就煮個即食麵!? 吓!?這樣我哋聖誕節在邊度慶祝呀? 佢之後冇講到...我有d擔心添!

佢在六點幾send左個sms比我, 佢話已經剪完頭髮, 而且仲好短!?我好想即刻去睇佢個新look啊...好惜我個頭痛, 返左屋企休息, 佢知我頭痛都冇問候我. 我都有d失望囉, 訓下覺先好過...

爆忙碌!? 究竟係開心定不開心的多?

相信各位好友有留意我msn果句留言 : [星期四五又要去這個地獄, 放過我吧!], 又或者在msn度提及過, 都知道我又要出job啦! 唉~又要先果隻[恐怖教主]八兩金! 勁無奈囉....不過我都係以工作為主, 都係做野至上啦!

好在返工時都有f先生同我sms, 但佢真係好忙, 連午飯都冇食到, 不停地工作; 我也不可以輸蝕比佢!? 自己快d做完野走仲好. 直至大家放工, 我和f先生先玩sms, 當我打緊sms, 問佢工作有冇食野時, 佢突然打電話比我!? 第一句話因為想聽我把聲先打比我, 當然勁開心囉^^佢話明天放早, 可能會去剪頭髮及買布!? 原來佢最後一份攝影功課想自己設計一件公主衫, 之後比阿媽車衫, 但係....果個公主唔係我, 而係佢其中一個模特兒朋友掛!? 其實我都有d唔開心, 自己一定唔係美女, 但也唔好比我知道搵佢d美女朋友麻....唉~!!真係好失望....雖然後來我問佢放假邊日得閒, 佢話聖誕節果日同我一齊, 但自己總有點唔開心, 點解個公主唔係我呢?

後來f先生同f媽提早做冬, 一齊去食飯. 於是我打電話比蔡蔡, 問佢原先預定的星期日有冇約左小慧, 都最後佢話冇, 我就可以練習整曲奇餅比f先生, 當做聖誕節禮物吧!? 你睇我幾有佢心呀, 但佢只顧住搵佢個模特兒朋友影相交功課, 真激氣! 如果我都可搵到似小美的男仔影相交功課就好!

我同蔡蔡傾左一陣, 跟住佢話個壞消息我知 : 在平安夜至到一月八日到(if 我冇記錯), 佢公司要因網路問題而唔可以上網, 我咪少左個重要的朋友同我傾計? 我一定會悶死到似! 講下講下, 先知蔡蔡約左男友見面, 好啦, 唔阻你哋啦, 盡量去拍拖吧!

好啦, 我以為有機會打blog, 點知靜又打電話比我. 佢話在某一日撞返我哋以前其中一位老人廖嘉輝kaphy小姐! 這樣好運? 我都想見下佢呀! 靜仲請佢上去自己屋企坐下, 你個kaphy呀, 這樣耐都冇見你, 原來佢而家搬左出去同男友住, 又冇打電話比我哋, 真係激氣!? 後來聽靜講, 佢有問我呢個傻妹而家點樣, 仲鍾意打機嗎? 算啦, 見你仲記得我就唔嬲你這樣耐都冇搵我哋. 不過你要記住, 你有靜個電話, 記得打比我哋, 約我哋出黎食飯, 如果唔係, 我學蔡蔡果招, 擰luck你個頭架^^

同靜講完電話之後, 我終於有時間打blog啦,點知....我姑姐又打電話比我, 佢問我出job做成點, 以及提我記得拿抽不中新股的退票囉! 其實我之前發左個毒誓, 話有男仔鍾意我會抽不到新股!?天啊! 唔係這麼準吧? 我真係估唔到真係有人會鍾意我囉! 個毒誓可以收返嗎?

冇需用錢換黎的開心

今日放工, 約左berry同佢一齊買護膚品. 因為賣護膚品間店舖有我至like用的牌子[rvb], 自己都想睇下果度賣幾多錢, 加上berry要在12月30要做個美的姐妹團, 所以我哋二個我在7:00, 又係琴日約f先生個地點, 唔係掛?

後來mandy打電話比我, 原來佢今日都約左人在旺角食飯, 而我也有帶蔡叮囑我比mandy之choco, 可以約berry之餘又可比埋mandy. 原本我哋三個未集合, 鬼知大家係邊咩?後來佢哋二個已經搵到對方, 太好了! 我哋三個作一個短暫的見面後, mandy要去搵朋友啦, 我和berry就去果間店舖!

去到之後有一個叫miki的女仔專門負責我哋賣買護膚品, 我即刻問我用開個二隻產品幾多錢, 點知毎件平一百元~!!??果間美容院果然係謀人寺, 好在佢因為服務差, johnny已經幫我轉左另一間美容院先至好d...返黎呢度先, 個miki都有叫我買野架, 但態度起碼好好多先, 即使我唔買都仲對住我笑, 而且仲好有禮貌講解毎件產品之功用, 呢d先係優質服務麻~~即使我冇買佢任何產品, 只有berry買個眼霜, 但佢由頭到尾同我哋傾計, 太好啦~!服務又好, 產品又平, 實會幫襯你哋^^

買完護膚品之後, 我哋坐返地鐵返屋企, berry在葵芳站走左. 又只有我一個人啦! 我見到剛錯過一班村巴, 於是去荃灣周圍行下, 去到一間專賣日本時裝的小店舖睇衫, 當問個女sales某件衫有冇其他顏色時, 我哋唔知點解特別好傾, 可能係我哋都對服裝有d研究掛? 事緣自己想買連身裙, 於是同sales一齊講話日本好鬼興, 但香港好少女仔穿, 就算係都只有尖沙咀及銅鑼灣...傾傾下計個女仔仲拿左一本日本之時裝雜誌的日文版一齊睇, 個女sales仲同我講話, 佢有個朋友在台灣做時裝零售, 個女sales可以直接向佢果位好友拿貨, 同埋可幫我訂貨. 其實我都想架, 可惜我冇錢呢~佢賣個d衫款有d仲要同vivi一樣, 勁正囉!可惜我冇份呢~~跟住佢見到我個髮型, 仲話我都幾似日本妹, 好開心呀!!我至like比人哋讚我似日本妹, 因為自己而家真係扮緊, 哈哈~最後我哋傾左半個鐘, 我最後一件衫都冇買到, 但真係好開心, 唔係因為比人讚, 而係可搵到一個志趣相投的人傾計, 因為我好似好少朋友鍾意睇日本時裝雜誌....

精彩的約會(好騎呢?)

終於到左六點啦~!!今日特別興高采烈, 因為呢日係我和f先生之第一次約會, 地點係旺角! 其實我哋講個地點都講左好耐, 因為f先生特登扼公司話返學, 可以早二個鐘黎見我, 所以咪驚行到半路比同事見到囉, 呢次的行程差唔多全部由佢計畫. 不過冇所謂啦, 我咩野都去睇!

我哋約左六點半在地鐵站銀行出口E, 銀行中心附近間body shop 度等. 但f先生因為工作問題, 足足要本小姐等左佢成半個鐘...不過最後都算啦, 原諒佢啦, 因為佢份工作又真係幾煩! 不過我其實都等到佢好煩, 難得第一次約會, 我就準時等左佢好耐, 而且仲見到街上成雙成對情侶一早等到人走, 自己仲要呆等, 一d都唔好受!

我哋先周圍去睇電器影音店舖, 因佢話有一部電腦, 好鬼細部及有好多顏色, 個部野直頭係大部版nds, 價錢大約三千元到, 可惜只有英文版, 冇得打中文字呢~好可惜! 在睇電腦途中, 佢仲講笑話佢係我姐妹, 我哋表現得close d添, 於是佢用手搭在我博頭上, 不過呢d只係開場白...

行行下叫佢同我影貼紙相, 佢又唔願意, 因為佢話唔知點解驚影貼紙相個相機!?咩理由黎架? 那麼你在sms 度應承我做咩呢? 後來佢自己話其實個ex都叫左佢好耐先影一張, 真係激死我啦! 其實佢遲到同我補影返都應該啦! 可惜我冇這樣講...但後來佢話不如去佢屋企度合照, 由佢黎執相好過啦! 算啦, 你話架! 我實記得!!

之後我哋開始去睇化妝品, 去左新開間沙沙, 見到佢裝修的確好美, 但入面原來好細, 最後我哋去左恒生隔離間卓越去買野! 講真果句, 我冇咩朋友化妝, 一係認識親係男仔, 鬼識化妝咩!?好在有f先生在度先買到架. 首先買眼線筆, 一定要買液體狀, 因為筆會比較難畫...之後買左其他野, 但而家買呢d只係基本用物品, 已經要二百幾元, 你話, 女人錢幾搵!

之後我哋去食飯, 我哋去左花園金閣度食打邊爐自助餐, 都咪話唔平,要成百幾元架~本來f先生想去卡位, 但這樣耐先黎鬼有咩!?個侍應即刻帶左我哋去坐角落位. 我和f先生一開始叫左個湯先, 原來佢好少食辣野, 而我呢~~當然勁愛食啦, 最後我哋叫左個清湯及花生沙爹湯底, 再狂叫食物及刺身, 勁正, 仲叫到成張枱都係, 都唔知食唔食得哂~

跟住我哋開始食野, 點知f先生彈左一句出黎 :[我要你餵!], 我就話 : [餵咩呀?這麼大個人仲要餵!], 佢講左呢句野我都嚇左一陣, 佢叫我用口黎餵佢!?哈哈~~估唔到我要在酒樓內獻出我的第一次?最後我都應承左佢, 首先我哋開始一齊食同一塊三文魚刺身, 但f先生點得太少wasabi啦(>_<), 加上d刺身唔太新鮮, 都係算啦, 我哋冇再叫啦, 要成八元一碟架! 點知都佢仲未夠, 食蟹柳時又要同我食埋同一條, 我先食左先, 點知佢話我食得唔夠多, 要我食到條蟹柳好短先至食, 仲店到佢....個咀添!

我哋頭先咪買左化妝品, 佢想試友眼線筆, 於是在酒樓到即刻幫我畫, 點知佢話支筆唔夠上色, 畫左幾次, 條眼線不太深色, 話去卓越換返支筆!?正傻佬黎架! 你已經用左, 人哋點會換比你呀~!!?最多我朝早化妝時, 我自己再試下啦!

那時, 蔡蔡原來已經一早打左電話比我, 仲打左三次這麼多? 對唔住呀(>_<) 我和f先生打邊爐, 叫多左食物食唔哂, 我咪講笑叫蔡蔡上黎食囉, 佢話費時做電燈膽, 阻住我哋, 佢自己一個人行街. 到埋單時, 我哋仲望住枱上食剩東西, 在度笑住講話佢會不會拿食剩的食物去磅架, 因為毎食剩一磅要五元架!!果度好似剩返幾多下.....最後當然唔會計啦, 間酒樓計左咪等如同自己趕客!

食完野我哋周圍去行下, 跟住蔡蔡就打電話黎, 佢問我在邊, 想我幫佢比野mandy. 最後我約左地鐵朗豪坊出口度等. 佢原來比盒choco比mandy, 但我點解冇份架? 於是我一直追問佢, 扮呷操~不過在f先生面前做埋呢d野真係有d失禮(笑)....蔡走之前竟然同我哋講左一句說話 : [你哋而家都拍緊拖啦, 都不用choco啦!] 我當時掛住話驚, 聽唔到佢講. 呢句說話我都係之後在msn同蔡蔡講先知, 後來蔡仲話f先生聽左之後都冇否認, 這樣....咪即係承認左?(怕羞中....xd)

蔡走左之後, 我哋二人行多一陣就一齊坐小巴返屋企, 我哋坐在最後果排, 然後把頭挨在後面扮訓教, 我哋互相望住對方, 感覺好得意...哈哈....不過佢突然又講想趁我訓教時咬我個nose, 我當然唔制啦, 佢話我避佢個樣好得意! 之後佢話咬我條舌!? 我哋互相咬大家條舌, 條舌有d軟軟地, 又濕又暖,好鬼得意, 最後我比佢早d落車, 都唔捨得講再見....

原來約會真係可以好開心架...哈哈(>_<)

致各位好友

而家趁得閒周圍去睇人哋個blog, 發覺好多篇都冇睇到及留言, 於是一口氣睇哂, 估唔到都要成二個幾鐘, 都咪話唔誇張! 以下係我睇完有d朋友之blog後的感想

mandy : 呢個blog我一口氣留左九個留言, 要成個幾鐘, 都咪話自己唔勁! 原來佢身邊發生左好多事, 包括開心及不開心, 只要放d開心事上身便好, 至於其他就...順其自然吧!

蔡蔡 : 佢同平時都差唔多, 我指係都一半半好啦, 好的係有kevin錫及同阿lim玩得好開心, 唔好的係佢公司人事變動, 自己近來勁多野做, 所以連msn都少左. 希望佢可以在12月24請假, 同bf好好去玩下, 暫時忘記工作先~

eva : 知道你成日比et及阿姐比野佢做, 在果度工作好辛苦! 不過我哋仲有msn, 你唔開心咪同我傾計咪得! 仲有你公司毎年聚餐抽中樣禮物都唔知恭唔恭喜你, 不過抽獎過程開心咪得~

仲有其他msn好友, 我都想講下添 :

edwin :知你近排公司工作忙, 在11-12月都唔得閒, 你要加油努力呀~仲有仲有, 你要小心d食野啦, 唔係又食物中毒就唔好啦!

靜靜 : 階級男剛在曼谷返黎, 佢實有買手信比你啦, 希望你快d收到啦! 同埋你要努力減肥, 同佢見面時, 比最好一面佢睇呀! 唔好成日對呢段戀情失望呀, 加油, 支持你~

berry :星期三約左你去買護膚品, 希望自己會記得吧? 不過近排好忙, 唔得閒同你去食飯, sorry呀~

最重要的係f先生 : 你真係傻架咩? 話因為想見我而提早一日見面之外, 而且仲扼公司聽日返學, 提早二個鐘同我去街, 都唔知開唔開心啦! 其實我都好早d想見你, 估唔到比你講左添! 一於聽日見啦^^

三友之約(個名好娘?)

今日約左蔡蔡及mandy去旺角, 目的就係...一齊食choco?不過咩目的都好啦, 總之大家一齊出黎傾計見面都好!

我哋約定又係銀中門口等, 好在我都可準時黎到, 我和蔡蔡好耐冇見, 當然黎個擁抱先啦!(吓!?當街擁抱, 同蔡唔緊要啦^^)我和佢講左琴日和f先生食糖水之事, 佢都覺得好浪漫, 而且都算係我和佢一個重要進展吧?仲有蔡都想見下f先生, 但由於f先生又有part-time 工作做而唔黎得, 有d可惜! 講下講下, mandy終於黎到, 我哋一齊搵樓上cafe食野先~

唔知我哋係咪黎得係時候, 樓上cafe剛開店, 我哋有得自己選擇位置坐, 於是我哋選左個角落位坐, 因為可以大聲傾計麻!我哋坐定定之後便叫食物, 食完就玩波子棋及層層疊, 都幾好玩啦, 尤其係個層層疊, 毎個積木上面刻有不同的動作及指示, 例如用不同語言和異性講我愛你, 睇人哋個銀包有咩物件, 睇人哋電話第三個人號碼....總之好鬼好笑, 我都係第一次玩!

呢張相係有d玩野, 我特登叫mandy及蔡拿住個cool荀影~之後我叫佢哋二個人正經地合照一張, 至於我就...算啦, 唔上鏡都算~~

去完cafe之後, 我哋去左瓊華影相, 但去瓊華之前有一段小插曲 :就係我哋三個唔知瓊華在邊度? 我哋三個岸居居行到去旺角中心, 跟住我哋都發覺唔對路, 於是行返相反方向, 我再打電話問下姑姐瓊華在邊, 最後先知去到! 其實咪自己蠢左, 應該一早問姑姐啦~!仲有在旺角返工都唔知係邊, 真係好鬼失敗!?

我哋去到瓊華影貼紙相, 只係簡用邊部機影都簡左好耐, 最後終於影左相, 但唔該mandy及蔡你哋二個唔好在張相度加[我 x f先生], 佢都唔係度, 做咩加埋佢個稱呼? 撞鬼咩! 由於我哋唔知路而浪費時間, 我要向塔羅占卜師更改琴日的預約時間, 由7點改到去8點.

我哋影完貼紙相之後, 我哋即刻坐巴士去尖東, 點知我哋一落車, 都唔知路點行, 於是我叫蔡蔡問下占卜師個地點, 上我哋又周圍問人, 終於到左啦~!!呢一刻超感動的說~

見到個占卜師, 自己都覺得驚訝, 因為間野叫[神婆團]!?我真係以為有成班神婆幫人占卜, 而聽電話個男仔只係接線生, 點知原來佢先係個占卜師!?真係魚皮, 見人哋個名以為人哋係女人嗎? 而且佢仲上過架勢堂幫人占卜, 自己果然係井底之蛙, 失敬失敬! 首先係幫mandy占卜, 後來個占卜師話可以幫人占卜十年之事, 在二位老友的慫恿之下自己終於去試, 但個結果都幾好, 可以話係個happy ending! 至於mandy呢, 佢就比較複雜同多波折, 不過我相信佢一定可以克服~

占卜完之後. 我哋去一間餐廳食野, 途中講到我哋二個之占卜結果, 但唔知係咪我哋講得太大聲呢? 有時比果度d侍應望住...我都估佢哋心想, 做咩信埋呢d野架? 而且仲要問佢哋借筆, 三個正一傻婆啦!我哋食完野之後先去ok買筆, 再去到公園度影相及講返占卜內容, 講到差唔多十一點到各自回家!

p.s. 途中有和f先生sms, 而且仲好似幾密下, 希望二位唔好介意啦! 自己都有d唔好意思添! 而且佢因為接左part-time唔可以黎, 真係可惜呢~

見不到的失落...然後....

今日f先生接左工作, 要幫人影結婚相, 全日都唔會返學, 自己當然唔可以有d唔開心, 平時習慣左同佢一齊返學, 坐在附近一齊玩, 今日都冇可能發生. 可以為佢做的只有帶定佢功課之soft copy返學,不過我哋其實在返學途中成日用sms 通訊...哈哈...

今堂cs堂要毎組搵一個mtv, 之後要晝返個storyboard出黎, 而且佔功課總分數之25%. 我哋毎一組都去圖書館上網搵mtv, 懶惰的我其實一次都未去過, 呢次都係第一次去, 原來入去要用學生証, 真係[大鄉里]! 同時我也把cs呢件事話比f先生知, 佢都好擔心, 後來聽edwin及阿銘講佢哋已經幫f先生求左情, 佢雖然冇返, 但都照樣有分, 都算大團員結局.

另一個問題係下一個term的時間問題, 經波特先生的精密計算下, 佢發現我哋有一個星期返五日(點返呀?), 四個星期返四日, 八個星期返三日...似乎呢個時間都尚可接受, 不過我在三月會轉工, 可能會有少少阻滯; 不過對於f先生應該係件好事, 佢只係擔心返四日及五日之五個星期, 其他應該可以接受, 如果佢一個月的半數可返三日, 總之都算係好消息吧? 不過驚令佢冇心情工作, 都係佢放左工先同佢講啦!

到左攝影堂, 我問阿銘及edwin有冇幫f先生交功課, 佢哋當然有準備啦, 果然係老友! 今日我哋學用photoshop 執相, 我哋先去影四張相及一張用十張相組成的相, 由於可以用舊相黎執, 所以大家先去左7-11買野食, 跟住d人在度玩, 大家追住我, 當我係model影我, 最後走到冇哂氣, 我坐左在一旁, 大家即刻拿哂相機及腳架影我, 我見到好多閃光燈呀, 好殘眼(>_<)睇黎我都係唔習慣比人影...

最後終於放學, 我也返到屋企, 我見到阿媽頭上帶左頂太陽傘, 於是我同阿媽講影張相, 媽唔制, 於是我自己帶果把太陽傘在個頭度, 叫我阿妹幫我影. 自己都係鍾意個騎呢look多d(變態)

自己之後就去打blog, f先生突然打電話比我, 佢話想聽到我把聲. 之後佢問我穿屋企衫定去街衫, 我返左黎好耐, 當然係屋企衫啦! 之後佢就問我......不如我哋一齊去發記食糖水...!?估唔到真係好有情趣! 不過自己其實都有幻想過同佢一齊食dessert, 估唔到真係有呢日, 而且仲好快黎到添!

我哋約左在十二點幾在車站等, 但我哋誤會左大家約定地點, 佢在發記車站, 我在碧堤半島果邊, 最後佢親自過黎接我, 好感動! 我哋最後去到發記, 佢咳仲食楊枝金露!? 我就叫左個芒果脆脆(唔記左叫咩名, 是但整個名落去), 期間佢比我睇佢個相機袋, 同埋比我拿住佢部相機及長鏡頭, 個鏡頭仲要四千幾, 加上部相機及佢個袋好重呀~~跟住我好奇影底佢個袋有d咩...
果然係pro, 入面有二個長鏡頭, 二支閃光燈, 當然有一部相機及....一部psp?不過男仔拿住psp都正常, 我班大把男仔, 包括我都有啦!? 最後食物送到黎, 先係佢個楊枝金露, 佢為左令我病?而餵我食, 我都食左佢幾口. 之後我個dessert黎左, 真係好鬼美, 等我影左張相先~

首先要讚下個侍應先, 在佢拿埋二隻匙及二個碗仔, 一把刀添, 使唔使食到這麼high? 不過呢個要成三十幾元, 差唔多啦! 我和f先生一齊食啦, 都幾好味架, 不過覺得芒果和脆皮有少少格格不入, 或者香蕉會好味d(不過有佢同我一齊食, 咩都sweet啦~~)

食完dessert之後, 佢送到我去屋企樓下, 佢仲要坐架成17元小巴返屋企, 早知佢出錢食dessert就唔叫太貴啦, 最後我比佢咬我塊面, 佢真係咬左落去(>_<)最多下次我哋各自比錢~!後來佢在sms度話原來佢想在我屋企住一晚, 其實我都想, 但費時比我父母見到唔太好, 都係等耐d先啦! 不過你都好幸運, 你係我哋全班第一個去到我屋企樓下^^總之今日好開心啦, 雖然只係見左一個鐘...同埋弊啦, 我哋忘記叫人幫我哋二個影張合照添!!??

關係明朗化?

我一直仲因為今日及星期六冇得見f先生之事而擔心及唔開心, 點知今日同f先生sms時, 佢都考慮緊返唔返學, 佢話因為明天要早開工幫人影結婚相, 加上佢連續幾日冇好好訓教; 於是我咪叫佢唔好返學, 這樣也好正常. 但之後佢講左一句 : 我又好想返學, 因為好想見到我....!?我當時聽到當然覺得開心及幸福啦, 因為好似好耐都冇聽過男仔對我講呢番說話, 而且仲要係我鍾意的男仔同我講, 我真係開心到差d叫左出黎!?但在公司工作時間, 當然唔可以這樣, 故只好在心內暗自開心...

終於到左同佢一齊返學, 佢個樣的確好點累呢~而且佢仲有點頭痛, 我都叫佢唔好返學, 在屋企休息下, 但佢堅持要返學, 算啦, 我只好一直支持佢. 去到IVE大門時, F先生見到門口附近有個洞, 佢好奇走左入去睇, 我又陪佢一齊顛?走埋入去, 跟住佢話呢度冇人見到, 我哋可以...應該話我比佢咬下塊面......!? 唔係掛? 點解佢鍾意咬我架? 最後我又比佢咬塊面, 但我都係第一次比男仔咬我, 所以咪有d驚, 也因為如此佢在放學之後send短訊比我, 佢以為我唔鍾意比佢咬, 其實唔係架, 我只鍾意比佢一個咬....

今日上數學又做堂課, 佢又成日懶洋洋唔做練習, 我只好做左借比佢抄, 期間我仲督住佢做好堂課交比miss, 跟住阿銘及花輪同學就在度講: [唉呀, 我都好想有人借比我抄, 而且仲比女友管住添!]我之後都講笑話不如我都監督下你哋呀, 當然我真係唔會這樣做, 而f先生也冇講任何野, 可能佢都知我講笑掛? 其實我借野佢抄仲有一個原因, 我琴日咪請左病假, 在上堂時間要食藥, 但我冇帶水而冇食藥, f先生竟然去完toliet之後幫我搵水買, 即使佢最後搵唔到, 買左包栗子返黎, 但我已經好感動啦, 多謝你, fantasy!

由於我要等mandy比返做攝影功課的相我, 我要特登在夜晚開msn等佢返屋企, 點知先見到f先生, 其實佢特登話自己數額唔認識, 佢叫我教佢, 實際係約我去街, 而且仲唔係講笑...吓!?佢終於約我去街啦, 我真係好開心, 於是我哋一齊傾幾時一齊去街, 我哋先預定下星期三先, 就在f先生放工之後, 即係8點啦, 我惟有在公司等佢放工.

mandy終於返到屋企, 我可以收相啦, 但過程相當複雜, 原本打算最簡單, 用msn直接send相, 但因為比個防毒阻住收唔到相, 嘗試去整個防毒軟件, mandy真係好有心機教我, 但愚蠢的我完全唔知點做, 最後只好放棄. 之後我哋用共用資料夾去取相, 雖然係可以拿到, 但要等勁耐....而mandy也要影相做自己功課, 所以我期間又同f先生傾計, 我叫佢快d訓教, 明天要返工, 但佢一直都訓唔到, 於是我叫佢想d開心的野, 於是佢就講如果我在佢身邊暗佢訓就好, 哈哈~我其實都想架, 於是我講笑話我咪要即刻執野黎你度, 佢仲話求之不得添, 其實我都想架, 不過呢日唔知幾時到呢?

終於有一日病假

今日我終於請左病假, 但唔係因為傷風感冒, 而係在六月時的一個病, 之唔係[心口骨發炎]囉! 大家可能唔記得左呢個係咩病, 講多次先啦, 其實係身體上(心口)的軟骨發左炎囉, 我會覺得個心口痛及好難呼吸, 都有d似心臟病, 不過我而家呢個病只要食d消炎藥就可以好返!

其實係晚上半夜起, 大約12點幾, 我心口無端端痛, 而且仲有種火瞥心的感覺, 好辛苦. 而f先生因為要趕住做好攝影功課, 即使我sms比佢, 佢也冇回應我, 不過我都把我辛苦呢件事話佢知, 之後我便訓覺. 但真係太辛苦啦, 竟在半夜二時幾起左身, 睇下佢有冇覆我sms, 跟住見到佢即刻問我, 問我有冇事, 而且仲有一件事驚訝, 佢竟然半夜打電話比我!?我當時都有d驚嚇, 我和佢細細聲傾電話, 傾左幾個字就訓覺

今日我媽陪我睇醫生, 其實我都估到係心口骨發炎, 只係想去拿醫生紙請病假, 比自己休息下及做攝影功課, 星期六要交功課啦, 我一d都未做過(>_<). 睇完醫生之後, 我就順便去左剪頭髮及染髮, 至於個新look係點, 我之後會post張相上黎, 而且我仲和二個幫我染髮及剪頭髮的男仔影相, 可惜的係我部相機冇插SD咭, save左在本身部相機度, 冇得比大家睇添, sorry~!!

剪完頭先後返去屋企, 開始整我份攝影功課, 但我仲未夠相, 原本想搵f先生幫手, 但佢又唔得閒; 這樣便問佢借塊星鏡, 在深水步地鐵站比我; 於是我又問mandy, 因佢問左阿駿借機, 佢應允同我出去, 好野!!多謝你呀, mandy^^我最後取消去f先生度拿鏡, 佢今日去人哋度拿攝影工具, 費時要佢走黎走去. 佢冇得見我個新look又慘左d, 咪星期五先見囉!

約在mandy在7:00佐敦地鐵站東海堂等, 但仲未到7:00, 我就同人玩msn, 分別係幾個中堅分子(即係on9一定搵佢傾的人), 包括mandy, edwin, 蔡..eva由於太忙冇搵, 仲有靜及同學仔波特先生hi我. 總共同左五. 其中波特先生在msn度話毎人都有個角色, 而我的角色就係做全班的model, 吓!?唔係掛?呢d優差唔好預我啦, 費時笑死人!

大約7點幾, mandy話因為聽berry電話而個電話fall左落地, 而且仲好似壞左; 而我同berry一齊等佢黎, berry見mandy都係拿攝影堂筆記,之後就話約左bf走左, 而我同mandy就係影相, 在呢度先多謝mandy佢特登同我影相, 因為佢跟本唔係影尖咀交功課, 加上佢冒病都要同我去海旁影相, 真係好感動及多謝^^除此之外, 都要多謝阿駿慷慨借相機比我哋二個, 我哋呢班實在太多好人啦~

講返影相先, 其實我哋二個基本上沿住上星期六成班同學去影相的路去行, 呢次只係補影返部分相, 比我拿去交功課, 而家比大家睇下我(及mandy)部分作品先, 有d係mandy影左比我交功課....

而且仲和mandy影完相, 當然唔少得我哋二個人之大合照啦~(影得模糊左d添~)

影完相之後, 大家都各自返屋企, 期間f先生send左短訊黎, 話聽日唔返學. 唔係掛? 你星期六又要出job冇得返學, 如果連你星期五都唔返, 咪見唔到你囉! 而家惟有明天有轉機....

應該堅持定放棄?

今日無聊上左f先生個相簿到睇, 除左見到佢封面有個女仔個樣, 我記得佢之前同我講過呢個係佢前女友, 跟住再仔細睇下, 見到有好多個女仔的相. 跟住再想起佢屋企部電腦及手機wallpaper, 全部都係那個女仔, 聰明的大家都知道f先生仍然鍾意個女仔啦, 唔係點會毎樣物件都有佢個樣. 呢一刻我清醒起黎, 原來佢心入面一直有個女仔, 佢仲對我這樣好做咩呢? 如果佢唔鍾意我, 令我誤會做咩呢? 突然我覺得自己之前無論點關心佢都係多餘

呢一刻, 我覺得好灰暗, 心內好痛苦, 我把呢件事話比蔡蔡, mandy, edwin知, 佢哋都叫我唔好放棄, 而且睇得出f先生都好d鍾意我, 唔想我做佢前女友替身, 先至冇叫我做女友. 但有咩用呢? 佢心入面一直有呢個女人, 我點可做佢女友呀? 如果要等, 我都唔知等幾耐啦...我覺得佢忘記前女友好辛苦, 但我都好辛苦, 下個星期開始不用上堂, 大家應該用呢段時間冷靜下, 而家咩都唔想再去想, 我唔想再接觸愛情呢樣野, 話唔埋自由自在的生活更加適合我....

而家我唔再期待佢在msn度hi我, 唔再期待和佢sms....而家只係好想快d忘記佢, 希望佢唔好再搵我, 但事與願違, 本來想行街避開佢, 於是同姑姐行街, 點解佢仲要send短訊比我呀? 仲問我買左d咩, 話我穿高跟鞋好睇, 但我都唔再開心啦, 只想時間快d過去, 慢慢學會忘記....

最後一堂英文堂

今晚英文要考試啦, 我, mandy及f先生一d都未溫過, 原本我想在上堂時溫書, 點知miss已經同我哋溫返考試內容, 這樣都好, 起碼我哋對內容有d認識先去考試都好!

呢次考大家寫letter of reply及enquiry, 好在在復習時已經記得哂個格式和生字, 大約都算認識做呢份試卷, 而且仲有二個字時間剩下,仲有我堅持係唔加紙, 因為我唔加紙的成績比加紙好?認真騎呢~!?而且我呢日仲要冇帶文具, 要問mandy借添! 不如我連個腦都冇帶, 好嗎?

放學之前十分鐘, 先知今日係英文最後一堂, 本來所有同學都差唔多走哂, 而波特先生話影相, 於是我叫返d同學仔返黎影相. 我哋呢班的同學仔真多事, 竟叫大家留返個位比f先生企在我附近. 你哋痴咩線呀, 影相就影相啦! 我左擁mandy, 又抱tracy, 冇位比f先生企啦, 早d影相啦!影完之後惟有叫f先生在msn比返d相我先^^

但d同學好似話我話上隱, 最後放學時仲抵死話我應該同f先生一齊坐校巴返屋企, 話咩嫁夫從夫, 撞鬼你地咩, 邊個話我嫁左架!?d人想像力真係豐富!其實我覺得自己係嫁富豪囉~!!唔好再話我和f先生啦, 我就冇咩所謂, 但人哋唔鍾意囉!

白痴的我!?

今日f先生又唔同我msn, 可能佢個老闆在公司唔可以msn的關係吧? 於是佢又同之前一樣同我sms. 本來我哋毎日都用sms傾計不足為奇, 無端端見到有個短訊, 話因為個電腦壞左而唔可以msn, 起初我以為係f先生冇得用msn傾計而send短訊比我, 於是我一直照覆, 但後來佢又send左短訊講佢冇食藥之事. 吓~!!?點解d內容完全不同? 後來結果終於揭曉, 原來電腦壞果個係蔡蔡, 睇醫生係f先生, 好在打之內容完全冇錯, 唔係真係鑼死啦! 弄清楚之後, 大家再各自各傾..但由於同蔡佢用電話台唔同,毎一段訊息都要收錢, 我哋只好傾少d啦~

大約六點幾, 見到蔡蔡終於上網啦, 原來佢而家用緊部電腦(之前係janice用)的電腦中左病毒, 要mandy特登返屋企send個防毒軟件幫電腦掃毒, 佢用住小生部電腦同我傾計. 佢的心情好差, 除左我之外,唔想同其他人傾計, 本來我都想同佢傾耐d, 可惜今日我要同屋企人食飯, 補祝我媽及姑姐生日...我, 媽, 爸, 妹, 姑姐, 弟及弟婦今日去食泰國餐, 可惜我哋全家掛住食, 即使自己帶左相機都唔記得影相..(汗)..今日果然係多白痴野...點解今日會這樣架!?最後只記得影底門口個像....

個像真好鬼核突, 點解我會影埋架....? 自己真係白痴嗎?

好羨慕呀(>_<)

今日約左靜出黎, 原本係去用塔羅占卜一下f先生係咪我真命天子及之後戀愛的情形, 但我自己後來縮沙, 唔敢去占卜, 驚f先生唔會係我真命天子, 以及佢係我而家最重視的異性朋友, 我驚自己會受唔住呢個刺激. 所以最後只好約靜去仙蹤林飲杯野傾下計.

靜佢在msn認識個階級男而家追緊佢, 毎日在電話講sweet的說話, 例如:[放工時即刻想到你, 如果放工時在你身邊抱住你就好], [好掛住你]...仲叫老婆, 女友等等...其實佢哋一次都未見過, 點解可以好似情人般親密? 最重要係個男仔承認靜之地位. 而我呢? 佢一直都冇叫我做佢女友和講過呢類說話, 有時心在想佢究竟當我係什麼? 令我覺得好不安及辛苦, 又唔知對呢段算係戀情放唔放手? 惟有自我安慰地想f先生和我都唔太習慣對自己like的人講肉麻說話...講到呢度, 我真係好羨慕靜及毎位拍拖的朋友, 起碼佢哋有個名份...原來名份係非常重要....

食完野之後同靜周圍行下, 最後決定去到花虛行下, 點知呢個時候, f先生狂send短訊黎, 問我在邊度及可不可以msn, 我以為佢有咩重要事, 於是離開靜趕住去公司度msn. sorry呀!靜(>_<)點知佢原來只比我睇佢份攝影功課d相!!??唔係掛? 佢call得我這樣急做咩呀? 之後佢比左d相我睇, 為左表示尊重, 我先得佢同意把相放在呢度 :

f先生又教攝影技巧啦, 其實個背景本身係一張純色咭紙, 係因為光去做個漸變出黎, 加上玻璃係透明物體, 本身已經好難影, 總之就係利害!跟住仲有一張倒紅酒落玻璃杯的相...d紅酒係f媽倒架, 好正!!

唉~!!佢就終於做完攝影功課, 但我仲未完成呢~於是佢send左二張比我, 都係同我功課係同一主題..

真係影得幾美, 我拿左佢d相交功課真係唔會穿幫嗎? 我妹話咪當問人借部相機加撞手神影囉~!!難得佢比左二張美相我, 我點會唔用啊? 於是我問佢真係唔介意嗎? 佢話完全唔介意, 仲叫我拿去用添, 哈哈~多謝你~

之後佢補返我哋全部同學仔在星期六睇燈飾之大合照, 大家睇睇吧~不過影得我好鬼核突(>_<)

最後趕住睇top model而拿拿聲在公司返去, 點知只重播上幾星期之內容, 總之我就唔趕啦~不過睇返電視及和f先生sms就算數啦, 而且我仲知道一件事, 原來f先生和我一樣都覺得自己唔太型仔及美女, 所以唔係太鍾意自己d相公開. 連呢個想法都一樣, 真係呀....!!??

感動(個blog終於唔係只有字)>__<

由於漏左拿手提電話的關係, 我要特登返公司拿返, 竟見到個電話未接電話紀錄之中, 居然有成7個未接來電, 而且全部都係f先生打黎, 仲要在半個鍾之內打左7個電話!?跟住再睇sms之內容, 見到佢真係好擔心我, 大致講係: [我打電話比你又唔聽!], 又或者[你唔係發生咩事, 唔好嚇我..], 我見到之後都非常感動, 因為而家已經好少有人真係好關心我, 多謝你, fantasy~!!

之後無聊便msn, 同左靜及edwin傾計之後就見到f先生, 之前唔知同佢講開咩野, 叫佢用msn比佢之前自己做model的相我睇, 真係好鬼死型呀(>_<), 我仲用左呢張相做電腦壁紙添! (其實f先生唔like我把佢張相放在呢個blog度, 因佢覺得自己唔型仔, 但我和我d朋友一d都唔覺!) 佢呢樣野都好似我, 明明自己唔係樣衰, 總係話自己樣衰, 而家連我都覺得自己怪怪地....

估唔到佢化左妝真係好型, 而且仲好有日本仔feel, 原來搵左好耐, 有一個已經在我附近. 不過原來佢自己本身唔鍾意呢個打扮. 真係可惜呢~佢本身好型仔的說, 最重要佢自己鍾意就得啦!

原本約定同蔡, eva及蕉今晚去食飯, 點知蔡最後唔可以出席而取消左, 我也跟同學去尖沙咀影相. 後來f先生在sms入面同我講, 話佢知道我今晚有我去, 佢覺得好開心, 當然啦! 我又可以比佢玩麻~!講返正題先, 我跟住mandy, f先生, berry, winnie, 阿ling, 波特先生, edwin, 阿銘及model王先去旺角先, 因有二位仁兄同f先生先去國美買機, 我哋便去沙爹王搵定位先. 呢班同學仔真抵死, 特登留返個位比f先生坐我隔離, 作死你哋呀~!!!??

食完飯之後, 我哋一行人坐巴士去尖東, 在途中f先生成日整我背心外套頂帽, 我之後又追打佢, 其他同學仔都睇唔過眼, 都紛紛走開左, 我都唔想架, 你哋返黎呀~!!

坐左一陣車, 終於到左尖東啦, 第一處所見的地方係海運大廈, 當中佢聖誕怖置好美呀!一於大家氧個相機出黎影下相先啦^^

哈哈~~真係好美, 而且果度又好多聖誕樹及雪人, 好鬼正呀! 於是觸發我有第二份攝影功課的靈感, 就係影聖誕樹之飾物. 單憑一個普通相機又點可以影得美呢? 於是f先生突然放塊星鏡在我相機鏡頭底, 影出黎的相真係美到不得了!!!似乎搵八個不同的聖誕樹又真係難左d, 而家show住二張先~

頭先咪講左果度除左有聖誕樹外, 仲有雪人, 其中有個雪人好得意, 係真人扮架! 而且仲係鬼佬, 佢見到人就會唱聖誕歌, 又會同細佬仔握手及講再見, 真係好正~

入到去海運大廈時, 我對boot隻跟食左, 即係隻跟成45度角斜, 行得我勁辛苦, 隻腳非常痛, 好在有mandy全程附住我, 當f先生知道我隻腳痛時, 佢即刻走去附我, 也即刻比同學仔影相, 而f先生驚我比其他人笑而冇去附我, 但唔緊要啦, 你在途中不停問我有冇事, 我已經好開心^^

雖然我整到隻腳, 但我也唔想破壞大家開心的情緒, 惟有頂硬上啦! 我哋先去到海旁, 由於我隻腳痛, 坐在欄杆度, 我也無端端做左大家同學仔之模特兒?但好在有winnie及model王合影storyboard之內容, 真係好鬼抵死! 我都影返張笑下先

見到大家同學仔影得好落力, 好開心, 於是我影底左大家影相的情形 : 全部人放哂d腳架在地上, 個場面真係好壯觀~
去到星光大道時, 大家建議一齊影張合照, 其實呢個建議暗藏住一個陰謀, 就係叫f先生較左時間影相時, 佢哋即刻走開, 只剩下f先生和我影合照, 最後當然係...失敗啦, 我哋見到你哋走仲唔走咩! 結果影到一張我, f先生及走不切的model王, 張張真係勁好笑, 一於問返f先生影返張先~其後我和mandy一齊在星光大道個聖誕樹度影相..

去完星光大道影相之後, 去最後目的地, 海旁燈飾一帶影相先, 我哋終於影到主角啦, 大家比心機, 落力d去影相~!!

大家影完時已經十一時幾, 我哋都要返屋企啦, 呢日天氣好寒冷, 我見到有個阿婆在天橋度賣個心型的鎖匙扣, 我見佢可憐, 咪想幫襯佢, 點知要成二十元, 我仲唔走咩? 其後佢講十元, 我都因為佢誇大價錢走左. 其後winnie叫我不用可憐那婆婆, 因佢跟本唔係靠自己努力去自力更生, 仲話以前在街度見到有一個阿婆, 無論天氣幾寒冷都好, 都會努力表演, 結果winnie比左50元個婆婆. 無錯, winnie令我明白到好人係重要, 但不可不分青紅做白去幫人, 否則傷害的只有自己...

當大家集合時, 發覺berry及mandy唔見左, 於是winnie叫我打電話比佢, 後來終於見到mandy, 而且佢仲比左頭先婆婆個鎖匙扣我..好感動呀, 估唔到你會買比我, 要你破費好唔好意思! 但真係好開心, 呢份係我第一次收到佢禮物, 而且仲係心型[love], 難道係定情信物嗎? (笑) 我會全程都拿住佢, 唔緊要啦~!!最後大家各散東西, mandy因為媽媽打電話之監督而要盡快返屋企, 但佢屋企在佐敦, 唔緊要啦! 同埋希望佢可忘記呢日傷痛之日子! 以及你送呢份禮物比我, 一直都聽我講心事, 真係好開心, 多謝你! 至於我, f先生, berry, 波特及edwin就一齊坐地鐵. 當中講到edwin佢哋坐小巴, f先生建議佢哋在油麻地坐會好d, 最後佢哋全部在油麻地落, berry去到葵芳落車, 咪即係只有我..和f先生?

到左旺角之後, 我和f先生行去坐小巴, 途中經過7-11, f先生想買食物及飲品, 當佢想飲野時, 我叫佢唔準買冷飲品, 於是佢冇買到, 變左買豆沙及花生餅. 買完飲品食物之後, 大家再行去坐小巴, 途中見到一間街邊有間類似茶樓物體有點心賣, f先生話不如我哋二個都坐在果度食, 我心內厭貴及不喜街邊食野, 好似好污穢, 所以不太願意; 但如果佢鍾意都冇計, 最後我哋一件點心都冇食就上車

在車上, f先生把紅豆沙餅比我, 我都覺得唔意思, 後來佢話mandy都有買野比我, 於是佢又請返我食野, 我也搣左d比佢食, f先生又食返自己個件, 佢話我那件不太乾, 於是我再搣比佢食之外, 仲要餵埋佢添! 佢當然話好味啦, 我從未試過餵男仔食野....跟住佢見到mandy比我個心, 佢成日都想食左佢, 我當然唔比啦, 於是佢話咬我隻手, 唔係...佢想咬我個nose, 唔得呀!你好鬼大力咬落去(>_<)最後佢見到我隻腳痛, 問我要佢附我返屋企, 當然不用啦!我唔想你因為我而哂錢, 跟住佢話在我屋企住一晚, 但我屋企太亂, 唔適會招呼你, 而且我哋的關係也不明顯, 所以我拒絕佢, 佢叫我返到屋企打電話比佢.

一返到屋企, 我全家人都未訓教, 好在f先生冇黎到, 唔係比全家見到就..真係水洗都唔清啦! 我到左屋企之後即刻打比f先生, 傾左一陣f先生話唔阻我去沖涼, 仲叫我沖完涼sms比佢, 結果我哋sms至2時先至訓教, 好累呢~