已經病左三日呢....食左樂信都仲未好返, 而且仲好似病得勁左咁, 本來只係喉嚨痛, 而家仲咳及流nose水, 最後決定放工之後去睇醫生
但睇醫生都波折重重, 本來想係公司附近睇醫生, 點知真係好貴, 其中有一間更至少200元!? 我都未睇過咁貴既醫生. 之後打算返舊屋企附近睇開果間, 於是走去答小巴, 點知又勁多人排除, 後面個女人講電話仲要勁大聲, 於是我就打算返屋企唔睇, 點知仲多人排隊, 最後點?? 咪走返去答小巴去舊屋企附近睇醫生, 覺得自己哂左咁多時間, 最後都係呢個決定, 覺得自己有d岸居=口="
好在沿途都有joejoe同我傾電話先冇咁悶^^
終於可以睇醫生, 但要快d去睇啦, 唔係過左八點就關門(我去到已經七點半). 都知道自己係感冒架啦, 又要食藥啦....仲要係果隻最難食既咳藥水=.="...我都古惑地拎定聽日既醫生紙, 唔知聽日會唔會請假, 點都拎左先~
返到屋企即刻食藥先~七彩繽紛既藥丸及咳藥水, 嗌哂help都似=.="....食完藥快d訓先得!!
welcome to my world...
My beautiful life
My model life since Nov 09~
My sweet life w/ bf joejoe since Dec 09^^
My model life since Nov 09~
My sweet life w/ bf joejoe since Dec 09^^
終於到左姪仔生日呢!! 先祝佢生日快樂, 同埋希望佢會乖d, 快d學識講更多野, 以及最重要既身體健康~及唔好再令我父母頭痛啦, 就送對鞋仔及比錢佢買野啦^^
我妹妹勁啦, 先去pizza hut買pizza先, 好耐冇食過啦!! 但佢要去拎野去老闆娘間餐廳, 父母, 細佬及弟婦先到屋企, 所以全部人等埋佢先食. 妹返黎屋企之後, 仲講咁多做咩, 開餐先~
其中一件唔spicy既至尊批, pizza當然要啖啖肉先正! 雖然我平時少食肉.....
呢件都係至尊, 不過係spicy既, 正當我想影相時, 我爸已經急不及待拎左一件=口="
呢個白汁意粉似乎唔太好味呢.....可能係凍左先唔好味吧!?
呢個磨菇卷都幾好食, 唔錯啊!! 可惜毎人只可食一件, 想食多d都冇....
最好味既唔係pizza, 反而係呢個葡國雞飯, 又香又好味呢!!
食完pizza之後休息下先食蛋糕, 而家影下壽星仔個樣先~果個史迪仔圍巾好cute啊!!
姪仔岸居居個樣好cute, 真係唔知佢望咩望到呆左=口="
終於到左生日蛋糕環節!! 由媽媽親自寫上姪仔個名, 仲要加埋[2歲], 生日快樂^^
點上爉觸先~毎支就代表一歲啦!!
咁好味既蛋糕呢~姪仔快d切啦, 姑媽有得食啦!! (呢個姑媽真為食=.=")
屋企毎人一件的確好!! 但多左一件出黎?? 原來我媽媽唔食choco, 最後一件我要埋先!!
後來媽媽仲整好味湯丸, 但我食左兩件蛋糕開始飽囉....最後只係食左三粒湯丸, 不過唔緊要啦, 仲有大把機會食!! 至緊要大家及姪仔開心就得啦^^
琴日去完長州之後果然病左, 都係自己抵死, 冇聽joejoe話拎多件衫著, 加上自己喉嚨痛仲食麥樂雞, 今日都仲未好返, 除左喉嚨痛外, 仲流埋nose水, 今次真係死得!! 焗返身汗真係以為自己好返, 點知病得仲勁既.....anyway, 我都堅持唔會睇醫生, 又冇得claim錢, 又唔可以請病假(因未做夠一年), 唔可以咁蝕架ma, 惟有頂硬上啦!!
終於捱到放工, 見到媽媽同姪仔玩咩呢?? 原來係識字卡啊, 好耐都冇見過啦!!
妤多款既卡卡~呢個係動物既, 不過姪仔連一樣都未識讀呢....唔緊要啦, 過埋聽日就兩歲仔, 希望佢識啦!!
最可愛係呢套既卡, 有哂屋企既毎個人, 公仔都好可愛, 好多名姪仔都識叫, 抵鍚>3<
聽日就係姪仔生日呢, 唔知會點同佢慶祝呢?? 時間過得真快, 咁就兩年啦!! 但自己都仲未結婚, 唔好講有咩bb....但係我覺得都係唔生會比較好呢~
二十七年黎從未真正慶祝過情人節, 唔好講白色情人節啦, 自從認識到joejoe之後, 佢帶給我歡樂及無比既幸福, 可以感受到真正既戀愛, 多謝你^^
大頭蝦既我因為之前從未慶祝過呢日, 所以我約左影師影相, 但joejoe佢唔開心, 於是就改期, 而今日我哋慶祝既地方係長州, 我仲未去過呢, 覺得好期待!!
我哋去中環碼頭搭船呢~不過個碼頭好大陸feel=口="
坐左一個鐘頭船之後, 終於黎到長州啦, 真係辛苦哂一直同我黎既joejoe呢!! 見到有好多個地方咁, 有排行呢...
落船後見到好多漁船, 加上望住個海, 風景都幾靚, 有海風都覺得好舒服!!
長州附近都幾多廟宇, 呢個係其中一間叫玉虛宮!? 咁似古代小說名既=.="
之後joejoe為我預約左渡假屋, 比我哋行得累時休息一下~
後來先知我哋既渡假屋係...東堤小築!? 唔怪之得咁平啦, 不過唔係過夜都ok既....
間房間真係幾細, 但對於兩個人黎講已經足夠, 我都希望可同joejoe有間自己既屋呢~
屋內既小椅子及枱~不過張枱好明顯係方枱吧!?
係屋內開始覺得喉嚨有d痛, 死啦, 唔知係咪搭船去長州時有d痛, 但我地一去到麥當當仲食麥樂雞加重病情既緣故呢??
雖然係病左, 但又唔想係間房度, 終於周圍行下...點知比我地見到好大粒魚蛋, 成個ping pung咁大個, 好勁><
附近仲有一串串既生果及薯片, 可以自己病左冇得食, 只好望住人地食及影相><
見到一間好靚既餐廳~如果我可以同joejoe去食就好啦!!
餐廳都幾大下, 我要分兩邊影, 呢個係右手邊既側門~
餐廳既另一邊~間餐廳邊度得黎咁多門口架!!!???
見到大家都影下, 等我地都去影下先~幫我地影相個女仔都幾pro, 係唔同角度影唔同相~
就連打直影都有!? 咁有心機影我地, 多謝哂^^
呢間都唔知係屋定店舖?? 我估應該係屋黎吧, 又整得幾靚喎~
有間叫棉花百貨既小店舖都幾得意, 但冇咩時間行唔可以入去睇, 有d可惜...
呢間手工藝既店舖又好似唔錯咁~好辛苦先等到冇人可以影相><
咁快到左食飯時間~joejoe見我病都就我去食粥, 多謝你!! 呢個係我叫既皮蛋碎牛粥, 勁多皮蛋及碎牛, 係一碗好夠料及好味既粥~
joejoe叫既菜乾粥?? 成日都唔記得個bf食咩野都有><
豬潤腸粉~皮又滑, 豬潤又軟, 真係好好味!! 我同joejoe好快就食哂!!
呢個炸兩都幾好食, 內脆外滑, 可惜joejoe太飽及我又病左, 唔係一定會食哂佢!!
我哋最後答九點半既船離開, 希望可再黎呢個令人覺得輕鬆及悠閒既地方. 但我下次一定會帶夠衫, 唔會比自己再病!! 最後返到屋企惟有食樂信, 再焗返身汗訓覺><
琴日我買左本漫畫, 得知joejoe原來又鍾意睇漫畫, 都係like睇古裝既多, 見到你睇火鳳燎原呢!! 睇黎joejoe睇漫畫都有內涵過人, 好過我只睇埋時裝設計及幻想旅程既....於是我哋今日約埋一齊去旺角某漫畫cafe度睇漫畫啦^^
呢間cafe就係金雞度, 記得係阿光一年前度帶我去, 都好耐冇去過啦, 原來金雞只有一間cafe...
cafe既其中一角, 最近我地果兩張椅子就係我同joejoe坐既位, 我哋第一班人去, 有好多位簡呢!! 我哋坐近窗既^^
最近窗既位, 不過要八點前離開, 因有人book左呢~周圍都係漫畫, 以前會好開心既, 而家好似冇咩太大感覺....
近漫畫台既其中一角~都幾好坐咁^^
好多漫畫任睇呢~雖然大多都舊d, 不過冇所謂啦, 至緊要有得睇, 毎人都係五十元到就可舒服地坐係沙發上睇足幾小時, 都幾抵架!!
我叫既榛子咖啡, 真係好苦, 好在只叫左細杯....joejoe叫既榛子choco, 竟然仲熱過我個杯...
之後叫左個腸仔肉丸, 個汁都幾好食既, 仲有好多腸, 好味!!
全間cafe最想睇也覺得最好睇既一套漫畫-天堂之吻. 以為小慧曾經借過比我睇, 估唔到而家可以再睇, 係講時裝設計, 超正!!
係cafe度坐左一陣便走就去左一間細既snack gift shop度睇野, d野好平好靚...之後再慢慢搵餐廳食晚飯呢!! 旺角果然好多餐廳, 多到唔會餓死你, 幾平幾貴, 咩款都有. 我同joejoe最後去左一間日本餐廳, 我哋呢個星期第三次去食日本野呢, 無辦法啦, 鬼叫日本野最多野食及平咩=.=""
呢次食飯既日本餐廳一部分, 唔係太大間, 但都幾整齊^^
餐廳既另一邊~牆上好多用中日文寫既菜色呢!! 可以順便學下日文~
都係餐廳既另一角, 有好多日本菜色, 我地客人比所有日本菜色既紙包圍住啦><
日本餐廳既吧台, 可以見到有好多刺身架!!
呢間餐廳要叫滿一百元先可以任叫二十元既三文魚刺身食, 於是我同joejoe就叫到岩岩好一百元~呢個係櫻花尤魚及黃金尤魚, 真係好好味!!
尤魚好新鮮好好味!! 好耐冇食過啦!! 我以前都成日係賣壽司店舖買黎食架!!
芝士窩鳥冬~呢個我都覺得幾好食, 不過太多芝士真係好漏, 我建議多人去食先好叫呢個, 唔係真係唔使食其他野...
呢個係日底燒餅, 我強烈建議食呢個, 真係好好食, 我見到全部人都叫呢個, 必試!!
我都知冇可能食哂d壽司, 於是我影底相, 睇下下次食邊款先~
之後同joejoe去左金魚街, 見到有好多rabbit啊!! 勁正~本來唔比影相架, 好在joejoe掩護我先影到, 多謝你>3<
仲有好多魚買啊!! 有d金魚都好靚, 如果屋企有位養就好啦!! 不過我好驚撈死魚=.="
行完花園街之後就早d返屋企啦~因為我地聽日會去長州元!! 要早d訓先得!! 不過我一返屋企msn度online, 已經有幾個影師hi我啦, 睇黎我都唔可以早訓...OH MY GOD!!