最近心動既一個旅行團

復活假好多人都有節目, 加上有咁多日假, 冇理由咩地方都唔去, 係屋企度過架, 好在酸梅send左個email比我, 話2000元可以去越南, 不過要坐車去過唔同地方既關口, 好有挑戰性呢!! 唔知有冇朋友去呢?? (以下內容摘錄自一個blog)

預計支出︰hk $2000 - $3000內全包十天全包 (港幣 1蚊 = 越南幣 2,408蚊~!!! 好不可思議呀~!! 所以d錢好好駛)

出發日期︰2.4.2010 - 9 / 11.4.2010 當中有5日紅日加一個weekend... 請3天假便是了。抵~!!!

(日數未定，好玩的就用盡佢，唔好玩的就好d回程，返正經陸路，撘巴士而已~!!)

香港到東興(中國)

上水－文錦渡：HKD20
文錦渡－東興：RMB230
東興－關口：RMB5

哇!! 見到內容都已經吸引, 不過架車就....正唔正就見仁見智, 我就覺得附近係同朋友訓既話都冇問題既~



全部好朋友訓係附近傾下計都幾好, 不過惟一擔心係冇得洗白白><

越南日出既景色, 好靚啊!!




泰王墓呢~都好似幾靚咁, 我都係老啦, 鍾意去觀光.....

唔知去唔去好呢?? 要坐成十個鐘頭車, 真係唔好講笑, 我連坐兩三個鐘車返大陸都難頂, 何況係呢樣, 加上有d人唔識, 仍然考慮去唔去好呢..

又同joejoe食飯...hehe..

點解今日又會見joejoe呢? 因為星期一果日佢幫我袋住左個飯盒袋, 點知我答緊地鐵先記得, 於是打電話比joejoe. 本來係琴日拎返既, 點知我sms比joejoe, 佢又唔應我, 加上琴日好凍呢, 又累, 於是便冇等joe, 今日先可見面呢, 太開心呢~去既地方都係旺角, 搵左地方食飯先!!



今次去既餐廳係一間fusion菜既, 係日底cross-over西式, 首先影間餐廳先~呢個係走廊~



餐廳內既牆上布置, 用了sharp既黃色及藍色, 加埋玻璃都幾靚~



牆上既裝飾近鏡~隻豬仔幾可愛架!! 正一係隻傻豬....xd



我同joejoe兩個人既位啊, 又一齊坐啦, 好開心^^



我既香芋珍珠奶茶~不過d珍珠真係好硬, 至於個奶茶呢, 都ok既~



我叫既德川拉麵, 另加芝士醬要比八元, 對於勁愛芝士既我, 覺得超正, 不過個湯加埋芝士好鬼難撈=.="



joejoe叫既海鮮烏冬, 我同佢交換麵及烏冬黎食^^



我哋兩碗麵拼埋一齊, 佢地都想影返個合照咁話...xd

由於星期一已經行過好多店舖, 所以呢次都係隨意行, 估唔到香港地方真係唔大, 可以行街及食飯既地方唔太多, 我同joejoe都諗左好耐去邊食飯, 最後都係去旺角呢....如果我哋可以一齊去旅行就好, 唔知joe會選擇邊個地方呢??

兩輯相終於出左啦...XD

今晚屋企冇煮飯, 食左呢個紅薯麵條, 個隸都幾得意呢, 唔知好唔好味呢?



d麵條好好味架, 透明而且又滑, 加上個酸菜, 簡直係一流!! 我邊食邊讚!!

食完飯之後都覺得好忙, 因為Danny tsang係一月影既相終於出左啦, 雖然都執得幾勁下, 但d相真係好靚, 好like呢輯相~



呢輯係比較斯文及日本少女look既相呢~唔好睇影得好輕鬆咁, 我對腳咬足四十幾處蚊爛呢!!



比較like呢張相既原因係我個格調及pose都好襯個景, 加上d顏色整得好靚, 不過只係自己覺得~



呢張顯得對腳好長好瘦, 咁當然係執過啦~



呢張都好like, 唔知點解鍾意背景係呢個色澤~



pose有點騎呢, 不過整體都算ok吧!!??唔知道啦><



呢張都唔錯, 差d走光啦, 要小心d先得!! 影相果然會好易走光><

詳細可留意網頁, 本album好靚架 --> http://www.fotop.net/dannytsang5216/KUMI3012010

之後再收多一輯nokiaa係上星期同我去南生圍影既相, 估唔到咁快就出到相呢, 覺得好開心啊!! 呢輯相也係覺得唔錯既^^



呢張係成輯之中至like既一張, 覺得pose上似足真正既model, 不過只限呢張...



呢張相既pose都算ok吧!? 太耐冇影過, 只係識擺呢個pose=.="



始終離唔開cool既表情及pose, 唔怪之得個個影師都叫我影cool><



好like呢張相既構圖多過我自己, 哈哈!! 覺得件衫及個景都幾襯, 比較清新既感覺~



比較優雅及高貴少少既一張相~當然只係講笑啦><



呢d可能就係叫做悠然自得吧!? 感覺上都幾輕鬆~



拎遮影既其中一張相~果日真係落毛毛雨, 所以感覺上唔太怪既~

收左呢兩輯相, 點解會忙呢?? 因為我要upload上我既fotop, 擺去fb度及要逐張相收, 所以咪忙囉, 不過忙都唔緊要, 收到呢兩張相係值得既^^

三個月囉~~

同joejoe終於拍左三個月拖呢, 時間過得真係快, 希望我哋以後都咁sweet 就好~我哋習慣左一到毎個月紀念就會出街食飯慶祝, 會比平時食飯[豪]少少既, 呢次都唔例外, 去左旺角一間叫做[金太郎]既回轉壽司食飯呢, 好開心^^




我同joejoe既兩個位~睇黎我哋太肚餓呢!! 一早已經拎左三文魚壽司食^^




同joejoe影返張合照先~我真係唔識對住鏡影, 好在joejoe識><



倒水既水龍頭都影埋, 我果然好無聊呢=口="



快子盒及menu呢~見到好多食物簡, 都唔知簡邊樣好><




壽司吧枱上既裝飾呢~又或者唔係裝飾, 真係杯黎架!!



當然要影下主角回轉壽司啦~仲見到個38元既三文魚刺身牌^^



係啦~知道黃色碟係12元一碟啦...XD



我哋食左咩?? 其中一碟就係三文魚壽司, 毎人一碟^^



叫左一碟吞拿魚壽司, 可能我哋唔太like, 但都ok好味既~



饅魚壽司~少少汁, 但都幾好味既, 唔錯^^




joejoe叫既拉麵~唔記得左叫咩名, 望落去個樣都唔錯, 唔知好唔好味呢??



我叫既墨魚丸拉麵, 我誤會左d墨魚係章魚小丸子, 以為呢個拉麵好特別, 點知只係一般...



唔係自己最愛既章魚小丸子, 只係一般既墨魚丸黎><

食飽飽後我同joejoe周圍行下, 本來行女人街, 但因為太凍了, 去左瓊華度行, 果度賣既部分物品都幾得意, 只係有間可惡既店舖服務實在太差, 好在joejoe都啤實佢, 咁保護我, 鍚哂你>3<



行過其中一間店舖, 係我同stacey既至愛, 就係...lolita啦!! d 衫真係好靚!! 不過我唔會著, 只係睇...xd

科學園 @ 私影 with wilson

今日都係去私影, joejoe唔好意思呢, 竟然陪唔到你....講返個影師先, 呢個也係第一次合作, 佢叫wilson, 之前受朋友影響影左好多cosplayer, 後來佢想影返多d時裝, 我也有幸成為佢model之一, 多謝佢比機會我先^^

本來約左去梅樹坑公園影相, 可惜天不造美, 全日都落起雨來, 而且仲好凍, 只有十幾度. 我臨去到目的地時, wilson先改變地方, 最後去左屬於室內(!?)既科學園影相. 我記得之前見過有人係果度影相, 呢次終於到我啦, 唔知我又會影成點呢??




呢度就係科學園啦~全部都係玻璃窗, 好似都幾靚咁既~



室內仲有好多植物, 加上毎座建築物既玻璃窗, 望落去都幾舒服^^



wilson要整佢部相機, 佢帶我黎其中一間餐廳, 而我就周圍影下相及叫食物~



餐廳外既樹木, 仲有間OK係樹旁, 加上全部都係玻璃做, 唔使開燈都好光!!



餐廳附近既入口, 而家咁凍一開門就有陣風吹入黎, 好凍啊><



我連午飯都未食呢~呢個燒鵝米正啊, 唔客氣啦!!

食完野之後開始影相, 首先係做下熱身, 去餐廳樓上既一條行人天橋影相先~原定呢日好熱, 所以買哂春裝, 點知就出事了, 一除衫影相就...凍死><



似乎pose仲有d硬呢, 要wilson成日提, 加油啊!!



行過天橋前見到有些擺設真係好靚啊!!



之後去到另一間cafe, 睇落去好普通, 影相都一流喎!! 我好似等緊人個傻樣, 不過都係暫時至like呢張^^



原來我飲野個樣咁cute都有!? 我以為自己好核突, 好在都唔係想像中咁差~



呢個個pose及表情都唔錯啊, 好自然...xd



cafe外仲有個露天茶座, 平時好多人架, 今日就冇人, 超正, 點影都得!!



話說頂帽原本係帶住, 但因為落雨唔可以影開心既春天景, 於是我忽然寧機一觸, 諗到用黎做道具, 比人一種思念既感覺~



另一種感覺呢, 同樣都係要望住頂帽~



由於天雨及寒冷既關係, 呢個已經係我哋呢次私影既最後一個地方, 就係呢個巨蛋!!



等我呢個傻妹去扮下大陸自由行影下相先, 好核突=.="



呢日真係落雨架, 要邊行住邊影相, 好凍呢><



影呢張相就嬲啦, 其實途中都有人好奇我係度私影, 估唔到有幾個男仔話我係o靚模, 都覺得幾難聽架, 我邊忽o靚啊, shit!! 不過算啦, 我成日比街外d人及影師以為我20, 突然好似時光倒流....



全輯相既最後一張, 串埋都係一個故事黎架, 至於個故事係咩?? 我諗要等到五月先知道呢..因個影師要執相~



最後同場加影既係~我私影之後, 我妹係老闆娘間cafe度拎返屋企既蛋糕, 至於好唔好味呢..都ok既, 係藍莓焗芝士蛋糕及芒果cream蛋糕~