煩緊個新blog

呢個blog我估用唔係太耐就要換過新, 唔係佢唔好用, 而係因為我擺相既空間已經用左87%!? 連我都估唔到呢, 邊度得黎咁多相啊?? 最後得出幾個相多既原因: (果然係無聊=.=")

1) 可能係私影啦, 影風景及自己都已經有好多
2) 同joejoe周圍去私影及拍拖, 毎次都有影相
3) 同中學及IVE舊朋友既聚會
4) 最後一個我都唔想講, 也係冇咩可能既係同以前果隻死人F既相

頭果三件事係開心, 絕對冇問題!! 最後一個point呢..就真係想當冇發生過, 但始終都係事實, 唔可以抺殺既, 之後開心咪得囉^^

呢三個月真係開心好多, 估唔到一個私影改變左我既人生, 有個好好bf, 一班影師朋友及一輯靚相, 可能自己為興趣, 覺得開心好多掛!! 好過咩motestation, dc fever果班o靚模, 都唔知爭咩, 個個鬥靚樣及衫, 佢地都係靠影會搵食咪咁, 自己就唔想好似佢地咁啦, 都係為興趣既好玩d^^

終於可送禮物比joejoe

星期一買左份禮物比joejoe, 但因joejoe要開ot, 所以改左今日先可比佢呢, 希望joejoe都鐘意呢份禮物啦, 唔知佢會唔會覺得比較[女人]d呢??

又要joejoe陪我去買影相衫, 悶親joejoe, 對唔住><

之後同joejoe去新世紀中心食飯, 原來joejoe一早已經肚餓, 早知陪你食飯先~你又驚會打擾我興致, 至緊要就係你個肚ma, 下次肚餓要話我知啦!! 到最後我哋見到有間日本餐廳有個套餐幾底, 三十元有一杯飲品, 一個拉麵及一個咖哩飯, 於是我哋就叫左呢個餐啦, 點知...



個樣都好似幾好味嗎?? 個麵都ok既, 但個飯就...只有一舊薯仔及汁, 係唔好味既><



個麵都算唔錯, 而且都幾彈牙, 就影佢個close up啦~

食完飯之後就周圍行下, 之後就返屋企. 而nokiaa一早搵左joejoe星期六去南生圍一齊影相, 但joejoe公司似乎好多野做咁, 唔知佢黎唔黎得呢?? 要睇佢星期四或星期五既答覆啦><

去報poly u 既fashion design

拖左大半個世紀, 咁當然係誇張啦...其實只係隔左成個月, 終於願意交報名費及報poly u既fashion design啦!! 聽講好難先入到去讀, 首先係睇A level及會考既成績, 之後睇有冇讀過相關既course, 之後就全程英文interview, 可以話相當複雜呢!! 我報名真係睇下自己有冇機會in, 不過就算有機會in都好, 都冇portfolio, 呢次真係死得啦....不過唔緊要, 試左總比冇試既好, 一錯過左呢個機會, 就要等下年啦!!

網上報名好煩呢...最後填錯左相關course果度. 其實我係09年6月至8月(失業)果段時間曾經讀過短期既時裝繪圖, 唔係點會識畫呢. 話說呢一部分係要讀左一年以上既證書等先可以填, 咁佢就一早講明啦, 害到我要特登為張證書影相=.="




呢張就係證書, 雖然只係短期course, 但張cert個樣已經好pro><

唔知會唔會收我呢?? 報完名之後有d緊張呢....都係慢慢等消息吧!!

買禮物比joejoe..xd

呢日放左工之後, 突然忽發奇想, 就係買份禮物比joejoe. 其實上星期六想比份禮物佢, 但因為時間太趕, 結果冇買到比佢, 所以呢次要補買返, 買左d咩比佢, 就係....同我一樣既毛毛拖鞋比佢啦, 希望佢鍾意啦^^




就係呢對啦~有兩個心心呢^^...個店員應該知我買情侶鞋, 問我只買一對夠唔夠, 咁當然夠啦, 我都有一對啦!!




粉紅色就係我既, 諗住天氣凍d, 我地會去渡假屋, 可以一齊著住佢啦, 真係由腳warm到入心呢~so sweet!!

期待聽日可送比joejoe, 聽日快d來臨啦!!

各朋友記事

呢兩三個月唔係同joejoe拍拖,就去左私影,冷落左好多朋友呢...好對唔住啊,我應承你地一得閒就會出黎聚舊,大家玩個樂而忘返既^^...以下對朋友既一返說話,排名不分先後,希望我冇漏到啦, 真係漏左既話就...留言比我,又或者見到我就打我啦...XD

文迪:最近為了工作及屋企,忽略了自己既夢想而唔開心,唔使唔開心架,我哋fb內有成班IVE同學及你既朋友支持你,你始終都係風頭躉, 個個都like你,我都好d羨慕呢~希望可以同你及菜菜一齊shopping啦,見到你地大出血好,我冇咁多錢消費><

菜菜:太耐冇見你啦~不過知你又要返工,又要湊b辛苦啦,見你個blog話過年同阿b及係外家咁開心就好,希望你份工快d過probation,之後加人工,同埋可實現你同你老公既大計^^

阿ling: 多謝你去台灣買比我既手信,但我都冇咩可回比你,話請你食飯又唔制,惟有之後先算啦...哈哈..算係咩理由=.="...同埋也多謝你幫我安排同winnie食飯,雖然唔係太耐,但都好開心..XD

Winnie: 好耐都冇見,同阿ling係IVE同學, 毎次見到佢都好開心, 我覺得佢先係陽光少女呢!! 佢拎飯盒去買飯食果然夠環保呢!!

liz: 覺得佢可以讀到master好叻呢, 因為佢太叻, 又高又靚呢, 好難搵到襯得佢既男人,不過我相信一定會搵到呢個人既^^

寶妮: 減肥之後見到成果啦, 真係瘦左好多, 如果識埋打扮, 都可以變索女啦..xd

嘉華: 讀緊個degree呢,加油努力呢!! 比我好好多啦, 而家我都仲未有degree, 真係失敗呢, 其實係自己怕辛苦掛, 加上仲未知讀邊科...

酸梅: 同bf好似好開心咁?? 只係liz影畢業相先見過佢, 實在太難約啦, 不過唔緊要啦, 陪bf ma, 我完全明白^^

veron: 都係同bf好好既一位, 而且仲去左好多旅行咁, 太羨慕啦!! 仲有多謝你去上海買比我既手信啊^^

eva: 冇見佢咁耐覺得佢靚左呢~見我地果日仲著件新衫, 都ok架, 唔錯!!

蕉: 比veron及eva叫左做媽媽, 都係你太照顧佢地o者, 不過有時比佢地玩, 都幾好笑既~

stacey: fb內其中一名朋友, 出身於教書世家既佢似乎冇咩發展自由呢, 加油啊!! 未來係由自己創造出黎架~

Jenny: 也係我其中一位fb朋友, 毎次開唔開心都會留言比我, 唔開心時會鼓勵我, 開心也會鄧我開心. 我只知佢位係澳門呢, 似乎冇咩機會見咁, 惟有係fb內保持聯絡^^

我既好朋友呢應該冇漏吧!? 咁當然唔計而家既影師朋友, 哈哈~又或者咁講, 同佢地最耐都係認識左三個月到, 都係識耐d先打佢地啦, 其實都有幾多下, 包括golfer, nokiaa, calvin lor...

至於男友呢, 好多時都會打佢, 而且有d神秘野, 都係留返佢個blog度打算啦^^

同joejoe預早慶祝中國情人節

本來想聽日正日先慶祝中國情人節, 但又驚太多人會好迫, 於是提早左一日慶祝!! 二月果然係情人月, 特別多情人既節日呢~可以同joejoe過, 覺得好開心, 多謝你^^

原本約joejoe十點半係葵芳地鐵站等, 但因為我琴晚玩得太夜返屋企太累, 所以改左十一點先集合, 可以訓耐少少, 好在大家都係準時之人, 都冇遲到, 快d去百佳買左野食先啦!!




去百佳之前見到好多鬆弛熊啊, 好可愛呢~~




哈哈~搵個冇人既地方影下我係supermarket度推車個樣先, 好搞笑...xd




joejoe推車個樣好得意啊!! 唔知點解會有呢種感覺呢, 哈哈!!




最後都買左幾多野食呢, 又壽司, 一個雙拚既二十元飯, 墨魚丸及燒餅等等....最後都係冇整蛋糕, 變左整布甸呢><




同joejoe去完百佳買完食物後, 見到商場內有d好靚既布置去睇下先, 全部都係貓既裝飾!?




全部都係招財貓黎, 全部都肥肥地, 好cute啊!!




好大隻招財貓啊~~我都想有多d錢啊, 比我中六合彩就最好^^




全部玻璃窗擺滿哂貓既物品, 可惜有我至唔like既hello kitty=.="




主台上樓梯旁既招財貓, 自然成為好多人影相既對象^^




呢個就係主台, 尤其太多人係果度影相, 我唔可以影哂全個....有點可惜呢...




冇得影主台都唔緊要, 我見到呢個日本式既姻緣貓貓仲靚仲可愛, 好似我同joejoe咁...XD




呢隻男貓貓就係joejoe, 唔知真正既joejoe著起呢件衫係咪咁型呢??><




呢個係我黎吧(if 隻男仔係joejoe), 自己真係好想著下和服呢~

本來仲想影多d, 但見joejoe拎咁重野, 加上我相機又冇電, 都係影住咁多先, 都係有d可惜呢...希望有機會再黎影...

之後我哋答地鐵去我哋既目的地塘福啦, 去到塘福時, 見到平時去開果間渡假屋關左門既?? 見到隔離開左門, 於是就問下, 原來佢地今日島上有節目, 所以關左門, 不過好在都比我哋租房, 而且仲有得選擇, 太好呢!! 冇得租既話真係唔知點算好.....

終於到左先食飯啦, 墨魚丸就麻麻地好食啦, 個飯就ok, 仲同joejoe share黎食, 之後就開始整士多啤梨布甸呢~joejoe又影我相啦, 哇~~




唉呀, 比你影我洗緊士多啤梨個樣添!? 勁樣衰囉=.="




摘完士多啤梨之後, 開始整緊個布甸料都比你影埋, 希望整得好味啦....雖然中途o者哩粉仲未凍時擺左d蛋入去, 整到有d蛋花...




整好之後拎去雪, 點知成個鐘都唔變硬既? 好在擺係冰格內, 終於硬了, 咁就有得食啦!! 似乎個心都唔太硬, 又可能太多水而淡左d><




未食之前既布甸樣~都好似ok既, 起碼個樣比人感覺係食得既先...XD




我同joejoe毎人一碗, 好在joejoe都話好味, 太好了^^




之後joejoe叫我先入toliet, 原來佢偷偷地熄燈, 整左呢個燭光心心比我, so sweet, 多謝你^^

本來都好開心, 點知我哋好遲先出門口答巴士返屋企, 果陣已經十點幾!? 死啦, 我冇車答點算呢?? 於是我開始急起黎, 因我屋企果架小巴既尾班車係十二點, 驚冇得答要係渡假屋訓...好在最後都有架巴士, 但我竟然發脾氣, 仲話joejoe冇睇時間, 嚇到joejoe都唔知點算好, 而且仲令到佢唔開心....不過佢都好好人安慰我, 話如果返唔到屋企會陪我一齊訓, 答唔到尾班車既話就同我一齊答車去旺角, 再比我答通宵車, 佢對我太好啦, 多返忍讓我, 好多謝佢, 同時也好對唔住佢, 因為自己既任性令你唔開心, 下次我唔會啦><

比joejoe見到我黑暗, 發小姐脾氣既一面, 死啦!! 唔知佢會唔會怕左我及冇咁鍾意我呢?? 仲要比佢有個壞印象><

好友gathering at mk

星期三同veron傾計, 見咁耐冇見就去cafe, 呢次既目的地係旺角既樓上雅座. 我準時放工之後搵埋阿蕉, 因佢係五點半已經放工既, 好在佢都係旺角, 同佢會合之後先去cafe度先, 雖然有book到位, 但阿蕉著高跟鞋行到腳痛, 而我又累, 所以就去坐底先~




一早去到cafe冇咩人, 雖然地方都幾細, 但好靚! 等我周圍影下相先~呢個係整體既相!




cafe內既一部分座位, 椅子都幾好坐, 幾舒服架!!




最正既近window位, 可惜全部位已經劃分好哂, 同呢個位冇緣啦><




近window位既燈仔, 好細盞, 不過就好靚呢!!




即使係牆上既擺設也可見到店主既心思呢!! 呢幅畫真係幾靚, 又同周圍既環境好夾




連[包場優惠]個牌都咁靚, 即使連公仔都畫得好靚啊!! d字又咁靚~




連個晚餐牌都咁靚, 呢間cafe既裝飾全部都唔錯, 簡直係一流!!




我既特濃choco!!杯上既花整得幾靚, 面上有層泡沫, 之後先會飲到熱choco, 都幾好飲!




eva都叫左呢個choco, 只係面上既花有少少唔同, 毎杯都幾獨一冇二, 幾正!!




連個餐湯都唔錯, 仲有塊蒜容包食下. 不過呢個湯只限跟餐加八元, 由於我果個唔係餐, 所以就冇啦><




阿蕉叫既其中一個set dinner, 係焗吞拿魚螺絲粉, 買相都唔錯^^




eva叫既拿破崙什肉意粉, 真係唔明咩都叫拿破崙=口="....係蕃茄汁配意粉




veron叫既茶, 唔知咩野茶啦!! 都好似幾ok咁~




呢間cafe最出名既水牛城雞翼, 真係好好味, 雞翼唔係炸, 夠哂健康!!




我叫既燒汁什菌天使麵, 個汁好味, d菇仲好味, 全個麵都冇肉, 簡直岩哂我^^




食完飯之後玩既其中一個game, 好似叫猜猜畫畫, 係兩個人一組, 一個畫, 一個估, 越快估到果組可扔骰仔行, 最快到終點既就win!!




game內既骰仔, 黃色及綠色既棋子及一個漏斗, 係計算估既時間, 我哋當然冇用啦, 個game太難玩!! 另外仲有一粒藍色既骰仔, 係決定用咩方法黎畫, 分別有掉轉手, 一筆畫及合上眼睛畫><




game內既各款卡, 分唔同既種類比人估, 仲有比較抽象既難宇及全類><




玩完呢隻game之後大家既作品, 首先係eva既, 仲要畫左兩張咁多???




玩完呢隻game之後大家既作品, 呢次係veron既~




玩完呢隻game之後大家既作品, 呢次係我既~




另一個game係數字呢~要拚唔同顏色但相同既數字, 或者係相同顏色既連續數字~




大家都苦惱緊呢....究竟點排d數字呢??? 請勿打擾我哋四位呢!!




如果拚唔到既話就抽數字牌啦~唔....越來越多數字牌呢!!




雖然係難玩, 但大家都幾開心呢, 尤其係拚到果一刻!!




拚左咁多組數字, 終於玩完啦!! 真係諗到頭都大埋><




最後eva win左, 恭喜哂!! 大家都比個叻叻佢啦....XD




最後係veron去完上海旅行買返黎既手信, 毎人有兩盒, 多謝veron^^