同屋企人飲茶....XD

今日好明顯暖返好多, 冇之前成個星期咁凍, 所以好多人去飲茶吧? 父母係酒樓等位, 而我同姑姐及姪仔去附近公園玩下先~




附近個公園好多野玩, 連本來唔願意行路既姪仔都即刻跑去玩~



姪仔好開心走去玩個game, 睇佢轉下個盆都幾cute!!




姪仔玩下呢個手部運動既物體(!?), 不過驚輪上既手把會撞親佢, 要小心d先得><

由於姪仔太頑皮, 成日同人搶野玩, 我姑姐要走去阻止佢, 同埋佢又唔願意行, 我姑姐辛苦啦, 於是返去酒樓, 又咁岩終於等到位, 仲要係個望到出面景物既靚位呢!! 超正!!




難得既卡位都比我地等到, 好幸運呢!! 姑姐及我洗杯碗先...XD




個景真係幾ok架~係長沙灣黎講都算唔錯既^^




唔單止個景靚, 而且連食物都好味~呢個係酸菜豬肚, 至愛佢既支足!! 支足入哂味, 好淋!!




好滑既蝦腸, 而且仲有大大隻蝦, 簡直一流!! 而且仲叫左兩碟.....XD




呢碟係牛腸, 雖然個皮係幾滑, 不過就冇蝦腸咁好味!!




全隻手掌咁大個既雞球大包, 係酒樓內既懷舊小食之一, 入面咩料都有, 真係勁大個啊!!




鮮足卷呢~雖然我冇食過, 我估味道都ok吧!?




間酒樓好多人去飲茶, d點心都等左好耐好耐, 終於等到最後呢三碟啦^^




最少地方可以食到及我like食既春蛋燒賣, 見到個樣已經流哂口水啦><




好大粒春蛋燒賣, 而且超好味的說~!! 差不多食哂全龍.....XD




姪仔玩塊枱布做咩野=.="....不過見佢個樣都幾自然及cute, 忍唔住影左相><




姪仔飲茶個樣好"老嬂"啊!! 好鬼搞笑咁既~

飲完茶之後同父母去左荃灣, 父母就去買送, 姑姐係我爸車內睇住姪仔, 而我呢...就去左商場買禮物盒及袋, 之後袋住d曲奇比joejoe啊, 希望佢鍾意啦^^

放假出街~

好耐冇試過可以輕鬆出街啦, 呢次去南豐中心. 可能係因為私影冇時間出, 就算係出街都係要買衫for影相, 所以呢次同姑姐行下街不知幾開心呢~~



商場內近lift口既新年擺設, 都幾cute咁喎~



近睇個財神都幾可愛喎~~而且其他部分都做得好仔細^^




途中見到部抽公仔機, 以為冇咩特別, 點知原來有兩隻鬆弛熊架!!




好大隻女仔既鬆弛熊呢~仲要拎住隻佢愛既雞仔><



當然仲有隻男仔版啦, 而且仲著住件黃色衫仔, 勁smart!!

呢次到姑姐買左一件褸及一對鞋, 而我呢....哈哈哈...一樣野都冇買到, 冇錢!! 本來想買材料整野食比joejoe, 可惜我屋企個焗爐壞壞地, 加上又唔齊材料, 只好返屋企再搵唔使焗爐既食譜呢, sorry啊, joejoe><

之後去大快活食tea, 都係我至愛既雞睥及紅豆冰, 都幾好味呢!! 仲叫左三份雞脾tea比父母及我妹妹呢!!



我同姑姐既雞脾tea, 雞脾都幾大隻啦, 而且杯紅豆冰都好大杯咁><



鳴啊啊~!!!好大杯既紅豆冰, 我都係第一次見!!

食埋個tea返屋企休息下, 之後就食飯~最後就食上次姑姐排左兩個鐘既jenny曲奇, 要排咁耐隊, 睇下係咪真係咁好食先~



個盒似乎都幾靚咁喎~聽講毎次去買曲奇盒上既熊仔都會唔同, 真的嗎???




一打開個盒, 好香既咖啡味呢~原來其中一款係咖啡, 曲奇好鬆好脆, 果然係唔錯呢!! 留返d比joejoe試下先^^

感慨....

今日都係冇得見joejoe, 望返joejoe之前send比我既sms, 見到joejoe送比我既禮物, 發覺佢為我付出太多呢, 而且仲好錫我, 回想起黎, 我到底為joejoe做過d咩呢?? 見到佢對我咁好, 但我似一點回應都冇, 連情人節禮物都只係同佢去買, 自己都覺得好慚愧呢....於是我決定左要為joejoe做返d野, 第一樣就係為佢整個dessert, 於是好直接諗到整曲奇, 希望可以比joejoe試到我親手整既食品^^

於是打電話比joejoe, 問佢鐘意食咩, 有冇對食物有敏感, 好在佢都冇, 咁就可以整啦!! 聽日去荃豐中心買材料先得!!

另外我仲準備一份hand made既禮物比佢, 希望可趕緊佢生日前送比佢, kumi bb要比心機先得!! 希望可比joejoe一個驚喜...XD

P.S. 原來golfer都有打blog呢, 佢係blogger開左個blog, 同我一樣, 希望佢之後會比心機打. 仲有佢原來感冒呢, 要休息多d啦>w<

第一天返工...

今日終於要返工呢~好凍啊!! 突然覺得下個星期返工既人真係幸福呢, 可以係被窩內訓覺. 除左唔可以訓覺外, 仲有好多餐廳都冇開, 好在我帶多個杯麵lunch食, 以及可以早放工兩個鐘呢, 都算好架啦!!

之後同姑姐移街, 好多店舖都大平賣呢~可惜我唔係太多錢, 但好在我姑姐買左野比我, 太好啦!! 我終於都有新年禮物(!?)



呢個係我自己買既, 影相化妝必用既物品: 假眼捷毛, 而且只係三十元, 勁抵!!



可愛既髮飾兩個, 好可愛呢!! 多謝姑姐^^



買既一對特價及膝boot, 雖然都未到膝蓋, 但係都唔錯, 著左對腳好瘦呢!! 多謝姑姐again~

買完野去吉野家食飯, 點知個牛肉窩都唔好食既, 好在只係叫左一客, 同埋食左個特價細煎雞飯, 簡直係我至愛呢~好味!!

返到屋企拆呢幾日收到既利是, 雖然唔太多, 但有心意搭夠就得啦^^



逗利是不多, 但見到全部排哂係度又好似幾正咁...XD



我父母比既利是呢~佢地買既款式都幾cute, 又夠應節喎!! 仲要係一男一女, 係我同joejoe嗎???=口="



我細佬及弟婦既利是, 係貓貓黎~好可愛呢!! 尤其係隻招財貓...XD



我公司既第一封開工利是呢!! 太開心啦, 又有利是收^^

無聊一天

終於到左新年假期既最後一日呢~時間過得真係快, 其實呢日本身要返工, 但因為要私影, 加上連假, 所以就放埋佢, 點知突然凍起上黎, 而且只係得九度, 私影取消了, 只好係屋企啦....玩隻game都要五個鐘, 好耐冇試過, 過返以前宅女既生活=.="

同妹妹肚餓, 係廚房煮飯食, 本來想煮哂先食, 但我哋兩個人實在太肚餓, 最後就係廚房邊煮邊食, 好似打邊爐咁, 好得意~

係個爐頭煮野食都幾得意, 有菜及肥牛呢~不過太熱太多煙, 影得太朦呢=.="



煮起左既肥牛呢~熟左就會硬, 快d夾起佢啦><

食得好飽呢~~!! 之後就睇近排愛睇既[情人眼幢高一d]及老紀, 兩套真係好正呢!! 睇完電視? 應該係訓覺吧? 近排太凍加上聽日返工, 可以係十一點幾訓, 真幸福呢^^

三人打邊爐~

原定同joejoe一齊去塘福打邊爐, 但因為近排實在太凍, 而且我自己又冇錢既關係, 於是建議係我屋企打, 好在我妹及joejoe都答應, 決定左係我屋企打邊爐呢!!

我同joejoe約好一點係荃灣千色店等, 見到joejoe又頭包到隻腳, 一定好怕凍呢, 見到joejoe怕凍都黎, 自己個心都覺得有d酸酸><....之後同joejoe去楊屋道街市買送, 唔知係咪初三店舖仲未開, 我哋平時去果間凍肉店竟然冇開!? 點算啊, 唔係真係食素嗎??加上近排又凍又落雨, 全部菜都貴哂!! 好在佳寶呢間凍肉有開, 可以唔係食素啦^^

joejoe終於黎到我屋企, 希望唔好比我少少亂既屋企嚇親!! 由於屋企太凍, 我哋兩人都係我房間內睇我之前拍既片及一齊取暖, so sweet!! 講真我都係第一次比男仔入自己間房, 感覺有d怪怪, 但同佢又幾sweet既><

之後就開始準備野食打邊燼, 果陣先發覺我哋原來冇湯底!? 於是要同joejoe冒住寒冷去百佳買返, 又可以手拖手去買野, 好開心啊, 希望以後都可以係咁就好^^....之後就準備盛大既打邊爐食品, 我仲要排到懶係靚咁, 真係囉哂命=.="



兩磅既肥牛及上次同joejoe打邊爐食剩既肥牛~




仲有唔少得好好味既鳳尾菇啦~白雪雪咁, 好新鮮啊...xd




都ok爽既金菇, 但諗起買金菇時明明講好四元, 點知我睇完鳳尾菇擰轉頭個老闆竟然同joejoe講七元, 其實跟本冇咁對joejoe講過, 咁樣屈joejoe泠, 真係好鬼嬲!!




好好味既鮮冬菇!!! 而且仲去埋定, 仲排到懶靚咁, 咪又係要食=.="




仲有好青靚白淨既生菜!? 不過菜價真係好貴呢.....只要好味就得啦^^




除左呢幾樣仲有咩食?? 睇下張台就知啦~不過睇黎素菜會比較多, that's great!!

我哋三人邊睇電視邊傾計都幾開心, 我呢個發辦人當然會夾比你哋兩位啦!! 唔知係咪大家太細食, 最後當然食唔哂啦!! 睇黎我同我妹聽日又有多一餐食下. 而joejoe因為咁遠黎到呢度, 加上佢又食唔太多, 冇理由要佢夾既, 咁我請大家食啦, 其實只要大家食得開心, 我又冇所謂既(只限我既家人, 好朋友及bf啦, 其他人理佢都傻)....xd

食完野之後稍休息一陣, joejoe要答尾斑村巴返屋企啦! 我送到joejoe去荃灣答小巴, 我就答小巴返屋企, 真係好凍啊~~~!! 返屋企休息一下取暖先><

初二去拜年

今日早上會先同我爸爸屋企人飲餐茶先, 分別係姑姐, 二嬸, 二叔及堂妹, 都唔係太多人吧!? 因有d親戚唔黎得呢....仲有當然仲有我父母, 我妹及弟婦, 我姑姐一早搵定位先啦!!




偷偷地拍既杰作一~我二叔, 二嬸, 妹及弟婦, 我妹仲食緊野...xd



仲有我父母及背住我既...姑姐, 因佢擰左個面過去, 影唔到佢啊><




飲完茶之後去左樓下既美國冒險樂園, 我姪仔都急不及待走去玩囉=.="




佢似乎好like呢架消防車, 一於就玩呢架啦!!!!




姪仔玩起上黎都幾認真喎!! 但係佢似乎唔識玩個game><'




姑姐及二叔幾落力同佢玩~你哋三位加油啊...XD



我二叔玩得最落力呢, 全隻game佢玩哂, 姪仔就望住佢玩><



好可愛既夾公仔機, 就算唔玩都好, 都可以擁有佢啦...XD




好多可愛既公仔呢~我一次過擁有哂啦^^...有點自欺欺人既感覺=.="




等我都獻下醜擺下pose先, 都唔知自己擺左d咩pose=.="




之後同堂妹碧珊, 姑姐影左張合照^^




同堂妹影返張相先, 佢都冇化妝, 睇黎佢都幾上鏡喎!!




我同弟婦都影返張相先~睇黎佢影相都OK上鏡啊^^




姪仔走去呢個公仔度想影咁喎, 影下先~至於我呢, 就算吧啦!! 我影好似好不倫不類=.="

最後二叔佢地返屋企, 弟婦返去西貢同屋企人食飯, 剩下我哋一家連姪仔去麗閣村探婆婆, 好耐冇見佢啦><...見到除了舅父外, 也有好多人探婆婆, 太好啦!! 而且婆婆都知我有個好男友, 問我幾時帶佢黎見面, 希望會有咁既一日啦^^



姪仔去到邊搞到邊, 想拎野食又望下我先=口="



坐左冇耐就走啦, 見到父母拖住姪仔隻手慢慢行, 覺得好幸福及溫馨呢, 所以我忍唔住影底佢地啦~