無聊一天

終於到左新年假期既最後一日呢~時間過得真係快, 其實呢日本身要返工, 但因為要私影, 加上連假, 所以就放埋佢, 點知突然凍起上黎, 而且只係得九度, 私影取消了, 只好係屋企啦....玩隻game都要五個鐘, 好耐冇試過, 過返以前宅女既生活=.="

同妹妹肚餓, 係廚房煮飯食, 本來想煮哂先食, 但我哋兩個人實在太肚餓, 最後就係廚房邊煮邊食, 好似打邊爐咁, 好得意~

係個爐頭煮野食都幾得意, 有菜及肥牛呢~不過太熱太多煙, 影得太朦呢=.="



煮起左既肥牛呢~熟左就會硬, 快d夾起佢啦><

食得好飽呢~~!! 之後就睇近排愛睇既[情人眼幢高一d]及老紀, 兩套真係好正呢!! 睇完電視? 應該係訓覺吧? 近排太凍加上聽日返工, 可以係十一點幾訓, 真幸福呢^^

三人打邊爐~

原定同joejoe一齊去塘福打邊爐, 但因為近排實在太凍, 而且我自己又冇錢既關係, 於是建議係我屋企打, 好在我妹及joejoe都答應, 決定左係我屋企打邊爐呢!!

我同joejoe約好一點係荃灣千色店等, 見到joejoe又頭包到隻腳, 一定好怕凍呢, 見到joejoe怕凍都黎, 自己個心都覺得有d酸酸><....之後同joejoe去楊屋道街市買送, 唔知係咪初三店舖仲未開, 我哋平時去果間凍肉店竟然冇開!? 點算啊, 唔係真係食素嗎??加上近排又凍又落雨, 全部菜都貴哂!! 好在佳寶呢間凍肉有開, 可以唔係食素啦^^

joejoe終於黎到我屋企, 希望唔好比我少少亂既屋企嚇親!! 由於屋企太凍, 我哋兩人都係我房間內睇我之前拍既片及一齊取暖, so sweet!! 講真我都係第一次比男仔入自己間房, 感覺有d怪怪, 但同佢又幾sweet既><

之後就開始準備野食打邊燼, 果陣先發覺我哋原來冇湯底!? 於是要同joejoe冒住寒冷去百佳買返, 又可以手拖手去買野, 好開心啊, 希望以後都可以係咁就好^^....之後就準備盛大既打邊爐食品, 我仲要排到懶係靚咁, 真係囉哂命=.="



兩磅既肥牛及上次同joejoe打邊爐食剩既肥牛~




仲有唔少得好好味既鳳尾菇啦~白雪雪咁, 好新鮮啊...xd




都ok爽既金菇, 但諗起買金菇時明明講好四元, 點知我睇完鳳尾菇擰轉頭個老闆竟然同joejoe講七元, 其實跟本冇咁對joejoe講過, 咁樣屈joejoe泠, 真係好鬼嬲!!




好好味既鮮冬菇!!! 而且仲去埋定, 仲排到懶靚咁, 咪又係要食=.="




仲有好青靚白淨既生菜!? 不過菜價真係好貴呢.....只要好味就得啦^^




除左呢幾樣仲有咩食?? 睇下張台就知啦~不過睇黎素菜會比較多, that's great!!

我哋三人邊睇電視邊傾計都幾開心, 我呢個發辦人當然會夾比你哋兩位啦!! 唔知係咪大家太細食, 最後當然食唔哂啦!! 睇黎我同我妹聽日又有多一餐食下. 而joejoe因為咁遠黎到呢度, 加上佢又食唔太多, 冇理由要佢夾既, 咁我請大家食啦, 其實只要大家食得開心, 我又冇所謂既(只限我既家人, 好朋友及bf啦, 其他人理佢都傻)....xd

食完野之後稍休息一陣, joejoe要答尾斑村巴返屋企啦! 我送到joejoe去荃灣答小巴, 我就答小巴返屋企, 真係好凍啊~~~!! 返屋企休息一下取暖先><

初二去拜年

今日早上會先同我爸爸屋企人飲餐茶先, 分別係姑姐, 二嬸, 二叔及堂妹, 都唔係太多人吧!? 因有d親戚唔黎得呢....仲有當然仲有我父母, 我妹及弟婦, 我姑姐一早搵定位先啦!!




偷偷地拍既杰作一~我二叔, 二嬸, 妹及弟婦, 我妹仲食緊野...xd



仲有我父母及背住我既...姑姐, 因佢擰左個面過去, 影唔到佢啊><




飲完茶之後去左樓下既美國冒險樂園, 我姪仔都急不及待走去玩囉=.="




佢似乎好like呢架消防車, 一於就玩呢架啦!!!!




姪仔玩起上黎都幾認真喎!! 但係佢似乎唔識玩個game><'




姑姐及二叔幾落力同佢玩~你哋三位加油啊...XD



我二叔玩得最落力呢, 全隻game佢玩哂, 姪仔就望住佢玩><



好可愛既夾公仔機, 就算唔玩都好, 都可以擁有佢啦...XD




好多可愛既公仔呢~我一次過擁有哂啦^^...有點自欺欺人既感覺=.="




等我都獻下醜擺下pose先, 都唔知自己擺左d咩pose=.="




之後同堂妹碧珊, 姑姐影左張合照^^




同堂妹影返張相先, 佢都冇化妝, 睇黎佢都幾上鏡喎!!




我同弟婦都影返張相先~睇黎佢影相都OK上鏡啊^^




姪仔走去呢個公仔度想影咁喎, 影下先~至於我呢, 就算吧啦!! 我影好似好不倫不類=.="

最後二叔佢地返屋企, 弟婦返去西貢同屋企人食飯, 剩下我哋一家連姪仔去麗閣村探婆婆, 好耐冇見佢啦><...見到除了舅父外, 也有好多人探婆婆, 太好啦!! 而且婆婆都知我有個好男友, 問我幾時帶佢黎見面, 希望會有咁既一日啦^^



姪仔去到邊搞到邊, 想拎野食又望下我先=口="



坐左冇耐就走啦, 見到父母拖住姪仔隻手慢慢行, 覺得好幸福及溫馨呢, 所以我忍唔住影底佢地啦~

新年 + 情人節快樂

恭喜發財!! 首先恭祝大家身體健康, 笑口常開, 生活愉快, 女既就青春常註, 男既就繼續有型吧!? 至於單身既希望呢年可搵到真正愛自己既另一半, 拍拖既就繼續sweet sweet啦...死啦, 越講越多, 不如講下我今日既開心生活啦!!

見到我父母兩個係廚房, 究竟佢地做d咩呢?? 原來佢地一早煮素菜及煎羅白榚比我哋食呢~我哋真係好有口福呢><



煮素既其中一個重要元素 -椰菜啊!! 我至like食既菜之一><



終於煮好左啦~不過太熱, 我又手震, 結果影成咁既樣~



煎左少少榚做早餐, 分別有我like既馬蹄榚~




當然唔少得毎個新年都有既榚點~年榚啦, 始終都係呢隻啡色好食d^^



毎年一定要食既佳品~係媽親自整既羅白榚, 不過今年只係整得兩底, 太少啦>w<

食完野之後係屋企休息一下, 之後就到我同joejoe最緊張既日子, 就係情人節啦!! 呢個84年先有一次既, 真係好可貴啊!! 唔知係個點既情人節呢?? 我聽joejoe為我準備好多情人節禮物, 應該會開心及難忘吧? 我哋約好左七點係又一城地鐵站等, 希望快d到啦~

我都驚遲到, 所以早d答5:50既村巴, 所以係6點幾一早去到又一城啦, 但因joejoe附近冇小巴黎, 佢改左答巴士, 遲少少先到, 咁我先去百佳邊搵壽司邊等佢啦!!




在百佳見到一個好靚既小櫃, 原來係裝曲奇架!? 仲有成三層咁多!?




仲有呢個日本既賀年禮盒, 果然係夠靚, 不過二百幾盒就未必有人咁願意使錢買比人...xd

我同joejoe買完壽司後搵左間房過我哋既情人節, 同埋快d食野先啦~好肚餓啊!!! 睇黎我哋既二人套餐都豈幾豐富呢~~



食物包括: 一個刺身pizza, 一個三文魚壽司拚盆(三文魚壽司, 花之戀及魚子壽司), 一盒三文魚壽司及一盒黃金尤魚壽司, 同埋兩支綠茶, 好好味!!




呢個就係刺身pizza, 有好多種既刺身整埋一齊, 但因為我哋兩人都飽, 最後比joejoe拎走左, 我冇食到啦, 唔知好唔好味呢??




joejoe送比我既三份禮物, 一束花, 一個心型禮盒及一個cool旬^^




joejoe好心急咁叫我拆左呢盒禮物, 到底係咩黎呢??><



原來係一對鬆弛熊既公仔~由於我like呢隻公仔, 又叫做bb, 所以joejoe特登一早搵定呢對公仔比我, 咁joejoe係啡色隻熊仔嗎??><...仲有一封joejoe比我既情信, 不過就冇影啦, 就當係我哋二人既secret^^




我送比joejoe既情人節禮物呢~見到joejoe咁有心機為我準備一切, 而我只係同佢去買呢份禮物, 覺得唔好意思....我答應你之後會送更加有心思既禮物, 仲會少有地親手整野食比你, 期待下啦!!




食完飯及收完禮物, 同joejoe影返張合照留念先~似乎joejoe自拍都ok咁喎~




再影多張相先~呢張係全身黎呢^^......仲拎住joejoe送比我既花, 咁大個女都係第一次係情人節度收花>< 要同joejoe初三先見呢, 我唔捨得!! 不過可以同joejoe過一個咁浪漫既情人節都覺得好開心及難忘, 尤係係joejoe播住[向全世界說愛你]送住花比我, 覺得好感動呢~多謝joejoe>3<

打掃囉..XD

由於父母要整定好味既羅白榚, 唔可以幫手打掃, 剩下我同我妹打掃囉, 要打掃全間屋, 真係好D想死呢, 於是我哋分開部分打掃, 我打掃客廁所及自己房; 我妹就打掃佢自己房及主睡房個廁所, 大家一齊合作打掃主睡房及客廳^^



終於打掃完個廁所啦!! 太多野要抺啦, 仲整到企缸盞燈半天吊=.="



好多玻璃啊, 有排抺啦~~鳴....oh no><



頭先拎起哂所有野去抺, 而家擺返原狀先, 好似有d亂咁=.="




呢間就係我間房, 只係普通女仔既一間房, 終於整齊返d啦...XD



我間房既衣櫃, 連樓梯果D都係櫃黎架, 上面個粉紅色藍係擺護膚品, 咁就唔使周圍亂擺~但上格床好似有點亂....



我既電腦台及張床, 應該話藍色果張先係我既, 隔離果張係我姑姐既~




連joejoe及契哥送比我既禮物都係度, 加埋joejoe係情人節當日送比我既禮物, 可以毎晚訓前都望住, so sweet!!

至於主人房及客廳呢, 因為要等媽媽返黎執野, 仲有少少亂呢, 都係下次先影比大家睇啦!!最後執屋執左成四袋垃圾出黎, 都咪話唔誇張呢~好在我妹妹有幫手, 唔係得我一個人真係執唔到啦, 多謝你^^

期待聽日大年初一及情人節既來臨!!^^

家．團年飯

上一次聖誕前因為私影, 錯過左同屋企人食一餐, 不過今日好幸運, 終於可以食到屋企人精心整既飯, 而且仲係齊人, 好開心^^

不過黎姑姐屋企食飯時有D阻滯, 就係公司附近既馬頭圍道塌樓現場要拆左危險既樓, 我放左工之後都冒住比警察趕既危險影左幾張相返黎呢><



有重型機械拆樓呢, 而且仲嘖水防止石灰飛散, 間中仲見到石屎跌在地上=.="




仲有起重機吊住工人工作呢~係附近唔比人影相, 只係影左呢張><



樓宇也拆得七七八八, 連之前同joejoe去食飯間大家樂都有開, 應該冇事吧??

因為拆樓既關係, 附近既巴士站封哂, 原本想答巴士返去都唔得, 於是行去火車站答地鐵去黃大仙再轉小巴, 我已經好肚餓, 冇哂力氣, 希望惡夢快d完結...



肚餓到見到拜祖先, 麻麻及爺爺既食物已經留哂口水啦><



未煮既鱔, 但感覺上好新鮮, 好好味咁~全家人最期待既送菜^^



姑姐一早洗好既各款菜, 有小棠菜, 生菜及西難花~



燒肉~不過我一舊都冇食過, 因我like炒熟既燒肉多d^^



好滑滑既白切雞, 不過仲有少少血水咁既? 放心啦, d雞已經熟左既~



阿爸秘製鮑魚~d鮑魚都見阿爸浸左幾日, 再一早整定, 一流啊!!




手心咁大隻鮑魚呢~真係好少見, 同埋真係好好味啊!!



椒鹽蝦呢~可惜我唔食呢, 個樣都幾好味咁喎...xd



父母親自整既盆菜呢~有哂大家like既送, 而且仲好入味呢!!!



最後既豆鼓蒸鱔也整好啦~果然係大家鍾意食既送, 毎個人都搶住食^^

食完飯之後阿爸駕車返屋企, 途中佢地要買大年初一既送禮物品, 而我同妹呢買左好多自己呢幾日食既小食, 再加上我媽毎年都整既羅白榚, 同埋今晚呢餐, 真係大有口福呢, 唔怪之得自己咁肥啦=.="