打掃囉..XD

由於父母要整定好味既羅白榚, 唔可以幫手打掃, 剩下我同我妹打掃囉, 要打掃全間屋, 真係好D想死呢, 於是我哋分開部分打掃, 我打掃客廁所及自己房; 我妹就打掃佢自己房及主睡房個廁所, 大家一齊合作打掃主睡房及客廳^^



終於打掃完個廁所啦!! 太多野要抺啦, 仲整到企缸盞燈半天吊=.="



好多玻璃啊, 有排抺啦~~鳴....oh no><



頭先拎起哂所有野去抺, 而家擺返原狀先, 好似有d亂咁=.="




呢間就係我間房, 只係普通女仔既一間房, 終於整齊返d啦...XD



我間房既衣櫃, 連樓梯果D都係櫃黎架, 上面個粉紅色藍係擺護膚品, 咁就唔使周圍亂擺~但上格床好似有點亂....



我既電腦台及張床, 應該話藍色果張先係我既, 隔離果張係我姑姐既~




連joejoe及契哥送比我既禮物都係度, 加埋joejoe係情人節當日送比我既禮物, 可以毎晚訓前都望住, so sweet!!

至於主人房及客廳呢, 因為要等媽媽返黎執野, 仲有少少亂呢, 都係下次先影比大家睇啦!!最後執屋執左成四袋垃圾出黎, 都咪話唔誇張呢~好在我妹妹有幫手, 唔係得我一個人真係執唔到啦, 多謝你^^

期待聽日大年初一及情人節既來臨!!^^

家．團年飯

上一次聖誕前因為私影, 錯過左同屋企人食一餐, 不過今日好幸運, 終於可以食到屋企人精心整既飯, 而且仲係齊人, 好開心^^

不過黎姑姐屋企食飯時有D阻滯, 就係公司附近既馬頭圍道塌樓現場要拆左危險既樓, 我放左工之後都冒住比警察趕既危險影左幾張相返黎呢><



有重型機械拆樓呢, 而且仲嘖水防止石灰飛散, 間中仲見到石屎跌在地上=.="




仲有起重機吊住工人工作呢~係附近唔比人影相, 只係影左呢張><



樓宇也拆得七七八八, 連之前同joejoe去食飯間大家樂都有開, 應該冇事吧??

因為拆樓既關係, 附近既巴士站封哂, 原本想答巴士返去都唔得, 於是行去火車站答地鐵去黃大仙再轉小巴, 我已經好肚餓, 冇哂力氣, 希望惡夢快d完結...



肚餓到見到拜祖先, 麻麻及爺爺既食物已經留哂口水啦><



未煮既鱔, 但感覺上好新鮮, 好好味咁~全家人最期待既送菜^^



姑姐一早洗好既各款菜, 有小棠菜, 生菜及西難花~



燒肉~不過我一舊都冇食過, 因我like炒熟既燒肉多d^^



好滑滑既白切雞, 不過仲有少少血水咁既? 放心啦, d雞已經熟左既~



阿爸秘製鮑魚~d鮑魚都見阿爸浸左幾日, 再一早整定, 一流啊!!




手心咁大隻鮑魚呢~真係好少見, 同埋真係好好味啊!!



椒鹽蝦呢~可惜我唔食呢, 個樣都幾好味咁喎...xd



父母親自整既盆菜呢~有哂大家like既送, 而且仲好入味呢!!!



最後既豆鼓蒸鱔也整好啦~果然係大家鍾意食既送, 毎個人都搶住食^^

食完飯之後阿爸駕車返屋企, 途中佢地要買大年初一既送禮物品, 而我同妹呢買左好多自己呢幾日食既小食, 再加上我媽毎年都整既羅白榚, 同埋今晚呢餐, 真係大有口福呢, 唔怪之得自己咁肥啦=.="

買禮物比joejoe + 食晚飯^^

今日又可見到joejoe啦, 好開心啊!! 而且仲早放左兩個鐘頭工, 先去買情人節禮物比姑姐及我妹妹先, 之後再去睇下影相既衫. 最後終於買左兩支紅色公仔rose比佢地兩位, 至於衫方面, 本來我睇中左條好靚既裙, 點知只有最後一條, 仲比個死八婆買左, 好激氣啊!!!!!!!!!!!!呢個故事教訓我睇中就要即刻買, 唔係後悔莫及..最後只可買另一條吊帶既白色碎花裙及一件粉紅既l喱士外套><

本來真係好嬲, 但好在見到joejoe就唔嬲囉, 我哋先去買joejoe既情人節禮物先, 買左個大背包比佢, 睇黎joejoe都幾鐘意, 希望個袋真係岩用啦><...講真我從來都未送過咁貴既禮物比其他人及男友, 呢次只係第一次呢, 不過唔緊要, 只要joejoe開心及鐘意就得^^

買完禮物之後都冇咩錢, 惟有去食平d啦, 見到呢間魚蛋粉咁抵, 我又好耐冇去過, 同埋又唔哂行太遠, 就係度食飯啦~~



我叫既紫菜貢丸米線~d貢丸都幾好味啊, 不過個湯就淡左d><



joejoe叫既紫菜雙丸河粉~雙丸即係魚蛋及牛丸, 唔知好唔好食呢??><



之後仲叫左一碟油菜, 要菜心, 咁我哋兩人一齊食啦^^

大家都叫食飽飽吧? 希望joejoe飽啦, 見好似好口渴咁, 於是去花園街買椰汁西米露飲, 都只係六元杯, 太抵啦, 而且又好飲~之後再去新世紀度行下, 點知太多人了, joejoe介紹我去一個地方, 都幾正架, 連我都唔知有呢個地方呢!!!

原來係一個天橋底既地方, 果度冇咩人, 好寧靜, 而且周圍都畫滿了塗鴉, 真係好靚架!!



其中一部分既塗鴉, 字體好靚啊^^



本來好靚既藍色字, 點解無啦啦會有[法國]兩個字架!? 真係破壞哂=.="



七彩繽紛既字也好靚啊!!! 而且仲覺得好有性格!?



好可愛既公仔呢~雖然唔係好明白意思, 不過覺得好靚....xd



在頭先個地方傾完計之後就離開啦, 途中我捱住joejoe, 見到個影好得意, 忍唔住影低左, 大家分到邊個係我, 邊個係joejoe嗎??

我哋下次見面係初一情人節啦, 你已經一早準備好情人節禮物比我, 但唔知咩樣呢?? 好想快d到呢日囉>3<

終於可以休息again!?

完全難得既一日, 唔使去拍拖, 唔使同朋友食飯, 更加唔使同影師影相, 可以返屋企休息一下. 不過今日父母冇煮飯食, 我要出街搵野食, 對於有[食物選擇恐懼症]既我, 總係選擇左好耐都搵唔到自己既dinner, 加上同joejoe成日傾電話, 更加唔知食咩....絕對唔關joejoe事, 只係我個人問題, 因為我為食, 覺得毎樣野都好好味咁...xd

本來想試下三文魚魚生飯, 但又太貴; 有個咩紅薯麵, 聽講係四川既蕃薯, 但我一聽到蕃薯個字冇咩好感, 所以都係離開左....最後決定去吉野家食飯, 真係好耐冇食過~



我至like既煎雞飯~好耐冇食過, 估唔到外賣都咁pro, 我都係第一次見...xd



個汁仍然都咁好味, 但d煎雞似乎硬左少少既=.="

食完飯睇老紀, 之後姑姐去完公司既annual dinner返我地屋企, 臨訓前同佢傾左一陣, 之後就訓左囉...xd

joejoe接我放工!?

今日joejoe出左去做野, 冇人同我msn傾計, 加上我公司都有好多野做, 所以連我都off埋, 冇得同joejoe傾計好悶呢......就咁過左一日!!

本來老闆娘早走十分鐘, 我也可以早走, 但唔好做到咁樣衰啦, 起碼都比老闆娘走先, 正當我準備走時, 老闆娘突然打電話返公司, 好在我係公司, 唔係走左咪死!? 呢名員工作反啦=口="...

聽完電話之後準備鎖門, 點知電話又響, 究竟係邊果咁唔通氣?? 原來係個男同事ben, 佢今日要去第二間公司拎支票, 點知佢塞車但又冇客人電話, 最後要我打電話去, 之後仲覆返阿ben, 整到我都係要六點先放工><

係同阿ben講電話果陣, joejoe打電話比我, 但我因為急住走, 所以冇覆佢. 正當我係公司樓下時, 見到有個人衣著咁熟既??? 原來係joejoe 黎架!!??? 可以見到joejoe!? 好開心啊, 我第一個反應係: [點解你會係度既??], 之後我哋買左雞蛋仔及夾餅, 去嘉維村附近既公園坐底食野及傾計^^



公園睇落去雖然好靜及冇人咁, 但間中都有人行過架, 而且前面仲對住舊樓, 有d大殺風景..

同joejoe聚左唔係太耐, 因大家要返屋企食飯啦, 不過唔緊要啦, 星期四見咪得~~之後答小巴返屋企, 見到媽同姪仔一齊等村巴, 可以齊齊返屋企...xd



媽媽拎左呢煲野返屋企, 真係名付其實既雜菜煲, 估唔到市面上都有呢d野買, 而且連埋個煲只係33元, 雖然係抵, 但味道就....淡左少少, 都ok既=.="

終於可以睇老紀啦, 好耐都冇睇過, 呢集睇皇帝點追女!? 同埋和坤時比錢講果句[點解毎次受傷既總係我?]及佢學沖水, 勁搞笑, i like it^^

兩個月

話咁快就同joejoe拍左兩個月拖呢, 時間過得真係快. 係呢段時間覺得自己好幸福, 有個好鍚自己既男友, 感受真正拍拖既開心及喜悅, 希望呢份幸福可延續落去, 同時也希望我也完全忘記對我舊男友既仇恨, 唔係, 應該係忘記佢!!

joejoe問我出唔出黎食飯, 佢都記得我哋拍拖兩個月, 我當然出啦!! 最後都係紅磡食飯. 本來對紅磡呢個地方冇咩好感, 唔係因為塌樓, 而係佢既食物唔好食, 毎次食親都好難食先岩=口="

我同joejoe行左好耐先見到有間上海餐廳, 相內既食物都幾ok喎, 一於入去食下野先><



個格局都ok喎, 而且仲坐得幾舒服, 冇趕住食野埋單果種感覺, 同時也幾好service, 一飲完茶會即刻同你倒><



牆上既裝飾也唔錯呢!!尤其係d畫好靚啊!!



我同joejoe既碗快呢~唔知食咩好呢?? 毎樣都好好味咁><



最後叫左兩樣送, 第一個係砂窩雲吞雞, 可惜淡左少少, 不過都ok既^^




呢個真係好味啦~係間店舖出名既担担麵, 唔太spicy, 而且有好香既花生醬外, 重要既係麵條好幼好滑, perfect^^

食完之後就行左陣街街, 先知道你準備左好多情人節禮物呢!! 但我毫無準備咁, 惟有同你去行街買禮物, 大家都知道對方會送咩呢~可能係我哋第一個情人節, 而且仲係新年, 所以覺得特別緊張及有意義吧!? 好期待呢日來臨呢^^

同好友唱k^^

今日又再約左好友liz, 嘉華及寶妮, 同埋影師colin去旺角新之城neway唱k, 今日好大雨啊, 大家似乎好狼狽咁黎到, 尤其係寶妮及colin兩個人濕哂啊><

好在都有k buffet食, 太好啦!! 尤其係對於鐘意食野既我簡直係件好事, 而且liz也有學生證, 其實我都有呢張, 係hku space既證, 可以有九折優惠~好急不及待先去房間擺底d野後去拎野食啦!! 睇黎大家都好肚餓, 各自(除左我)都拎左好多野食, 成張枱好快已擺滿哂食物><


我哋全行人行入去房間先, 全部都係藍色呢~我突然諗起菜菜及文迪兩位好友><



五個人叫拎左咁多野食, 都咪話唔得人驚!? 但冇食lunch黎講, 差唔多啦!!




我拎既心太軟, 唔係太sweet, 都幾好味!! 只係街下一個都比我拎到, 好好彩啊!!




嘉華拎既夾餅啊!! 又係好好味, 個樣都幾靚仔喎!!

食完野之後去唱k, liz話唔想聽到日文歌!? 唔緊要啦, 都可以唱舊既廣東歌既, 又或者台灣都得, 所以唱既歌唔太多, 大家似乎唱得好開心呢, 當colin唱歌時, 我都呆左, 因為佢d歌太舊, 舊到我都未聽過....不過唔緊要啦, 大家開心咪得^^

唱完K之後各自回家, 而且都係落住大雨, 大家都要小心D返屋企啦><