joejoe接我放工!?

今日joejoe出左去做野, 冇人同我msn傾計, 加上我公司都有好多野做, 所以連我都off埋, 冇得同joejoe傾計好悶呢......就咁過左一日!!

本來老闆娘早走十分鐘, 我也可以早走, 但唔好做到咁樣衰啦, 起碼都比老闆娘走先, 正當我準備走時, 老闆娘突然打電話返公司, 好在我係公司, 唔係走左咪死!? 呢名員工作反啦=口="...

聽完電話之後準備鎖門, 點知電話又響, 究竟係邊果咁唔通氣?? 原來係個男同事ben, 佢今日要去第二間公司拎支票, 點知佢塞車但又冇客人電話, 最後要我打電話去, 之後仲覆返阿ben, 整到我都係要六點先放工><

係同阿ben講電話果陣, joejoe打電話比我, 但我因為急住走, 所以冇覆佢. 正當我係公司樓下時, 見到有個人衣著咁熟既??? 原來係joejoe 黎架!!??? 可以見到joejoe!? 好開心啊, 我第一個反應係: [點解你會係度既??], 之後我哋買左雞蛋仔及夾餅, 去嘉維村附近既公園坐底食野及傾計^^



公園睇落去雖然好靜及冇人咁, 但間中都有人行過架, 而且前面仲對住舊樓, 有d大殺風景..

同joejoe聚左唔係太耐, 因大家要返屋企食飯啦, 不過唔緊要啦, 星期四見咪得~~之後答小巴返屋企, 見到媽同姪仔一齊等村巴, 可以齊齊返屋企...xd



媽媽拎左呢煲野返屋企, 真係名付其實既雜菜煲, 估唔到市面上都有呢d野買, 而且連埋個煲只係33元, 雖然係抵, 但味道就....淡左少少, 都ok既=.="

終於可以睇老紀啦, 好耐都冇睇過, 呢集睇皇帝點追女!? 同埋和坤時比錢講果句[點解毎次受傷既總係我?]及佢學沖水, 勁搞笑, i like it^^

兩個月

話咁快就同joejoe拍左兩個月拖呢, 時間過得真係快. 係呢段時間覺得自己好幸福, 有個好鍚自己既男友, 感受真正拍拖既開心及喜悅, 希望呢份幸福可延續落去, 同時也希望我也完全忘記對我舊男友既仇恨, 唔係, 應該係忘記佢!!

joejoe問我出唔出黎食飯, 佢都記得我哋拍拖兩個月, 我當然出啦!! 最後都係紅磡食飯. 本來對紅磡呢個地方冇咩好感, 唔係因為塌樓, 而係佢既食物唔好食, 毎次食親都好難食先岩=口="

我同joejoe行左好耐先見到有間上海餐廳, 相內既食物都幾ok喎, 一於入去食下野先><



個格局都ok喎, 而且仲坐得幾舒服, 冇趕住食野埋單果種感覺, 同時也幾好service, 一飲完茶會即刻同你倒><



牆上既裝飾也唔錯呢!!尤其係d畫好靚啊!!



我同joejoe既碗快呢~唔知食咩好呢?? 毎樣都好好味咁><



最後叫左兩樣送, 第一個係砂窩雲吞雞, 可惜淡左少少, 不過都ok既^^




呢個真係好味啦~係間店舖出名既担担麵, 唔太spicy, 而且有好香既花生醬外, 重要既係麵條好幼好滑, perfect^^

食完之後就行左陣街街, 先知道你準備左好多情人節禮物呢!! 但我毫無準備咁, 惟有同你去行街買禮物, 大家都知道對方會送咩呢~可能係我哋第一個情人節, 而且仲係新年, 所以覺得特別緊張及有意義吧!? 好期待呢日來臨呢^^

同好友唱k^^

今日又再約左好友liz, 嘉華及寶妮, 同埋影師colin去旺角新之城neway唱k, 今日好大雨啊, 大家似乎好狼狽咁黎到, 尤其係寶妮及colin兩個人濕哂啊><

好在都有k buffet食, 太好啦!! 尤其係對於鐘意食野既我簡直係件好事, 而且liz也有學生證, 其實我都有呢張, 係hku space既證, 可以有九折優惠~好急不及待先去房間擺底d野後去拎野食啦!! 睇黎大家都好肚餓, 各自(除左我)都拎左好多野食, 成張枱好快已擺滿哂食物><


我哋全行人行入去房間先, 全部都係藍色呢~我突然諗起菜菜及文迪兩位好友><



五個人叫拎左咁多野食, 都咪話唔得人驚!? 但冇食lunch黎講, 差唔多啦!!




我拎既心太軟, 唔係太sweet, 都幾好味!! 只係街下一個都比我拎到, 好好彩啊!!




嘉華拎既夾餅啊!! 又係好好味, 個樣都幾靚仔喎!!

食完野之後去唱k, liz話唔想聽到日文歌!? 唔緊要啦, 都可以唱舊既廣東歌既, 又或者台灣都得, 所以唱既歌唔太多, 大家似乎唱得好開心呢, 當colin唱歌時, 我都呆左, 因為佢d歌太舊, 舊到我都未聽過....不過唔緊要啦, 大家開心咪得^^

唱完K之後各自回家, 而且都係落住大雨, 大家都要小心D返屋企啦><

liz影畢業相 + 約會

由於嘉華及寶妮下午有事做, 所以早左一齊影相, 去既人包括: 嘉華, 寶妮, 我及一個叫colin既影師外, 當然唔少得主角liz啦~大家約好金鐘地鐵站c出口集合, 仲未食早餐及為食既我買左delifrance既一件百吉包邊行邊食, 好味..xd

等左好耐小巴, 終於有車啦, 大家向港大出發!!



第一站去何花池影相, 諗起我畢業果陣用孫中山先生個石像黎擺袋, 真係覺得唔好意思呢....但諗返又覺得有d搞笑~



今日都幾多人影畢業相, 一見到橋冇人就即刻去影相啦~



見到liz背住個畢業公仔, 手又拎住一個都幾正...xd



之後去到月明泉附帶影相, 也係一個幾靚既景色呢~~



liz又係附帶影張相先~睇下liz幾靚女^^



月明泉對上既建築物~睇黎又有一個好靚既地方影相啊!!



當然唔少得我哋四個人合照啦~大家毎人拎住一樣, 除左我之外=3="



嘉華及LIZ既合照啊!!! 睇下兩位笑得幾燦爛....XD



liz及寶妮既合照~睇下寶妮瘦左幾多, 佢減肥成功啦!! 好勁啊^^



呢個草地都幾靚, 地下滿布粉紅花反, 而且仲有綠草, 好靚啊><



呢條就係影師所提及既時光tunnel, 唔可以回頭望架, 唔係GDP(!?)會但過三分!? 好在我冇讀書, 唔怕啦....xd




之後去到主樓影相, 睇黎天色唔多好呢, 好黑啊!! 我要幫手用下反光板先得~




禮堂外二樓既小小window, 幾可愛呢~~也係好多人影相既地方><




二樓既景色, 見到好高既大樹呢!!! 總之全個景都好靚!!!!



也係港大出名既景點之一, 就係佢呢個長到好似冇盡頭既走廊啦!!




終於影完相, 係停車場門口離開, 當然要影返個港大全貌先啦...XD

之後收到酸梅既電話, 話佢係科大趕緊黎同liz影相, 可以見到佢, 實在太好啦!! 而liz因為要六點之前還畢業袍既關係, 所以只好約酸梅係香港公園等候, 而我哋也答巴士黎搵你啦~

終於去到香港公園, 原來只有半個鐘既時間都冇影相, 酸梅要把握時間啦, 都係比佢同liz影多d啦^^




兩位靚女快d埋位影相啦, 我最多係旁邊睇住好啦, 但我影相時做咩成日叫我拎住隻豬既? 雖然我真係好似豬咁懶...xd




比你同你至愛既鬆弛熊影下相啦, 你都幾靚女喎, 加埋隻可愛熊仔, perfect!!

影相時間太少, 剩下五分鐘先即刻去統一中心還袍, 好在岩岩趕到去, 真係跑到上氣唔接下氣呢~見到liz都可以拎張證書, 再一次恭喜佢先!! 之後影師colin就走左, 剩下我哋三個女人一個虛, 佢地要等嘉華放學, 我就要等joejoe去旺角, 最衰我已經一早約左joejoe, 唔係可以同你哋傾耐d. 最後只好去附近商場行下><




中環某個商場既布置都幾靚, 等我都即刻影返張相先~地下影到反光, 超正!!

之後趕去同joejoe去旺角會合啦~但我早左半個鐘到去, 所以去附近行左陣, 等我買返枝假眼捷毛膠水先~joejoe因塞車耐左少少呢, 唔緊要啦, 大家都肚餓啦, 去上次同嘉華食飯間日本餐廳食飯先, 我哋叫左個一百七十元到既套餐, 野食勁好味, 不過我有少少唔飽呢.....算啦, 就當keep fit啦^^



一間幾靚既日本餐廳, 可惜地方太細, 到繁忙時間時有機會答枱=.="



全張枱都係我哋兩個既食物呢, 好豪華咁(!?), 好豐富啊!!




首先食左個前菜先, 都幾醒胃, 好好味啊^^




之後就食呢個象拔蛘~都幾好味啊, joejoe果然好介紹^^




可以食呢個三文魚刺身啦, d肉好肥好有鮮味, 勁正啊!!!!!!!!!!!




好味既三文魚仲未完, 仲有呢個手卷呢, 紫菜好脆, 三文魚肥美^^



仲有呢個炸蠔~連我唔食蠔, 都覺得好好味, 可能佢熟左, 冇左腥味, 超好味^^



最後個主菜黎左啦~係肥牛烏冬!! 雖然份量少左d, 但都幾好味again~



最後黎既兩杯飲品, 綠色果杯係我既平果綠茶, 白色果杯係joejoe既金桔檸檬~



我同joejoe第一次影既貼紙相, 我哋兩個傻人仲唔知係邊度畫公仔, 好岸居=口="....好在最後都可完成我哋既作品, yeah^^



之後去左新世紀行左陣, 其實係因為我想去廁所, 所以先去左果度....之後再去到廣場再影相, 個職員幫我影相, 佢本來影得好紅, 我用photoshop執左色先好睇d=口="




同樣都係個職員幫我影相, 佢本來影得好紅, 我用photoshop執左色先好睇d=口="....我哋幾close, so sweet><




上次連忙去搵大導演tom及william, 錯過左少少既景色, 好在呢次可以影返, 好多平果呢~

行完新世紀之後又各自回家, 都係好唔捨得呢....睇黎下個星期先可見面, 因為我要買情人節比你!! 暫定下個星期四吧^^

又話keep ft!? + 同姑姐行街

今日都係冇帶飯, 所以都係叫外賣. 而我毎次叫外賣都會和男同事一齊叫同一間食, 只要我選擇好食物, 咁佢就會幫我叫, 而呢次佢竟然食炸雞!? oh no!! 我都唔想食架, 但佢話事都冇計啦, 始終男人唔介意肥唔肥, 唔好似女仔咁成日叫keep fit, 惟有食一次吧!?



我最後叫左一杯香芋珍珠奶茶及炸雞, 睇黎好似得好少=.="



唔好睇少袋炸雞, 入面都幾多架, 我仲食唔哂添=.="



好搞笑既包裝啊~毎次見到個包裝我都會覺得好笑=.="

放左工之後還野比vincy, 多謝佢借我陰影粉及眼影咁耐, 我仲欠你一餐飯, 下次請吧!! 之後再去搵姑姐行街, 我都冇錢買囉, 只係買送比liz做畢業禮物既玩具花, 希望佢鍾意啦><



好在有買到花, 唔係liz冇花拎既話就冇咁好睇~



呢隻公仔就係琴日同嘉華去買, 希望liz都like呢兩份禮物啦><


同姑姐行旺中及花園街, 真係好耐冇一齊行街呢, 最後姑姐買左兩件衫, 都幾靚既. 睇黎今年真係好興藍色及紫色....我就一件都冇買啦, 我真係窮到死=3="...食左碗幾平既車仔麵後, 就返屋企, 途中有個女人叫賣士多啤梨, 見佢咁平姑姐都買左兩盒~



同姑姐行完街之後買既十元所謂韓國士多啤梨, 不過好酸既, 好難食=.="

公司新年布置 + 同嘉華食飯^^

阿head突然要我幫手, 原來就黎到新年, 佢係叫我幫手布置公司個門口, 仲叫我整靚d. 哈哈~講真我都未試過貼揮春, 都唔知好唔好睇架, 盡量啦....



個門口係我布置架?? ok嗎?? 其實都係阿head大致上叫我點整~



公司大門後面既布置, 由阿head親自布置架...xd



我公司一共有兩道門, 除左頭先第一道大門外, 仲有呢道門, 釘住左個銅錢係門頂, 麻煩同事阿ben啦><



公司天花板上既掛飾~係老虎黎架, 下年係虎年麻!!



差d留左兩道門之間既走廊仲有個掛飾><



呢個係老闆娘房間既掛飾, 係條錦鋰黎呢, so cute!!!

放左工之後仲有節目呢, 就係同嘉華買隻畢業公仔, 我呢個時候先知道邊隻叫[大鼻鋼牙], 我果然係太out呢, 又或者係我冇童真吧? 最後搵唔到liz想要果隻[大鼻鋼牙]及阿輝既畢業公仔, 變左係鬆弛熊, 希望佢鍾意啦><

本來酸梅都會黎join我地, 但因為佢要同男友去拎眼鏡, 唔可以過黎啦, 我哋兩個都識做既, 唔會打擾佢地, 最後我同嘉華去女人街其中一間日本餐廳食飯, 睇落都幾抵食既, 我地決定入去食dinner, 已經餓到暈@@



我同嘉華加左八元要一杯飲品及兩隻餃子, 食落去都ok既^^



嘉華叫左個咖哩豬排飯, 都好似幾好食喎, 而且又多...XD



我叫既咖哩雞排烏冬, 份量雖然少左d, 不過都好啦, 我keep fit啊!!

其實係同嘉華會合之前見到好多好cute既玩具花買, 本來想同嘉華去睇下d花, 因我覺得五個人送隻公仔太寒酸啦, 所以想送多一束花, 點知間店舖關左門, 惟有聽日再睇啦...