星期三果日拎左阿head既文件, 點知冇比返佢, 果陣我已經同佢講左拎左咩文件, 只係冇還比佢, 今日係枱面見到張紙仔, 話我做事冇交帶, 唔話比佢拎咩文件及話我唔即日比返佢, 令到我呆左, 係fb度打左[一返到公司就呆左....], 令到joejoe及mooji擔心, so sorry, 好慶幸有位好朋友及男友^^
之後竟然加左人工!? 連續兩個月加左, 人工由一月adjust一次, 本來我岩岩黎冇得加, 但老闆娘想毎個人都開心, 所以都加左我二百元, 都已經好好啦, 我親自多謝左佢^^
本來都好開心, 點知下午聽到一個驚人及令人唔開心既消息, 就係公司前一條街馬頭圍道竟然塌樓!? 一幢五十幾年既樓係十秒內全部倒塌, 而且仲有兩死一傷, 覺得好傷心, 好多人痛失家園, 而且佢地親人離世或下落不明, 但當中也見到居民互相幫助既人間溫暖. 塌樓究竟係傷感定係開心呢???
放左工之後即刻去到現場睇睇, 男友joejoe也趕黎睇睇現場及睇下我, 我覺得好開心呢, 我同佢手拖手, 睇住全街既情況, 見到馬路上泊滿警車, 救護車及拖泥車, 大部分馬頭圍道封哂.路面上行人排哂長龍等答車返屋企..
見到交通警係道路上指揮交通, 希望可找到更多下落不明既人及傷者...
當中也有好多消防車, 大家加入救人行列><
仲有[特種搜救]既車, 睇黎真係好嚴重!??
有消防人員及警方討論緊點樣可救人呢...
網上取既馬頭圍道大樓倒塌相片, 真係塌得好利害呢...
同joejoe睇完後就到附近公園坐坐, 雖然我冇親自見到倒塌情況, 但已經覺得好驚, 好在joejoe攬住我先冇咁驚, 本來想同佢一齊食飯, 點知佢媽媽已經煮左佢飯, 而且我也要約阿大導演及攝影師拎返我拍片果隻碟, 所以只好作個短聚, 真唔捨得呢><
同男友短聚都有d開心既, 起碼可見到佢, 不過唔緊要啦, 仲有星期一. 我只好行路去紅磡火車站答車, 而家見到舊樓都有d驚呢....最後終於到左旺角火車站, 見到新世紀廣場既靚擺設, 有d開心返^^
一出火車站見到呢棵平果桃花, 都幾可愛呢~
同紅磡差唔多既蝴蝶椅子, 真係唔知邊個抄邊個=.="
椅子旁邊有個紫色大波波, 究竟係咩黎呢??
去到紫色波波內, 仔細觀看一下, 原來係蝴蝶既裝飾擺設><
正中央既一個平果, d核係心型黎架, so sweet~
原來個theme係[香蘋, 戀碟, 賀豐年], 唔怪之得咁多蘋果蝴蝶啦, 加上又係新年, 唔少得代表愛情及人緣既桃花啦^^
差d唔記得約左大導演及影師拎返隻碟, 快d衝去搵佢地先, 遲到呢~最後佢地決定去pizza hut食, 都唔知幾耐冇去過....由於我哋三位唔係咁咩錢既關係, 只係叫左個套餐三人食~
套餐其中一個小食, 係我至愛既肉丸及腸仔^^
pizza hut新出既批, 有三文魚, 肉, 芝士及千島汁係面, 都ok既...
食完野之後終於睇拍片既結果啦, 包裝都幾靚既, 相也整得好靚, 總算都冇白費心機. 至於段片呢, 我想等埋joejoe去渡假屋一齊睇, 大家都有surprise, 開心d^^
我哋段片既vcd及post card, 個樣整到好似出去買果d, 一流!!
其中一張posrtcard, 架單車仲要問人借, 對於唔識踏單車既我真係要學....
記得當時面對面坐係張枱度影, 如果呢個係joejoe黎我會更加開心^^
我最愛既一張相, 好有feel呢....同樣都係個男主角係joejoe黎就好><
套片既拉頁相, 真係好靚啊, 由於我既角色係死左, 所以係淡左色....
之後我同大導演去睇下聽日影相既衫, 原來大導演都幾like睇衫, 至於影師就走左啦, 我哋行左一個鐘到, 買左一條裙及一對鞋先返屋企...
後來先發覺到joejoe既sms, 見我咁耐都唔返屋企有d擔心, 多謝你, 同埋sorry, 冇通知你><
welcome to my world...
My model life since Nov 09~
My sweet life w/ bf joejoe since Dec 09^^
我唔係影相及拍拖既話就去返父母間公司幫手, 可能係公司太悶, 加上我父母間公司開始多野做, 但又冇錢請人幫手, 同埋我姪仔實在太頑皮, 整到我父母頭都大埋, 因此我都自願返公司度幫手, 希望可減輕佢地既負擔, 同埋可以多D時間陪下佢地^^
我要做既就係呢樣, 幫手摺呢d盒, 毎次都要摺百多個到, 都幾哂時間><
呢部係咩黎呢?? 就係商標剪接機器(衫內既嗲頭), 黎既嗲頭係一條條及一卷卷, 所以要把佢地切成一個個先得~
深藍色果d就係嗲頭, 要用舊棉花(黃色果舊)塞住佢, 唔係會飛哂出黎><
嗲頭滿滿了就要入盒, 呢d就係我摺既盒, 由於好快用完, 真係要密密摺><
其實搵既錢跟本唔多, 毎打都只係一毫, 一盒嗲頭都只係值幾元, 如果而家多數有一萬打計, 毎盒只有六十打, 都只係得一千元到. 而且一個星期最瘋狂有成四萬打, 要用我父母一個星期既時間, 又冇人幫手, 佢地會辛苦及好慘, 而妹妹返工又辛苦, 只有我一個人可以幫手, 所以我咪放工或星期六日去公司, 都好既, 又唔悶, 又可幫手, 一舉兩得^^
話說今日會同個影師係酒店度影相, 其實我唔會輕易同人去酒店影, 只不過佢係我朋友, 而且又就黎離開香港, 我先會同佢影, 估唔到會令joejoe擔心, 驚個女友同第二個男人一男一女係酒店影相出事, 佢好唔開心, 而且琴晚擔心到訓唔到, 於是我也取消呢次影相啦, 同埋也應承唔會再同其他男人去酒店影相啦><
最後改左我同joejoe既約會, 又一齊食飯啦~呢次去其他地方食飯, 有一間食台灣野, 食物一般啦, 不過都好過之前去旺角及大快活既...xd
我同joejoe都叫左呢個大腸袔仔麵條~麻麻地好食啦, 仲要用紙碗比我地, 好似食緊即食麵咁=.="
好似叫左兩個杯麵一樣, 不過都係12元碗, 算啦...
本來仲叫左六隻招牌餃子, 即係白菜豬肉, 都幾好味既, 可惜我同joejoe掛住食, 我都冇影到啦. 本來想係間店舖叫埋飲品, 但點解人地食呢個麵有碗, 我地用紙碗架, 唔公平啊!!我哋只好出去買珍珠奶茶飲><
毎人一杯香荢珍珠奶茶~都幾好飲呢, 而且都幾大杯, 珍珠又有咬感^^
之後我同joejoe去左屬於我哋兩個人既秘密地方傾計, 我先發覺有個miss call, 原來係golfer!!?因佢知道我會去酒店影相, 所以打電話比我, 我又認識到一個好朋友呢, 真開心^^
下次joejoe唔想我去影相可以出聲架, 唔使驚我唔開心, 相反我都唔想你唔開心呢....只要joejoe開心返既話, 少影一次有咩所謂, 下次我唔會再答應人去酒店影相, sorry啦, joejoe<>3<
其實係上次係公司度畫果張, 但上次冇顏色筆, 所以仲未上色. 呢次係屋企見冇野做, joejoe又去左佢哥哥屋企食飯及朋友冇online, 所以都係決定畫返畫, 太耐冇畫啦, 畫功感覺似比以前退步左好多...
上色方面差左好多啦, 一般既光暗也掌握得唔夠好....
呢兩個月既私影的確係有代價, 就係自己畫畫功力既退步, 唔可以再好似以前一樣畫張靚畫. 不過都唔緊要好, 可以認識到joejoe呢個好男友, 都值得既^^
最近係公司冇咩做, 覺得好悶啊!! 又唔可以訓覺及畫野, 更加唔可以傾計, 惟有只好msn及fb啦!! 但msn又唔係太多人online, 最多只有joejoe, 但joejoe下午冇上網, 其他影師又冇咩傾, 菜菜又冇on, 惟有自己食自己, 玩fb吧!!
但fb又唔係太多game玩, 來來去去都係玩pet society, 也係我最愛既game黎!! 可愛既野果然唔可以抵擋呢, 而且仲join埋佢既fans club!!
有捐助海地災民既活動呢!! 毎次都會額外比多50元(game錢), 如果係比災民就好了^^
毎個星期pet都有唔同既野買, 逄星期一更新, 呢個係其中一個主題, 慶祝澳洲日!?
仲有另一個主題呢~毎次既畫都好cute, 想儲起哂佢所有既畫!!
除此之外仲玩其他game既, 分別係restaurant city, country story及friends for sale, 不過始終都係like pet多d...xd
終於放工了, 臨答車前見個好靚既日落, 我都忍唔住係個袋度拎部相機出黎影底呢個靚景, 之後先答車返屋企~
唔知點解我特別喜歡日落, 個天空好靚啊!! 又紅又有少少藍, 代表住今日完全既結束啦^^
我哋去得太多渡假屋, 成日係室內有d悶呢, 於是我哋決定去上次calvin同我去既錦田再行過, 果度都幾寧靜, 而且有好多舊屋, 可以影相就好!!
後來我先見到joejoe既sms, 佢問我影唔影相, 但平時同佢拍拖唔化妝既我突然化左少少, 唔通係心靈感應, 佢又竟然有拎相機!? 咁我哋就一邊行, 一邊搵個合適既地方影相啦^^
可以黎返上次同calvin去果陣封左既地方, 太lucky啦!! 即刻入去先..xd
可以入到個荒廢了既建築物內, 果然係好靚啊!!
真係冒住隨時倒塌既危險入去影相架!! 果然係個影相既好地方^^
其他地方都只係用木架支撐住, 果然係太危險呢><
又係影我最擅長既cool style, 加埋呢個荒廢既景, 簡直一流!!
影果陣都有d驚佢會塌下, 但一於唔理照坐係度影相!! 點知就比管理員發現左, 我哋只好離開...有好多景都仲未影, 可惜呢><
joejoe好有心機呢~把相整得舊舊的, 好有回憶既感覺!! 配合返呢輯相既主題: 過去的回憶及現在的幸福^^
又發揮我馬嬲既本色啦!! 爬樹!! 不過都係joejoe叻d, 我唔敢爬太高去影相=.="
連企係樹度都唔怕!? 其實樹唔係太高, 係人都爬到!!
點都唔及joejoe爬樹咁叻!! 真正既爬樹高手!! 去到咁高我一定會嚇暈@@
樹屋旁既公園開滿了全部紫色既花, 好靚啊><
紫色花花既close up!! 果然好靚啊~~最愛既顏色之一紫色^^
離開了樹屋之後再一直行, 係個荒地, 都幾有大自然feel既, 不過d水就好似污糟左d=.="...之後我哋都冇再私影...
發現左一片耕地呢~可惜有鐵絲網唔可以入去=.="
行行下見到一幢建築物, 大家估下係咩黎??
原來係一個叫pet world既動物場地, 有好多人帶狗狗去果度玩~
我同joejoe漫無目的地行, 最後終於比我地搵到呢個亭, 也係我地既終點站, 先休息一下吧!! 點知原來你肚餓, 我哋快D去士多食野啦!!
我哋叫左個相同既麵及飲品: 餐肉蛋公仔麵 + 支裝可樂, 都只係十九元, 個人計平我哋毎人兩元><
最欣賞呢個麵既一隻煎蛋, 靚到好似隻假蛋一樣, 而且好好味!!
可能係果個地方太舒服, 食食下我哋兩人竟坐係度捱住對方訓左, 直至有個阿婆唔知大叫咩我先至起身, 我哋兩人再離開村, 步行去到錦上路西鐵站及大萱地行左陣就一齊答地鐵, 到左美孚站仲唔捨得同對方分開呢!! 梗係啦, 我哋下個星期六日都冇得見><
本來去港大影相, 點知tommy話天色暗, 都係去公園算數!! 都唔知好唔好彩, 原來golfer呢日都去港大影, 唔可以見到golfer><....
不過好彩既係佢話港大勁多人, 又結婚, 影會等等, 我可以唔使見到d model及迫人咪好囉^^ 未去過香港公園既我覺得好開心, 周圍去影相, 連tommy都笑我係自由行呢=口="
本來想去呢個牌度影相, 點知成班真正大陸自由行打尖呢><
終於等到機會影相呢!!! 萬分感動!!>w<
香港公園門外既柱及水池呢~果d自由行咁衰打尖, 惟有係度影住相先啦~
鬼鬼祟崇唔知望咩野, 連我自己都覺得自己好搞笑=口="
水中心既一個亭~而且周圍有水流, 好易整到個人濕哂呢><
等我呢個傻妹走去影下相先...XD
傻妹既另一傻相~後面仲有對新人影婚紗相呢!! 如果我可同joejoe影就好, so sweet>3<
旁邊仲有一個好靚既嘖水池!! 我又擺埋d傻pose, 呢次真係影騎呢相=.="
到左另一個地方, 係茶具博物館!! 果日仲有兩對新人影婚紗相><
哈哈~兩對新人都幾靚, 唔知我第時有冇機會影呢?? (死啦, 我恨嫁!! 講笑)
終於有機會影啦~首先係window外影返張相先^^
博物館門外都影返張相先, 有好多人出出入入, 要快d影啦!!
呢度係茶具博物館外既草地, 我都去擺下pose先^^
途中經過個人工湖~好靚既風景, 仲有好多魚啊!!
好多錦鯉及其他放生既魚啊!! 好多魚游黎游去, 好得意^^
tommy用手係池上郁郁下, d turtle以為有得食, 即刻伸個頭出黎, 當冇野食時便離開><
之後去左個叫[奧林匹克廣場]既地方影相, 冇咩人係度可以隨意影^^
扮下日本雜誌既model擺pose影相先!! 都好似有d似喎...
另一個日本妹既pose, 我都係睇雜誌學, 佢地d pose好似特別誇張呢...
係我地臨走時見到有三個女仔影畢業相, 佢地三個女仔性格都可愛呢!! 而且仲兩個人整左個心, 勁正! 最後我地仲交換左msn及fb, 但我後來先發覺我好似比錯左個fb人>< 
之後去到座螺旋塔, 好靚啊!! 不過就要行成二百級樓梯><
上塔前仲有呢個牌! 咁座塔當然可以比人行上去啦, 可能係警告體力唔夠既人吧!?
塔既樓梯上仲有人影cosplay, 個女仔既樣都ok架!! tommy竟然叫我扮, 唔好玩啦=.="
好辛苦終於去到塔頂啦, 好累呢!! 只係來回一次已經夠哂><
塔頂上望去地面既景色~呢個係公園內既觀鳥園!!
另一邊就係高樓大廈呢~一個市區, 一個郊外景色, 做出個強烈對比!!
臨離開塔時, 有個勁靚既俄羅斯女仔自由行, 佢竟然比我地更早到地面, 而且仲發現左我地兩個及影返我地><
終於換左另一套衫, 果件lace驚會太透, 比人見到內衣就唔好啦, 於是加左條黑色褲
去到另一個可以影相既地方~室內植物種植場吧!!
場館外隔離有隻熊仔, 等我都學下佢擺pose先:p
後來接受左tommy既建議, 除左條黑色褲, 果然唔會透, 而且影得仲好睇^^
呢返個近鏡先~我覺得個pose好熟, 可能係個日本既cosplayer kipi吧!?
入到門口見到間好靚既屋啊, 仲要全部都係花, 好靚啊!! 我指個景~
tommy全日影得最靚就係呢張相啦!! 我都覺得呢張幾靚!!
終於做左騎呢model!! 後面既仙人掌好鬼正!!
呢張絕對係絕密暴光!! 扮周秀娜既咬手指pose, 連我擺完都覺得核突呢=口='
終於影完相, 大家可以食野啦!! 我全日都冇食野, 可以去食麥當當!! 男人之家竟然叫我去買野食, 而且仲話我唔係媌路女唔請我都算, 仲要係我個袋內拎我既popteen(日本少女雜誌)咁離譜都有, 不過佢都係貪玩, 算吧=3="