襯定衫聽日影相相^^

放左工之後去左父母公司幫手, 做到夜晚十一點到先返到屋企, 仲要襯埋衫比tommy呢, 都有點累啦....



琴日同joejoe買既其中一件衫, 係白色lace上半衫, 加上黑色騎士皮褸就ok^^



呢條就係白色lace連身裙既樣, 而家咁凍出面一定要加外套!! 夏天時有機會著嗎??



另一件同joejoe買既衫, 今年又興碎花衫, 唔知我可唔可以carry得黎??



襯埋件白色毛毛外套就ok^^

有人問我點解會有咁多衫, 其實只要買少少新衫, 再加d舊衫, 就會變左另外一款, 咁咪睇落去又多衫, 而且又慳錢及唔會太out...xd

p.s. 睇左joejoe個blog, 佢媽媽好好人呢~竟然比錢個冇錢答車既細路女答車, 其他人客就毫無人情味, 呢次真係人情冷暖, 不過算啦, 我都見到唔少冷血既人, 惟有咩都靠自己唔靠人, 所以我也唔鍾意幫其他人, 除左屋企人, 男友及朋友^^

又再一次約會!?

話說放工時joejoe特登去旺角搵下有冇我之前係公司打爛左既一隻杯, 其實果隻杯好鬼難搵, 我咁耐以黎只係慈雲山中心見過一次後, 我已經再冇見過, 但joejoe仍然同我去搵, 抵鍚>3<

本來我去葵芳度買衫準備影相, 知道joejoe去旺角搵隻水杯之後, 我就即刻去到旺角. 首先我哋食左餐飯先~ 行左好耐都唔知食邊間, 旺角真係太多餐廳, 太多選擇呢....

最後選擇了一間比較平既上海餐廳度食, 原來佢只有麵係平d之外, 其他小菜及desssert係好鬼貴, 比間店舖呃左! 仲要d野食係超難食, 同埋好唔乾淨, 又有一間blacklist既餐廳, 點解我地去親食既餐廳d食物都咁難食架=口="



我叫既煎魚(!?)幼麵~我比魚骨啃親, 仲要留血呢~好鬼痛@@



joejoe叫既豬排麵, 仲食到joejoe夜晚肚痛呢><



兩碗麵雖然難食, 但始終都係joejoe同我既晚餐, 都要影下相先既.....

食完呢餐難食既dinner之後就去左彩豐行買大脾減肥膏, 希望有用啦!! 再之後去花園街買左兩件影相既衫, 睇黎joejoe係身邊真係好幸運, 咁快比我搵到兩件衫, 因我平時去街好難買到衫, 可能行哂全條街及旺角中心都搵唔到><

行完街之後大家累了, 於是去左許留山食dessert, 全部野食不知不覺貴左呢, 就好似我食果個多芒小丸子咁, 之前只係二十八元, 一加就加到三十二, 會唔會加得太離譜呢???雖然我咁講, 我都叫左個黎食, 而joejoe就叫左個熱既><


個多芒小丸子咁貴, 一於影下佢個close up先><



我同joejoe既dessert, 佢始終比較like熱既呢~

食完desser之後唔捨得對方離開, 因我哋兩日冇得見面呢...不過唔緊要啦, 只係兩日o者, 星期日咪可以見面囉^^

突如其來的約會!?

係公司冇咩做, 毎日上網等放工, 真係悶死我呢, 加上我又掛住joejoe, 於是問佢今日得唔得閒, 點知佢竟然得閒呢~於是我地約今晚見啦!!

終於到左放工, 男同事走了, 只剩下我一個, 我係公司等埋joejoe放工呢!! joejoe第一次也係第一個我既好友(仲要係bf)參觀我公司, welcome!! 之後佢就攪住我呢~~最後大家離開公司去搵野食先~



最後去左大家樂食飯~我叫左炸蝦, 雞排及腸仔鐵板餐, 三個都好食既^^



joejoe既帶子, 牛排及豬排~睇落去都好好味呢^^

食完飯之後就去黃埔新天地附近行下, 成日都去果度呢~鬼叫個地方距離我公司及joejoe屋企近咩, 加上又ok多野睇, 所以成為我地拍拖地點之一~上次未整好既燈飾已經整好啦, 而且仲幾靚添!!



最吸引我既就係呢個用牡丹整既心心啦, 仲要係我like既粉紅心心係中間~



joejoe幫我影既close up呢~果然係攝影師, 影都影得靚d!!



呢兩個環唔係普遍既話, 大家睇真d, 係兩隻介指黎!!



燈飾其中一旁既波波~仲有菊花, 感覺有點騎呢~



波波既close up!! 原來係花花黎架...XD



另一邊既燈飾布置~係個中國建築物 + 個心型及蝴蝶!



哈哈~蝴蝶好靚啊, 不過至like都係個心型><



藍色既光似水嗎?? 我取名為愛既嘖泉呢^^



當然唔少得我同joejoe合照啦!! 呢張椅子好多人爭, 仲要好辛苦搵到人同我地影相, 我同joejoe so sweet sweet><



同joejoe既close up!! 呢個係冇化妝既我啦, 咪又係普通女仔一個..xd

勁黑仔!!

琴日都唔算黑仔, 今日仲黑仔. 可能係早上睇左playstation既game模介紹自己睇到嘔哂血, 發覺香港真係好多只識發model明星夢既妹妹仔, 其中有個好似叫cammy定咩芷蕙, 連講野都講唔正, 仲要擰黎手擰去發哂姣, 認真囉命, 簡直想死!!

之後bad luck隨之而來, 我冇拎到飯盒及我既減肥小食車離茄, 想打電話叫屋企人幫我雪返d食物去雪櫃, 點知個電話竟然冇電!? 琴晚我明明差左電點會冇電架!!!??但惡夢仲未完結, 係公司竟然打爛左我至愛既黑色雕花杯, 我隻愛杯啊~~~點解會黑仔黑成咁架!! 都係果個咩芷蕙啦!! 嚇到我以後唔敢睇佢=口="

嚇鬼死我

今日一早返到公司竟然冇人既!?? 平時我返公司, 阿head或老闆都會係度, 再唔係同事阿ben都會返到, 但而家竟然冇人既><


呢間就係我公司啦, 由於果陣我仲食緊早餐, 手震震影左間公司!! 竟然冇人開閘!?

開閘本身係件簡單既事, 但對我地公司黎講係件勁麻煩!! 除左基本開閘外, 仲要解除密碼, 如果冇解除既話, 個警鐘就會響!! 之後保安公司就會打電話黎叫你解除個密碼. 我第一次咁早返, 鬼識咩!!! 整左我五分鐘之後先識, 終於解除左密碼, 而且保安公司仲打多次電話, 仲比佢地問我咩名, 同埋自己改既口頭密碼, 所以咪話超麻煩!!

好在我入左公司, 唔係等老闆返, 實會遲到啦!! 比佢誤會就唔好啦, 再加上佢一定會問我做咩唔試下開, 費時麻煩啦~


放左工之後, 我既衰運都仲未完, 咁多人排隊等村巴. 當我上車時, 前面果個女人上左車之後到我上, 點知已經滿左, 點解唔上埋我啊><

同joejoe 買送 + 打邊爐

今日約左joejoe十一點係荃灣地鐵站等, 好在都算準時到, 算你啦~之後手拖手去楊屋道街市買平靚正既送去打邊爐囉, 諗起都開心, 最後我地買左好多送, 一共兩個環保購物袋, 都咪話唔誇張><


街市師奶look既我, joejoe仲話係蘇師奶, 咪...咪即係佢老婆>w<""

答完地鐵及巴士後, 終於黎到塘福平時去開間渡假屋, 唔知果個女人係咪新人黎, 以為我地住兩日一夜, 收我地二百五十元加一百元按金, 好在渡假屋個負責人認得我地, 先可以照返原本價錢二百元~



呢度就係街市買既送啦~一切以菜及菇為主, 只有少少丸, 肥牛, 魚皮餃及芝士腸, 一於食多d素減肥!! 其實可以夠我哋兩個食兩餐啦^^



我同joejoe既lunch~其實晚餐都係差唔多, 房中只有兩隻碟, 仲未拎哂d送出黎>w<



仲有雞比菇未切啊~仲有之前整落既鮮冬菇及鳳尾菇^^



呢餐就係夜晚~係咪同lunch冇分別呢?? 都係食果d野, 係我地兩個人至愛既食物, 食多餐都冇所謂啦~~



好好味既油麥菜, 唔係唐O黎架, 搞錯左=.="

食完飯之後就睇我至愛既top model, 仲要係同joejoe一齊睇, 好特別呢~~之後就到我洗碗, 貪玩既joejoe仲影左我相, 好師奶啊, 唔好影啊!!



絕密師奶相之一~見到我仲岸居居洗緊野, joejoe仲叫我望過去=.="



證明我冇公主病就係呢兩張相~真係完全識做家務架!! 屋企做慣啦!!

開心既時間過得好快, 大家又各自返屋企......送完joejoe答巴士後, 我自己答地鐵回家. 見到地鐵站一個人都冇, 個站所有野都好似係我, 勁過隱!!



平時充滿人既地鐵站真係一個人都冇, 靜得都幾恐怖....


連車卡上都冇人呢~全架車好似只有我一人. 咁當然最後都有人答啦!!

返到屋企好累呢....個電話又冇電, 唔知joejoe幾點返到屋企呢?? 惟有聽日再係msn度問佢啦!! 今日玩得好開心呢~我呢個蘇師奶!?

錦田@私影 with calvin lor

又係去我從來未去過既地方呢~呢次係錦田, 老實講連我都唔知係邊度, 我果然唔係個香港人黎呢=.=".....後來calvin lor話我知, 原來係西鐵既錦上路站落車就得, 先答巴士去西鐵既荃灣西, 之後再答一個站就到~

大家果然係準時之人, 早到左十五分鐘就見到你, 於是我哋係西鐵站約行十五分鐘度就到達我地既目的地 -錦田!!


村外既路牌~似乎要去好多地方呢, 包括水頭村, 水尾村, 樹屋之類啦, d村多到唔記得=.="



要記得呢間叫[蒙養學校]之類既地方啦!! 係巴士必經之地, 也係村既入口~



廁所外既一間舊房子~都幾有特色架, 連我自己都好like^^



廁所屋外再過馬路, 見到一個小花園, 係欄杆附近影左相~



第一站係二帝書院, 呢個係書院既其中一邊, 雖然佢係門口, 但唔係正門黎架!!



個正門係岩岩見到道門既轉角位~呢個先係真正既正門!!



書院外既走廊, 另一邊就係出口, 附近有間小士多~



一入門口見到有個神主位, 唔知可唔可以影相呢?? 仲有破舊既枱及椅子~



到處都係舊舊既枱椅, 而且牆上仲有d格言!? 連我都唔知係咩黎~



以前既學堂呢~有咁多張枱及椅子就知啦, calvin果部係舊相機, 要係度換左菲林先~



古代既班房嗎?? 度門開始爛呢, 要小心d, 唔好咁大力推呢~



在書院門度正式拍攝~估唔到個feel都幾正!! 呢次影相都係以cool及unhappy為主~



之後到書院既另一邊影相, 其實只係對面, 有著差唔多既建築模式~



綠色格仔既window好cute啊! 仲有兩副對聯!!



書院既另一邊唔可以入去啊!! 真係可惜!! 鐵鋼做既門同屋既整體唔襯既=.="



呢部舊相機就係calvin用黎影我, 幾古舊呢~但係好cute啦!! 一陣也成為我影相既道具!!



用相機加上適當既位置, 做一種睹物思人既感覺~我當然思念joejoe啦^^

第一站既二帝書院終於去完, 之後跟calvin去另一個地方, 就係連佢唔知既水頭定水尾村啦!! 途中經過一間士多, 士多門外有個好舊既古井...



估唔到而家呢個年代都仲有古井呢, 我記得我以前碧江間大屋都有個井, 不過都唔及呢個井咁耐. 點解? 你睇睇個打水位就知!



我踏住井上既版, 冒住可能會跌到井內既危險都要影打水位既close up~連calvin都叫我小心d唔好跌落去, 個井勁深架!!



古井附近既大屋~果然係好舊既屋, 不過就有陣菜乾味....



鄧家既公祠, 而家可以開放比其他人參觀, 等我都入去睇下先:p



鄧家既公祠既門口~好心急想睇下入面係咩黎!!



入到大門內仲有一道小門, 比我同calvin用黎影相~



一入到門口就見到呢個大堂, 擺滿拜神既用品及枱呢~



已經開左閃光燈, 但都仍然咁黑, 覺得氣氛有d恐怖呢=.="



宗祠內既其中一間屋~我同影師岩岩入屋時見到有人好有心機打理盆栽^^



屋頂既裝飾都好靚啊!! 連個屋頂都咁有心機雕刻, 古代人好有心機~

去完宗祠後, 再去到宗祠後既一個廢草地. 全部都係徹底催殘既古代建築物, 牆外生滿雜草, 有部分建築物因日久失收, 有隨時倒塌既危險, 只係用木架支撐住待人維修><



全部都係倒塌既建築物及樹呢, 雖然驚隨時會有生命危險, 但也覺得景色好靚~



個門口有個木架支撐住, 連我都唔敢入去! 出面仲有枯樹~



破舊既城牆和新建的房屋做一個強烈既對比~



村內好多呢類走廊, 我都唔知走過幾多條囉=.="



廢屋內既房間, 仲有個荒廢左既花園. calvin話呢d地方實有老鼠, 嚇到我即刻係屋內出黎!!



終於去到尾二站, 也係水頭村最尾既一個地方 -錦田榭屋! 而且仲有個story~



唔好以為佢只係一株大榕樹, 其實榕樹內係包住左間屋仔~



圍繞住屋既樹根, 真係大得幾嚇人, 全間屋全部布滿呢d樹根><



再黎一個樹根既close up!! 睇下d樹根粗到幾誇張!!!



呢個就係樹屋既屋頂黎~全部已經布滿左榕樹既樹身, 又或者係成為榕樹既樹幹><



當然要係樹屋內拍照啦~好襯我個cool style喎...xd



呢個就係影師Calvin lor啦~佢比我影時仲問我拎唔拎住個相機, 就比你拎啦...xd



只要善用樹屋毎一個位, 加上適當及熟練既pose, 都可以係張靚相~



最後一個拍攝地方 -便母橋. 係最初去既二帝書院中既另一邊~



其實只係呢條橋....係條普通既橋黎呢!! 雖然我冇睇個牌, 可能有特別意義呢~

影完相之後去二帝書院旁邊既一間士多, 全條村只有呢間士多, 個麵都係勁抵, 用出前一丁麵加兩個送都只係十三元, 仲唔抵到爛!?

最後同影師一齊去錦上路地鐵站, 之後便各自回家. 我就返我父母公司幫手工作呢, 返到屋企之後都累到即刻訓左><