襯衫影相

不愧係攝影大師, 連衣著也特別講究. 星期日影相, 今日要影相比佢睇下啦, 好辛苦先執好我房內既衣櫃(因為個衣櫃有時都會有d亂=.="), 先搵到幾件可以影相既衫, 襯好之後再影相, 係msn度send比佢睇><

影相一共要兩套衫, 其中一套係飄逸長裙, 對於只係著短裙既我, 竟然有條長裙!? 所以只係考慮上半身既衫就得~


我條長裙係唔同顏色, 由淺白到深紫, 行起路上黎真係飄飄下, 我都幾like既背心, 不過件衫reject左, 好在攝影師都幾like條裙><


呢件又太奇怪....件毛毛背心加長裙...


最後上身衫唔岩呢, 要去買件純白色既吊帶背心, 有D凍凍呢....為左影相冇計啦!! 條裙就OK, 一於決定用呢條裙啦!!

至於褲呢....就決定用鮮色衫加牛仔短褲, 短褲就冇問題啦, 只係衫方面, 好在自己都有d彩色衫...xd



最後決定用左呢件, 因馬灣比較多植物綠色, 藍色感覺會比較sharp!!



本來影師都鐘意呢隻鵝蛋黃, 但驚skin既顏色太黃會唔好睇, 最後都係放棄左...



呢隻粉紅太sharp啦!! 驚搶左我自己, 所以都係冇選...

仲未決定當日著咩鞋, 同埋要買背心呢~睇黎都要快d準備先得><

屋企雜記

近排天氣太凍, 我都好少出外了, 惟一係買左一對毛毛boot, 都只係80元,勁抵!! 估唔到同一款鞋, 係唔同既地方會貴成30元, 真係誇張到暈!! 真係去搶咩!!


就係呢一對啦~而家咁凍著左好暖, 而且仲有兩個波波, 勁cute><

好耐冇返過屋企食飯, 覺得好好味呢!! 加上又可見到我姪仔, 終於可以過返個正常人既生活啦! 自從做私影model之後冇咩點理屋企人, 而家可享受家庭樂了^^


姪仔食野個樣幾串!? 仲要橋起隻腳黎坐, 成個大少咁款><


zoom個近鏡睇佢食野先~阿爸都影得幾好喎!!

今日係阿ling佢地present佢地拍果段片, 組員有berry, winnie, susuki, 好想返去睇佢地段片!! 但因為個ex都係度, 我一定唔會返去, 我想忘記佢及唔想見到佢!! joejoe對我越好, 越覺得fantasy對我越差, 又成日對我講大話, 連兩個月前鐘意佢女友, 佢都竟然可以講出唔鍾意佢既大話, 講真真係恨透佢, 呢世唔希望再見到呢個大話精!!

不過算啦, 唔見佢及唔同佢接觸, 自己先可以再重新過開心既生活!! 最大既功勞係joejoe吧!? 係佢令我明白咩係真正既愛情及感受到愛情既喜悅^^...而家只係欠一個目標未完成,就係讀時裝設計及做時裝設計師^^

終於要返工=3="

放左四日假, 個心仍然掛住開心既假期, 可惜現實係殘酷.....一返到公司已經見到好多文件, 睇黎都有排做囉, 又要出月結單追客人找數, 又要入12月份既賬目, 之後又要埋數, 同事又比單我開....真係做到全個人都爆炸!!! 人都顛啦!! >3<

結果做到兩點幾先可以食飯, 唔係, 應該係下午茶啦!! 同事ben介紹左我食一個芝士撈公仔麵, 只係二十幾元, 仲有埋野飲, 勁抵!!


叫左個豬頸肉雞翼芝士公仔麵, 雞蛋係呢個麵既配料!!



全個餐呢~我太眼訓, 整返杯即磨咖啡先><


撈麵之中仲有切碎既生菜, 芝士汁, 生菜加麵撈埋一齊好好味, 不過d送就乾左d><

食完野之後再努力工作!! 好辛苦咁捱到六點, 終於可以放工啦!! 一於返屋企休息下, 同埋食媽媽煮既飯先, 太耐冇食過啦><

仲有菜菜終於有工做, 但似乎唔太開心呢.....始終都係唔捨得同自己bb分開既, 而且佢份工都好似幾多野做咁, 辛苦佢啦!!知道佢有新工, 都唔知恭唔恭喜佢, 矛盾中....

同joe joe去大澳

今日公司請左假, 可以同joejoe去多一日玩, 也係一月呢個假期內既最後一日, 真係有d唔捨得呢...呢次去既係大澳, 我哋先去荔景地鐵站join埋一齊入東涌~

終於去到東涌, 以為入大澳好易啦, 係有巴士11號直接去到, 但答車答好耐, 答到我地都訓左覺, 約四十分鐘車程, 終於到左啦><


就係一個簡單既小漁村~有好多漁船及捕魚船!!






除左小船外, 仲有旁邊既棚屋, 不過d水就....好污糟呢=3="



比較有興趣睇佢地既小船呢~不過我就唔敢坐啦><



全個漁村既遠景, 周圍都係棚屋~



大澳內既道路及房屋~有D似返左大陸呢!!



係大澳既街上有好多海鮮酒家, 可惜我同joejoe都唔捨得入去食, 太貴啦!!



全條街有好多海味買, 有咩冬菇, 瑤柱, 花膠之類買~



都處都係花膠, 有D貴到成萬幾元, 係咪堅野黎架???



仲有好多蝦乾, 蠔鼓之類, 最衰我唔識買啦, 唔係可以買D返屋企比父母及屋企人食><



通往另一邊街市既橋~都幾有漁村既感覺~



橋頭既近鏡, 掛左好多咩清潔棚屋既旗!?



大澳仲有一樣野多到暈, 就係呢D睇海豚既觀光船河, 20元一個~



就係坐呢D覲光船啦~唔知係咪真係會睇到海豚, 不過隻船都幾得意既~


大澳唔係太大地方, 而且睇既景物唔係太多, 最後只好返上次我地去過既塘福渡假屋休息下, 估唔到呢日都幾熱, 我都熱到有少少暈, 真係冇用囉....



去到渡假屋又掛住食, 又係打邊爐啦!! 用返琴日同joejoe去惠康買返黎既送打, 我哋都食得幾清, 只有菜, 豆腐及豆苗豬肉水餃. 本來仲有兩個麵, 但我哋留返個肚黎食dessert先~



就係呢個dessert啦~~!! 係joejoe親自整既腐足雞蛋糖水啊!! 親自整既愛心dessert!! >3<



終於整好啦~不但個樣好味, 食落去都好好味!! 份外sweet^^



一人只有一碗, 太好味啦!! 唔多夠~~好想再食多d....XD

可惜聽日要返工, 唔可以玩太夜, 我哋九點半到離開, 岩岩睇完老友狗狗呢!! 之後我哋一齊等巴士, 之後各自回家. 又係好玩既一日^^

多謝joejoe一連四日帶我周圍去玩, 共渡我哋二人世界及快樂時光呢~~唔知呢個星期仲有冇得見對方呢??

同joejoe 去九龍寨城公園

本來約左舊樓天台影相, 不過天氣太差了, 最後都係去九龍寨城公園行下. 我都未去過, 今次又可見識一下^^...不過見識下之前先食左lunch, 唔係, 應該係下午茶先岩^^



都幾抵食既一個tea, 而且都幾好味既!! 真係平靚正!!



同joejoe行左十分鐘, 終於到左個公園啦!!


公園門前既大樹呢~好多人行過, 加上有清潔工人, 好難影到冇人呢!!



係一個比較古典既公園呢~連道路都古色古香~



行過既水池呢~仲有少少流水架!!



公園都幾多呢類走廊, 而且仲有古典既window, 好有古裝feel呢!!



除左古典既走廊外, 仲有好多石景, 不過自己就似乎唔太識欣賞...



榭林景物及遠處涼亭~



古典既拱門呢~估唔到除左大陸外, 香港都可以見到呢個~



拱門附近有隻綠色既物體, 到我離開呢個公園時都唔知呢隻係咩黎, 究竟係咪我想像力差?



又係拱門呢~呢個花園真係多啊!!




一個叫做[Almshouse]既武器屋既地方, 門口更有兩支大炮~



門外大炮既近鏡啊!! 都係第一次咁近距離去睇~



almshouse門旁既一個享吧!? 連我都唔知係咩=.="



入到almshouse內竟然有一個大廳!? 同出面充滿武器既style完全唔同~



果然係古代有錢人既椅子呢, 都幾有氣勢!!



影我既其中一張, 最近掛住影景, 都唔記得左影自己啦=.=



"哈哈~其實我見d人影花影得咁靚, 自己又走去學下人影><



花旁邊既樓梯呢~唔知之後又去左咩地方呢??



又係另一個古色古香既走廊....



仲有一頂紅橋~可惜有野欄住, 我冇得入去影=.="



公園中心既另一條石樓梯呢~我同joejoe坐左一陣~



石樓梯附近既石, 都係zoom到好近去影~



石樓梯上既亭呢~可惜有人上左去, 我冇得去睇下><



好快行完全個公園呢~呢個我估應該先係公園既正門吧!?




我哋原來由後門入, 反而要同正門講再見, 好似好奇怪=.="



去完公園之後去舊樓既天台睇日落, 可以望到九龍城及樂富果邊呢!!



天台既另一邊係其他舊樓, 仲好清楚見到人掃地=.="

我哋去天台傾左陣計, 估唔到咁快已經黃昏, 我哋都返去樂富食飯呢~行黎行去都唔知食咩, 照計樂富都唔係好大, 點會諗唔到食咩.....不過我地食野之前先去惠康買野食先, 因我哋又去渡假屋玩及打邊爐呢!!買完送之後又去食飯, 呢次我地冇位坐, 惟有兩個坐埋一齊, 雖然有d迫, 但都幾sweet><



你叫既茄子及排骨~原來你都like食茄子^^



唔知我係咪keep fit啦, 竟然食得咁清淡!? 係豆角及咸魚肉餅, 不過我係唔食咸魚既!!

大家今日又玩得累, 早d返屋企休息啦~聽日要去大澳囉!! 要早d訓, 養足精神再去玩過先得!! 聽日約好左係荔景地鐵站見啦^^