同屋企人睇燈飾? 定係熄燈??

今日放工, 媽突然打電話比我, 話好夜先會買飯比我及妹食, 我問佢地去邊, 原來爸架車岩岩去完維修, 想駕下架車, 因架車好耐都冇郁過就去下唔同地方, 呢次係同姪仔一齊去尖沙咀睇下燈飾~

估唔到我一早去到尖沙咀, 佢地仲搵緊位拍車, 我只好去附近行下, 又去返1881呢~上次有部分係封左既, 我終於去返果度影相啦....XD


就係呢座塔啦~勁靚的說!!

最後父母終於黎到, 去左海港城集合!! 又係去好多小天使既地方啦, 不過呢次已經冇之前咁靚啦, 可能係過左聖誕掛!? 呢次唔係睇燈飾, 而係熄燈啦=.="


呢次我唔要比人影, 而係要去影人, 可惜姪仔叫極都唔望鏡頭, 有d激氣!!


呢張算ok吧!? 太多人太難影, 總之一定要影到父母及姪仔, 但都要拎天花板既背景既~


haha~影埋花及阿爸, 仲有姪仔, 唔知係咪懂畫畫, 構圖會比較好d呢?? 因我份攝影功課唔係技巧取勝, 而係idea及構圖~


呢張我係有開閃光燈, 點知佢冇著燈, 呢次仲唔係熄燈!?

影相途中姪仔又唔願意行, 而且又冇咩燈飾睇, 我哋最後只係行下海旁及星光大道就算, 本來姪仔唔願意行, 點知佢見到星光大道地上既彩色燈, 佢係要踏住D燈, 佢先願意行!! 而且仲跑得好快!! 行行下大家累了, 於是就從新世界中心返回海港城, 因爸架車拍左係附近. 燈飾已經睇及影得多, 想影另類既, 點知竟然比我發現到新世界中心附近有個煤氣既展覽!?


起初我就係見到呢隻雞我先過去~做得都幾真架!!


連沖涼都有!? 其實呢個展覽其中一個目的係叫人慳煤氣!!花灑仔D水做得好得意


仲有電腦仔及mouse, 不過冇之前果兩個咁cute~


上面既蔬菜好得意啊!! 不過都係肥雞正d...xd


再行過d原來有一個用CD做既xmas tree~又幾靚喎, bling bling xmas!!


仲有一個用腳踏車整光後面xmas tree既小遊戲, 我有d後悔, 點解我唔去玩下呢???


你睇佢地玩得幾開心, 越來越後悔冇玩><

終於離開啦, 最後爸駕車去尖東一帶睇燈飾, 最開心既應該係姪仔啦, 係佢第一年既xmas睇燈飾, 如果佢願意行, 唔好要人抱及識望住鏡頭擺pose就好啦, 等佢大個d先啦~

終於收到相板

12月20日, 係淺水灣影既相板終於出黎啦~其實相板係model用黎見工搵job時用既相, 當然d相一定有執過, 總之整得靚靚咁比人睇啦

點解我要整相辦? 係因為之後有兩份晚裝既job要接, 果兩件晚裝都有少少sexy, 而另一位影師覺得我既相未算係最sexy, 所以係20日呢日補返. 本來係想比joejoe影, 但時間太趕, 而且又約左呢位影師, 所以拜託佢幫我影~今日終於收到哂相板啦!!


好like呢張街道上既我, 覺得自己好突出呢^^


背後既黃色波令醜樣既我更突出=.="


個影師話我比較襯斯文既pose, 唔知大家覺得呢??


其實最初果d相係比我練習表情, 而家開始影相啦~首先係豹紋外套, 入面有著衫既, 只係遮住左o者!


之後係sexy少少, 只有背心加短裙, 仲要係19度著, 凍死我啦!!


好鬼sexy啊!! 呢次真係最大犧牲, 希望joejoe唔好唔開心啦>< 呢張相本來睇落去似冇咩問題, 但細心d睇原來我走光><....joejoe見到好嬲及唔開心, 於是我即刻叫影師幫我cut左下半部分><


呢個動作其實係影師教我, 佢話會令人覺得cute d, 我都唔知係唔係啦.....


懶可愛既整起一隻手指, 希望唔好令大家反胃啦=.="


我都覺得幾可愛既pose, 但似乎唔太岩我....

我即刻把呢輯相post上去fotop及fb, 點知有位叫kinson既影師搵我影相, 我起初講話唔可以著得咁sexy, 同埋佢album有d sexy相, 我話唔想太sexy, 於是佢發顛咁話我咁多要求, 要我自己決定影相既衫, 地點, 時間及日期, 我都盡量幫佢安排, 我話去數碼港影, 點知佢又話自己唔係咩龍友阿伯, 唔會叫d model行行企企影相, 佢想搵個白色背景既地方影相, 我都費時估, 一於唔再理佢=.="

後來我問左其中一位影師朋友叫nokiaa, 又係個好叻既影師黎, 呢個係佢相簿: http://www.fotop.net/nokiaa/nokiaa01, 以下就係nokiaa對kinson既comment:
因為佢覺得妳靚女囉！同埋見妳相簿有性感相嘛！對依d咸蟲影師是相當吸引的！就好似妳吸引到raysand 同simonwhc一樣！(raysand, 係之前搵我影相, 但離間我同joejoe果位, 另一位叫我影sexy相, 估唔到遇哂兩個賤影師!!)

吓!? 咩我係靚女咩!? 呢個就不得而知啦, 總之都係小心d, 唔好胡亂posr sexy相去fotop, 如nokiaa話d相留返比我同joejoe兩個人睇好了^^

終於病左.....

今日只有十至十三度, 係屋內都聽到風吹得呼呼聲, 加上我琴晚病倒, 食左樂信感冒訓左係張床度, 原定去嶺南之風影旗袍, 及同菜菜佢地既約會都要取消, 只可係屋企休養一下

唔去影相既原因呢, 第一當然係戶外, 加上只係著一件單薄既背心旗袍, 試問我又點頂得順呢?? 條裙比琴日厚少少都可以凍病, 何況只係呢條裙....所以我真係好對唔住pcyu, 之前就改期, 後來又唔黎得, 真係好對唔住, 雖然你都唔介意, 仲問我邊日補影, 我都唔知做咩及講咩好, 只可以講sorry吧!?

至於食飯呢, 我就因為病左, 驚病上加病外, 如果請病假又冇得請, 因為個同事放連續兩日假, 公司只有我一名員工, 我一定唔可以請假...況且今日大家仲要打邊爐, 我病左就更易傳染, 費時惹埋比其他人啦....都係下次再約吧!!

係屋企全日都好悶, 唔係訓就上網, 都唔岩我既style, 但又唔可以出街, 於是睇返最近自己拍戲既劇照:


其中一幕係講男主角第一次送女主角回家~


男女主角係沙灘上遊玩既過程~不過呢段片因為撞衫所以冇用, 真係白跑啦...


男主角第二次送女主角回家啦~而且仲係最後既吻別戲! 不過只係鍚額頭o者><


加場拍既男女主角拍拖戲份, 我仲記得我哋唔係情侶, 但要拍情侶戲, 後來有對真正既情侶行過之後, 我地見到可以參考就照辦煮碗做返出黎, 點知一take ok!!

其實最好當然係同joejoe拍啦, 不過佢又唔識拍冇辦法啦.....導演話段片阿sir都覺得唔錯, 有可能呢段片會作真正播出, 大約會有二百人到黎睇, 可以搵定朋友去睇, 其實我已經決定好啦, bf既joejoe當然會邀請啦, 仲有菜菜及文迪, 三個人岩岩好^^

講返屋企先, 終於見返姪仔同姑姐~見到姑姐買左架thomas火車比姪仔做聖誕禮物, 都幾得意架~


全份套裝有一架四卡既火車, 路軌, 加油站及等車站, 而且仲有三個人仔, 都幾多野架喎~


好cute既加油站, 諗起以前我細佬都玩過呢d玩具~


話明係thomas, 點可以冇佢個logo!? 雖然我覺得呢隻野好核突=.="

雖然係病左, 但可以同最好既朋友傾計:

文迪: 太耐冇見啦, 見到你有份文職既工, 不過仲未過probation, 加油啊!! 等你冇咁忙時, 我地再同菜菜一齊去食飯及傾計^^....仲有你想做心理治療師, 好利害既夢想, 你平時都可以安慰及比意見傷心既朋友, 呢個職業好襯你啊!! 努力^^

菜菜: sorry, 因為病左唔可以見你, 不過見到你地開心就好, 嘉華都有打電話比我, 我先同佢講話唔黎, 下次要早d通知你地先得><~~但我想知有咩奇蹟, 係咪寶妮瘦左好多???

joejoe: 今日本來約左朋友, 但後來又cancel左, 咁遲先同你講都有....不過因為咁我地可以傾足全日呢~~

仲有其他影師既, 其中有個影師竟然話做左人第三者, 希望佢開心d, 同埋知道自己既方向及可以放手啦....

諒解及拍戲@boxing day + 誤會(下)

今早收到joejoe既sms, 佢話自己由始至終只有我一個, 如果佢有第二個就不得好死, 而且佢對全件事都不明不白, 那時我開始後悔, 覺得自己怪錯左人.....

今日拍攝地點係梅窩, 一去到已經好凍, 仲要係街邊化妝, 真係好唔方便, 雖然係有點凍, 但仍然都可以支撐住既~



終於到左, 見到好多唔太高既建築物, 好似返左大陸一樣...



河上既小船!? 真係可以撐既嗎?? if 係同joejoe一齊黎就好^^


真係可以修在船上嗎? 可惜身邊既人唔係你....


拍戲既第一個地點~係講述男女主角係度拍拖, 其實呢度風景幾靚及浪漫架!!

拍攝幾場後再收到你既sms, 話我不問情由話佢一腳踏兩船, 難道我們一d信任都冇嗎?? 佢話自己非失望及只可哭泣, 果刻我知道傷害得你好深, 而且你仲同我講出真相, 我好想哭, 哭既唔係因為我自己, 而係深深傷害左你, 一個真正愛我既男朋友, 我真係好想大哭, 但工作人員係門外幫我把守, 而且仲有好多場戲未拍, 我唔可以哭, 會整花個妝及嚇親佢地, 於是只好強忍淚水, 去到第二個地點拍攝....


第二個地點係公園附近, 見到你個sms, 我請求導演快d比我拍完, 希望可以見到你!!


第三個地點: 銀礦灣, 呢個係銀礦灣酒店, 也係我開始病到既地方....


銀礦灣沙灘~都係一個算清潔既沙灘, 一個主要既拍攝場地, 係男女主角相遇, 拍拖既地方, 係全個故事既發展部分~

係換另一套戲服時, 又再睇你既sms, 話你好唔開心, 你搵左我好友菜菜傾訴, 我相約你見面時你拒絕左, 而且仲話你有哭, 那時我開始想哭, 但又唔可以, 果陣我更加失落, 好想即刻到你身邊解釋清楚及安慰你, 但又唔可以走, 唔開心又唔可以同出面班工作人員講, 自己覺得好辛苦. 加上果陣返風, 風打在自己身上就更加凍, 那時開始流nose水, 同埋開始咳...工作人員見我開始病, 都比左好多衫我著><


已經包住哂全個人, 都仍然覺得凍, 究竟係身定心凍呢??


係拍攝期間好多人照顧我, 突然覺得自己好似一姐!!?? 開拍時要兩個人幫我除出面既衫~

最後終於支持唔住病左, 要去附近既士多休息, 同埋飲杯熱柚子茶先至覺得舒服D, 但仍然要拍戲, 只係拍埋兩場就走

發覺我同joejoe越來越掛住對方, 即使幾凍及病都好, 我想出黎見你, 好想安慰你, 好在最後你都答應, 於是係拍完片之後即刻到紅磡火車站搵你~

終於見面了, 我見你對我仍然冷淡, 真係激到你好嬲呢....甚至你仲未食野, 於是去左美心度食飯, 只要睇住你食就好, 我冇叫任何食物, 你都比左支果汁我飲>3<

多謝你特登拎比我飲, 係有氣既red grape juice, 好好飲><

果陣我地都冇咩講, 直至你攬住我, 我終於哭左出黎, 係因為我令你咁傷心, 你都仲對我咁好, 原來傷害你比傷害自己更傷心, 你一直溫柔咁安慰我, 講出大家既感受及講哂全件事既來龍去麥之後, 開始好似以前咁好^^

之後我地行左一個商場, 及坐係長椅子度傾計及互相攬住, 原來大家係對方既心目中係幾重要^^


又係聖誕樹啦.....都幾靚既, 隔雜既係高達展覽館, 不過我對高達冇咩興趣, 所以冇影到相=.="


商場門上既裝飾~都幾靚架, 不過我始終都係手震=3="


森林家族既成員及聖誕擺設~都有好多人影相><


好多動物既做型公仔~可cute啊><

坐左一陣傾計後去返我地成日既地方嘉維村, 因為我返工地點係附近, 佢又係附近住, 我地成日約埋一齊見面~開始搵食啦, 我哋兩個都冇咩點食野, 好肚餓啊!! 最後都係去左一間餐廳食飯~

而且見到你著咁少衫, 驚你凍親啊, 於是我送左頸上既全黑色頸巾比佢, 希望佢唔會厭條頸巾舊左d....希望之後可以學識親自織比你, 而家你粗粗地用住先啦><


你叫既乾炒牛河及我既沙爹牛肉炒烏冬~


我既肥牛烏冬 + 熱choco!! 又係食肥牛啦~


你叫既干炒牛河 + 熱柯力~大家都係叫牛肉, 可以交換黎食~

食完飯後要各自答車走啦, 真係好唔捨得, 要等到一月一日先可以見面, 本來係約定影相, 但後來轉變左個plan, 比去影相仲好玩既....xd

真正的開心, sweetXMAS!! + 誤會(上)

又到聖誕, 又到聖誕~~祝大家聖誕快樂先!! 至緊要身體健康, 先可以同朋友, 情人及屋企人周圍去玩麻!! 各位同屋企人繼續一家和睦, 同情人或老公繼續sweet, 未有情人希望搵到個如意郎君或gf, 同朋友就友誼永固啦, 講到好似拜年咁=.="

我哋約好左點半集合, 最後大家都係太餓, 大家都仲未食野, 都係去海富中心間麥當當食左野先, 因為比較近麻!!見到海富中心有個幾靚既聖誕擺設, 大家先去影相^^


首先係我影返一張先啦~好like佢既彩色波~


joejoe都影返張先....xd


海富中心既全個xmas 擺設view, 好難先影到架!! 好辛苦先等到冇咩人影=.="

食完早餐之後就一齊答巴士去海洋公園, 好耐都冇去海洋公園既我問左一個問題[請問張票係包車錢嗎?], 估唔到自己真係咁白痴都有=.="



終於到左海洋公園既門口啦~本來都想影相, 但實在太多人啦><


集古村附近既餐廳, 布置到已經唔係集合村啦><


教人玩魔術既地方, 不過我都係冇咩興趣=3="


d公仔太貴啦, 都係joejoe拎相射, 我就抱住佢影相算~


一隻都唔夠, 仲要拎兩隻黎影, 我果然係貪心呢~


同joejoe既合照呢~我個人好like呢張, 大家都好開心, 可惜後面太多人排隊, 唔可以影太耐呢...我想要返張直身既><

唔知點解突然變得膽小左, 以前玩既過山車, 甚至係最簡單既越鑛飛車, 自己都已經唔勇敢玩, 又或者係毎個機動遊戲都太多人排隊吧!? 結果我哋兩人都係周圍行下, 去d唔係太多人既地方行就算, 我地去左海洋館睇魚^^


好大粒海星啊!! 都幾cute喎~~仲要係一排排


可愛既黃色小魚~好辛苦先可捕捉佢既姿態><


小魔鬼魚~都係佢長長既尾巴最易認!!


咀咀長長既長吻魚~個咀真係好長, 好cute><


見到魔鬼魚游泳既姿態, 真係好靚, 覺得佢游得好輕鬆及自由~


呢條就係壽星公嗎??? 真係好大條啊~~


巨型既海turtle~~~而且仲有好大既殼><


小型既鯊魚, 不過有[請勿拍打玻璃]呢六個字又真係肉酸左d=.="


大家估下係咩黎?? 就係魔鬼魚既底部, 仲好清楚見到佢個口~唔知佢係咪見到人識擺pose呢? 佢自己係玻璃附近比我哋任影~

去海洋公園果然要睇魚呢~但周圍都好多聖誕布置, 有D都幾得意架!!


在機動遊戲附近樓梯旁既薑餅人~


係魔幻列車外既布置, 彩色繽紛既聖誕襪啊!!


一共有五隻聖誕襪~呢個係另一邊!!


同你既合照呢~我都幾like呢張^^


纜車實在太多人排隊, 我哋最後試下坐呢架車啦啦, 我見佢冇人排隊麻!!


魔幻列車站外既邪惡海馬, 都整得幾靚既!!

我哋終於上左車, 見佢門口有玻璃窗, 於是企近窗邊, 睇下有咩睇, 點知原來只係天花板上面有螢光幕show海底世界比我地睇, 真係完全失望呢, 唔怪之得冇人排隊啦=.="


去到公園既另一邊, 一出門口見到好靚既聖誕樹及汽球, 好靚啊~~


走到附近聖誕樹影返張相先~背後仲有好靚既音譜^^
\

走到附近既聖誕樹參觀, 見到原來係個舞台黎~


途中經過既可愛小士兵及七彩波波~


我哋既最後一站~聖誕老人奇幻屋^^


聖誕老人屋外, 都已經好多人排隊啦~


聖誕老人屋外既雪人仔~都幾可愛喎!!


終於可以入屋~一入去係一個用鏡做既迷宮, 差d撞左去玻璃度!! 而且我係行第一, d人仲跟住我行=.="


穿過左迷宮, 之後見到煙霧離漫, 好難先睇到路>< 終於見到好多精靈既房間, 仲有人扮精靈, 點知我個相機竟然冇電!? 唔可以同精靈合照, 也唔可以再影聖誕屋!! 同埋門前途既鹿車都影唔到, 好激氣啊!!><

都唔知好唔好彩, 行完海洋公園先冇電, 但又唔可以影底同joejoe食既聖誕大餐!! 最衰都係自己啦, 相機冇差電><

之後去左旺角, 我係大班訂聖誕蛋糕, 但竟然記左係東海堂!? 仲要拎埋張單出黎, 真係勁魚!! 最後終於拎到蛋糕, 於是坐車去九龍塘買d sushi, 紙杯紙碟及飲品到附近酒店食我地既聖誕大餐^^....最衰係個相機冇電, 冇得影底蛋糕個樣呢><



本來全日係好開心, 但唔知點解一定會有人從中作梗, 就好似raysand咁, 佢明知我聖誕同joe一齊過, 佢係聖誕果日就話joe既是非, 但我因為要同joejoe過xmas, 及懷疑佢講既野, 所以我冇直接問joe

raysand: since last night i had seen on net a photographer named Joe his mobile start with 9755xxxx the models told to others on net he is a bad guy lei ( when taking the photos

我只係答左佢個moblie的確係start with 呢幾個字, 於是佢又講...

raysand: but last night the model show the msn and the mobile number of Joe, before Joe use the fotop wor, why he now not use that lei, the model show the fotop link of JOe

於是我問佢有冇實質證據, 佢話冇, 唔記得save底條link, 佢就係想我問joe點解唔用fotop, 話當傾閒計咁問佢點解唔用就得, 我都冇理會佢, 因我覺得佢唔可信; 係玩完返黎果晚, 佢就即刻問我有冇問joe關於fotop呢件事....

raysand: i have seen joe's fotop

raysand: the new show on net by the models and also discuss by the models before

raysand: not one model but some other models also

raysand:i forget to save lei but i found the name of the photographer also name Joe with his mobile number and msn show on net also so i just ask u to check the mobile number of joe jar

raysand: inside a model only she said good words for a Joe

raysand:so the models suspect that she if the gf of joe lor

raysand: so she say good words for ah joe when he was critical by other models

雖然佢講到似曾曾, 但又冇證據, 於是我冇問到, 佢又話我唔面對事實, 又問我願唔願意相信佢

raysand: one of the girl on msn i will take photos with her on tommorow

raysand: her fotop a album was took by JOE

raysand: she told me JOE just said to her " HE LOVE HER " 2 days ago ah

raysand: it seem JOE will say LOVE to all the models for the photos that he had took wor

raysand: yes she had cofirm with me the mobile number of JOE and he is a tall and thin look

raysand: i think will not be wrong wor

我竟然信左果隻raysand, 誤會joejoe竟然一腳踏幾船, 於是我係msn度留左offline msg, 話我地唔好見面, 甚至係fb內話自己係single, 其實我都唔想同loejoe分手, 呢晚我心情開始down, 唔知到最後我哋既結居係點呢???