九點鐘已經要去到荔景地鐵站等, 比平時返工仲要早起身, 仲要未食早餐, 真係慘囉...結果都係太眼訓, 等等下訓著左, 差d搵唔到導演tom及佢既組員ken...目的地係東涌站, 去到仲要等多幾位組員啊...
終於到左東涌站~好似好辛苦先黎到=.="
呢度就係東會城, 我地先去麥當當食個早餐先!! 之後再出發去大嶼山!!
去麥當當途中經過條電梯, 仰頭望到天花板既一大隻聖誕襪~
見到個可口可樂義賣公仔機好cute啊! 係個白色心心黎, 一罐可樂及一個公仔, 盛惠20元~
食完早餐之後大家答巴士出發到今次既目的地~塘福!! 一落車見到好靚既渡假屋, 可惜我地今晚唔係住呢間...
今次場戲既拍攝地點係沙灘, 而家我地一班組員行緊去啦~
終於到左沙灘啦!!呢個係石灘部分, 我都唔知點解一係就唔去沙灘, 一係一個月去成四五次=.="
其實呢個沙灘都幾靚既, 真係叫做水清沙幼, 感覺上係個冇咩人既地方, 我地係度開始拍片, 但拍攝途中竟然比保安人員阻止, 我地只好回到渡假屋...
由導演tom負責租屋事宜, 我地幾個組員係門外等~
唔好睇少呢間士多, 其實呢度係有得租埋渡假屋!! 一大一細房都只係七百元, 都幾抵架!!
唔好以為去到渡假屋可以休息!! 仍然都要拍戲, 不過係拍男主角阿jay部分, 辛苦哂佢~
拍呢一幕係講個男主角係屋企搵工, 而家要布置到好似佢屋企咁樣~
由於戲中既男主角係個運動健將, 拎過好多獎, 所以都要搵下d道具布置下先~所有相架, 獎杯, 獎牌等等都係佢地自己帶黎, 利害!!
拍攝時部錄影機冇電, 我哋所有人都餓啦, 於是到附近餐廳食野, 果陣都已經三點幾, 真係食下午茶, 正當我地打算晚上都黎食飯時, 老闆娘同我地講只係開到五點!!? 住離島d人真係咁得閒既咩? 咁我地夜晚果餐點算....都最後去士多買返d即食麵及罐頭, 夜晚係屋內煮黎食啦....
食完野之後, 佢地要補返少少沙灘度既shot, 即係早上果個沙灘, 不過我哋呢次唔會光明正大去, 而係偷偷地從山上既小路落去, 希望唔會再比保安人員趕走啦!!
行去沙灘途中有個荒廢既球場, 其中三個百厭星左起: 阿don, 肥仔郁文及男主角阿jay仲係度影相, 因住跟唔切導演佢地=.="
佢地影左相咁耐, 導演見佢地冇黎梗係搵人去搵佢地, 大家先至開始返沙灘拍攝, 我只係拍左好少鏡頭, 只係take左三次就可以休息, 辛苦阿jay要繼續演啦~阿don及肥仔見悶, 於是搵埋我同佢地合照
仔細睇下阿don都幾似女仔, 可能而家興呢類男仔吧!? 至於肥仔呢...佢就成日玩我, 成日都叫我做佢女友, 又問我[靚女, 信緣嗎??]我第一句話我唔信, 請佢食左檸檬...xd
毎一場及毎個take都會有板記底, 係拍攝前都會叫人遞板給拍攝人員知道拍邊場, 稱之為[拍板], 除左比拍攝人員知道拍咩外, 也方便場記做記錄><
原來腳架仲有另一個用途, 就係掛我個袋...xd
結果都係比保安人員趕走, 又要返到渡假屋內, 因我冇拎長褲訓覺, 所以只好著住條短裙周圍走, 結果比肥仔佢地望住我隻腳, 覺得我太sexy引佢地犯罪...最後只好係床上用被蓋住, 加上自己太累, 最後都訓左覺zzzz
訓醒之後又開始拍有我既戲, 之後佢地就煮麵食, 毎人一碗米粉, 一碗即食麵, 再加少少午餐肉及豆鼓陵魚. 食飽飽之後竟然冇得沖涼, 最好臭臭地訓左覺=.="
welcome to my world...
My model life since Nov 09~
My sweet life w/ bf joejoe since Dec 09^^
星期六日既行程簡直係太豐富, 而且係忙到暈, 首先係去大嶼山拍一套叫做[愛．無聲]既短劇, 故事係講一個本來好開朗既少女因患了咽癌而係沙灘度靜養, 可以話係等死既, 也因為呢個癌症而講唔到野. 一個開朗及失業既男主角因在沙灘上跑步而見到女主角, 對佢一見鍾情, 於是同佢係沙灘玩及同佢拍拖, 可惜既係女主角最後都病發生亡....
我一開始見到個戲本已經比個故事吸引, 星期日面試既就係呢套劇, 其實星期一導演tom打電話比我, 話各組員都覺得我唔適合做女主角, 我都冇所謂啦, 點知今晚先打比我, 話個攝影師見到我既錄影好like我, 要我一定做主角, 於是我只好應承了...突然覺得好忙, 要即刻準備七套衫, 同埋影底毎套衫比佢睇><
另一方面我又要應付星期日影師既服裝, 呢次影sexy為主, 因之後有另一位影師話介紹兩個晚裝既job比我, 佢睇過我相簿, 話我d相唔夠sexy, 惟有星期日再去補影!
呢一刻我遇到兩個難題:
1) 我要拎哂星期六日拍戲及影相既衫, 一共十幾套, 拍戲果度仲要我拎埋其他屋企擺設, 結果我要拎一大袋, 仲要去到咁鬼遠, 呢次我真係想死!!
2) 星期六日都只有十幾度, 要著咁少衫周圍拍片及影相, 我冇病都真係偷笑
唉...都唔知星期六日點算!? 希望呢兩個惡夢快d過, 去迎接我既開心xmas及朋友既聚會. 而家只可祈禱, 希望我唔好病啦=3="
今日終於可以帶媽媽煮既飯啦~其實近排因父母間公司好多工作做, 要好夜先返屋企, 佢地冇煮飯, 所以咪冇得帶飯返公司. 但琴晚好好彩佢地有煮飯, 終於可以帶啦!! 點知~~阿head同我講話老闆娘聽日生日, 今日先同佢預早慶祝, 但男同事請左假, 冇辦法, 都要慶祝架, 正日生日當然留返比佢及佢老公一齊過啦~~
最後叫左一間日本料理既外賣, 叫左一個刺身, 同埋三個飯, 毎人一個. 雖然刺身唔太多, 但好過冇啦~
咁正既一個刺身, 我都想一個人食哂, 但sorry, 係三個人一齊食, 我都冇得食三文魚=3="
我都係怕太肥, 所以唔敢食太多肉, 都係叫左什菌紋豆腐~
終於放工啦, 由於6:30要去到尖沙咀imax睇阿凡違, 所以早左十五分鐘放工呢, 本來想再早d走, 但個男同事又冇返, 冇人睇住間公司, 所以呢個時間放工已經係最早. 可憐既我見到有小巴, 點知我岩岩上車時竟然冇位, 於是只好再等><
以為距離戲院好遠, 點知一落車冇幾遠就到, 呢個xmas樹咁特別, 就知道自己冇去錯地方~
終於到左啦~可能係個商場新開, 加上電梯太複雜, 我搵左好耐先見到戲院...
好在岩岩好去到戲院, 點知竟然比我見到我個ex!? 真係行咩衰運啊? 佢望住我, 我就望下佢咁啦, 但一句說話都冇講, 也冇say hi, 我擦過佢身邊就走, 我都希望自己只係認錯人, 佢平時返工都返十至八點架, 點有可能見到佢, 只係自己睇錯!!
搵到契哥啦~佢好好人咁買左好多野食, 終於可以入戲院睇戲, 好緊張!! 我都係第一次睇3d立體影院, 要帶住眼鏡睇好得意啊^^
好like個女主角, 覺得佢好型好打得~
段片雖然睇左兩個幾鐘, 但真係好好睇!! 無論故事及特效都好鬼正!! 比我再睇多次都制!!加上3d效果, 好似置身其中, 真係分唔清楚真實及虛幻....但真係好難買票, 聽講要上網預約, 同埋25日xmas已經full哂. 最衰一定要上網訂先睇到, 唔係我都想睇多次><
avatar 既trailer: http://www.youtube.com/watch?v=5PSNL1qE6VY
睇到唔捨得走, 真係太好睇啦!! 之後我地去旺角食飯, 由於上次你又請我食, 今次又請我睇戲, 我就請契哥食返餐啦, 最後去左一間餐廳內食飯~
我叫左個餐湯, 係龍蝦仔cream湯~
我叫既地獄雞排鵝肝意粉~我見佢叫地獄咁型咪叫下, 個雞排就好好味, 但鵝肝就....其實我之前仲未食過, 而家學人走去試, 點知太難食啦, 可能我唔like 脂肪, 真係受唔到!!
總之學你要個法式炒飯啦~不愧係識食之人!!
臨走時先記得影返間餐廳, 覺得佢門口都幾靚咪影下. 途中太多路人啦, 等左好耐先冇人, 即刻影完相走啦~
今日睇戲及食飯都幾開心, 希望之後都有機會再一齊去玩啦^^....諗起聽日又要返工都有d失望呢...唉...
連個標題都懶諗啦, 總之同bf去邊就直接打....xd
今日都係同joe joe食飯, 呢次去到九龍城, 真係好耐都冇去過呢~第一站係九龍城廣場, 睇下有咩好野食先~
咁多個商場之中, 佢既聖誕怖置係最差, 不過呢個商場都冇咩人流, 冇辦法啦...
叫做比較好少少既裝飾, 不過只可係商場部分地方見到....
行左全個廣場, 都係一般既餐廳, 如麥當當, KFC, 味千, 大家樂等等....之前成日食呢幾間, 都有D悶呢, 於是我哋出街睇睇有冇其他餐廳. 行左好耐都搵唔到, 多數係泰國餐廳, 但joe joe唔食得spicy就冇去, 想打邊爐又貴, 冇自助打邊爐任食, 加上呢日都幾凍, 好想去打邊爐, 最後係冇得選擇既情況下, 都係返廣場既大家樂食火窩, 又係大家樂....
我叫既東星斑火窩, 突然之間好似好豪咁, 其實比起個肥牛雜錦窩貴少少, 但東星斑幾好味既, 不過不失啦
東星斑火窩送料既close up~只有四件東星斑, 毎人兩件~
食飯期間粒粒打電話比我, 話幫我搞個影會, 已經定左1月6日, 毎人只係收40元, 一共影兩個鐘, 希望有人會黎啦!!
食完飯之後你帶我去唐樓參觀下, 其實係我哋1月1日既影相地點, 都係以rock及sexy為主啦, 原來天台真係咁正既! 但果日太凍, 唔可以係天台太耐, 於是到附近樓梯坐下, 你突然拎左個腐粥雞蛋糖水出黎, 而且仲係你整!? 太好啦~都係第一次有男仔整dessert比我食, 太開心啦!! 冇理由只有我食, 都係比d你食啦, 成碗都好好味, 好sweet, 係世界上最sweet及好味既dessert, 多謝你^^....睇黎我都要努力學整蛋糕比你食~
估唔到天台既景係咁正!! 唔知下次黎果陣又會係咩感覺呢??
終於要答車返屋企, 中途想去toliet, 點知發覺自己唔見左個相機!? 我同joe都好緊張去搵, 好在最後都搵到, 係唐樓天台度, 下次要小心d啦!!
見埋你呢日, 之後有全個星期都冇得見, 好想快d到xmas><
我哋兩個都比較好寧靜, 希望放工之後可以休息下外, 仲可以過二人世界, 所以選擇既地方唔好太多人, 選擇左樂富, 但樂富只有個吉之島, 又似乎冇咩野食, 而且也冇咩商店好行, 總之我唔講話去樂富啦><
最後都係去左黃大仙中心, 真係多野食好多, 而且又多d商場, 總之就一早去果度啦, 自己正傻瓜!! 行左好耐都搵唔到咩好野食, 直至去左一間叫八號拉麵, 終於有得食啦!!
店舖都幾新潮, 又唔太娘! 聖誕裝飾唔太多, 簡單就好了^^
我哋共同叫左兩個火窩呢~一個係sabusabu肥牛, 一個係雞肉~
我既雞肉窩~D雞肉好滑滑, 可惜只有三件, 都係你食多D啦>< 
joe叫既sabusabu啦~其實只係幾件肥牛, 不過真係幾好味既~
最好味, 也係呢間店舖既鎮店之寶 -拉麵, 都幾彈牙幾好味, 仲有佢既logo八號仔....xd
可惜分量比較少, 似乎我哋兩個都唔係好夠飽, 於是我哋係高場手拖手行左陣~之後先去許留山食dessert!! 咁凍仲食凍野, 我哋兩個真係唔怕死>< 
你叫既芒果西米露及我既多芒小丸子~兩個都係芒果呢>< 
其實我個多芒小丸子同XO醬羅白榚係一個餐, 所以我果碗係細D, 諗住羅白榚好好味,點知竟然係苦既!?
最後終於各自回家啦, 大家都唔捨得對方, 係個地鐵站內行左幾轉先捨得走. 唔緊要啦,仲有聽日有得見啊!!
二表姐係呢個星期四返英國, 佢想返英國前買少少衫, 因為英國d野太貴啦><...所以搵左我呢個表妹同佢去旺角掃平及靚衫, 可以行街啦^^
估唔到平日都咁多人行街, 都幾迫下, 先去左旺角中心, 但似乎都冇咩收獲, 於是去左花園街,見到好多平及靚衫, 可惜既係....因為影相用太多錢買衫及答車, 整到我都好窮呢, 全部衫只係得個[睇]字, 全部冇得買, 真係人生一大悲劇!!! 最後只好比意見表姐襯衫及買衫, 鍾意襯衫既我又冇咩所謂既~未必得到件物件就會開心, 可以做到自己like既事(襯衫)都同樣開心^^
行左幾個鐘終於食飯啦~好肚餓啊!! 我同表姐都只係叫左個少少spicy既米線食, 點知都已經好spicy><""....不過我哋兩個真係冇用, 睇下隔離個男人, 哇!! 佢個碗係超spicy, 成個湯係紅色, 仲要話唔夠, 仲想再加, 果然係食得spicy, 真係敬佩!! 最後去到地鐵站先記得黎個合照~首先睇下表姐買左幾多野先....xd
表姐黑色個大袋全部都係佢既"戰利品"!! 唔好睇佢細細袋, 已經有一對boot同幾件衫!!
我哋兩個黎個自拍先~估唔到我既自拍技術都ok, 不過我冇化妝實在太恐怖><
呢次合照後, 唔知幾時會再見二表姐, 好在記得合照, 惟一有點遺憾既係冇同細表姐行街及影合照, 希望下次見面既時間唔會太耐吧?
呢日簡直可以用變態及極忙去形容, 因為呢日一共要去三個地方, 早上要同屋企人去鑽石山擺好爺爺既骨灰位及去一個叫"愛．無聲"既短劇interview; 下午要去到清水灣影相, 真係人都顛!!
見到d人排哂隊, 以為去輪米之類, sorry, 呢個係等靈位登記, 足足等左成兩個鐘!! 最後當然去唔切interview, 好在可以改時間到夜晚in~
做好安葬靈位儀式之後大家去食飯, 食完飯後我要即時去到將軍澳地鐵站, 好在都冇遲到, 而且仲早到左半個鐘!? 好在影師都好早到, 可以早d去影相^^
影師先試唔同角度影我, 睇下邊個角度係影得最靚, 始終都係呢個右邊側臉~
果然又係一個靚沙灘, 但太多石灘, 我竟然冇拎拖鞋, 好在danny借拖鞋比我, 唔好意思><
突然覺得自己好利害, 竟然可以越過咁多石頭, 行到死左><
終於開始拍攝~首先要坐係石上睇書先~
始終自己都係影cool或唔開心係好d, 呢次既主題係唔開心~
自己呢日內幾like既一張相, 好有唔開心既feel之餘, 也似model既pose~
換上影師為我準備既一條牛仔連身裙~其實都幾靚架, 可以sexy or not, 咁當然係佢面前唔會太sexy啦!!
另一張幾有個性既相, 彩色波波覺得會有少少色彩, 唔會太沉色....
換上最後一套衫, 也係幾sexy下既白色豹紋~同樣都係要影唔開心既feel, 沙上寫字似乎係例牌動作~
自從同joe影沙灘爬樹之後, 自己有舖爬樹隱, 而且覺得爬到樹好滿足, 好有成功感, 連相中都睇出呢份自信~
好like自己有自信個樣, 人始終有自信係靚d既, 現實之中我冇咩自信, 但相中就可表現呢種感覺, 所以我先like影相~
尤其係呢個pose及表情真係好正!! 呢張係呢輯相既第二至愛~
後來發現呢輯相係我相簿都幾多人睇, 一日已經有成八十幾人睇, 而且也有影師驚嘆我一個月影相已經有咁既成績, 又比人欣賞呢~~
影左成六個鐘都仲未夠, 我都已經好餓啦, 都係食飽飽先~呢份係你既牛排~
我叫既腸仔, 雞排及炸蝦, 唔使剝殼既蝦我至like~本來我可以慢慢食, 點知我仲要interview, 唔可以享受美食....
好趕時間由將軍澳地鐵站去到美孚, 要九點去到, 真係辛苦死我=.="....最後終於見到約我既導演tom及佢組員ken, interview原來好簡單, 就係自我介紹及做喜怒哀樂四個表情, 但似乎好難呢....最後都做到既, 大家傾下計之後就各自返屋企, 真係太累了...