第一次跟攝影師係hotel影相, raysand都只係同我影過一次相, 自己同佢一對一係酒店影相都唔係太放心, 於是搵左joe出黎, 多謝你黎陪我, 要你咁悶唔好意思><
果間酒店叫聖地牙哥, 都幾靚架, 因為香港舉辦東亞運, 所以要成四百幾元(平時只係三百幾), 因joe塞車, 所以我同raysand先到酒店
真係幾靚既一間酒店, 如果三百幾元都幾抵!! 甚至個人可以坐上張化妝台度....
呢次影日本可愛少女home feel為主, 雖然我唔可愛....其實本身都幾like呢套衫, 可能係粉紅色吧!? 仲出動埋我兩隻鬆弛熊仔><
仲出動埋你比我隻熊公仔~好軟綿綿, 而且影相出黎個效果好靚!!
坐上化妝台, 影出鏡內既自己, 好似有兩個自己, 好得意啊^^
坐在牆角上影既相, 可以影得我對腳瘦及長d...xd
影到中途要換上一套更性感既睡衣, 條裙又短又少少低胸, 要係其他人面前sexy及比人影唔係好習慣, 我驚你會介意啊><
幾like呢張近鏡既自己, 突然覺得自己似返個女仔=3="
全部相中至愛呢張~覺得呢張少女得黎有點含蓄, 不過有d sexy....
覺得自己有d姣呢...可能係呢件衫係深粉紅既關係吧!?
呢輯相都幾滿意, 好多張相都好靚, 聽講呢輯相係佢相簿度都幾多人睇, 多謝raysand係pose, 影相位置上既教導!!!
影完相之後我地三個去澳洲牛奶公司食快餐, 唔知係咪太耐冇食過, 加上joe又係我身邊, 覺得超級好味^^
要特別叫先會轉既牛肉通粉~如果唔叫轉既話只會係叉燒意粉, 咁當然呢個好食d啦!! 可惜既係我影漏左件多士及滑滑炒蛋><
raysand返屋企執相, 只有我同joe, 原定想係之前間酒店度影相, 但實在太貴, 最後去左九龍塘既酒店影, 我地只係影相, 唔好誤會=.="
bf既special版, 即係只有bf先可影既相, 係聖誕女郎, 加上佢帶既彩色波波及閃燈, 突然覺得自己好似聖誕樹...xd, 不過呢個題材都幾新鮮
影夠相返屋企啦~~呢日影左好多相, 雖然好累, 但好開心, 多謝raysand, 更加多謝我bf同我周圍走及睇我影相, 一定會悶親你吧!?
welcome to my world...
My model life since Nov 09~
My sweet life w/ bf joejoe since Dec 09^^
今晚約左三位英國黎既親戚食飯, 分別係兩個表姐及一個表哥, 其中一位表姐會係聽日離開香港, 另一位表哥會係星期日離開, 係佢地離開前, 大家先聚埋一齊食飯啦~
約左爸爸係商場內等, 但等好耐都見唔到佢, 原來係巴士站等媽及妹, 齊人後我地一家四口先去拎位吧! 最後各親戚都黎到, 大家先影相吧^^
從英國定居香港既大表姐, 佢老公及兩個女, 白色衫既係我表哥~
從英國黎既二表姐, 下個星期一約左同佢shopping呢~在旁既係佢老公及一個女, 另一個細路女係大表姐個女~
左面起: 舅父, 英國既細表姐及佢老公, 二表姐及大表姐老公~
左起: 我妹, 我, 大表姐, 婆婆, 表姐老公及女~好耐冇見婆婆啦! 佢都好關心我, 問我有冇拍拖, 我答佢有, 而且個bf比個ex更鍚及珍惜我, 婆婆都鬆口氣啦^^
咁多人食飯, 我當然唔夠飽, 但都冇辦法. 本來經過麥當當, 我又想食蝦堡啦, 都係節制下啦!! 又係蝦堡=.="......都係唔好咁大食啦!! 因住仲肥連相都影唔到呢...
最近父母比較忙, 返工放lunch時要出街買飯或叫外賣, 唔知係咪我食焗飯食上隱, 毎次出街食飯都只會叫一個飯, 就係...芝士焗龍利柳飯, 可能係覺得豬排成日食, 覺得好悶; 自己又唔食海鮮, 又怕d飯太多肉, 總之就係用[麻鬼煩]黎形容我!! 呢個係我今日叫既焗飯~
呢個焗飯相信係我食過咁多間, 至難食果個, 其實佢都唔係焗, 只係淋左汁上面, 而且仲係淡既, 睇黎我都冇啖好食, 食左一半就扔左....
之後阿head以為老闆娘生日, 買左個黑森林蛋糕返黎, 原來老闆娘係下個星期先生日, 不過唔緊要啦, 又可以食多樣野, 真開心, 不過我就真係好飽, 咁肥點影相啊??><
又可以見到joe啦~~呢次我地除左食飯外, 也會去影相, 呢次既目的地係1881, 而我也要打扮成聖誕女郎比佢影=.="
未影聖誕女郎之前, 我地周圍行下, 見到有好多miffy, 雖然我地都唔係好like...
雖然唔like miffy, 但個展覽都幾有意思, 係幫助血cancer既病者
實在太多人啦, 等到十一點幾先開始影相, 不過唔緊要啦, 可以同joe過二人世界^^....最後係文化中心換左件聖誕裙出黎, 都有幾多人望住我, 我都好緊張及唔好意思呢...
好靚既1881啊~我都係第一次去, 尤其係後面既建築物更靚...xd
香港其中一名時裝設計師會係度開旗艦店, 有d期待呢>< 
以1881為主題既聖誕樹~而且七彩繽紛, 好靚啊!!
開始影時先做下熱身, 係店舖外影相, 好like影夜店時反射到自己外表及燈光既感覺~
歐陸風情既樓梯, 不過旁邊有兩條電梯好似格格不入=.="
在旁邊的聖誕樹影返張先...xd
上樓梯後可以近距離望住幢建築物, 覺得真係好宏偉><
沿住建築物仲有電梯一直上到餐廳, 呢個係餐廳附近既擺設~
呢層實在太多波波啦, 可以影唔同既波波, 覺得好得意^^...呢張個pose比較似model吧!?
呢張係餐廳外既欄杆影, 我比較like呢張相既感覺~
餐廳門前有支大炮, 好似好好玩咁...xd
始終自己都係細路女, 要走去玩下及影相先得既~
影相影到十二點幾, 第二日仲要返工, 好唔捨得同joe分開><....返到屋企係時候訓覺, 已經成點幾啦!? 快d訓先...xd
星期一似乎買唔夠呢, 今日要再去搵下衫買, 而家仲欠三套衫, 包括要多套home feel 可愛裝, 同埋兩套黑色cool既衫, 因為係影唔開心....
係荃灣行左好耐都搵唔到, 只好返屋企, 點知..突然比我搵到套粉紅色既睡衣!? 呢次咪襯哂個主題囉!! 不過有d sexy呢, 問過阿joe意見, 佢都覺得ok, 加上佢又在場. 總之以後有sexy相會先問你, 咁就冇問題啦^^
都幾姣下既粉紅, if 你唔在場我定唔會著!! 附近既係lace頭飾~
同場加影既係呢個係公司lunch食既白汁焗龍利柳, 真係焗得好好味, 連埋熱飲都只係30元, 真係抵到爛!!
自己果然九唔答八, 認真冇計...xd
今日約左佢去食飯, 順便去買影相著既衫, 但行左咁耐只係買左一套衫咁大把!!! 買既係一套星期六影home feel 既衫, 由於要以可愛為主, 所以買左粉紅色=.="
平時訓覺都冇問題既, 應該唔會著出街吧!?
襯返套衫既襪及毛毛拖鞋呢~對拖鞋都幾cute^^
要契哥同我行兩個鐘頭街一定悶死你啦, 於是我地去女人街搵野食, 其實都好想食日本野架. 但你最後都想食中式小菜, 最後都係去食啦~
haha~最後都叫左兩份晚餐, 睇黎我地大家都食得幾健康^^
我叫既肉餅飯~其實都幾好味既, 不過份量少左d....
本身大食既我未夠飽, 不過見係契哥請就算啦, 唔好嘈啦, 最多咪當keep fit, 岩哂啦, 影相果陣面, 手腳及全身都咁肥, 食少d都岩既~
仲有同你去睇cosplay衫, 簡直係太sexy啦, 我一定唔會影呢類相囉, 只有d cheap既女仔如f既女友zero t先會影呢d, 留返比佢啦, 呢d我唔會同佢爭既, 我至多會影少少sexy, 但當然事先要問bf阿joe先啦, 因為真正男友係唔會比個女友著得sexy去比其他人影囉, if 係f一定叫我去影, 那時先知邊個最錫我啦...XD
不過係度都要多謝契哥一次, 你抽時間同我行街買衫好開心, 加埋你餐飯, 多謝你><
又同阿joe影相啦! 呢次唔知拍拖, 觀光定影相啦=口="
終於到左南Y島既索古灣, 雖然經過同f渡假既其中一個地方, 但呢次已經係唔同人..
途中經過既觀音廟, 雖然我都唔信, 但見好多人黎拜><
途中經過既菜田~覺得好得意啊, 我果然係大鄉里, 見到都咁開心=.="
之後我同joe行左條好長既山路, 行到懷疑係咪行錯路...其實我地去搵個沙灘...
終於搵到個沙灘啦~仲有部單車都幾正~
沙灘內既椅子~其實全個沙灘都幾靚^^
一黎到就影張代表作, 水花四淺都比你影到, 仲擺去dc fever度比人睇!? 不過見到你進步就好^3^
即刻笑到幾sweet, 最多送舊石比你做禮物><
竟然爬到樹上影相!? 原來你比我更識爬樹, 果然利害!! 我仲要慢慢爬先爬到><
其實我至like呢張相, 可能整體既感覺自己覺得舒服吧!?
哈哈~玩沙都玩到咁開心!? 不過D沙好幼, 好正!!
係沙灘度既另一個輕鬆pose~自己好like個環境^^
呢輯相也係好多影師覺得滿意, 覺得pose開始成熟左, 也有其中一位影師話我唔似只係影左一個月, 話我係一個月內可以進步成咁, 都幾有天份, 想幫我開個影會!!? 唔係掛. 可能大家未必知道咩係影會, 即係一個model對至少5-6個影師影相, 也係可以出名及搵錢, 接job既一個重要途徑, 而家有d所謂既靚模也係咁樣出身, 所以對於model黎講, 影會係佢地成功既踏腳石, 冇可能咁快有呢個機會既!! 都係比心機d影相先得...XD
影完相之後就同阿joe食韓燒自助餐, 好多人食啊, 不過點解連打邊爐既野食都有得燒既? 估唔到韓燒肥牛都幾正~最後我地行左陣街之後就返屋企啦^^