自己既新相簿!?

自從做左DC fever既model後, msn內多左攝影師add左我, 前後應該都有成二十幾人吧!? 毎個人都問我有冇相簿, 因為可睇更多既相, 之後搵我影相啦!! 我比佢地問得太多啦, 於是趁今日得閒少少就簡單咁整返本啦><

my fotop 相簿既link: http://www.fotop.net/NoirSaya#

多謝呢兩個星期黎有攝影師不停搵我影相, 我先至有作品show出黎比大家睇, 雖然d相唔係咁靚, 我也唔係個靚女, 但希望大家唔好介意啦><...同埋我呢個時候先知道, 原來一本相簿真係要用好多攝影師先可以完成到><

有一個人一定要多謝, 就係攝影師阿joe, 除左佢唔介意幫我毎個星期影相外, 仲安慰分手後既我, 我永遠都唔會忘記琴晚食飯佢坐我對面攬住我, 仲用佢個頭黎撞我及摸住我個頭黎安慰我, 而且仲話一星期影一次相都唔夠, 好多謝你, 因為你我先覺得仲有男仔對我好, 同埋你令我開始忘記fantasy, 有你在既日子, 我都冇再同fantasy聯絡成個幾星期, 令我忘記傷痛, 好多謝你, 同你一齊合作影相好開心呢^^


今日lunch食間野個名好好笑, 叫做[我愛台妹炸雞排], 加上佢叫野食張係卡片, 覺得好似係召妓既場所....其實係間真係賣炸雞既店舖, 而且都幾好食既, 只係個名改得衰=.="

大埔海濱公園@私影

今日約左攝影師andy去到大埔海濱公園影相, 感覺上好遠呢....最後我同攝影師都遲到, 但最緊要去影相就得啦^^

去到大埔公園先知道佢仲有兩位攝影師朋友!? 咁咪即係有三個人影我!? 更加緊張呢...惟有盡量努力=.="

少出街既自己從未去過呢個公園, 覺得個公園都幾大幾靚, 於是我情不自禁咁拎部相機出黎影相, 同時也要多謝其中一位攝影師幫我拎手頭上既包包, 我只係拎住個傻瓜DC仔周圍比人影及影相就得啦...XD


公園入口既幾根石柱~我一直好like呢種style, 覺得好浪漫^^


係呢度影相都幾靚, 但因為有油漆而要等一個鐘先可以影, 最後當然冇影啦=.="


第一個影相既地方...就係頭先既斷橋對面, 但我似乎太緊張呢=.="


附近影既其中一張相, 個樣好似有d驚呢...


躲係草叢內扮可愛!? 不過隻腳好粗呢...


要影相既樓梯~估唔到呢度都可以影相啊!?


係附近既樓梯旁影下相先~都算ok吧!?


坐係樓梯度影相都幾得意, 不過自己有d寒背呢....



另一個幾靚既地方, 其實係一個小瀑布, 中間有路可以比人行~


影得唔係太多相, 因我對leg warmer個波波濕哂啦><


過了小瀑布之後又係另一個花園, 估唔到冬天仍能有個開滿花既地方~


d 花實在太靚啦, 有好多粉紅色啊, 同我件衫幾襯(講笑)!!


黃色既小花都唔錯既~不過冇同後面既紅花影啊><


之後再到一個高台上影, 挨係欄杆上影也唔錯^^


只係睇我都冇咩好睇, 睇下附近既花園好過啦~


附近既小石枱及椅子~我地岩岩好四個人, 不過附近有包賣就最好, 好有飲茶feel!!


其中一個好靚既地方, 係牆上生滿植物, 坐係個四方形內好正!!


黎返張近鏡, 但唔知我隻手做緊咩=.="


其中一個地方係好多白色框框, 望落去都幾靚架!! 我指個景, 唔係人...XD


呢張相個效果好正, 後面既白色框就好似我大叫既聲音形體化左, 自己影呢張相時都幾開心^^


呢條橋等左好耐先有得影相~事緣係有人係呢度拍戲用左呢度, 要等佢地行開左先, 我地先可以係度影=.="


呢張相連我都覺得好正, 自己個pose都ok外, 同個景又幾襯, 自己好似渡假咁既樣^^


在回歸塔前影, 如果我冇記錯既話...


回歸塔前既小橋, 都係一個幾靚既地方^^


最後既目的地係瀑布既底下, 有好多水彈到我隻腳上, 加上開始夜晚, 有d凍啦><


越來越凍啦, 係橋上影左二十幾張就走啦><


臨走時同三位攝影師影相, 但andy堅持唔出鏡, 真係可惜呢...而紅色衫果個佢知我地影相仲特登化妝一下...xd

呢日可以認識到三位攝影師, 好開心啊!! 希望之後再有合作機會, 大家都好好人, 又成日都講爛笑話, 唔知點解我會諗起阿駿, teddy及阿聯佢地呢><

提早過probation!?

今日老闆娘突然問我, 個會計阿head有冇同我講話我過左probation...我都係第一次聽到, 人禸覺得好開心, 因為竟然提早左過, 我係8月27日入職, 提早左少少已經好好, 起碼個心定d先啦, 唔使再驚佢會唔會請我^^

點知第一件任務黎啦, 就係幫新公司開個tradelink既網上報關!? 而且其中一張電子證書係用我個名, 另一張係老闆娘既名!? 而且整個申請程序都係我辦, 估唔到咁快就委以重任, 有d緊張呢, 不過只要平常心做咩得囉~最後終於完成, 鬆了一口氣....

其實前幾日教我點開及鎖門, 比埋條鎖匙及問我MPF既事, 自己已經估到可能過左probation, 不過都只係估估下, 但老闆娘咁講應該係真吧!? 加上我之後有兩間公司入賬, 一共要handle六間公司既數, 我都要努力先得!!

同時也係開始準備fashion design既portfolio及其他interview資料, 但只係準備左好少, 真係唔知點死囉=3=""

媽媽生日快樂...XD

今日放工之後一早返到公司, 點知發覺冇人既? 於是如常上網. 冇幾耐媽媽, 姑姐, 妹及姪仔一齊返黎, 話今日媽媽生日會先打邊爐, 再食天使蛋糕, 好野!! 今晚要大擦特擦啦^^


哇~呢個冬天第一次打邊爐, 有清湯及沙茶醬湯底, 我當然like沙茶醬...xd



當中唔少得滑牛啦~不過都係屋企人鍾意食多~



幼幼既豬頸肉條及我like既支足^^



我妹妹特別like食既青口, 我對seafood就真係麻麻=.="



什丸類, 真係咩丸都有, 咩貢丸, 黑椒牛丸及墨魚丸之類啦~~加上底下既西洋菜, 因屋企地方唔太大, 冇位擺=.="



呢個簡直係我打邊爐既至愛: 好似係人稱既魚滑吧!? 我廚藝可想然之係幾差, 成日只係識得食=.="

最後食到飽哂, 大家可能覺得少左樣野, 係毎次打邊爐都一定有既肥牛啊!!! 呢個先係主角黎架麻, 我又唔記得左影相....算啦, 下次再影><


打完邊爐兩個鐘後再食天使蛋糕!! 佢真係好似圈廁紙咁...xd



審埋脆脆既糖碎, 加埋個生日牌就得啦!! 尤其係個糖碎真係好香, 好脆好好味. 但個蛋糕太多cream, 太漏啦><

最後希望媽媽身體健康, 唔好比姪仔激到咁嬲同永遠開心, 當然最重要既係生日快樂啦^^

尖沙咀燈飾@私影

放左工之後即刻趕住去搭車及化妝, 因為約左攝影師calvin去影相. 最後要搭巴士之後, 再轉地鐵+行路先到啊, 目的地係尖沙咀碼頭既麥當勞等....不過我中途去左文化中心個toliet補妝先去搵佢, 結果自己遲到左少少><


今年海港城既燈飾都幾靚喎, 而且仲係我至愛既紫色...XD


可愛既小天使係個波入面, 更加可愛呢~


連旁邊既金色花也好靚啊, 估唔到金色都幾襯紫色^^


連個閘口都好好靚啊~呢次燈飾果然可以用超靚黎形容><


當然要附近既聖誕樹影相先啦!! 呢次個主題係開心睇燈飾, 但自己竟然咁難笑得出? 可能係太凍吧!?



終於去到海港城門口啦~~比出面既走廊更加靚^^


上面有好多隻天使仔, 簡直cute爆>o<


係上面既天使仔既close up啊!! really cute><


係走廊上既小天使擺設, 但要比十元先可以入去影, 係情侶就話o者, 我同個攝影師又唔係...我睇都係算了吧...


行過少少到海旁, 見到東亞運動會既燈飾, 以為唔會好睇, 點知有d女仔又幾可愛既~


毎個女仔會著住唔同國家既衫, 呢個應該係蒙古吧!?


燈飾中間既一條青龍, 另外一邊仲有燈飾架!!


終於黎到韓國....既燈飾, 個女仔好可愛啊><


突然之間諗起卡通版既大長今, 唔知點解呢??


係韓國隔離就係日本, 套和服仲係kawaii既粉紅色^^


等我都同個公仔影下相先~要開心d先得啦><


中國及香港既公仔, 估下邊個係中國, 邊個係香港?


澳門既公仔呢...唔係見到個大三巴, 都唔知係澳門黎=.="

呢日只有十三度, 實在太凍啦, 我同calvin覺得太凍影唔到相, 於是到新世界中心既麥當勞食晚餐, 估唔到自己一個餐已經飽哂, calvin食完飯後用佢手機及我部相機影我飲奶昔個樣=.="


個樣咁核突都影....個身縮埋左一舊=.="


攝影師calvin用既機, 佢用既係傳統菲林機, 真係要入菲林...其實我見到多數攝影師都會用單鏡機, 佢係用測光機及數字去影相, 係比較特別既一個^^

不過特別到要成日捲菲林, 而且仲唔記得左上菲林而要全部相影哂? 不過唔緊要啦, 只係三十六張相, 都好快影哂, 因聽日仲要返工麻!!

期待拎返d相, 和之後再合作影相吧!!