放鬆一下心情~

今朝同姑姐, 媽媽及姪仔出去食個美味早餐~我地全家都好鬼鍾意食果個早餐, 但我地唔係成日去幫襯既關係, 所以毎次去到都一定叫那款早餐既><


其中一份配料: 餐肉, 腸仔及多士, 好多牛油, 好味~


呢碗係我媽媽既火腿通粉~後來我先發現自己冇影到自己果碗米線, 激氣><


食左碗我同姑姐整既木康布甸, 因為佢太易整啦, 所以我地一得閒就整><


一層層好辛苦舖....少D心機都唔得><


睇黎我都係食野多, 可能係化悲憤為食量吧!? 食完就一於畫一張畫先~都係見到雜誌即興畫, 見我一直都冇畫過fashion illustration, 就畫下啦^^


最後都係畫左張以唔同色豹紋既衫做主題既畫~我向來影相都係麻麻...so 同真實好似差太遠, 好核突=.="

失戀後的第一幅作品

呢次暫時放棄畫fashion, 改畫其他類型既作品, 就係利用佢之前其中一張攝影作品做題材去畫, 我都唔知點解會用呢張, 係想用下之前買落既oil pastel, 大家可能好陌生係咩顏色筆, 其實係以前小朋友都會用既爉筆, 呢次既主題係爉筆及木顏色既結合~

呢張畫就係原相~我選呢張相係因為用爉筆唔可以油得太仔細, 所以選擇有樹及草地既相黎畫....


先用鉛筆畫好個稿先~唔係太難畫, 但上色就知味道啦....XD


大致上用木顏色去定毎一部分既顏色先~


再用爉筆去做光暗, 雖然好難掌握, 但做出黎既光暗位比木顏色更加明顯^^


終於畫好啦~感動!! 後面個背景果然好難畫, 自己都唔知畫左d咩出黎@@...但整體都算滿意, 一於拎去做portfolio其中一張作品先~

爉筆都幾好用既, 可以做出強烈既光暗效果!! 但我希望唔止係咁, 而係可以單用oil pastel去完成全張畫, 我要再比心機都得^^

齊齊整蛋糕~

原本個蛋糕係為佢而整, 但...而家都冇意思, 不過唔緊要, 只要屋企人可以食到就好^^

anthory 先約我去食飯, 佢會係一點四十五分楂車係我屋企樓下接我, 但佢因為要加班, 所以兩點幾先黎到, 不過都唔緊要啦, 短暫既食飯時間都唔錯^^

之後再搵姑姐行街買衫, 但似乎冇咩收獲....而差不多五點時, 嘉華已經黎到我地既集合地點旺中門口集合, 我哋計畫食味千拉麵, 但大家仲未黎所以先hold住, 我見bossini既擺設咁正, 於是想影張相, 但被店員阻止, 我地偷偷地影左相之後即閃啦~


太愛halloween啦~不惜一切偷偷地影~都值得既^^

本來嘉華一直打比寶妮, 但寶妮個電話一直冇人聽, 打去屋企又打唔通, 大家都擔心佢有事, 好在係最後關頭都打左電話黎, 全部人齊哂之後先去食野先啦~最後決定去左味千!!


寶妮叫既南瓜烏冬, 連一向唔食南瓜既我都覺得好好味...XD


也係寶妮叫既荢頭丸子之類吧!? 唔記得個名, 但都OK既...


蕃茄雞肉烏冬~清清地, 都幾好味^^


咖哩豬排飯~差D唔夠分呢>< 大食既我都覺得唔太飽, 好心我啦, 已經冇人要, 仲食咁多整肥自己做咩? 都係食少D當減肥啦^^....之後去整蛋糕既double cake, 佢係一座商業大廈入面, 仲有好多cafe, 排左好耐隊先入到去呢


終於黎到啦~原來間店舖都幾簡陋, 不過都幾整齊既~


大家都整蛋糕前先影張相, 首先係寶妮及醱梅~


我同阿liz一於一齊影返張先~


岸居居整餅碎...其實餅碎已經一早準備好, 我地只係量度牛油分量~


落左牛油啦~比心機撈好d先得!!


撈緊個餅底啊~~雖然個樣就...但撈起上黎真係好玩^^


再發好d牛油先~第一次用搞伴機, 覺得好緊張><


終於發好牛油啦, 混入去cream內先~


呢幕好鬼槁笑~話說阿sir整芒果時, 會切哂d芒果肉, 只剩下果核, 為食既我當然食啦, 仲有阿詩, liz及寶妮都食緊, 酸梅及嘉華偷影我地...我哋咪即刻令轉面><


返黎整蛋糕現場先~最初整好既餅干底終於雪好啦, 連埋頭先整好既牛油及cream, 開始整蛋糕一部分啦~


要舖左芒果底啦~就係我地岩岩食完芒果核既果肉不停地舖啦^^


終於舖好芒果邊啦, 但仲未完成架...使唔使咁開心???


大家終於完成啦~一於人同蛋糕影張大合照先啦^^


六個大蛋糕既close up, 好靚啊><


呢個就係我個cake啦~比我想像之中靚喎, 但唔知好唔好味呢??


我個蛋糕既topping, 黎個close up先~choco字都寫左好耐><


好辛苦舖既芒果底啊~好在舖得唔係太差=.="


整完蛋糕之後去左發記食dessert, 我都諗左好耐食咩野, 最後都決定係choco流沙冰><


一層層既沙冰實在太靚啦~一於又黎個close up先~

今晚玩得好開心呢, 作為失戀之後既第二日已經算唔錯啦, 如果可以毎日都咁開心就好~仲有多謝咁多位老友, 佢地見我去到發記時諗起第一次同佢食dessert, 所以唔開心, 不斷問我發生咩事, 真係再次多謝你地^^

cafe more

呢個係我妹公司個老闆係深井開既一間cafe, 但佢既食物太貴啦, 晚餐黎講最平一個餐都要成78元, 最貴既百幾元都有, 但我妹話佢d野食都好似幾好味, 不過對我黎講實在太貴啦...呢個價錢可以食到更多好既食物啦>< 既然我唔可以幫襯, 最後只好...係附近影下相好啦...XD


cafe more既門口~我不敢行到太近, 唔係佢叫我食野咪死!? 咁貴!!


都幾靚既店舖牌...xd


其實佢果兩個牌真係整得幾鬼靚既, 但果兩張紙做咩呢?? 咁核突=.="


見到呢個餐牌就知佢係貴野, if 我中左六合彩既話, 都會同屋企人食次既, haha~

連interview都咁難!?

既然已經冇左佢, 不如就搵定報時裝設計既資料!! 希望可以快d忘記佢麻!! 我係yahoo知識內搵到呢d資料:

課 程就無話一定要參加咩課程, 但面試前要惡補一下時裝知識(例如: 睇下時裝雜誌), 了解一下有甚麼設計師、設計師的設計風格、他們有甚麼著名作品及服裝潮流, 會對性向測試和面試會有幫助. 面試要你通過晒性向測試、drawing test、design test先會有得去. 因為有drawing test, 所以亦要多接觸繪畫. 面試固然要準備portfolio, 內容不一定要和fashion有關(例如: sketch、攝影作品、關於布料的作品、你過往曾製作的作品等.), 面試前最好準備如何解釋自己的作品, 因為別人會就你portfolio的作品問問題. 如有需要, 可參加一些設計的短期課程.

過往drawing test要求過設計模型公仔既衫, drawing test就試過設計紅色的士司機既冬天制服.

面試唔好著suit, 亦唔好著牛記笠記. (試問應該著咩呢??真係一頭霧水囉=.=")

如果design stream面試表現好, 該系會俾conditional offer, 你AL有full cert就得.

如 果你無法經面試入該課程, 就只好靠AL成績入. 上年平均高考收生分數是9.7. 如果你讀2AL+1AS, 而中化及UE是D的話, 兩科AL C及一科AS E都過9.7分. (計分方法: 將每科AL及AS的分數加起來便可. AL: A=5, B=4... AS: AL分數乘0.6, 包括中化及UE). 雖然yr 2可以轉stream, 但有無得轉視乎design stream有無位剩.

雖然心情都幾down, 但人始終要生活架麻~~惟有希望快d忘記佢, 但點解我一見到佢同佢幫所謂既女友影果張相, 眼淚會不自覺流落黎呢?? 而且個心仍然痛....既然佢都可以咁絕情, 有時話我麻煩, 話我地咩關係都冇; 一時又成日笑住話我唔好似細路仔, 又話唔想同我吵架, 又話咩好知己....見teddy delete左我仲要即刻打電話及send sms比我, 我話唔理佢又send sms比我, 理我咁多野做咩?? 佢話叫我放過佢, 不如佢放過我啦><

混亂關係...

普通朋友包括比較熟同比較唔熟既朋友...亦包括好朋友同壞朋友....簡單黎講,總之同自已認識但又未有其他關系既就可以稱作朋友..

而對普通朋友,言語上可能會比較照顧對方感受..



好朋友,"好"當然係指對自已好,而且認識左佢對自已無咩負面影響既朋友....但通常人們會對一D比普通朋友進一步友誼關係既朋友稱為好朋友....

對好朋友,言語上可能會無咁避忌...講下笑下無咩所謂..因為大家既朋誼關係比較深



知己其實同好朋友分別唔大....稱得上好朋友既朋友,對自已既認識應該都不少....所以好朋友,好知己對於好多人黎講,意義都差不多....

如果真的要解釋的話....知己係比較交心既朋友....比較容易明白自已既諗法.....開心,唔開心都可以將內心既感受拎出黎互想聽下,傾下......知己通常係自已非常信得過既人

對知己,言語上通常亦比較無咁避忌...會多講出心中說話



親密朋友的"親密"其實係形容曖昧既關係.....多用於男與女關系....

因為對於同性朋友...好朋友,好知己已包括比較親密行為...例如:兩個女性朋友共同飲一支水...兩個男性朋友一件衫輪流著...如果同性朋友有更親密既關係..他們很可能是同性戀的人

親密朋友通常係一D有曖昧關係...又暫時不會成情侶既男女...

事實上...有不少男/女已擁有男朋友/女朋友....但又對其他人有親密既曖昧關係...就會稱後者作親密朋友....有這時候,"親密朋友"是一個給第3者的較好聽的名字....

對親密朋友,言語上較溫柔,體貼...照顧對方感受



情侶是已開始拍拖的男女.....當中包括已發生親密關係...如:拖手,接吻,甚至性關係....

稱得上情侶言語上當然是較體貼...照顧對方感受

咁樣我同佢係咩關係呢?? 星期四果篇大家自然會明白...

三朵金花去食飯囉~

琴晚菜菜突然留左個offline msg比我, 話今日去同文迪食晚飯得唔得, 我就當然得啦~好在文迪都可以去~今晚一於傾返夠本...XD

結果係我最早到, 菜菜就因為要餵BB, 而文迪也岩岩係屋企出門口, 雖然等左一陣, 但係都值得既~事不宜遲, 快d行街買衫及去食飯先啦><...結果行左唔係太耐, 因為我實在太肚餓, 要兩位靚女就我一個, 實在唔好意思呢. 最後去左一間叫[百厭仔]既地方食飯~


最後都係同文迪一樣叫左杯peach既乳酸, 都幾好飲既~


菜菜叫既巨峰提子乳酸~仲係佢至愛既藍色, 同佢全個look好襯^^


之後到食物啦~首先係文迪叫既羅宋湯湯麵, 及雞排一份~


呢份係我既晚餐啦~除左頭先杯飲品外, 仲叫左肉噪豬頸肉撈麵~


黎個close up比肉噪豬頸肉撈麵~


菜菜都係叫肉噪撈麵~不過佢果個係豬軟骨~


我呢個大食怪最後都唔夠飽...本來想叫紅油抄手, 但見到毎張枱都叫呢個椒鹽豆腐, 於是就試下啦~點知...勁好味! 外脆內軟及滑既感覺, 真係想食多碟!!

食完野之後都係再行街, 文迪及菜菜集中睇西裝褸款~最後菜菜可以買到件西裝褸, 但我地差d唔記得影合照...當我地記得時, 已經係地鐵站, 但叫其他人幫我地影會好奇怪, 咁就先影住腳先...xd


哈哈~感覺好得意啊!! 認得邊個打邊個嗎><


菜菜話唔願意show佢個樣出黎, 算啦!! 有你個樣果張我自己keep得啦!! 其實我都好樣衰, 不如畫花埋我><

之後各散東西, 當我返屋企搭小巴時, 一個自己覺得懶係靚(黑長直髮, 痴左假眼捷毛)既女仔不停地大聲傾電話, 等我要用嘈既歌蓋過佢吧聲, 呢樣都算啦, 仲要茶埋香水...我至鬼憎人茶香水, 應該話呢個世代仲有人茶既咩!!!?? 我全程掩住個nose囉, 真係冇陰公, 佢落左車陣香水味仲要係架車度, 果然係[遺臭萬年], 同埋我也感嘆: 呢個世上自以為係靚女, 但又唔係真係靚既人真係多!!!=.=""