三朵金花去食飯囉~

琴晚菜菜突然留左個offline msg比我, 話今日去同文迪食晚飯得唔得, 我就當然得啦~好在文迪都可以去~今晚一於傾返夠本...XD

結果係我最早到, 菜菜就因為要餵BB, 而文迪也岩岩係屋企出門口, 雖然等左一陣, 但係都值得既~事不宜遲, 快d行街買衫及去食飯先啦><...結果行左唔係太耐, 因為我實在太肚餓, 要兩位靚女就我一個, 實在唔好意思呢. 最後去左一間叫[百厭仔]既地方食飯~


最後都係同文迪一樣叫左杯peach既乳酸, 都幾好飲既~


菜菜叫既巨峰提子乳酸~仲係佢至愛既藍色, 同佢全個look好襯^^


之後到食物啦~首先係文迪叫既羅宋湯湯麵, 及雞排一份~


呢份係我既晚餐啦~除左頭先杯飲品外, 仲叫左肉噪豬頸肉撈麵~


黎個close up比肉噪豬頸肉撈麵~


菜菜都係叫肉噪撈麵~不過佢果個係豬軟骨~


我呢個大食怪最後都唔夠飽...本來想叫紅油抄手, 但見到毎張枱都叫呢個椒鹽豆腐, 於是就試下啦~點知...勁好味! 外脆內軟及滑既感覺, 真係想食多碟!!

食完野之後都係再行街, 文迪及菜菜集中睇西裝褸款~最後菜菜可以買到件西裝褸, 但我地差d唔記得影合照...當我地記得時, 已經係地鐵站, 但叫其他人幫我地影會好奇怪, 咁就先影住腳先...xd


哈哈~感覺好得意啊!! 認得邊個打邊個嗎><


菜菜話唔願意show佢個樣出黎, 算啦!! 有你個樣果張我自己keep得啦!! 其實我都好樣衰, 不如畫花埋我><

之後各散東西, 當我返屋企搭小巴時, 一個自己覺得懶係靚(黑長直髮, 痴左假眼捷毛)既女仔不停地大聲傾電話, 等我要用嘈既歌蓋過佢吧聲, 呢樣都算啦, 仲要茶埋香水...我至鬼憎人茶香水, 應該話呢個世代仲有人茶既咩!!!?? 我全程掩住個nose囉, 真係冇陰公, 佢落左車陣香水味仲要係架車度, 果然係[遺臭萬年], 同埋我也感嘆: 呢個世上自以為係靚女, 但又唔係真係靚既人真係多!!!=.=""

做咩又買顏色筆!?

呢個問題我都問左自己好耐, 做咩無啦啦又買盒顏色筆返屋企!? 雖然公司唔係太多野做, 但唔知做咩返到屋企都係懶, 只係掛住msn及fb, 都冇咩心機畫囉....不過都係買定d顏料^^


都係買返呢隻牌子啦~話哂都係呢隻出名, 可以放心d~


果然係靚野, 連顏色筆排列及外表都好吸引呢~

我幾時先開工呢?? 真係唔知囉, 不過都要盡快, 唔係又驚自己整唔切portfolio, 等左咁耐都係等讀時裝設計><

菜菜, 蕉, eva及veron大聚會^^

一早同左姑姐, 爸爸及姪仔去食早餐~間餐廳好耐都冇去過, 而家食返好好味, 不過冇影到相, 有點可惜....

之後爸爸去買送, 我同姑姐及娃仔周圍行, 見到有間水族館內既魚都幾靚, 不過就有少少猩猩地味=.=""


其實門口已經擺左好多魚缸, 有好多魚, 好靚啊><


樓高四層~全部魚一覽無違....XD


下面既膠箱擺放住龜龜, 我有試過影佢地, 但影得唔太靚, 放棄左><

比較鍾意既神仙魚~


彩球魚~未聽過個名, 不過見到佢地細細條, 漲卜卜好cute~


啡色既係小石斑!? 銀色真係唔知係咩魚=.="


點可以少得金魚呢?? 始終係最普通, 但也係最靚既魚^^


呢款就係壽星公!? 都係姑姐同我講先至知=.="

待爸爸買完送之後就返屋企, 之後再係屋企休息左一陣, 準備扮靚靚(雖然都係唔靚=.=)後就去見veron佢地啦~我姑姐都好好幫我整左個計, 都幾靚喎~一於影底先^^


好少有既近鏡樣....個樣都好似幾有精神!?


都係再影返個半身先....xd

終於可以見到好耐都冇見過既四位朋友: 菜菜, 蕉, eva及veron~呢次終於齊人一齊出黎食午飯名及見下陽陽啦~大家都好準時, 可以係預定既三點度黎到, 之後去搵野食^^....最後去左間上海餐廳食飯~

eva送左d玩具比陽陽, 毎件玩具都好cute>< 花型既玩具~可以扣在手中, 仲有可愛既公仔><


小朋友仔學習書~我都係第一次見, 仲係大笨象公仔黎><....呢個係長頸鹿~

以及panda仔~次於兔仔之後第二like既動物><


都係大笨象仔~好cute><


一套三個公仔, 有一個係可以穿在手上既牙膠, 岩哂岩岩出左牙仔既BB^^


大家似乎掛住玩阿B呢, 差點唔記得叫野食....都係快D叫啦, 我好肚餓呢><""(我果然只係識得食=.=")

當然叫左個我至愛既豆沙窩餅~


EVA點既生煎包~但只有兩個, 最後我都冇食到><


哇~我至愛既小龍包黎啦, 我唔客氣啦><


最衰自己話驚皮膚差, 唔食辣野, 結果叫左碗唔辣既擔擔麵, 好淡冇咩味道...不過我太餓都係食左=.="


veron叫左碗少辣既擔擔麵~果然好味好多, 擔擔麵始終辣既好~


終於到左大家同菜菜阿b合照既時間啦~首先係阿蕉, 睇佢抱阿b抱得幾似樣><


睇下阿蕉幾有母愛~~哈哈~


eva 同樣都係母性大發, 呵呵~


咁耐冇見三位靚女, 當然要影下相先啦~

至於我呢....我都有同bb影過相, 不過d相係菜菜度~仲有大家既合照都係佢度, 希望佢快d比返我地啦....XD


食飽飽後到附近周圍行下, 有間好可愛既寵物店舖~


我幾like既一間店舖~以黑白羽毛為主題既~真係好靚....xd


行到差唔多最後一間店舖, 比佢個櫥窗嚇呆左, 真係好靚~

已經六點到, 大家影完大合照後, 我同菜菜就返屋企, 因我要返屋企睇top model, 至於菜菜當然係要返去照顧阿b啦~至於veron佢地三個都係一齊行街街吧!?

再去創藝坊~

話說上星期日我同妹去創藝坊時, 好多店舖都未開, 於是我決定再去多次!!! 但呢次只有我一個人去...有少少寂寞既惑覺啦...不過都幾自由自在, 好鍾意呢種感覺^^


先收到門口派印有創藝坊名字既氣球~有紅, 藍, 綠及黃, 都係要藍色吧!? 咁大個人拎住個氣球會唔會有少少低b呢=.="


同上個星期有少少唔同, 先從八樓睇起...呢次多左幾張壁畫, 毎張壁畫都有特別意思, 但我就似乎領悟唔到啦, 就影左我覺得靚既幾張啦~


幾有童真既一張畫~我好like呢種感覺^^


都係充滿童真既感覺~呢次係氹氹轉^^


之後去一間整玻璃用品既店舖外行陣, 見到多左好多新既作品, 呢個藍色作品都係新既~


投在地上既映像~係關於製作玻璃用品時既工序, 都睇得幾清楚^^


整玻璃用品既機器啊~~~毎部機器都好大部><


其中一間展示相機既店舖~全部都係比較古老既傢私及裝飾品~


好多古老既相機啊....


見到呢個公仔及barbie既公仔相幾特別, 於是就去影下. 點知比呢間店舖既老闆招呼我入去坐=.="..同佢傾下計, 原來佢係個graphic designer, 佢呢次個展館係以時裝show既後台為題材去攝影~我都好羨慕佢可以睇catwalk啊><


個老闆都好好人, 佢比我任影佢既工作室, 可惜我冇除鞋, 真係唔好意思....呢盞燈都係好靚, 好grand啊><

客廳(!?)之中既枱子~毛毛地毯好舒服>3<


枱上既粉紅花~簡單既一碟花已影響整體上既效果....


客廳(!?)既椅子~


個graphic designer既以catwalk後台為題既其中一張攝影作品, 掛係椅子既上面~


果位graphic designer幫我影左張相~連佢都用佢部相機影左我一張相, 無所謂啦^^


再行過少少, 可以見到一盆粉紅花~~


那盆花既近鏡~


其實關於catwalk後台既相唔太多, 只係得三張...除左頭先椅子果張之外, 呢張係第二張...


最後一張作品~都影得不錯吧!!??


那位graghic designer既工作室一部分~


工作室牆上既畫作~


工作室牆上既裝飾品~


呢位designer既新作品~佢用左一隻underwear既品牌去設計, 因佢覺得從來冇人用underwear去創作, 可能係覺得underwear無法登大雅之堂吧!? 所以我覺得佢用呢個concept已經唔錯, 加上佢教我地從不同角度去睇同一件作品, 感覺會有不同....


離開工作室之後, 就去到一個露天展場, 見到塗鴉都幾靚^^


枱頭望上去見到有張用黃色布畫既畫~


另一間工作室~表面好似冇咩特別, 但牆及門上全部都係memo紙~


全部都係memo紙, 諗起[命中註定我愛你]既陳欣怡~


途中見到一張好靚既秋景相~


另一間工作室既壁畫~d人畫功好勁啊><


上面果張壁畫既工作室走廊~


一個關於水畫既展覽, 其實係講出毎個作家對水既不同感覺, 當然係節約用水多...


一開始比呢張色彩繽紛既畫作吸引住~


呢張畫作既近照~


一個叫林皮既畫家既作品, 也即係首幾張畫充滿童真既女仔既畫家~


把水, 金魚及人體結合而成既一張畫~中間既黑墨水代表污染既水源...


最後去既一間工作室, no, 應該係店舖吧!? 以香港舊有物件為主題~也係全座中心最吸引人既一間店舖~


牆上無數既古董鐘~


牆上既信箱~


也係牆上有關中國既畫像~


好古老既電話亭呢~而且仲反射到我全個人><


仲係揭蓋既廢紙箱!? 我好細個日時都仲見到類似既款, 不過我見既係橙色..


令人懷念既[碌架床]~以前麻麻屋企都有一張, 後來應該係扔左吧!?


細佬仔既機動玩具!??


係門口附近既一張顏色套目椅子~


擺放著港式既舊物件~其中有整月餅既模子..


擺放舊玩具既玻璃櫃~



最值得睇, 也係最靚既地方: 就係展示香港的舊店舖模型!! 呢個係茶樓~


茶樓既枱子~擺滿點心呢><


茶樓既牆壁及沖茶既地方~其實前幾年同麻麻飲茶, 也見過類似既格局~勁正!!


當然唔少得招牌點心車, 同埋卡位啦~


飲完茶就去龍鳳大禮堂~好古式呢....但而家似乎都仲保留住呢個傳統, 但我也有出嫁請飲的一天嗎??


你睇呢圍幾豐富, 幾多食物~


各位結左婚既朋友,對呢個畫面都唔會陌生吧!?


去完飲就去鞋舖~真係好古舊既鞋舖><


鞋款也做得好仔細, 有皮鞋, boot, 高身波鞋....


擺放唔同款既鞋盒~


之後去文具舖~


仔鈿既筆櫃, 及擺放練習簿~


玻璃櫃內既鋼筆及玻璃櫃前既包裝紙...xd


1990年代既舊街及大廈~


之後到大排檔~之前去過石硤尾都仲有呢類店舖, d食物超好味:p


大排檔既招牌~


大排檔既後面部分~


大排檔既櫃面~最記得那個玻璃箱係擺左唔同既方包~


當然唔少得大排檔既枱椅啦~也係以前家庭用既既枱椅, 有種懷念既感覺...


大排檔既另一邊...


賣小食既店舖都有!? 包括炸大腸, 腸粉, 夾餅...


原來係賣咁多野食, 不過前面咁鬼污糟!? 好有大排檔特色~

終於行完全個創藝坊, 係時候返屋企, 原來行完都只係五點, 只係行左個半鐘到, 不過一個人行係咁上下架啦, 有機會既話叫埋朋友黎, 可能會玩得耐d既^^

返屋企前去左零食物語買左盒明治既noir[暗黑]choco, 本來見佢只係57%既濃度應該唔太苦, 點知苦到飛起><