星期日的b. party?? (予定)

自從蕃薯係上個星期三唔比我去酒吧, 改話同我食魔鬼蛋糕同佢慶祝生日, 已經講左成個星期都冇回音, 今日又突然講起佢星期六既生日party, 我都冇份去....我話自己都好想去見識下, 但佢就話[唔好學人去d咁既野啦...XD], 咩野係d[咁既野]!? 我都未去過, 不過我估應該係衰野吧? 就當係佢想保護我, 唔想我學壞啦, 咁諗會開心d既^^

之後問我幾時食cake, 其實我一直都得閒, 仲得閒到成日打機, 只係你忙o者><....因佢星期四及五都要返學, 星期六就party, 咁惟有星期日啦, 不過佢玩通宵, 一定好晏先起身, 我已經有所覺悟架啦, 我都會等埋你一齊食蛋糕既, 但星期五先訂會唔會遲左呢? 希望呢次唔好臨時有咩變掛, 我地可以開開心心咁食蛋糕啦~~

我好奇地周圍去搵下呢個蛋糕既樣, 真係好想快d到星期日啊! 咁我就可以同佢及佢媽媽食個咁正咁好味既生日蛋糕^^...相係其中一個人地既blog度搵, 希望佢唔好介意啦><

個盒都好似幾靚喎~實知係咩蛋糕黎啦^^

哇~個蛋糕個樣就麻麻地, 不過都ok既~

內裡個樣就好味好多既, 越睇越想食...xd

再次迷上玩FF12^^

近排覺得公司冇咩做, 又幾無聊下, 唔係行行坐坐就係企, 又冇得出街. 返到屋企我又冇咩做, 於是我都係做返[宅女], 玩我既FF12啦!! 唔知係咪太耐冇玩呢, 覺得又幾好玩喎!! 而且仲可以拎埋最強武器及防具, 點知都係搵笨, 好似個最強之盾咁, 一d都唔勁既=.="

突然諗返起我玩FF12既原因, 係因為佢本身係隻RPG既名作之外, 也因為我鍾意個女主角公主呢, 哈哈~我仲記得第一次見佢時就係呢張畫~

第一次見到呢張畫, 雖然覺得個女主角同畫面唔係咁襯, 但好鍾意佢呢個動作, 同佢手上既武器^^

呢張係我第二鍾意既, 係另一位懂跳舞既角色~我都幾like佢!!

所以我毎次玩FF12時, 一定會呢兩個角色, 全部D勁野都係比哂佢地架!! 估唔到呢隻game已經出左三年, 但我都仲未有FF13玩, 由最初既期待已經變成失望啦, 真係可憐呢><"...我冇bf既話, 比部機當係我bf, 日日夜夜陪住我啦><

不太習慣....

自從irene走左之後, 或多或少都有d唔太習慣, 係冇野做時都冇人再同我傾計, 也冇人再提點我做事, 老闆係公司時咪摸下peachtree點用, 唔明白時可以問下老闆娘及打電話去熱線問, 原來真係比daceasy好用好多, 突然覺得peachtree原來係偉大既發明!? 自己又學多一個會計軟件^^

會計阿head羅小姐好好人, 我peachtree唔識用時都會問佢, 佢唔識我會打去hotline問, 之後話返比佢知, 而且今日研究左點樣打description係最好, 第時做audit時方便好多~有時都會問我返工習唔習慣, 最初我黎做野時教埋我返工點答車及放工最快返到屋企既答車方法, 可以唔使再答個幾鐘巴士^^

仲有個女老闆都幾好人, 佢好鍾意講野, 而且佢都幾nice下, 不過同我就少d講野, 同埋暫時唔比我知新公司既password, 可能我仲係新人吧!? (不過其實已經知道呢~)

老闆及阿head都唔係公司, 又係作反既時候, 哈哈~我係公司訓左陣覺, 之後上網睇下時裝設計既野, 比我見到IFC度有個叫[fashion moment]既展覽, 睇黎我放假都唔會太悶吧!?




呢次時裝展展示出國際時裝插畫師Lovisa Burfitt既插畫, 自己順便可以偷下師...xd



以下係關於呢個時裝展既內容, 好似好好睇, 等呢個或下個星期去睇先!!(內容摘錄至明報2009年9月9日)

「FASHION MOMENT」為香港首個將插畫及攝影作品融入時裝匯展中，國際金融中心商場特意從巴黎邀請了著名國際時裝插畫師Lovisa Burfitt及本地時裝攝影師黃海珊(Phoebe Wong)攜手合作；商場並於中庭破天荒打造一個機動時裝天橋，以動感展示今個秋冬高級時裝系列，讓顧客在國際金融中心商場全方位體驗今個秋冬的 「FASHION MOMENT」。

出席今晚酒會及揭幕典禮尚包括國際名模陳碧舸、宋??、張雪、張許超、戴小奕、劉丹、Mandy Lieu以及多位名人。

Phoebe Wong秋冬時裝攝影展覽捕捉國際級時裝秀的「FASHION MOMENT」

會 場同時舉行本地著名時裝攝影師黃海珊 (Phoebe Wong)的攝影展，以另一藝術媒介鋪陳最新的時尚潮流。會場當中所設的多幅展板，展示Phoebe Wong於紐約、倫敦、米蘭、巴黎各大時裝首都所拍攝的相片，捕捉國際級時裝秀不同的「FASHION MOMENT」；當中更包括公眾難得一見的後台風光及幕後準備花絮，讓參觀者以攝影藝術角度了解今季潮流的同時，亦感受到國際級時裝秀的製作規模及其參與 者的專業精神。

心情複雜

今日不再出街了, 改左係屋企打機, 都係玩返以前買既PS2, 太耐冇玩部機及電線已經舖滿塵, 都好在可以搵返以前既舊game玩, 先發覺果陣覺得好難拎既最強武器唔係太難拎, 只係自己內心令到自己覺得難而唔願意踏出第一步去做....

晚餐整金菇牛肉卷, 好味~~見到姑姐係度整緊金菇牛肉卷, 睇個樣好好味呢~好想快d有得食^^

已經準備好既金菇~

有好多肥牛呢~如果打邊爐更加正呢!!

已經包好既金菇牛肉卷~

最後金菇牛肉卷都煮得好好味, 我也食左碗幾飯, 原本係好開心既. 但中途發生左一件唔愉快既事, 就係fantasy又再係msn度搵我....本來我已經唔想再同佢傾計, 我又唔可以話憎佢既, 始終感覺冇對錯, 但我唔可以因為佢唔鍾意我而一直拖我, 同埋講左番絕情既說話而對佢好及理佢, 所以先唔想同佢傾, 我只係同佢講生活鎖事, 話去左打機及訓教而冇食飯, 佢就問我做咩唔食飯, 而且又問我讀時裝設計既資料, 本來係以為佢都有少少關心我, 唔知點解有少少開心, 但當佢係話幫個好朋友問時, 我覺得好嬲, 同樣係所謂既好朋友, 佢就幫人地做咁多野, 我呢? 一d都冇幫不特止, 仲見面既時間都冇, 成日用埋d咩忙碌去唔見面, 咁係叫做好朋友嗎?? 我更加唔想再理佢, 也唔值得哂時間係呢個人身上....我仲咁在意呢個人做咩?

自己又衰心軟, 唔忍心唔理佢...夜晚講開佢個生日蛋糕, 本來見佢忙, 我咪拎返去比佢及同學仔食, 點知佢又話佢媽冇得食, 我叫佢係ive度拎返件比佢媽媽食, 佢又話驚溶, 我問佢想點樣, 佢話搵日去佢屋企慶祝!? 咁咪即係只有我哋三個人, 點得架!? 我指係唔夠熱鬧, 不過可以見到佢媽媽都好, 太耐冇見佢啦><"" 我又覺得有點開心(做咩開心!? 痴線!!), 但佢真係比到個慶祝生日既日子先算啦=.="

仲有係fb度玩左一個叫做[你的下一段戀情會像那套愛情日劇?], 個結果係咁...

[面對愛戀對象你會緊張，但面對死黨卻能夠放輕鬆做自己，注意一下身邊的那位死黨吧！也許你分不清他對你來說是知己，家人，或是戀人的感覺，但你們都知道彼 此對自己來說都非常重要，也許目前你們身邊各自有戀情，但等適合的時間一到，你們會明白，真正的愛情早已在很久以前就悄悄種下，就算無法在一起，這段感情 也會埋在心中的某個角落，永遠守護著]

做咩真係咁應景架!? 我下一段唔係同佢, 又或者同另一個又係玩瞹眛啊? 我唔想再玩呢d咁既野!!天啊, 請求你放過我啦!!

不過情緒因為佢而牽動, 有時開心, 有時唔開心又係咩意思呢? 可能自己傻了, 都係快d休息吧!!

第一次係現場睇catwalk^^

同完姑姐去街之後, 我就去又一城既barbie時裝展及睇名為[pretty in pink]既catwalk, 本來係諗住聽日去既, 但上網先發現原來只有今晚7:00先至有catwalk, 再唔係要等下星期了...所以只好自己一人去睇啦><

呢次時裝展覽既主題~

barbie屋外既三部單車~

由izzue為barbie設計既兩套衫~黑色羽毛裙果件我幾鍾意架..XD

Barbie屋內係Izzue兩件衫旁既暖爐, 枱及椅子~~

另外一件由vivienne tam設計比barbie既一件衫~

barbie既客廳~全部都係粉紅色及可愛既設計, 我都想有呢間屋~一於做我姑婆屋既藍圖^^

全場至貴至靚既衫, 係Swanovski設計既barbie衫~真係要仔細睇清楚>< 哈哈~真係鑽石黎嗎!!?? 好利害啊~~o~

barbie既小型酒吧~~我鍾意佢張酒吧枱>< barbie個生日蛋糕, 由美心製造!?

barbie屋外有唔同年代既barbie衫架~而且可以睇到屋企, 勁正!!

實在太多款衫啦~都唔知睇邊套好>< 有兩件我係特別鍾意既~其中一件就係1996年既呢件晚裝~

其中一件就係我喱士怪既至愛~2005年既時裝~

Barbie時裝展個會場咁就行完啦, 去之後表演catwalk既會場啦~

第一次見到真正天橋既我, 好開心啊^^

catwalk周圍既景色~我幾like個黑色袋仔架~

catwalk場內右邊既場景~

catwalk場內既左邊, 也係我企既位置, 好辛苦先霸到第一行位^^


場內既catwalk節目表~

連catwalk場內既後台都咁靚啊>< 我以為只係一個普通既時裝展, 點知原來有明星會做model!? 包括janice man, 諸葛梓岐及汪若琳...睇下janice man既fans幾熱情=.='"

足足企左成個幾鐘呢....企到腳都軟埋=.="...係六點半到先開始有嘉賓入場, 對面就係江若琳及諸葛梓岐既fans, 估唔到有幾多人鍾意江若琳, 人數仲好似多過janice man, 至於諸葛梓岐既fans只係得好少人...

catwalk就黎開始!!估唔到上面都有好多人睇呢~

終於開始啦~首先係跳舞先, 呢個女仔我覺得佢都幾靚架^^

惟一既男model Anthony Sandstorm, 係混血model jocelyn既老公黎架!!

其他女仔我其實唔太知邊個打邊個....我只係黎睇衫多@@...桃紅加黑色都唔錯呢^^

格仔長袖褸加黑色西褲也係唔錯既配搭~但略為成熟左少少=.="

白色衫加上格仔[吊腳褲]及涼鞋都幾襯, 好有女強人本色!!

睇黎今年又興乾濕褸啦...不過配上長青既黑色都唔錯既^^

呢套咪又靚又型囉~紫色既米芝連褸, 配上黑衫及黑珠片裙, 及今年秋冬至潮既過膝boot, 整到我都好想買返對>< 呢件毛毛連身裙, 銀belt及印花及字圖案既legging, 簡直係型!! 睇黎今年都幾興legging, 即係俗語所講既九分褲, 又或者係踩腳褲~

想再再型及更young look, 冇問題, 可以大膽著下用流穌或毛毛既頸巾, 或再配黎緊秋冬都ok興既紫色衫及裙, 再配上黑色仿皮既legging^^

覺得太young look!? 唔緊要, 綠色外套或連身裙, 再加上黑長boot就可以啦~

呢件銀白色褸, 加上緊腳褲及黑boot也不錯^^

第一部分high fashion既返工斯文look(自己作既)已經完左, 之後又到靚女跳舞比大家睇下先^^

之後黎到第二部分, 我就叫佢做'型型系列啦~第一呢套有我愛既黑帽子, 仲有皮褸, bling 裙及長黑boot~

呢套都唔錯啊!!吊帶黑色蛋糕連身裙和過膝boot>< 如果覺得黑色太悶既話, 可考慮白色連身裙及淺啡過膝boot~

各位靚女可以留意下咁著法, 就係簡單既上衣, 半截裙, 加長sock及黑色高根鞋, 比人後生既感覺, 而且也係穩陣既著法, 尤其係不太高既女仔可以試下^^

白色通花連身裙, 黑色背心及啡boot都幾好睇, 好有少女味~

今年大熱既紅色格仔, 黑色都會興既~適當用黑色斗逢及boot可增添女性化~

上一套既紅色格仔加上呢套橙色格仔, 就係呢個catwalk之中既至愛!! 比人少女味重既感覺~

太多靚衫啦, 多到不能盡錄....如果有興趣及想睇既話惟有黎我屋企啦, 我有大把相比大家睇, 順便黎探下我都好, 當然最好有野食啦...xd

維持左半小時既catwalk終於完了!! 我企都企到腳軟, 不過有咁多靚衫及model睇都值得既^^

頭先表演既model全部開始走到台前比攝影師影相~

全部model出哂黎影相先~~可惜唔可以見到正面呢...真係好想見下=.="

睇完呢個catwalk, 我覺得好好睇啊!! 而且也更令我想做個時裝設計師, 咁我咪可以周圍去睇catwalk囉!? 唔使再係出面同人迫, 又可以細心欣賞毎件時裝, 見到毎個牌子既設計師既心血之外, 也可以感受下catwalk既氣氛 -播住悠揚既音樂, 特別既燈光及舞台效果, 真係好開心啊~~好想之後再有機會可以睇到^^...最難得既係平時只可係american next top model及project runway睇既catwalk, 估唔到可以係現場咁近距離就見到, 呢個先係難得既經驗^^