不太確定的感覺...

最近毎天上前fashion阿sir(因而家個course已經完左, 應該唔再係阿sir吧!?), 佢叫teddy or, 果個fb, 睇佢毎一張相, 見到佢係上海工作既毎一張相, 見佢同朋友及同事好似好開心~連我自己都好想同佢周圍去, 我都唔知點解會成日去睇fb度睇佢, 已經成為左習慣, 而且我仲留左言比佢, 問佢知唔知有咩時裝展覽, 又或者讀時裝設計既資料, 而且仲問埋佢msn, 希望可以毎天同佢傾計, 甚至一齊去埋時裝展就好囉^^

但始終敵不過內心的障礙...就係如果我像fantasy一樣鍾意佢, 如果佢唔鍾意我咁點算!? 我害怕最後自己無論付出幾多努力, 但得不到他的心及當佢一句話唔鍾意你, 又或者timing唔岩而唔鍾意你, 全個人就會崩潰的感覺, 所以我怕再次愛上...戀愛係開心及浪漫的, 但同時也令自己痛心及痛苦...永遠被愛都係比愛人更痛苦, 被愛可不用付出就已經擁有愛佢既人為佢付出既一切, 愛人就永遠只有付出, 係呢段關係之中, 我永遠只能做付出的那位...

今日問fantasy關於佢時同佢慶祝生日, 因佢唔比我去酒吧, 所以同我講[我哋一齊去食飯...], 佢今日會覆我幾時去食, 點知佢竟然唔記得左, 要我提返佢...講真我都有d唔開心, 佢唔記得有咩所謂, 自己做咩咁mind?? 由你同我講我哋冇可能, 同埋想我放底你之後再見面果一刻, 我也決定放棄你及對你死心, 你已經不再值得我去愛, 我仲咁介懷做咩??? 倒不如我把心機花在時裝設計, 又或者第二個男人身上仲好...但我仲未有心理準備接受第二個人, 自己真係失敗!!

唔好成日講愛情, 講下我今晚食既晚餐, 由於我媽媽今日唔煮飯, 所以自己用左coupon去麥當當買左個麥樂雞餐, 仲要係九件裝~估唔到個盒又幾鬼cute喎~我都忍唔住幫佢影左張玉照...XD

佢另一邊係寫住脆香雞翼, 我仲以為佢比錯左我=.="

好在佢冇比錯我, 真係麥樂雞黎架~~好好味!!

[巨爵]過後...

琴晚六點幾終於掛左八號風球, 晚上一直都橫風橫雨, 屋企門外D風吹到好大聲, 嚇到浩鏗即刻走到梳化床上勁好笑, 全晚不停地睇佢走黎走去. 好在夜晚都可以好好地訓個大覺, 理得佢係落哂大雨, 行哂雷又或者勁大風, 只要唔好嘈醒我就得啦~

第二朝仲掛緊八號, 真係唔可以睇少呢個風, 以為會掛好耐, 點知只係去到早上既十點十五分已經變返做三號風球...即係又要返工嗎!!??早上同蕃薯msn, 佢話比我知已經掛三號, 真係唔想知道啊><"" 最後決定同父母出街食飯, 食完飯先去返工, 本來好想影下颱風之後既景色, 如倒下既樹, 垃圾筒...但係我哋香港既清道夫實在太勤力啦, 一早已經清理現場, 都已經冇得影啦, 惟有係網上睇下相啦..

吹到d機左搖右擺啦!! 不過覺得好可愛喔~

在車內影舊屋企既出面~好鍾意雨點呢種感覺, 呢張相就好似相機加左filter一樣去做出特別效果~

食返我至愛既炸豬排雞翼麵~炸得好脆好好味:p

食完飯之後就要同姑姐搭小巴, 佢就係旺角落車, 我就係紅磡落車. 返到公司之前, 時間已經比落風球前兩個鐘一定要返到公司遲左少少, 我搭緊lift時, 公司已經打電話比我, 快d返到公司先><

姪仔騷動!?

琴晚姑姐幫姪仔沖涼時, 聽到姪仔哭得好大聲, 我起初以為佢只係細路仔哭下, 點知連姑姐都叫埋一份, 於是我走到浴室睇下, 見到姑姐幫姪仔抺血!? 姑姐唔知講咩, 我問佢咩事, 佢只講[浩鏗流血, 快d叫十字車!] 後來我妹妹即刻打電話比去飲喜酒既父母及十字車, 有三個醫護人員幫浩鏗包好傷口及量血壓後, 姑姐先講述事發經過, 原來係浩鏗沖涼時佢唔小心撞到附近既雲石級, 之後個後腦就不停流血, 最後姑姐及浩鏗就一齊入醫院做驗查....

等左三個幾鐘都冇咩消息, 後來我妹打電話比姑姐, 先知佢照完X光及連針之後本來都冇事, 但唔知係咪連針時跟本打唔到麻醉針, 冇幾耐開始嘔, 之後話會留院觀察, 要去做腦素描, 但我地去既廣華醫院係冇得照, 於是要去到瑪加烈醫院去做返素描及留院觀察. 我同妹妹全晚都訓唔著, 後來父親終於去完飲喜酒返屋企, 老豆即刻準備開車, 我就同媽媽準備浩鏗要用既物件及奶粉, 希望佢冇事><

結果要成點幾先訓, 多謝菜菜及文迪既關心^^佢地都好緊張浩鏗既情況, 不愧係好朋友, 再次多謝你地!!!等今朝既驗腦報告啦....

第二朝早起身, 我見姑姐係客廳坐, 我問佢知唔知姪仔既消息, 佢話照過腦都冇事!! 感謝上天或多謝祖先保佑啦, 我覺得呢個係上天比我哋呢個屋企既考驗, 只要可以捱過及克服心理問題就可以, 最後終於冇事, 我地成功過左一關^^....但見到姑姐個樣好累, 似乎琴晚都訓得唔太好, 我覺得佢內心一定比我地更加痛苦, 因為佢一直幫姪仔沖涼, 但又遇到呢D事. 我同妹妹平時只係同佢玩, 知佢有事之後都已經好擔心及訓唔到, 更何況父母成日照顧佢, 一定比我地兩人仲擔心, 尤其係媽媽係醫院內照顧姪仔全晚, 一定好累呢....

今日6點掛左八號風球, 公司都好好人, 提早左兩個鐘比我地放工, 我同姑姐約好左係荃灣度一齊搭村巴返屋企, 但妹妹仲未放工呢=.=' 一返到屋企即刻見到浩鏗係梳化床上, 佢終於出院^^見到佢生生猛猛我就放心啦~等我影下佢先~

除左頭後面既傷口之外, 覺得佢仍然好生猛, 唔似係撞親既=.="

一於話之你, 撞親個頭都照食, 睇佢食得幾滋味:p

睇落去佢都冇事, 都叫做可以鬆一口氣, 不過都要比平時更加小心照顧佢先得啦!! 唔可以再比佢有事, 要健康生活落去啊^^

沉醉[黃金時裳]^^

你個蕃薯都係唔想我飲酒, 因佢知我之前從未飲過酒, 所以話[我地係生日前或後出黎食飯!], 我都仲未答應, 佢已經幫我決定好了><...算啦, 佢都係想我好, 驚我唔識飲酒唔知會做咩及你話唔想教壞我, 咁就算啦~不過佢要過幾日先可以覆我幾時先得, 我一定會提你架!! 一定要去得成啊, 有你至期待既魔鬼蛋糕, 唔係就唔比你食架啦!!

講返我今日既活動先, 其實只有我自己去既時裝展, 即係星期四提及過既[黃金時裳]果個時裝展, 本來問菜菜去唔去, 但佢老公及奶奶要返工冇人睇住阿b呢, 一定要佢照顧阿b, 所以同唔到我去啦! 我搭地鐵至九龍塘之後, 再轉巴士80M去到香港文化博物館, 好在冇盪失路, 順利到目的地!!

香港文化博物館既外面~太多樹!! 只係影到少少時裝展既橫額>< 終於黎到啦, 出面好多旅行團, 不過我估唔係睇時裝既, 應該似係黎睇另一個肥肥既展覽館吧!? 而我一於唔理咁多, 快D去買票入去睇先. 買票時發生左段小插曲, 就係售票處以為我買學生票, 仲問左我幾次=.="

於是我答佢 : [我係買一張成人票架, 唔該!!]

展覽場地既門口, 有呢個主題[couture]呢個字啦!!

展覽場地既入場票及宣傳本~

一上到電梯到會場, 見到兩旁都係著金色衫既公仔~

會場內既入口, 當然要係度影返張相先啦~麻煩哂果度既工作人員!

雖然果個場館唔比人影相, 但我都冒住比人捉去影相, 千萬不要學我喔~呢個係其中兩套日裝(即係配套便裝)~

貴族既禮服, 比日裝隆重, 但又冇婚紗及晚禮服隆重, 屬於半隆重的吧!?

貴族既內衣, 其實都有好大關係, 可以令到佢地著衫更有線條美, 不過佢地應該都會好辛苦吧??

貴族既其中兩套晚禮服~

之後會有一連串既日服, 也就係貴族會搵時裝設計師或時裝工場為佢地親身度造既衫, 也係英文所講既"tailor made"

其實全個tailor made既系列係用全個樓梯show出黎, 而且係樓梯旁會有毎件衫既解釋, 聽講以前一件tailor made既衫都要成十幾萬英磅, 都咪話唔貴>< 係個呢兩個會場離開之前既一個螢光幕, 也即係藍色呢個啦, 佢會展示部分既貴族生活及衣著架>< 呢張平面圖就係頭先所參觀既所有地方, 主要有內衣, 日服, 時裝攝影, 女裝飾物...

出左呢個會場之後仲有另一個會場, 呢條係去第二個會場既走廊~我暫時唔使偷偷地影相啦><" 第二個會場既展示版~中間隔左個唔知咩展覽館, 好似係咩中國文學之類, 我當然唔會入去, 直至見到呢個版我先開心返D...XD

呢個場地全場都係展示晚禮服~呢套係至GRAND既一套晚禮服~

最多我至愛既喱士~用黎做晚禮服簡直一流!!

呢個場館既平面圖~全部都係清一色晚禮服, 而且係圓形既設計比我地睇得一清二楚架!!

其實全部禮服都好靚, 如果可以影相既話, 我一定會逐件影, 但可惜個管理員成日行黎行去, 整到我冇得影相, 不過同時都比我係門口附近見到一本勁厚既場刊, 但要成三百二十元本...我揭黎睇下, 果然係好想買既, 於是我就到附近既售賣部去買, 但發覺佢唔收eps, 我惟有去附近既沙田市中心拎左錢先, 之後再返轉頭買啦>< 終於買到啦~勁開心!! 既然咁貴買左本野, 咁當然要搵人同我係正門度影相啦^^

哈哈~影得我遠D都幾好, 唔使見到我個核突樣啦^^

買左本咁貴既書, 我冇即刻柝黎睇, 反而係屋企度慢慢去睇~~費時出去睇時會整污糟及整爛本靚書麻!! 當中有D相係展示一頭先場館內既衫及有D幾靚既相, 比大家睇睇吧!!

個介紹開頭張相已經好靚啦>< 其中一位已故既設計師既作品介紹, 呢張相係貴族女子生活既相片

時裝的遺產~也係後期出名既設計師作品^^

其中一條我至like既裙, 係用刺繡及天鵝羽毛製成既衫...

唔使問呢套也係我至愛啦, 係喱士啊~

都算幾like既, 可能係被佢個領位及在旁的蝴蝶吸引住吧!?

又係黑喱士~愛死你啦!! 聽講有個設計師係好鍾意用喱士設計衫, 但我唔記得左佢個名=.="

貴族女子既日服~睇黎偏向平民化...

本書既底頁~係DIOR設計既suit為主, 表現女性身體既線條美~

整木糠布甸^^

今日下午去同姑姐一齊行荃灣, 我都買左一件返工衫, 之後就約左jovy去買整dessert既材料, 就係連我都未食過既木糠布甸~

返到屋企之後即刻開工, 唔係今晚都冇得食啦!! 大家唔知食過木糠布甸未呢? 其實係用一些壓碎左既餅乾及cream整成既, 唔係太難整, 也不用焗, 只要屋企有個雪櫃就得啦!!(吓!? 唔係毎個屋企都有既咩=.=")多謝姑姐比我影相, 但佢話千萬唔好影到個樣...XD

首先係落哂cream, 練奶及雲呢拿油落去. 其實練奶及雲呢拿油係隨意, 睇下自己口味囉~一直發到結身先得!

而家開始結身啦! 其實咁有咩用呢? 就係令到個布甸既形狀比較堅挺, 唔會變成水狀! 完成後可倒入模中~

之後把預先整好既餅乾碎倒入模中~餅乾只要用馬利餅就可以啦, 之後用盡方法壓碎佢啦, 越碎越好味架!!

最後終於完成啦, 要毎人一杯~記住cream及餅乾碎要一層層梅花間足咁舖, 仲有整時要小心d鄧啊!

哈哈~可以食得啦, 都幾好味既, cream及有餅乾碎又唔太sweet, 而且又唔難整, 比蛋糕易整好多, 大家都可以試下架^^

p.s. 今日見到fashion個阿sir 係fb度add左我, 好鬼開心呢~我差唔多毎天都走去睇架!!! 仲偷偷地拎左佢其中一張相...佢又冇寫自己既婚姻狀況, 唔知佢結左婚未呢?? <---我想點啊!? 關我咩事呢??唔通我鍾意佢咩?? 哈哈~唔知呢><"

佢話自己係上海度工作, 忙中先嘆個tea...時裝設計師果然好輕鬆, 而且佢都好型啊>o<

IRENE 提早farewell飯 x 見ive朋友仔^^

本來我如常地帶飯盒返公司食, 點知老闆娘突然一句話[今日出去食飯, 就當係提早同irene farewell啦!!]其實irene佢都好怕呢d場合, 唔好話係佢, 連我都怕呢d野, 但anyway, 有餐free lunch, 邊個唔想!最後由老闆娘決定食日本野, 好野!! 而且果條街真係好鬼靚, 我鍾意條街多過野食囉^^

條街有個名架, 好似叫做[加太賀]~個張係街尾~

[加太賀]既街頭, 我起初黎都比呢度既景色吸引住~

其實呢條街係由幾間店舖組成, 第一間係推銷呢條街係可以擺謝師宴既, 係呢度擺都應該唔錯吧!?

第一間店舖既全貌~

第二間店舖係賣日本野, 包括日本酒及呢類日本娃娃~

第三間店舖, 掛滿好多呢d許願紙, 等我都許願先~不過我好似真係有好多願望><

第三間店舖既全貌~個劍道既認真型!!

個相樸手幾可愛喎^^

第四間店舖~終於到左啦, 就係我地食飯果間啦!!

到左門口啦, 快d入去啦!!

我哋果然係坐房既, 鬼叫老闆有錢咩, 仲要三個咁多~間房竟然要除鞋, 而且出去時要著拖鞋, 我見佢咁靚, 仲想帶埋d朋友黎, 點知我發現左個壞消息, 就係...竟然要消費至少二千五百元!!?唔係掛! 我哋邊度咁有錢食啊??睇黎都冇咩機會入房食, 係出面食就得既...

最後老闆娘叫左好多野食, 又魚生, sushi, 豪華沙律, 炒飯, 炒烏冬....真係好鬼多野食, 本來想影底佢, 點知冇相機, 不過就算有都未必影啦, d老闆係度, 自己影相咁肉酸=.="...惟有下次同人去食啦...d食物麻麻地好味啦, 似乎魚生不太新鮮, 肉身比較硬及冇咩魚味. 終於埋單, 我地先返公司吧! 不過未返公司之前, 影埋其他店舖先~自己咁大膽!? 唔驚過唔到probation咩? 過左多成千元喎!!

我哋食飯對面既店舖其中一間, 仲有埋個街名, so cool!!

日本酒協會!? 唔怪之得出面店舖有酒買啦><

真係好多店舖, 我都唔知邊間打邊間!? 呢間又係飲酒嗎??

呢盆花呢, 其實係街尾既, 我見佢靚咪影下相囉~

返到公司之後又要開始工作, 放左工之後又有另一個節目, 就係去IVE探朋友仔, 好在紅磡有小巴去葵芳, 仲要係葵涌廣場落! 之後排隊等小巴, 果陣剛好落雨, 我遇到冇遮既berry, 我哋邊傾邊搭車返學, 後面仲有阿光~

之後同學陸續返學, 終於見到蕃薯, 起初我真係有d唔知點面對佢架, 但我同佢笑住打招呼, 好在佢都比面我, 坐係我隔離, 但我哋全堂冇咩講野, 大家各有各講...直至放學, teddy, 聯及阿ling一齊搭巴士, 只係剩下我哋兩個!!? 我一直睇下有冇其他同學黎, 結果都係只有我哋兩個=.="....始終唔可以冇野傾咁悶架, 於是係車上講佢生日既事, 我話送個蛋糕比佢, 佢竟然問我去唔去佢生日會!? 大家睇過我個blog既人都知佢本來係唔比我去架麻, 本來我都仲猶豫緊, 點知佢話有其中兩名阿sir都會去, 又話咩酒冇咁易醉等等, 整到我都變左想去, 於是應承佢. 點知返到屋企之後, 佢係msn度話怕我唔識飲酒, 又浪費(因女仔都要成250元!!??), 佢知我從來未飲過酒, 驚醉左唔知點送我返屋企...唉..佢一時一樣架, 但我暫時未改變會去party既主意...