IRENE 提早farewell飯 x 見ive朋友仔^^

本來我如常地帶飯盒返公司食, 點知老闆娘突然一句話[今日出去食飯, 就當係提早同irene farewell啦!!]其實irene佢都好怕呢d場合, 唔好話係佢, 連我都怕呢d野, 但anyway, 有餐free lunch, 邊個唔想!最後由老闆娘決定食日本野, 好野!! 而且果條街真係好鬼靚, 我鍾意條街多過野食囉^^

條街有個名架, 好似叫做[加太賀]~個張係街尾~

[加太賀]既街頭, 我起初黎都比呢度既景色吸引住~

其實呢條街係由幾間店舖組成, 第一間係推銷呢條街係可以擺謝師宴既, 係呢度擺都應該唔錯吧!?

第一間店舖既全貌~

第二間店舖係賣日本野, 包括日本酒及呢類日本娃娃~

第三間店舖, 掛滿好多呢d許願紙, 等我都許願先~不過我好似真係有好多願望><

第三間店舖既全貌~個劍道既認真型!!

個相樸手幾可愛喎^^

第四間店舖~終於到左啦, 就係我地食飯果間啦!!

到左門口啦, 快d入去啦!!

我哋果然係坐房既, 鬼叫老闆有錢咩, 仲要三個咁多~間房竟然要除鞋, 而且出去時要著拖鞋, 我見佢咁靚, 仲想帶埋d朋友黎, 點知我發現左個壞消息, 就係...竟然要消費至少二千五百元!!?唔係掛! 我哋邊度咁有錢食啊??睇黎都冇咩機會入房食, 係出面食就得既...

最後老闆娘叫左好多野食, 又魚生, sushi, 豪華沙律, 炒飯, 炒烏冬....真係好鬼多野食, 本來想影底佢, 點知冇相機, 不過就算有都未必影啦, d老闆係度, 自己影相咁肉酸=.="...惟有下次同人去食啦...d食物麻麻地好味啦, 似乎魚生不太新鮮, 肉身比較硬及冇咩魚味. 終於埋單, 我地先返公司吧! 不過未返公司之前, 影埋其他店舖先~自己咁大膽!? 唔驚過唔到probation咩? 過左多成千元喎!!

我哋食飯對面既店舖其中一間, 仲有埋個街名, so cool!!

日本酒協會!? 唔怪之得出面店舖有酒買啦><

真係好多店舖, 我都唔知邊間打邊間!? 呢間又係飲酒嗎??

呢盆花呢, 其實係街尾既, 我見佢靚咪影下相囉~

返到公司之後又要開始工作, 放左工之後又有另一個節目, 就係去IVE探朋友仔, 好在紅磡有小巴去葵芳, 仲要係葵涌廣場落! 之後排隊等小巴, 果陣剛好落雨, 我遇到冇遮既berry, 我哋邊傾邊搭車返學, 後面仲有阿光~

之後同學陸續返學, 終於見到蕃薯, 起初我真係有d唔知點面對佢架, 但我同佢笑住打招呼, 好在佢都比面我, 坐係我隔離, 但我哋全堂冇咩講野, 大家各有各講...直至放學, teddy, 聯及阿ling一齊搭巴士, 只係剩下我哋兩個!!? 我一直睇下有冇其他同學黎, 結果都係只有我哋兩個=.="....始終唔可以冇野傾咁悶架, 於是係車上講佢生日既事, 我話送個蛋糕比佢, 佢竟然問我去唔去佢生日會!? 大家睇過我個blog既人都知佢本來係唔比我去架麻, 本來我都仲猶豫緊, 點知佢話有其中兩名阿sir都會去, 又話咩酒冇咁易醉等等, 整到我都變左想去, 於是應承佢. 點知返到屋企之後, 佢係msn度話怕我唔識飲酒, 又浪費(因女仔都要成250元!!??), 佢知我從來未飲過酒, 驚醉左唔知點送我返屋企...唉..佢一時一樣架, 但我暫時未改變會去party既主意...

黃金時裳：巴黎與倫敦1947至1957年

一向所謂好動及鍾意時裝既我, 呢次又要出動啦!! 係lunch食飯時, 竟然比我見到香港文化博物館原來搞左個叫做[黃金時裳：巴黎與倫敦1947至1957年], 而且由五月已經開始左....死囉, 足足四個月先至知道, 真係後知後覺既, 所以我決定呢個星期日自己又去下時裝展先至得!!首先介紹下呢個時裝展係咩黎既先~

戰後十年 (1947至1957年) 的高級時裝發展，被時裝大師Christian Dior形容為服裝的「黃金歲月」。是次展覽的展品主要來自英國國立維多利亞阿伯特博物院的珍藏，以法、英兩國的服裝和攝影作品，展示高級時裝這一門華美 工藝所蘊含的創意和社會商業特質，並讓大家感受其流風餘韻。

1947年被德國佔據的巴黎正受「新面貌」（New Look）潮流影響，遇到極大的衝擊。展覽將以巴黎為起點，探討「黃金歲月」的時裝國度及歷史，內容涵蓋設計師、時裝設計室、模特兒、顧客，及時裝成為普 及消費的經過，重點介紹時裝界經典大師包括法國的Christian Dior、Cristobal Balenciaga、Pierre Balmain及Hubert de Givenchy，以及代表英倫時裝的Norman Hartnell和Hardy Amies等的傑作，讓時裝史上最光芒四射的十年重現眼前。展出的華衣美服超過100件，包括為上流社會及皇室設計的日裝、酒會禮服及晚禮服，配合著名時 裝攝影師Cecil Beaton及Richard Avedon的攝影作品，以及其他紀錄片、紡織品及檔案資料以相互參照。

哇~真係正wor, 好想去睇下, 有d人話可以影相, 只要唔落閃光燈就得, 有d人就話唔可以影相, 不過無論係點, 我都會帶住部相機既~而家惟有睇住網上既相先啦><Christian Dior 模特兒展示1957年時裝系列

1957年其中一套晚禮服~

為dior設計既晚裝鞋~

采米爾晚禮服~

越睇相越想即刻去睇啊, 控制唔到自己啦, 都係快d食埋個飯, 乖乖地去工作吧~(雖然工作唔係太多..)

150元銀紙

苜先係渣打為左紀念成立150周年, 所以出左150元既銀紙, 有[單張自選號碼], [幸運號碼], [4連張], [35連張]及最普通既[單張], 咁我當然想買[單張]啦, 好想可以keep住佢, 毎張只係280元, 不過要10月1日才公開發售,我實唔夠d人排隊啦, 都係預冇既多; 一係就申請買[單張自選號碼], 盛惠888元啦><

其實只係未見過150元紙, 自己先咁想去買o者...個樣唔太特別...

拎左香港商報既其中一段內容, 原來呢張銀紙都幾巴閉下, 可能呢次出左之後, 到死都未必見到囉..

賀成立150年 限量百萬張

渣打全球首發150元慈善鈔

【商報專訊】記者劉欣欣報道：渣打銀行昨日宣布，為慶祝該行在港成立150周年，將於下月1日發行全球首張面值150元鈔票，限量100萬 張；并以3種不同包裝發售，分別為單張、4連張及35連張，單張部分更設自選號碼及幸運號碼兩款特別版，供市民申請及競投。渣打香港執行董事及行政總裁洪 丕正表示，是次發鈔所得，於扣除成本后將捐贈本地慈善團體，以回饋社會。

百張幸運號碼公開競投

渣打香港是次推出的150元慈善紀念鈔票，「單張」發售價為每張280元、「4連張」每套售價為1888元，「35連張」每套售價則為 18888元。另外，為使慈善紀念鈔票的發行更具特色及收藏價值，渣打香港挑選了100張具備幸運號碼的慈善紀念鈔票作公開競投，又預留1萬張讓公眾人士 自行挑選心儀號碼。「單張幸運號碼」慈善紀念鈔票將分別以1萬元、6000元及3000元為公開競投的底價，價高者得，而「單張自選號碼」慈善紀念鈔票每 張售價則為港幣888元。

洪丕正表示，除了100個渣打香港選定的幸運號碼以及編號「SC000001」外，市民可自行選擇任何6個位的號碼組合，最多可選擇5張「單張自選號碼」慈善紀念鈔票，號碼組合如有重复，渣打香港會以抽籤形式決定。

希望自己可以買到啦, 佢咁鬼難先買到, 真係講真果句[有錢都未必買到!!]我實會當佢係老公咁錫>3<

大家一齊食lunch^^

我今日竟然好[希奇]咁冇帶到午飯, 用得呢個字就岩架啦, 因為我毎天都有帶午飯既習慣, 因為我真係好怕成日諗食咩, 仲有出面食又勁多油及味精, 真係受不了, 但琴晚媽媽冇煮飯, 結果咪冇飯帶囉, 好傷心啊>< 諗左食咩好耐囉, 成日都會有好多選擇, 唔知食邊個好, 我最後叫左一間茶餐廳既豬頸肉撈檬, 聽老闆娘講話好好味麻, 仲有見過佢食, 個碗野個樣都好正, 於是我決定一試~~

個樣真係幾得下架~豬頸肉真係好好味, 加埋凍凍地既檬粉及伴菜, 夏天食呢個簡直係極品!!不過我要左個白湯, 好似格格不入咁, 但兩樣野都好好味~

至於irene(會計同事)及另一位男同事阿ben就決定食麥當當, irene仲叫左個開心樂園餐, 得咁少份量, 夠飽嗎?? 不過又真係幾得意既, 唔知係咪我身邊冇人食呢個餐, 我覺得好奇, 於是忍唔住又拎個相機出黎影底佢....XD

包小豆奶好可愛啊~個包比一般我地食既包又細D, 總之就係得意啊~

見到QOO呢, 原來irene都鍾意Qoo架, 我就突然諗起係觀塘APM見到呢部機, 但竟然唔係全部都係賣Qoo既飲品....奇怪=3=""

開心樂園餐入面既小玩具....我哋邊個岩玩啊, 阿ben個女應該岩掛!?

哈哈~到而家我好似未介紹過d同事, 其實間公司只有兩個同事, 而irene係舊會計, 專係教我野及傾計既. 同佢一齊傾計, d時間過得好快架, 可惜佢只係做埋呢個月既十八號, 真係可惜呢, 我覺得同佢都幾好傾, 大家都傾得好開心, 佢仲覺得我開朗添^^

至於阿ben係做跟單或sales之類啦, 我負責幫佢開單及做計算既工作, 佢原來只係大我兩年, 都幾好人及幾斯文下, 本身以為佢單身, 仲以為自己有機會, 可惜佢已經名草有主, 已經結左婚, 仲有幾歲既女, 唉....都話個天鍾意玩我架啦, 係都唔比我認識個男友, 再係咁真係要買姑婆屋都似,不過自己唔係已經一早已經決定好嗎??

時裝展(下)

接回琴日果篇, 講到個時裝展仲有間房仔, 入面有好多套衫, 而且個背景都幾靚架, 比大家睇下先~

間房雖然大, 但只有其中一部分展示服裝....

呢套男裝擺係最頭, 也係我比較鍾意既男裝之一

法國貴族既情侶裝!? 我覺得呢兩件係埋一齊都幾似喎~

我最鍾意既男裝出現啦~好似紳士一樣, 我既白馬王子會著呢件黎迎接我嗎??

女裝比較causal既一件, 我比較like佢既圍裙及legging~

法國貴族既高級裙, 但我覺得麻麻地...不過我有d好奇既係件褸係雙面的嗎???

好似麻甩佬既衫啊=.="

全個場我至like既服裝~尤其佢橙色既裙, 覺得有畫龍點睛之妙~

諗起小天係[命中注定我愛你]之中著既西裝...xd

以黑白色為主既簡單服裝幾時都咁好睇~

男人就好啦, 只有西裝就得, 西裝無論點都係好睇既, 省卻襯衫既時間=.="

好啦, 到介紹擺設啦, 尤其經歷戰亂, 所有既家私及擺設都凌亂不堪, 而呢個背景也成功做到呢個氣氛出黎, 所以我都唔用閃光燈影, 以營造出殘舊既效果...

倒左地上的椅子及散落的布....

被撕下既布, 見到酒樽及石膏像....既擺設

倒在地上的椅子及散在地上的酒樽...

好古典既木櫃~好得意啊^^

仲有唔少得呢個門鐘, 呢個門鐘巴閉啦, 冇左佢, 我哋入唔到會場, 因佢係工廠一個單位咁既野, 好難想像呢個係時裝展...

當然唔少得同stacey合照啦~多謝你願意抽時間同我黎, 希望唔會悶親你~

原來時裝展真係咁鬼正, 可惜宣傳好似唔太夠, 加上佢多數係工廠舊區, 真係好鬼難搵, 我同stacey搵左好耐先至搵到! 好! 我要上網再搵下有冇時裝展先得...XD

姑姐畢業禮 x 時裝展(上)

今朝早上同妹妹一早搭地鐵到姑姐既畢業典禮, 地點係灣仔既君悅酒店, 好在我同我妹妹都可以準時去到會場, 一入到去酒店, 有個服務員問我係咪畢業生, 仲叫我快d換畢業袍!? 哈哈~我個樣似咩!? 可能係我化個妝太勁吧!!! 之後係入口附近見到Amy及佢既家人, 我哋一齊入去會場內坐~本來想搵姑姐影下相, 點知個畢業典禮已經開始, 惟有等個典禮完左之後先至影相啦>< 畢業場館個布置~好辛苦咁zoom到勁近先至影到!

全部curtin重要既人物先入座, 也開始畢業典禮既儀式啦~

之後播出一段係curtin學校讀書及生活既學生短片, 都幾正既~

由curtin不同重要人物演講, 好在我仲可以聽得明佢地講咩, 我d英文冇退步嗎??

終於到姑姐拎證書啦~~本來係想直接影得你靚d, 但影唔到, 結果只好影螢光幕=.="

好在個畢業典禮好快完, 都唔使一個鐘~之後大家去左食及飲下野, 之後就開始影相....首先當然係個hall度影下相先啦, 唔係比人封左唔比入咪弊!!!

首先係姑姐自己一個人獨照先啦, 幾靚女^^

姑姐同另一位朋友既合照, 我唔認識佢朋友, 唔知佢叫咩名=.="

我姑姐, 一直以黎幫過我好多既朋友Amy及佢唔知咩名既fd...XD

之後個Hall有工作人員趕走我地, 於是我地係hall外影返相先~首先當然係我姑姐一個人影左先~

helen, 我姑姐, amy及唔知咩人!?影既合照~

同樣都係我姑姐, amy, helen, 同埋多左兩個唔知咩名既朋友~

之後我爸, 媽及姪仔都黎到, 睇黎天氣好熱及好曬, 辛苦哂大家啦~事不宜遲, 首先係快快地同屋企人影左相先啦~

哈哈~既然佢地黎左, 一於一齊影返張大合照先啦^^

完整既大合照~呢次有我哋全部家人啦^^

我姑姐即刻捉住我姪仔去影相先~

同屋企人影相期間, jovy同埋其他人終於黎左, 大家一於黎返個大合照先~~

哈哈~比我遇到一件更巧合既事, 就係影相途中見到阿光喎~起初我唔知佢都係度, 係佢叫我先至知道, 真[魚皮]=.="

我差d忘記左同姑姐單獨影返張相~~

姑姐兩位要好既朋友係最後時刻終於出現左啦~聽講著黃色衫果位係以前阿麻入院時探過麻麻~

最後同左咁多位朋友道別之後, 我地一定去左公園度影相, 個公園果然好熱及曬呢~

姑姐及姪仔係公園度影返張合照先~

我呢張相個pose好鬼騎呢....其實係我見到姪仔整起隻手, 我又跟住佢做, 點知佢就影左我啦=.="

我同埋屋企人及姑姐因太熱及太哂既關係, 所以我地都離開左會場, 佢地就準備返到屋企既會所再影, 而我就因為約左朋友去睇時裝展覽, 所以同埋佢地搭地鐵至油麻地之後先落車, 之後就去觀塘apm度等我既fb朋友stacey啦~

好在satcey都係早到之人, 我哋兩個冒住烈日當空既情況下, 走去搵呢次時裝展覽既場地. 琴日上網搵過呢個地方, 知道佢原來係工廠區, 而且距離地鐵站好遠, 邊傾計邊行去搵, 睇黎好d辛苦呢, 加上工廠地區附近好多垃圾, 傳來陣陣臭味, 而且樓宇又舊, 好難想像有個時裝展係附近....最後皇天不負有心人, 終於比我地兩個人搵到啦, 太好囉^^

呢次時裝展既主題版~用個木做既身掛住個主題版, 好有意思呢~

左面係initial主辦單位既2009年秋冬設計, 右面係會場內既單張~

入到門口見到好多呢個主題既裝飾物賣. 呢個主題係咩? 咪係第一次世界大戰之後既法國貴族衣服囉~


一入到去見到個廚房, 睇黎都幾高貴及幾大下!!

場內既食物, 個樣假到好似道具咁, 唔相信佢係食物=.="

枱上既食物~呢d真係假架啦!!

廚房枱上既擺設~

餐枱附近既碗及杯櫃耶~仲有我至鐘意既兔子^^

另一張廚房枱既擺設, 都係紅酒嗎??

枱上的咖啡機!? 睇黎同個主題好似唔太夾=.="


廚房內既大電視及擺設, 好似同第一次世界大戰後既歐洲格格不入...

戰時既衣服, 係非賣品, 唔係我都想買件返去~

事不宜遲啦~先睇左呢個時裝展既主題先啦, 其實我覺得場景及氣分比衫更好及正~全個會場分左四間房, 有其中三間房係有衫, 只有呢一間房係冇衫既...而且毎一間房的門上也展示出不同既故事...

第一間房係一隻爐子, 代表當時既貴族, 佢地已經失去左貴族既地位, 但心內仍然堅持自己係貴族. 帽子上既爐代表貴族, 佢一直承認自己係馬, 因馬只有貴族才可以騎, 係身份既象徵, 所以佢死也不會承認自己係爐(平民)

呢隻係真正既爐(平民), 佢同上見面果隻爐講話佢唔係馬, 而係爐....

第二間房, 也係我最愛既一個房間, 個故事係[我依然是高貴的, 我是卓越的, 從前是, 現在是, 將來也是], 代表左當時貴族自大及不願意接受現實的性格, 入面擺滿佢地至愛既紅酒a votre sante~

第二間房既時裝~我比較鍾意上身既斗篷, 而且今年果然興風濕褸呢...

我當然要同件衫影下張相先啦~點知影到我成隻鬼咁=.="

間房枱上擺既信紙, 簿...d紙做到真係好似舊紙一樣啊~

貴族飲剩的酒樽!? 都係似到...大家認得呢隻係咩牌子嗎??

貴族既酒櫃!? 仲要有個石膏像懶"high"...xd

係門附近傾斜的椅子, 做出大戰後既氣氛....

第三間房~係一個弦樂團既房間, 只有貴族才擁有既弦樂團~

樂譜櫃上既鷹及一副琴!?

弦樂團內既一部鋼琴~仲依然咁新既??

樂譜架及地上凌亂既樂譜...

散在地上既樂譜(Close up)~

裝住小提琴既樂譜櫃, 也係我個人幾鍾意既一張相~

差d唔記得左佢, 係呢間房內既一套西裝...

第四間房係冇衫既, 不過講比我地知另一個story, 就係貴族死後, 仍然相信佢地係永遠快樂...

房內既白燈, 入口都有架, 我覺得佢好靚, 如果唔係燈泡, 而係真係火, 我覺得仲靚~

之後有間房都係show時裝架, 但篇幅太長既關係, 所以我係下一日既blog度show出黎~