見工 + 半完成的theme board

今日又係咁多事發生, 有時覺得一日只有二十四小時跟本唔夠, 唔知上天有冇考慮要延長毎天既時間呢? 不過對打工仔黎講, 就千萬唔好了!!



*****見工*****
其實我而家已經有份工啦, 係呢個星期四返, 但因為呢間公司個阿head李小姐好好人咁, 即刻同我講2nd in既時間及日子, 所以都係決定去in吧! 但個心情好明顯有d唔同, 之前就因為見工都未必請我, 有d擔心見工情況唔好, 但而家不用太擔心, 可能係已經有左個後盾. 不過無論有冇工都好, 只要盡力去見工就得, 其餘唔使諗太多!!

上個星期四黎, 明明係個婚紗展, 但而家已經唔同哂, 係個青年文化展. 好在係上星期有為各套婚紗留倩影, 也令我明白到要把握機會的道理~好啦, 而家比大家睇下少少既文化氣息啦, 包括一個毛筆字展覽及其他物品~

小學生既毛筆書法~久違了的九宮格...我記得呢個係我最討厭做既功課之一...

中一至中五既作品~好似我果陣都冇佢地寫d字咁靚.....


公開組既冠軍~果然係唔同d!!

公開組既亞軍~d字都幾端正, 唔錯喎~

公開組既季軍~d字都幾得意(用黎形容d字)喎~

睇完書法比賽各個組別(小學, 中一至中五, 中七及公開組)既作品後, 去到商場既上層, 見到有好多小學生畫既畫, 之後貼左係枱及椅子上, 都幾得意架^^

本身d枱及椅子都幾七彩繽紛, 再加埋d畫, 覺得好sharp啊!!

呢個係八角形既枱子~

半月形既椅子~




*****半完成的theme board*****
見完工之後, 都冇咩特別野發生, 最多都係叫我等消息果隻, 不過我都習慣左~之後就去買我做theme board既材料, 好在要買既材料唔太多, 也唔太貴, 係途中見到一個心型既銀色盒, 唔知點解突然諗到好想送比蕃薯先生~

只係兩束假既rose, 一張黑色既硬卡紙, 一張雪點紗網, 一張紅既硬卡紙(細), 同埋兩張深淺綠色既紙~

個theme board既初形~其中一個粉紅rose會擺係角落頭, 之後整不同顏色既樹葉, 真係逐特樹葉慢慢整及剪架!! 仲有個主題名既紅色板及rose, 仲有d材料要聽日買, 整住先啦~至於d相唔係用呢d, 只係用黎度位用, 而係用下面呢幾張相~

就係呢六張相啦~究竟會擦出d咩火花呢??聽日一定要記得哂相先得, 唔係做唔到功課><

為左打破我同蕃薯既彊局, 我諗起今日見到個銀色盒及佢就黎生日, 於是我問佢, 送個銀色盒比你做生日禮物怪唔怪, 因我未送過生日禮物比男仔, 所以咪問下佢, 點知佢話唔奇怪, 而且仲好似好開心咁伸哂利話多謝我都黎唔切, 仲話自己差d唔記得左自己個生日, 睇黎佢真係好忙喎....

完成我的sketch + 同蕃薯吵架

*****完成我的sketch*****

今日一於足不出戶, 起碼都要完成份sketch!! 今日畫左大半個早上, 終於完成了三幅婚紗既sketch, 計埋之前果一張, 阿sir要我哋畫既四件衫已經完成, 做左三分之一啦. 但我都仲未可以鬆一口氣, 仲有好多野未畫=.="

其實呢一套我個人都幾like, 除左袖口既半邊精靈翼之外, 仲有佢用羽毛做既短裙及簿紗做既一層層裙尾~

另一款婚紗, 全條裙用羽毛做, 感覺上比較輕d, 同樣都係用左粉紅rose~

最後一款婚紗, 同樣以簿紗為主, 也係帶出輕盈既感覺~

其實呢幾張sketch雖然叫畫好, 但大家唔知有冇發現, 點解佢地冇頭紗呢? 冇錯, 其實係未完全完成, 除左頭紗外, 綁係佢地腳上既精靈圈, 其他配件係不可欠缺既物品, 只係我仲未畫. 其實我想係完成個theme board之後先再加返上去~




*****同蕃薯吵架*****

另一邊存在住我同蕃薯既故事, 話說係我搵婚紗資料時, 我突然諗起蕃薯係呢個星期六同其他女仔影婚紗相, 自己覺得好心痛, 唔想佢影~

[你話pre-wedding一個人影會好怪, 我覺得要係真正既一對戀人影先至好睇, 如果只係為左影相, 始終感覺差d, d相只會變得徒具形式, 冇真正既內涵], 起初我覺得講呢幾句野表示我對結婚相既價值觀之外, 當然唔想佢地兩個影....

[我哋好pro架, 雖然唔係情人, 但都可以交到貨架...xd], 聽佢咁講, 都知道自己一定唔可以阻止佢, 而且見到佢又答得好開心, 於是我唔知點解就嬲起黎, 之後講話咩放長雙眼睇佢地影得有幾pro, 如果係我面前係示威, 表示我冇得影婚紗相既話, 你已經做得到之類, 真係唔知自己講咩, 蕃薯一句好無聊, 更把我既心情推至谷底, 佢也好嬲, 表示唔好傾, 之後大家越來越嬲, 我又話咩女既就發姣, 男既就貪人靚女, 佢嬲到話你真係好討厭, 我會封鎖你!! 之後再唔知係咪block左我, 我突然回首起來, 諗起唔想同佢斷絕關係, 我不停地哭, 哭著打電話比佢兩次, 但冇人聽, sms比佢同佢認錯, 佢先回返個sms比我話比佢靜下, 我只求佢唔好block我, 最多我唔再煩佢, 好在佢最後都冇block我, 但希望佢唔好聽我段電話錄音, 因我講左段自己都覺得有少少肉麻既說話....

佢on返之後, 我也say sorry, 但佢一句都冇回覆我, 只係講左句[我心情好差!!], 唔知我係咪又令佢心情差呢??

同舊朋友聚會^^

菜菜約左一d舊朋友去聚舊外, 順便可以見一下陽陽, 目的地呢....咁當然係比較近菜菜既樂富啦, 就佢帶bb黎麻....XD

大約三點約左係樂富地鐵站等, 原來不但約左菜菜, 而且仲約埋liz及嘉華^^而菜菜一早打左電話比我話佢會遲d先到, 不過冇所謂啦, 媽媽大哂~我哋三個以為佢會手推bb車黎, 仲係lift等, 點知原來佢抱住陽陽搭的士黎, 佢第一句話[搭的士唔使錢]. 吓!? 咁好? 原來係佢只有100元紙, 個司機竟然話冇得找, 也可能係見到菜菜抱住個bb, 費時要佢找吧!? 不過唔緊要啦, 只要你平安到黎聚舊就得^^

去到係吉之島附近既cafe, 見到我唔認識既兩位女仔, 好似叫shirley及carman吧!? 哈哈~好在都記得佢地個名~我哋一見到陽陽好開心, 大家都逗佢玩, 差點忘記了叫食物.....我唔記得帶相機, 好在菜菜借佢部相機比我影, 謝謝!

其中一個套餐, 叫做沙爹牛肉意粉, 少少spicy,都幾醒胃, 唔錯^^


嘉華叫既點心拚盆~個洋蔥圈及薯脆都幾好食, 不過排骨差少少, 淡而冇味=.="

我叫既什腸pizza, 好好食啊, 個pizza又脆, 仲有我至like既腸仔~而且我也負責切開一小塊比大家分享^^

唔知係咪cafe比較嘈呢? 陽陽訓左十五分鐘之後就醒左, 之後冇再訓啦....見佢都鍾意笑咁喎, 好鬼得意, 我同佢玩也覺得好開心, 我比自己手指佢捉住啊~後來寶妮趕過來見陽陽, 而且仲同佢玩~但佢又唔捉寶妮, 可能只係因為佢見過我一次o者. 我哋食完野之後, 到bb肚餓啦, 菜菜係袋裡拎支奶出黎, 陽陽都好[侯擒]咁飲, 飲到成日族親><放心啦, 支奶唔會走左去架~ 玩陽陽大約兩小時, 我哋都要返屋企囉, 大家先影返張合照先啦^^ 唉啊~都話左唔想最前架啦!! 顯得我好肥及醜樣....XD

聚舊及見完BB後, 我要返屋企趕住做我份fashion功課啦, 仲有sketch, illustration及theme board都未做好, 今次真係好難囉!!><""

fashion~上色功力進步左^^

又係上fashion堂囉, 哈哈~本來要帶水彩, 但我比較窮困, 而且我哋屋企都冇人用, 所以係一盒水彩都冇, 似乎有d失敗呢.....阿sir即堂示範比我哋睇水彩技巧, 果然係專業級, 雖然佢話自己水彩唔係太叻, 但畫出黎真係好靚, 我冇影底果然係失敗呢....

水彩示範完後, 佢問有冇同學比返用木顏色筆上色既公仔, 即係之前話抄時裝雜誌畫果張, 我拿拿聲走出去比阿sir睇(使唔使咁急啊!?), 就係以下呢張~~

阿sir最後比我既評語係: 件衫可以表現到質地, 光暗位都ok, 只係頭髮唔夠黑及膚色太過黃啦, 不過都畫得幾好既~

哈哈~真係開心到暈左!! 估唔到比阿sir提點之後, 自己上色技巧進步左咁多~~於是我拎埋份project比佢睇, 因我要畫婚紗, 我要畫埋透明及喱士部分, 但我又唔識畫, 於是咪問埋阿sir點畫, 原來喱士只係用銀色筆輕力畫邊就可以, 至於透明布料就麻煩d, 要用水彩再係原稿上再上色, 可以學到好多上色技巧, 多謝你^^

見工, 漁人碼頭, 有工啦^^

今日都係去紅磡見工, 但距離紅磡地鐵站非常遠, 要係地鐵站附近既巴士總站就搭車去, 睇黎有好長路途要行, 本來都唔係咁想去, 但最後都係去左, 去到又唔係好識路, 好在有間時裝店既女人教我點行, 終於比我搵到呢間公司, 好在比預定時間早到左五分鐘, 真係差d遲到><
搭巴士到見工既公司, 好耐都冇坐過呢隻巴士啦, 好懷念~

一去都未坐好, 有職員已經比份resume我填, 本來都冇咩野, 但係.....份resume後面竟然要做entry既(會計入賬)!? 唔係掛!? 好似考試一樣, 我差d唔記得點做entry...只係放底左兩個月o者, 使唔使失哂憶咁啊? 好在都可以完成, 於是把表格比老闆. 點知...仲要我係十五分鐘內用excel做trial balance, profit & loss及balance sheet!? 唔係掛!? 我收到資料個職員已經計時間, help~~好在最後都可以完成哂所有野, 不過真係好隧, 遲少少真係唔可以完成=.="

考完一輪會計之後, 終於可以見經理, 睇黎佢係一個幾好既人黎呢~佢簡單介紹公司職責, 守則, 仲好好人教我係深井直接搭車黎呢度, 睇起黎佢好似請我喎, 因佢又話咩佢請假時, 叫我唔好黎住, 因佢要教我野, 又講咩呢個月27日或31日入職啦, 好似我真係黎呢度工作咁, 不過我就冇咩所謂, 因呢間公司只係返五日, 而家返五日, 星期六唔使輪班既公司已經買少見少啦, 而且只係做paper work既工作, 開票及財政問題交比老闆負責, 睇黎都好似幾輕鬆, 希望佢請我啦!



*****漁人碼頭*****
見完工之後, 我到附近既漁人碼頭睇下, 我首先係個商場既麥當當內食野先, 好肚餓~~之後係商場附近地方行下~

我最初到既商場名稱~

之後去到一個叫[威尼斯廣場]既地方, 原來係一個大型住宅既廣場黎, 我覺得都幾有特色既, 而且也係對住個海, 覺得係一個幾靚既地方~

[威尼斯廣場]之中既水池~


水池旁邊既小橋, 也係下面相中既橋~

全個住宅區本來好靚, 但後面果幢舊樓就....令到全個view失色好多=.="

再近影d, 個景就完全perfect啦!! 不過我行過呢條橋時, 比位管理員姐姐望住, 可能見我生面口, 又拎住部相機影相咁岸居吧??

中央廣場, 有好多建築物及石像, 不過我冇一個個去影囉, 因我覺得麻麻地靚....

廣場附近既海濱長廊~沿途望到對面海, 都幾靚架^^

海旁邊既一隻郵輪, 我都想去旅行, 等埋我!!

其實有件幾[魚皮]既事, 就係我以為漁人碼頭係一個碼頭, 點知原來係...個商場, 為左提醒呢個白痴既我, 我特登影底個牌既....XD


*****有工啦*****

去完漁人碼頭之後, 原本想去埋黃埔隻船仔度, 點知太熱及曬, 於是放棄左, 返屋企就算. 點知返去check email, 見到最初係觀塘見果份工話請我, 問我有冇興趣, 其實都有少少興趣既....不過下星期二要見工, 同埋今日見果份都OK滿意, 想再睇定D, 於是決定聽朝先打電話比佢.

點知冇耐, 今日見工果間公司打電話比我, 問我呢個月27日可唔可以返工, 而條件及人工都係幾好既, 但我想聽日問左email間公司既offer先做決定, 於是都係答星期一先至覆佢~一次過有兩份工, 好開心呢^^

見工, 婚紗, 見蕃薯之旅

今日發生左好多開心及有趣既事, 仲可以見到蕃薯....xd, 睇黎今日呢篇有排打囉~

*****見工*****
又係見工!? 都唔知見左幾多份囉....今日去紅磡既都會大廈, 原來一出地鐵站, 行過一個大商場就係, 等我仲成個傻婆咁周圍去問人, 真係低能=.="


都會大廈既門口, 超靚的說.....!!

去到見工時, 係果間公司坐左一陣先至有人比resume我寫, 再等一陣先有人in我, 呢次係個幾好既經理, 覺得佢都幾親切, 好好心咁提我, 話佢呢間公司既會計職責係咩....仲有佢話我幾乖!? 哈哈~好似好耐冇人咁讚我囉, 而且仲話我成績都幾好, 佢都好滿意, 想約我下星期二2nd in, 哈哈~今日見工真係好開心耶!!!!



*****婚紗展*****
見完工之後, 見附近商場有個台灣舉辦既婚紗展, 於是走去睇下, 見到好多好多婚紗, 好靚啊~唔知第時有機會結婚既話會著邊套婚紗呢? (係咪咁恨嫁啊我!?)....唔係既, 其實我fashion個project都係做婚紗, 唔比我搵題材咩, 真是的!! 好啦~睇下全部既婚紗先啦^^

婚紗展既招牌啊~係毎個作品下邊都又呢個牌, show唔同既婚紗原稿~

係入口上面既婚紗牌~因呢個展係近入口既, 係當眼地方, 係人都見到啦^^

婚紗展既裝飾, 一個花做既涼亭...XD

附近既檔攤~好可愛喔!!>O<

好多婚紗啊~呢個係其中一邊既場地, 擺放左拎獎既作品^^

純黑色既婚紗, 唔知點解覺得好似怪怪地....

好 like佢環環既design, 尤其係胸下既位^^

都幾靚既design, 尤其係裙中吊帶果部份, 覺得有種好高貴既感覺~

上半身影唔到啊.....其實係白色, 加埋一半黑色既裙

冠軍既作品~但老實講我覺得季軍果件似冠軍多d....XD

亞軍既作品, 個人覺得麻麻地, 但我覺得佢用色幾大膽, 唔錯!!

最like既拖尾款, 我呢張相比蕃薯睇, 佢話只係港式既做法, 外國唔會咁. 不過我覺得靚咪得囉~

季軍既作品~但我覺得呢件係最靚, 也係全場婚紗中既至愛~

都係上面個款式既上身部分. 同時也係我最喜歡既部分^^

好like裙既一層層簿紗~

簡單既款式都可以好靚, 但我覺得腰間既帶好似好奇怪.....

另一件得獎之作, 上身既設計都唔錯, 尤其係頸上既帶更靚~

後面好靚啊~跟據蕃薯媽講, 呢個效果係要剪碎d布先至得, 一剪錯左就冇左全塊布架啦><

都係簡單, 自然既款式.......都算唔錯的吧!?

婚紗展既另一邊, 沿途見到好多樹木及花, 真係好靚啊><

惟一既一個花盆, 至like花既我當然唔會放過啦, 而且仲係粉紅rose><

哇~太多粉紅rose啦!! 粉紅rose粉紅rose粉紅rose粉紅rose.....@@

最靚相信就係個頂部啦~有個小花瓶插住粉紅rose, 如果我第時結婚既場地都係咁就好~

另一邊既婚紗展~呢度既婚紗款式有少少特別, 同一般既婚紗好唔同....

上身雖然平凡左少少, 但下身好特別, 好有公主既感覺呢~

件衫上身幾靚既, 不過下身就....成個水泡一樣既!? 麻麻地...

惟一既深紫色婚紗, 可能呢隻色本人覺得同婚禮唔係太襯, 而且款式似伴娘或姐妹多d=.=

比較自然既感覺, 可能係因為腰間既帶子吧?

幾奪目既紅色婚紗, 其實我本身都幾like佢既設計, 有少少wild既感覺~也係我其中既至愛, 特別既上身及蛋糕裙, 其實我唔知點解咁like蛋糕裙...xd

比較普通既款色, 但作者花心思係布料利用方面, 令到感覺有d特別~

比較得意既一條裙~上面好似係何葉既設計~

惟一一條粉紅色既裙子, 但我對呢條裙子興趣不大....

簡單, 飄逸既款色....

比較少女既款式, 我都幾like既, 比人後生既感覺^^

好隆重既一件紅色婚紗~~o~

全部都係花既設計, 而且仲係pink rose, 正!! 仲有值得留意既係佢個拖尾~

好有宮廷feel既婚紗~

終於睇完個婚紗展, 全部款式都好靚~如果自己可以結婚既話, 我會著邊條呢? 又或者我會唔會太肥, 全部都著唔到呢? 真係越來越恨嫁. 不過呢d野, 都係第時先算啦, 單身一個自由自在都唔錯



*****見蕃薯之旅*****
睇完婚紗展, 之後要去醫院接蕃薯媽出院先. 當我sms問你媽媽係邊個病房時, 你竟然唔知道? 仲無啦啦比左個電話號碼我, 後來我先知係你媽媽個moblie....終於搵到你媽媽, 我地傾我份project做件婚紗出黎既事, 睇黎我都已經冇咩時間去整, 仲有多謝你媽媽願意幫我呢個忙><

出院之後等你返到屋企食飯, 你都好快咁到左屋企樓下. 你媽媽想去酒樓食小菜, 我哋大家一齊去啦. 我哋叫左幾個小菜, 除左我叫既栗米班塊唔好食之外, 其他都ok既~本來至靚既栗米班塊, 點知係最難食既一碟, 我叫錯左仲要你請, 唔好意思呢><

食飯途中, 你講起下星期六要去客串影婚紗相, 自己好開心諗住自己要點著, 我嬲了, 可能係因為新娘不是我!? 於是我唔出聲一尾食飯, 你見我唔出聲, 竟然仲話我係咪唔抵得, 令我更加嬲!! 後來當你話做我設計套婚紗時既男主角, 我竟然先冇咁嬲!? 做咩啊我, 係度嬲咩鬼, 比蕃薯及蕃薯媽知道唔太好啦.....我之後話睇佢影, 佢又話怕羞, 話人多望住影好怪, 但你都唔係叫太多人O者, 多我一個有咩唔妥呢?

返到屋企講開婚紗相, 你成日笑我只有一個人影pre-wedding, 於是我諗到個idea, 用photoshop key個男仔既樣落去, 你之後就話可惜你唔識分身, 都唔知拎部機影相定企入去影好!? 哇~你係我老公咩!? 企入去影, 不過聽到竟然開心!? 唔好比佢呃到啊, 可能佢只係開玩笑講下~

之後又講sexy內衣影相, 佢無啦啦話有人搵我做model影相制唔制, 之後仲話自己女友如果影既話, 佢會覺得點....請問關我咩事, 無啦啦講左女友都有既, 佢話就話測試對女友既極限, 我係覺得佢想暗示d野, 但唔好意思, 我get唔到(汗). 好啦, 於是我咪話如果男友在場既話, 都冇所謂啦, 點知佢話佢一定會在場, 搞咩啊!?仲話如果佢係我bf, 一定會比我影之類......哇~~佢想係言語上食我豆腐呢><
唔好再令我誤會啦, 唔係以為你真係鍾意我, 想做我bf架啦, 都係快d訓先, 但唔知點解又覺得忐忑不安, 可能自己已經一早中左招啦>w<