幫阿光組拍戲, 好開心~

由於我自己既姿整, 本來約好兩點, 結果我要四點先到, 好對唔住呢~都唔知係咪我好彩, 我返到學校時, 見到佢哋好似剛剛開始拍戲, 就係阿駿係故事內遇到文迪果幕, 我係一邊睇都幾開心呢, 總之可以同到佢哋一齊已經覺得好開心~

大家度好位準備拍戲啦~阿ling睇黎好似舉得支咪好辛苦...

拍得都幾自然, 唔錯~阿光楂機個樣, 唔知點解我覺得好笑^^

呢幕拍埋遠鏡, 及補返d近鏡鏡頭之後, 終於到我幫人拍果部分啦! 我個角色係阿駿既女友, 而文迪係鍾意阿駿, 當文迪見到我同阿駿所謂既親密(其實只係我比佢飲野=.=")之後, 大家攤牌時既情況,我仲要係文迪面前串佢果隻, 其實我都唔想做呢個角色呢....點解我成日都要做奸角或第三者?真係悲哀, 仲要係拐情侶, 真係囉景定贈興呀? 不過我呢個專業(!?)既演員, 一於同你哋顛埋佢!!

我真係要餵阿駿飲野架, 我仲要忍住笑, 果然係個幾考演技既角色><

哈哈~比人影住, 覺得做情侶好奇怪呢....

哈哈~文迪忍唔住笑, 其實果陣我都想笑, 但拍戲時要投入角色, 唔可以笑><

大家終於認真起黎啦~呢次都幾成功既^^

我手指指做咩鬼? 我都唔記得左, 不過呢個pose真係幾串=.="

比文迪捉住手質問我~應該係話質問阿駿佢一腳踏兩船既事....

最後我會橋住阿駿隻手走人, 文迪企定望住我哋兩個人離開後, 自己呆呆滯滯地離開. 好在現實之中唔係咁樣. 如果係我一定傷心死呢.....拍呢幕自己都幾開心, 發覺自己幾鍾意拍戲的講, 可惜之後已經冇呢個機會呢...但呢個已經係我開心既回憶, 多謝比機會我拍戲既阿光及文迪組^^拍到夠鐘上堂, 我先冇得再拍. 成個星期拍戲已經完左, 期待既係佢哋剪完片出黎之後會係點呢?

幫文迪拍戲~

呢幾日真係衰, 心情成日大上大落. 都係時候周圍行下散下心. 好在今日文迪佢哋去拍片, 可以去青衣城行下. 其實星期一都有去幫佢手, 但我排住影公司餐飯, 竟然唔記得左拿相機, 整到我冇得影相. 今日終於記得帶, 一於影返夠本先~

未去搵文迪佢地之前, 係公司食左呢兩款鬆餅, 淺色係橙味, 黑色係choco+果仁

青衣城既海濱長廊! 我覺得都幾靚架. 唔知點解我竟然想同蕃薯黎, 真係痴線!!

青交城既外觀~我好like佢藍色果個名~

去到場地之後, 見到文迪及berry重拍緊星期一既片段, 我都有d肚餓, 本來想去買野食, 點知阿昌買左個蝦堡既餐, 剩下既薯條唔要, 於是比左我食, 我當然開心啦, 又有得食又唔使錢, 我果然係cheap, 我有話過請阿昌食返野, 佢話唔使啊~之後再叫多個火腿排包及熱choco, 可能果陣又凍, 覺得特別好味呢~

食完野我都仲未開始拍, 於是我周圍影下佢哋拍片個樣, 有時berry或雲妮行開, 我就做下場記, 都不知幾開心^^

你地仲研究緊點拍嗎? 快d啦~(講笑)

係咪已經拍緊啦? 大家都係仔細傾下點拍先~

拍到我覺得最精彩果幕, 就係阿昌比返隻介指比文迪果幕, 雖然討論左好耐, 但出黎個結果ok架^^

仲傾緊嗎? 我覺得佢哋拍完之後, 個結果好似ok呢~

我覺得全晚係度拍, 至正就係呢張, 呵呵~(我實比文迪打死><)

後來tracy及阿光竟然黎探班, 太好了, 有佢哋兩個都唔會悶. 拍到咁上下, 我, tracy及阿駿一齊搭地鐵, 原來tracy係好唔鍾意阿駿, 唔想同佢同一架車返屋企, 所以先送左我等車, 見我上車後就走, 謝謝你囉~

同場加映~要補返阿駿跪係地下送花比我果幕, 我都係第一次收花, 雖然唔係真男友送...但都好過冇啦^^

其實我不快樂

離別你不經異地 想工作暗天暗地
直到可困倦沉睡 不掛念你
情願我呼天叫地 總好過這麼顧忌
害怕走往日場地 倘碰著你會撐不起

和誰在一起都用來共你相比
就算了不起只可做到我知己
誰若寄望替代你最尾都要放棄 只能退避
和誰在一起很自然共你相比
就算遊戲笑著也未快樂得起
難道我這麼寄望有天可失憶 找到轉機


其實我很不快樂 想躲進暗黑街角
淚盡可痛快地流落 不知哪日會對愛再有感覺

和誰在一起都用來共你相比
就算了不起只可做到我知己
誰若寄望替代你最美都要放棄 只能退避
和誰在一起很自然共你相比
就算遊戲笑著也未快樂得起
難道我這寄望有天可失憶 找到轉機

和誰在一起都用來共你相比
就算了不起只可做到我知己
誰若寄望替代你最尾都要放棄 只好退避


和誰在一起很自然共你相比
就算遊戲笑著也未快樂得起
難道我在寄望有天可失憶
難道這份記念如像空氣
欠缺就會死

今日只好用呢首歌詞代替我的心情, 都唔知講咩好, 睇黎自己都未放得底蕃薯, 好恨自己點解仲鍾意佢....但佢似乎仲未知我會走既, 我覺得自己就算真係走, 佢都唔會唔捨得吧!?

Audio測驗 + 做功課

最後一堂audio, 除左要做返我哋上星期四走去錄音既果份功課之外, 最後仲有個測驗. 真係想死!! 我見住大家好努力搵資料做段錄音, 我只係一邊得個睇字, 咩都幫唔到手, 覺得自己好冇用呢.....可能我走係應該, 始終呢個唔係自己既世界, 自己努力也唔會做到d咩, 一早走的確係好d既, 係自己有興趣, 或可發揮自己才能既地方生活仲好啦! 都係tracy叫我幫手搵d音樂特效, 先覺得自己比較有用d.

之後就係測驗, 可能大家覺得係open notes, 唔使溫書啦, 大家一於少睇notes, 寧願做份功課好過. 阿sir問有冇人可以交到份功課時, 竟然有一組可以交到功課, 果然利害!! 但之後個測驗係咪真係咁叻呢? 我接到份試題時, 我都好擔心自己唔識, 好在我用返中學時睇閱讀理解既技巧, 就係係問題之中搵出key word, 之後再係notes搵返, 呢招果然係萬試萬靈, 次次都有用, 我以為唔識做, 一下子就全部做哂, 不過最後岩唔岩呢, 就真係得個天知啦! 仲有三分鐘就完, 我就可以甩難啦! 見到蕃薯好似好苦惱咁, 果然不出我所料, 佢似乎唔太識, 因佢問左我最後十條問題既答案. 你半個鐘都只係做左十題嗎? 算啦, 鬼叫我同你咁熟咩, 我講埋答案你知啦, 雖然唔知岩唔岩=.="

audio就咁完左, 我竟然冇同阿sir影相, 真失策!! 終於放學, 蕃薯仲睇緊我份筆記!? 因我把所有題號寫左落去份試題度, 佢仲問我個答案係咩, 鬼記得咩!! 考完之後都唔記得哂啦, 估唔到佢咁堅持, 係要知道自己唔識咩, 又質疑我個答案係咪岩, help!! 好想快d離開佢, 都係快d返屋企先~

繼續(睇人)拍片~

距離交cideo份功課仲有一個星期,全部組都未完成,大家趕緊工拍埋自己段片,一返黎就見到阿駿佢哋果組拍緊阿駿及文迪相遇果幕,見到佢哋都拍左好多次呢....阿光負責楂機呢, 都有d似模似樣呢~只係影左文迪, 冇影阿駿添!?

見到佢哋努力拍緊, 我也幫佢哋手做下場記先~我發覺自己都係鍾意做場記多d, 自己鍾意抄抄寫寫, 總比做演員既好, 做演員真係幾辛苦, 成日要保持狀態最好, 又要夾哂所有工作人員, 最衰我電腦唔得, 唔係我一定唔會龐承佢哋做演員啦><

我哋組仍然剪緊片中, 見到波特努力剪片, 令我專注睇佢剪片, 突然阿聯影我果頭穀頂既光頭, 其實只係好少部分, 起初我都不以為意, 之後fantasy都影, 仲要同阿聯係度大笑, 於是我嬲起黎, 用自己條頸巾包住自己個頭, fantasy後來話唔笑我, 叫我放返條頸巾落黎, 我都發晦氣話唔放, 鬼叫佢咁衰, 影d女仔朋友就鬼咁靚, 我就影埋d核突相及只係戲弄我, 不過你即管戲弄啦, 都係比你玩返呢幾個星期o者, 諗到呢度我就原諒佢.....睇黎我頭穀頂冇咩頭髮係我弱點黎呢, 我都係唔好再電再染髮先至得....唔係第時甩哂d頭髮, 咪更加冇人要!?

公司大食會, 食個不停^^

平時我哋毎人都帶個飯盒返工, 今日我哋毎人都唔使帶, 因為...阿珍佢炆鴨比我哋食, 之前食佢煮既野都幾好味, 唔知佢炆鴨係咪真咁好食呢? 真係好期待食隻鴨呢~至於candy就負責煮哂咁多位既白飯, 我都想白飯任裝, 可惜唔係呢><仲有老闆娘都帶左自己煮既瓜菜返公司, 勁正呀~快d食就好囉, 不過未食之前, 同d食物先影相~

最上: 珍既炆鴨~ 最旁邊果兩碟係老闆娘煮既瓜菜~

食完飯之後仲有mooji買既士多啤梨, 佢話係街市度買, 四十幾元盒, 估唔到又大粒, 又好味呢! 食完之後我先發現....我仲未幫盒士多啤梨影相!!? 冇為呢盒士多啤梨留倩影.......汗.....

至於我呢, 我都有d貢獻架! 首先我要講聲sorry先, 原本mooji期待我整既蛋糕, 希望可以整左返黎比大家品嚐, 但我都係冇呢個心情整蛋糕, 因會令我諗起整蛋糕比fantasy果次以前係開心, 而家係痛苦既回憶, 所以我講次大話, 就係我和同學做功課, 冇整到蛋糕, 最後去左聖安娜度買左個, 各同事見到之後有d失望, 但話個蛋糕都幾靚, 甚至candy話買呢個款既蛋糕返去, 同個仔慶祝生日時食^^

其實唔係有人生日, 只係個蛋糕有呢張野=.="上面果層係士多啤梨, 下面係芒果~

個蛋糕既正面~我一見到已經覺得好靚就買左. 好在我早d買左佢, 再遲多分鐘就比人買左啦><

大家食完之後都話好好味, candy仲話一定要買呢款蛋糕做佢個仔既生日蛋糕~雖然唔係自己整, 但有人欣賞自己選擇既蛋糕會好開心^^mooji想食我整既栗子蛋糕, 雖然我唔係太食栗子, 但為左你就整比你食啦~

之後知道老闆娘個老公會同埋個朋友上公司, 我仲有一件未食, 問老闆娘要唔要留返比佢地, 因盒內只有一件, 老闆娘話唔使, 叫我鍾意食就食, 點知我真係食左, 聰明既大家應該估到蛋糕係唔夠分....我都覺得好慚愧, 總之自己唔係咁為食啦!!!

失去的獲得更多?

係fb度見到文迪個status, 係[in a relationship], 我又多個朋友拍拖囉. 但我都冇聽佢講過, 究竟我哋仲係朋友嗎? 或許係因太忙先冇同我講, 連菜菜都鄧佢開心, 應該知道係咩事, 好似只有我唔知, 加上佢哋一個已經結婚, 一個拍緊拖, 對仍係單身既我距離越來越遠, 開始唔認識大家咁, 希望只係自己諗多左...

我對蕃薯既感情呢....或許到呢度為止要結束, 愛上一個唔鍾意自己既人, 原來真係咁痛苦. 以前同佢有段開心既回憶, 行過tm毎處地方, 都會回憶起同佢開心既日子, 但又好快失去, 心內難受得很, 希望自己以後唔再踏足呢個地方, 忘記同佢發生過所有既事, 甚至話完全冇認識佢仲好. 但都唔可以咁講既, 佢令我認識到男女相處的方法, 了解我既缺點, 令我係人生路上改變好多, 可惜既係我同佢始終係有緣冇份. 起初我覺得我哋技能及性格可互補不足, 但原來我哋既思想, 行為有好大既差距, 甚至佢話唔知點同我溝通....其實我都覺得你都係收埋自己, 唔係講太多自己既事我聽, 我唔鍾意你同女仔朋友玩得咁密, 同其他女仔影相都唔影我, 同埋不願同我發展一直拖住我....好在我都係讀埋呢個sem, 以後唔使再因為你而傷心及煩惱, 唔知點解, 以前我一諗起同佢分開會哭, 而家竟然冇左呢種感覺, 自己應該覺得慶幸吧?

雖然一下子好似冇左三個好友, 但我有一班好支持我既同事及老闆娘, 佢哋終於知道左我同個anthory果件事之後, 佢哋一直教我做人既道理, 一直安慰及支持我, 不停引我笑, 話見到我開心就好, 多謝你哋, 你哋令我內心好過好多, 連老闆娘都話幫我改返個新名, 叫做Misuki(美好), 希望我之後既生活一直都係美好~我想逐個多謝佢哋~

老闆娘: 佢係改變我既重要人物, 佢要我學習自己品行修養, 改善自己品味及性格, 令我注意到自己既缺點, 有時仲同我講心事, 教我做人既道理. 有時仲送好多野比我, 對我真係好好, 但有時我一錯野會比佢鬧到飛起><

candy: 有時佢口直心快會傷到我, 但佢其實好好人, 好有耐心教我, 會問我同蕃薯既情況, 好關心我, 係個大好人. 就係佢知道我開心時也會開心, 我同佢都ok好傾^^

mooji: 佢好鍾意串住黎話我, 當然係講笑果隻, 而且都係口直心快, 但都係個好人, 教我好多做人道理架~

阿珍/珍姐: 其實我多數叫佢阿珍多, 係candy及mooji, 同埋大陸員工都叫佢珍姐, 自己已經聽憤, 我有時比佢哋兩個笑住黎話我時, 佢總係會幫住我, 多謝你^^

除左呢四名重要人物外, 仲有係fb度認識左兩個女仔朋友, 同佢哋都幾好傾, 近排同佢哋傾多左心事, 就係我係收買朋友認識既stacey及王由美, 成日要你哋聽我傾, 真係有我講冇你哋講, 總之真係多謝你哋, 同埋sorry囉~

睇黎我既人生又充滿希望, 又搵到自己既路, 就係唔再韻呢科, 讀返會計或時裝設計, 自己要搵定目標, 加油囉^^