都係冇得溫英文><

死啦,星期日溫過d野又唔記得哂,自己都係唔可以早d溫書果類人,溫左等如冇溫.琴晚同阿毆慶祝生日又冇溫過,今日就測驗,都唔知點算?

想lunch時間係公司溫書,但公司既'優良'傳統仲係度,即係食完飯要即刻做野,我又冇得溫書...放學時想係學校溫陣書,但自己個肚又唔爭氣,一直係度打鼓,只好搵野食食住先,係葵涌廣場見到間賣羅白榚十元三件咁抵,於是自己身痕想去食,本來話只係等五分鐘,點知等左十分鐘先食到,之後拿拿聲去小巴站,點知又勁多人,等左好耐先有車><

係車上爭取時間溫書,本來邊溫邊聽住歌返到學校,點知竟然比我撞見蕃薯,同佢一齊返學,真係唔知幾耐之前試過呢,結果我都係溫唔到書.返到學校上左陣堂就開始測驗,好在係測驗前有十分鐘溫書,只好用呢段時間盡量溫吧!好在份卷都算識做既,係果十分鐘內背既所有句子都可以寫得返落去,可能係以前讀中學時背慣書吧?可以係短時間內背哂所有野~個結果都算ok,我估唔會唔合格掛><

蕃薯測完之後都好似幾開心,佢除左知內容寫咩外,仲多謝我整份notes比佢溫,令佢知道書信內容,段落安排及格式,唔係佢一定會零分,點會咁誇張,都要你自己願意努力先得架!如你自己本身冇心去溫,有幾多份筆記比佢都冇用.仲有希望我份notes可以幫到毎個同學,可以取得比較好既分數啦!

考完之後鬆左一口氣,之後蕃薯,阿聯及我去葵芳地鐵站等人,原來蕃薯想買支鏡,有人以八百元讓左比佢,佢地去試支鏡,我都唔知係果度做咩架,但只要見到蕃薯開心,我就開心.加上我之前食左一串魚蛋及牛肉,睇黎我真係好肚餓呢><

阿駿生日快樂~

差唔多放學時, 得知原來今日係阿駿生日, 當然係同佢講句生日快樂先. 唔怪之得一開始入課室時要係生日卡上簽名, 及文迪拿住個蛋糕啦.

可能係我哋見到阿駿生日太開心, 暫時忘記聽日個英文測驗, 一於盡情及開心地食左餐飯先算. 本來想叫埋蕃薯黎, 於是我同佢sms, 但佢話要溫書都係唔黎, 好可惜呢><最後有阿聯, 阿光, 文迪, 琺妮, berry及我, 仲有我哋既主角阿駿幾個人去食飯. 去左葵涌廣場既一間餐廳食飯, 個老闆都幾好人, 佢見有人生日, 竟然親自送上一盒蛋卷比阿駿~

老闆比阿駿既生日禮物, 好似幾好食呢~

之後我哋毎人都叫左自己份晚餐, 我近排想食得清淡, 唔想食太多肉, 所以叫左個芝士菠菜焗鴛鴦魚 .個魚好得意, 係隨意抽唔同既魚比客人食, 咁咪毎次可以食到唔同既魚? 對於鐘意食魚既我真係勁正啊>< 我既choco, 仲有cream係面, 但味道比較淡><

我叫既鴛鴦魚~真係幾好食既, 不過薯菜既唔係薯條, 而係個薯仔, 真係可惜. 但整體黎講都幾好食

食完飯後, 大家先睇下勁歌金曲, 今晚有at17, 我都幾鍾意佢地d歌, 至於果個咩JJ, 我睇都係算了吧, 連廣東話都講唔正唱廣東話歌, 真係...我哋全班同學都完全O哂...仲有隊什麼hotcha, 我睇都係聽返日文歌算吧!

最後個節目當然唔少得阿駿吹生日蛋糕及許願啦. 但我哋全部人食飽哂, 所以食唔到蛋糕, 最多只係同個蛋糕影相及比阿駿切下~

個蛋糕好靚, 個樣好似好好味呢~

主角同個蛋糕影返張相先~

等我都唔輸蝕, 影下個蛋糕先~

買蛋糕既文迪當然要同個主角及蛋糕影返張相啦^^

等文迪準備好蠟燭先~

阿毆先許個願先, 睇黎佢幾開心呢^^

好野~阿駿許左個願望啦, 唔知係咩黎呢?

係囉~切左蛋糕先啦^^其實我都幾想食牙><

最後由文迪送上生日卡~有哂咁多個同學簽名架^^

食完飯已經播緊晚間新聞, 加上個好人老闆已經走左, 只有員工清潔地方, 睇黎我地真係食到好夜呢, 但只要開心就得啦! 咁多名員工真係麻煩你地, 仲有既係...我地聽日個英文測驗點算好? 溫都未溫過, 呢次真係死得!!

學習拍片中!

今日上video堂學拍片, 總共有三個題目, 分別係冷戰中的情侶, 個男買禮物氹返女友; 第二個係兩人夾份中左六合彩, 其後有個人中左, 唔話比另一個人知; 第三個係我哋拍既內容, 就係三個人係lift內遇到既怪事.

故事係講及個女同學tracy係趕返學搭lift時, 見到一個神秘的同學我啦, 起初tracy只覺得我奇怪, 但佢冇理到我, 照返學校. 點知竟然係lift內又見到我, 但我係lift內大聲地不停笑著, 令tracy覺得我係顛既, 於是一早出lift, 之後見到波特, tracy好驚同波特講見到我呢個痴線婆, 最後入到課室時先知原來我係同班同學, 但tracy好驚唔敢接近我=.="

其實我本身都幾鍾意呢個故事, 雖然我既角色我冇咩對白, 而且只有係lift內不停笑, 真係笑到冇得再笑, 但都幾好玩. 至於最後係課室拍片時, 可能係就黎落堂既關係, 有好多同學睇住, 但我哋都可以輕鬆地拍, 睇黎都唔錯呢, 可惜個尾部分比較爛, 但佢地話唔使再重拍就算啦! 可能係我著左件白色豹紋衫覺得似掛? 蕃薯其後仲話我件衫著得好, 估唔到今日買既衫即刻有用.

阿銘就收音人員勁襯~睇佢幾易拿起支咪就知啦

拍攝第一場戲, 就係停車場上遇到我呢個怪人=.="

比較可惜既係, 之後我哋毎人都努力拍片, 冇影到d拍攝花絮, 我仲想影多d架! 但時間緊迫冇辦法, 惟有下次再影吧!

公司請食buffet~

有得去酒店食buffet固然正, 但我食呢餐buffet之前都付出左d代價呢....我今日要去船務公司拿左份提單(bill landing)先, 之後去美孚分行既永亨度入單, 為公司取錢. 但我去到船公司時, 個職員竟然叫我等陣, 之後佢問我有冇一張叫may 紙既野!? 吓? 咩係may紙? 唔通係手指尾咩? 後來candy同我講係張入倉紙, 要呢張紙先可以出提單, 而呢張紙本身係運輸公司比既, 但運輸公司冇比到, 我就係為左一張入倉紙等左我兩個鐘, 最後終於等到, 勁開心~

但呢個故事仲未完, 本來我去美孚, 但因遲出提單而去莦其灣既押匯部入單, 始終都食收入麻, 加上要趕住找數比大陸幾間廠, 要今日完成先得! 最後去銀行入左單, 我可以稍為休息一下. 可能係自己太少去呢個地方既關係, 自己手痕影左兩張相

莦其灣路過押匯部時既街景~

其實我都幾鍾意呢個站, 因全個站都係紫色^^

返到公司之後已經點幾, 我先食左個飯先. 做多幾個鐘野, 終於放工, 可以去食buffet. 老闆娘, mooji, candy, 阿珍及我一行五人搭的士到美麗華酒店食buffet~

美麗華酒店個大堂, 有少少k房既感覺~

我哋五個人食buffet張枱~

好多dessert牙, 鍾意食dessert既我一定唔會錯過><

沙律部~不過我一d都冇食, 因我只愛什果沙律....

全部人一去到食左阿拉斯加長腳蟹, 龍蝦...我始終都係唔食蝦蟹, 所以叫左其他刺身, d刺身都幾好味及新鮮既, 同時也叫左唔同野食~

影到自己個影都有=.="呢個係刺身併盤, 有我至愛既三文魚及油金魚, 仲有海膽, 吞拿魚...我仲叫左成五至六碟, 差唔多自己食哂^^

什錦天婦羅, 有我至愛既冬菇. mooji叫左個南瓜都幾好食~

同我無緣既穀類海鮮=.="

也係同我無緣既龍蝦><

至愛既dessert. 由左上數起 : 焦糖燉蛋, tiramisu, mable 芝士蛋糕及芒果肉加西柚汁. 尤其係個燉蛋, 真係勁好食, 我食左兩碗. tiramisu都唔錯, 除上面層咖啡漿外, 入面毎層都係咖啡, 鍾意食咖啡既人唔好錯過!

終於埋單, 成三千幾元落樓!! 真係貴到死, 而且最得人驚既係毎杯鮮橙汁, 竟然六十幾元杯!? 不如我自己買橙返屋企整黎飲好過啦!

食完buffet, 我哋行下尖沙咀店舖, 老闆娘買左張千元既按摩椅返公司用, 佢當然叫人送貨啦. 之後我哋一直行到旺角, 最後我同candy係油麻地先坐地鐵返屋企, 佢地三個就坐的士去美孚. 開心既一日終於完左呢^^

都係溫書及shopping

唉~又係星期日, 也係自己覺得最得閒及冇野做既日子, 只好係屋企溫習英文, 邊聽住歌, 邊用word打左份notes比自己溫書. 其實都幾自由自在, 幾寫意既, 好想一直都係咁樣. 但後來我發現左個card reader唔見左, 而且之前果個nds差電器都唔見, 於是決定出去荃豐中心, 一次過買哂d野返屋企.

可能係我太耐冇買過電器用品, 以為呢次一定會大出血, 用好多錢. 點知原來呢兩樣野都唔係太貴, 毎件都唔過五十元, 仲有真係幾好用. 首先買左個nds差電器先, 之前阿光話nds有分行貨及水貨用, 但我買時果個sales話兩隻機都可以用, 而且只係四十五元!? 係真唔係牙, 結果我都唔理三七二十一, 買左先算.

之後去搵card reader買, 見到原來咁鬼平, 平既可以只係三十幾, 但貴都可以成百元, 以我咁弧寒既性格, 一定係買幾十元果d. 本來見到一個紫色既, 只係三十幾元, 但我又覺得好似唔係好可靠, 於是都係冇買, 買左個貴佢少少既藍色card reader, 連我自己都鐘意佢隻顏色, 同埋我覺得佢同條銀色繩都幾襯~

我覺得佢真係好靚, 而且只係四十八元, 勁抵!!

後來我先知道公司原來都係用呢款card reader, 只係顏色唔同, 公司果個係白色. 睇黎呢個款都幾好用呢, 我見個同事用左佢都成八個月, 希望我呢個都可以咁襟就好^^

又一次二人世界!?

今日係屋企無聊, 用左一個鐘頭化妝, 仲有用左d時間去襯衫~

話說琴晚蕃薯問我英文測驗唔知點算好, 我就答應佢幫佢溫書, 本來為去邊度溫書而煩惱, 最後都係決定去佢屋企, 之後佢問我地食咩, 佢話竟然想食左我!? 唔該你正經d啦, 我指係普通食飯牙><

今日放學前, 波特本來問蕃薯去tm邊度食飯, 佢都仲未決定好. 原本以為只有我地兩個一齊, 不過一齊溫英文, 都冇所謂既~放學時同文迪及berry行開左陣, 之後先去小巴站搵佢地, 點知蕃薯本來又話取消, 但之後大家除左呢日之外都唔得閒, 只好今晚又去溫書. 聽蕃薯講, 波特突然又話唔去, 我問點解, 點知話阿聯太夜唔去蕃薯屋企!? 但佢地之後又去左mk, 佢地搞咩牙? 全部答案都九唔答八, 波特去溫書關阿聯咩事牙? 佢地去mk又唔怕夜嗎? 唔係特登比我地二人獨處牙=.="

之後我地一齊去答巴士, 佢係車上用本雜誌捲埋打我呢, 佢又訓係我大脾上, 感覺好似拍拖一樣? 冇可能吧!? 雖然兩人冇咩點講野, 只係互相挨住大家, 但已經好開心, 覺得好平靜. 行左好遠去食佢話49元的打邊爐自助餐, 但去到又勁多人等位, 故只好去附近的上海菜度食飯. 最後我叫左個菜肉雲吞麵, 蕃薯叫左担担麵, 再叫多兩隻餃子及一個紅油抄手~

我既菜肉雲吞麵~味道比較淡d, 但真係好多送及麵, 都只係16元, 勁抵!

紅油抄手~勁好味! d汁少少spicy, 加上好酸, 好好味啊!!

可能係我break果陣食左個撈烏冬, 我覺得好飽, 冇咩點食野, 而蕃薯咁岩又肚餓, 結果佢幫我食左半碗麵, 同埋大半碟紅油抄手. 果碟抄手真係好好味, 自己竟然只係食得咁少, 可惡! 最衰都係自己食左野先啦! 個抄手有點spicy, 但一向怕食spicy野既佢竟然覺得好味, 而且仲有件得意事, 原來佢之前未食過紅抄手, 佢竟然以為係好spicy既豬手, 哈哈!! 睇黎你以後要食多d呢樣野食啦^^後來蕃薯媽提起果間野原來有豆莎窩餅!? 點解我係間餐廳個menu度見唔到架??總之叫呢個啦, 不過我可以食到嗎? 下次唔知有冇機會再食!

食完飯之後, 我地步行返屋企, 去佢屋企度溫書. 去到佢屋企, 佢竟然話[當自己屋企得啦, 唔使客氣]!? 吓, 幾時變左我自己屋企既? 雖然我都想....仲要坐你屋企張床度溫書添!? 我未完全備課, 有時教得你好差, 不過我會整好份notes比你溫書, 自己也可溫書之餘, 又可以比埋其他人溫. 我地有時溫書, 有時玩下, 都ok既. 最後好在你送我返屋企, 係lift口攬住我, 人地一出lift時我地即刻彈開, 勁好笑! 係去搭車途中真係凍左好多, 你比我橋你隻手行, 算你啦! 最後都我依依不捨搭車離開佢><

VF新相片

星期二果堂, 我地上左堂拍片, 阿sir比左唔同題目我地去拍, 包括拍移動物品, 從高處影某位同學, 由近景既花一直影上天空...不同既題目我地做. 我只係做個場記, 都冇咩楂機及比過意見, 自己真係失敗..當中有幾part比蕃薯影左相, 佢今日比左我, 好開心呢~多數組員都做過model, 拍片果然係最快樂的^^

其中一部分搵人望window外影佢左及右邊側面, tracy麻煩你啦~呢個係左邊面^^

呢個係右邊面~

阿聯及其他既攝影組員, 我呢個場記都係企係後面好d~

睇下阿聯拍完片個得戚樣=.="

第二段要拍既片, 係用handheld去拍移動緊既人, model係阿聯, 由tracy做攝影~

其中一段片, 係影tracy坐住, 鏡頭只係影我慢慢走去後面背住大家坐, 好在之前有訓練過, 一take就ok^^

同阿銘講解場記記錄內容, 因我做model時都可以搵佢幫我記底~

無聊既一張場記相!? 真係唔知蕃薯影咩...不過佢影我都係開心既...

其中一段bouns片啦, 係由講電話至到擺電話萵褲袋果段~

其實仲要一段係都係bonus片拍緊, 就係起初鏡頭影背住我地既阿銘, 之後遠處既波特會行過阿銘後, 鏡頭會影住波特, 我地一其影左幾次都未成功, 真係好難><而且影影下竟然斷左time, 所以我地影埋最後一段自由片之後就收工, 段片好好笑, 係影波特比阿聯追住, 最後波特半脆左地下, 阿聯出龜波氣功!? 真係笑到我地碌地, 由於蕃薯楂機, 我又冇帶相機冇影到, 只有阿銘用手機拍左短片, 真係可惜呢~