出job周圍去

終於可以遲d返工, 可以比較懶d, 而且又可以出下街, 唔使係office度, 不知幾好! 點解要出job呢? 事因我哋公司一定要係今日出左bills拿錢找數比大陸生產商. 如果經銀行實在太耐, 於是搵我去送bills啦, 以為輕鬆容易, 其實好麻煩, 先要去船公司度拿文件入bills, 果間野係荃灣, 或者應該話間船公司係大窩口, 我係荃灣地鐵總站搭車, 坐左三個站到左, 但果度好多棟工廠大廈, 唔知係邊棟, 好在有個熱心既女士指比我知係邊度, 我終於搵到間船公司啦~

去到間公司之後我等左負責船務出文件既人一陣, 佢比左文件我後, 再對下資料有冇錯, 冇錯我就離開佢公司, 準備去地鐵站坐車到出bills的地方啦~問一問該大廈管理員地鐵站係邊, 佢竟然話沿住天橋,行五至十分鐘先可以去到地鐵站!? what!? 唔係掛!?腦海中即刻出現呢d字眼...行到天橋, 見到好多個出口, 究竟邊個係呢, 我周圍問人, 佢地叫我跟住[港鐵]既路牌指示, 果然係行左五至十分鐘先到地鐵站, 仲未食早餐, 又熱又餓...

下個目的地係筲箕灣既永亨銀行bills department(押匯部), 坐左好耐地鐵, 悶悶地同蕃薯及嘉輝傾下計, 蕃薯果然係冇理我, 好在沿途有嘉輝同我傾計, 我先冇咁悶, 多謝你! 終於到左筲箕灣, 我先發覺自己竟然冇抄底押匯部個地址!? 我於是臨急打candy個手提, 係囉, 我做咩打左佢手提, 唔係打返去公司架? 好在我地公司有個file裝住各電話地址及話比candy知個file係邊, 拿到個地址後即刻睇地鐵站個地圖, 再去開始搵押匯部, 點知中途我過馬路時差錯腳, 整爛左對boot既爭, 好在我冇整親隻腳, 但我穿左一個月到既流蘇boot已經報銷, 好心痛啊><

行到地圖所指既押匯部附近地方, 但都冇押匯部果棟大廈, 我周圍問人, 其他人都唔知, 我一直行見到有棟相似名既大廈及有個女管理員, 於是我走去問下, 起初個女管理員好串, 話我係咪抄錯大廈名, 見佢咁串我本來唔想理佢, 之後佢問我搵咩地方, 我先至答佢搵押匯部, 佢話我搵岩地方, 仲帶我去搭lift及話我知姆幾多樓外, 仲提我下次搵大廈時小心d, 最緊要寫底邊一區, 唔係好易搵錯, 估唔到佢雖然串, 但都幾好人呢~

去左押匯部, 都係自己衰, 對自己信心唔夠, 其實我準備入行拿錢的文件係完全正確, 但我都要問果度職員, 結果比多左文件比銀行, 但最後好在都出到bills, 我開開心心地返公司~返到公司之後, 聽佢地講candy都好擔心我, 好在最後都可完成任務, 今日銀行已經收到筆錢啦^^

以為唔使再出job, 點知要拿拿聲拿電匯文件去永亨美孚分行比大陸出錢, 本來係出比美孚, 但我竟然口多多話要比荃灣分行!? 死啦, 自己做咩事又無啦啦做錯野架?好在最後比我諗到個解決方式, 就係叫荃灣取消果份文件, 都係聽日早d再出過文件比老闆娘簽名吧!

生日kiss!?

終於可以返學啦~好野! 計埋星期日, 足足四日冇返學, 好唔慣, 可能係之前個sem成日返學吧!? 如常地返學, 突然蕃薯一返黎就變得唔平常. 佢平時個樣都好認真, 但今日因我穿短裙既關係唔小心走光, 仲比佢睇到, 勾起同佢一次回憶, 話我哋咁熟有咩未睇過, 我終於有痛腳比佢捉住, 好唔抵!! 死啦, 呢隻痛腳會唔會比佢捉成世? 而且仲話佢生日時, 我冇送禮物比佢, 但佢又唔講想要咩禮物, 可能係大家努力聽書及做堂課的關係, 佢一直都冇講想要咩, 又話我生日時佢都冇送比我, 奇奇怪怪!

到左break我以為可以休息一陣, 點知佢突然練住我條頸, 我自己反應當然練返佢條頸, 阿sir見到都搖搖頭, 即刻行開左, 阿聯係度奸笑話very good (指唔好阻住我同佢), 唔係牙!!!完全誤會哂><之後以為自己離開一下課室休息下, 點知蕃薯跟住我, 仲同我一齊去買野食, 可惜既係我地一件都買唔到, 我就因為冇錢, 佢就因為d食物熱氣=.="直至放學都係練住我條頸唔放, 仲話捉到隻恐龍!?

返屋企同佢msn, 始終自己都係八掛, 想知佢想要咩禮物, 佢竟然想要個....生日kiss!??唔係掛, 我以為自己睇錯字, 再睇多幾次, 係真的! 隔左咁耐先話要生日禮物, 仲要埋d咁既野?我當然唔會比佢, 但見係msn度傾下就同佢傾, 我問佢點解要, 佢只係笑, 仲話要大啖d, 鍚成一分鐘果隻!! 到而家我都唔知我哋係咩關係, 大家都like同對方有親密行為, 尤其係佢仲覺得幸福~添, 但佢又驚再店我會令我受傷及維持呢種不清楚既關係會令我覺得痛苦, 姑且唔好話佢係自私唔想同我一齊, 但估唔到佢竟然驚傷害我!? 大家其實都係怕拍拖而未能一齊, 覺得拍拖一定係傷心, 但有情人的親密; 以及大家話身邊好多人鍾意自己, 但完全冇興趣, 真係完全唔知點解, 可能如我哋當初所認同: 係比好友及情人更好的關係吧? 唔討厭同佢一齊有呢種臨呢既關係及真係好開心, 但我又驚第時佢拍拖時自己又會好唔開心及呢種關係唔可以長久, 所以叫自己唔可以太投入, 或認真出去搵過第二個? 都係順其自然吧!

我哋都係小心d, 唔好同佢講太多[有味笑話], 不過又真係幾好笑既....死啦, 呢種騎呢關係會持續幾耐呢? 我哋根本就係玩火...

心理測驗~

今日係fb度玩左呢個心理測驗, 自己覺得都幾得意, 唔知大家玩過未呢? 係一個你同你鍾意既人又好, 男女朋友, 甚至係另一半又好, 睇下你地係咪天生一對, 至於準唔準呢, 大家自己衡量下, 我玩過同我鍾意既人竟然係兩情相悅....無聊既話可以玩下:

所有熱戀中,暗戀中的男女不妨測測你和你的心義對象合不合呀
睇下你同你like既人（準確度99.9%喔~）

把自己的姓名總筆劃和喜歡的人的姓名總筆劃相加，所得的數相對應，再依所得的數對照下列的數字～就有答案la...
例：
王大明，
王 - 四劃、大 - 三劃、明 - 八劃，共計：15劃
吕小美，
吕 - 七劃、小 - 三劃、美 - 九劃，共計：19劃

　　所以～　15+19=34　→ 兩情相悦





答案:
1 ,6 ,61 ,85 ,55 →　兩人有默契

2 ,17 ,57 ,86　 → 他非常關心你

3 ,18 ,62 ,87 　→ 你和他只能做朋友

4 ,19 ,58 ,88　 → 興趣不合

5 ,35 ,63 ,89　 →　男生主動

6 ,41 ,59 ,90　 → 第三者介入

7 ,33 ,64 ,91 　→ 他非常討厭你

8 ,43 ,60 ,92　 → 早點分手比較好

9 ,47 ,66 ,93　 →　他有一堆女朋友

10 ,34 ,65 ,94　 → 兩情相悦

11 ,46 ,73 ,95　 → 他對你獻真情 

12 ,42 ,74 ,96　 → 他已有心上人 

13 ,36 ,69 ,97　 → 此情不渝

14 ,48 ,71 ,98　 → 他时常暗中注意你

15 ,37 ,72 ,99　 →　他有企图要小心

20 ,39 ,67 ,100 → 他會愛你

21 ,38 ,75,16　 → 他非常在乎你

22 ,49 ,76,84　 → 女方主動 

24 ,51 ,77,79　　　→ 也有人暗中注意你

25 ,40 ,78　　　→ 女方單戀

26 ,44 ,80　　　→　 不能長相廝守

27 ,50 ,81　　　→　 他會喜歡你

28 ,54 ,68　　　→ 　要長期交往 

29 ,52 ,82　　　→ 　他早就愛上你

30 ,53 ,83　　　→ 　他會抛棄你

31 ,56 ,70　　　→ 　要互相溝通

忙碌但充實

一返到公司我就好似上戰場咁, 勁多野做, 好在今日已經做哂手頭上工作, 以為自己可以休息一下, 最多都係幫公司到青山道夾下文具價錢, 自己又可以去行下, 本來以為自己可以輕鬆下, 點知阿珍一個電話黎, 原來之前老闆娘打電話返公司叫我幫佢做野, 但我出左去, 仲話左阿珍, 於是佢又大聲同我講野, 話我去左成個鐘都未返到, 其實我只係去左都冇一個鐘, 就算返到公司都只係五十分鐘, 我當時真係好唔服氣, 我做咩要比你話到我好似偷懶, 我希望買d又靚又平的文具, 就係冇先要周圍去搵, 最後當然冇買到返去! 阿珍仲話我死啦, 行左咁耐一件都買唔到, 我只好忍住.

到左lunch, 我自己唔金心, 又唔想比阿珍再話我, 而且阿珍又想飲咖啡, 但冇咖啡伴侶, 於是我即刻走到老闆娘住既地方樓下去買, 因果度已經係最近的超級市場, 買完咖啡伴侶之後仲要補買部分文具, 費時比其他同事話. 最後完成哂所有任務之後返公司.

返到公司之後, 有一些寄比客人的bra及short樣本紙牌出左問題, 要人手親自改返正確紙牌, 本來係跟單d同事做, 但佢地忙住跟單, 於是又係我做, 加埋老闆娘返到公司, 叫我睇住個日元對港元匯率, 訂購日元....我都從冇停手. 之後老闆娘要我把銀行的文件叫我即刻交到美孚分行!? 吓!? 我已經第三次出街啦, 做咩今日成日都出街架? 放工前又要把另一份文件送到DHL分行, 要立即送到比日本客, 唉....做咩今日咁多野做?

邊個話一間公司仔的會計勁易做及少野做架? 我都想咁悠閒啊.....

返到學校, 決定留心聽英文堂, 蕃薯太遲返, 只好坐最後, 我都擔心佢未必睇到, 有時都偷偷地望下佢. 放學後同佢msn, 佢都話自己真係睇唔清楚個白版, 雖然我好似了解佢, 但又有咩用? 佢咪又掛住影相忘記我. 我又係既, 佢睇唔睇到白版關我鬼事咩? 又唔係我睇唔到, 我真係好唔想理佢, 但點解自己偏偏又要理佢, 又唔見佢關心及鍚下我!! 我好討厭成日理會佢既自己!!

更新畫面既blog + 至愛卡通~

其實都冇咩特別原因要更新, 可能係用左成年幾, 開始覺得悶吧....又或者咁講, 應該係自己覺得近排真係開心好多, 所以想用個blog表示出黎, anyway, 希望大家唔會誤會黎錯左blog吧!?

因冇錢而足不出戶, 但似乎已經習慣係屋企, 覺得好自由, 舒服, 但懶懶行似乎哂左時間呢...我妹比左套卡通我睇, 平時我真係好少睇卡通, 因呢套係隻game移植落黎, 我本身又好鍾意呢隻game, 而家出左兩集, 我就睇個夠本^^

呢套卡通(game)內最可愛既角色, 佢背後隻公仔可變大打人, 也係我game內成日用既角色~

我係呢隻game度至鍾意既角色, 係故事中聖獸. 如果大家仲記得既話, 係我filp book內隻公仔黎架~

呢個係女主角, 佢雖然好cool, 但好鍾意可愛物品. 佢一見到聖獸時個樣~

仲有呢套卡通個ending的畫真係好靚~係我其中一個喜愛既畫家藤島康介做人物設計, 即係畫我的愛神果個, 毎張插畫連埋一齊, 真係好似本畫集一樣!!

悲喜交集

今早知道我某位好友即將結婚, 同佢係好友, 但伴娘及姐妹都唔係我, 係我另一位好友, 令到我有d介意起黎., 覺得佢點解之前明明約定左互相做大家的姐妹或新娘, 都最後冇左回事呢? 自己好唔開心, 好唔想去, 所以話考慮一下就準備返學.

今日天仍然係黑黑, 下住大雨, 正如我的心情一樣充滿悲哀, 我仰望上天, 期待住放晴的一日. 正當我唔開心之時, 蕃薯突然sms及打電話比我, 問我係邊度, 佢已經到左學校, 仲話比我知佢買左個新電話. 唔知點解, 一聽到佢的聲音之後, 個心開始平靜少少, 但仍然唔開心....

坐小巴返學, 見到好多同學仔, 包括翠絲, 文迪, berry, 雲妮及銘, 我哋一行六人一齊返學, 真係熱鬧呢, 翠絲話我知download左彩雲國物語呢套卡通, 而且知道我同返佢地一組好開心; 好快就返到學校. 返到學校後, 翠絲同我走到蕃薯附近坐, 我本來以為翠絲坐係蕃薯旁邊, 於是我走到翠絲隔離坐時, 蕃薯捉住我隻手臂, 意指我坐係佢旁邊. 翠絲坐我旁邊教我學習電腦繪圖, 我好多野都要問佢, 麻煩到佢啦~而且仲主動問我識唔識, 放左學之後仲答應我借本maya書比我, 多謝你^^佢同以前上web tech時都冇變, 對我仍然好好, 點解我自己仍然多心懷疑佢同蕃薯, 自己係咪真係諗得太多, 自己又胡思亂想, 真係好對唔住呢, 我會反省了..

另一方面, 蕃薯佢比左佢部新買既手提我睇, 佢個部電話個樣同我及阿聯果部差唔多, 都係全部黑色, 又係有點銀色, 而且仲係手寫版, 不過佢果部就厚d及大部d, 阿聯買果陣你又唔買, 我買時又同我果部差唔多樣架!?(講笑)佢話個手寫版好難寫字, 我借左我部機支手寫筆佢用, 寫d字都係斷開, 佢一直都話後悔買左呢部機, 後來佢唔知整左咩, 竟然可順暢寫到字啦^^佢好開心, 加上佢又可以msn, 太好了, 只要你唔好用你六百幾個人既account就得~

終於放學, 我哋全班同學仲未決定去邊度, 只知波特佢地會去深水步買野, 不過就唔會食飯, 於是我同berry, 文迪及雲妮四個女仔去太子食飯, 本來想去食米線, 點知搵唔到間店舖, 去左波特介紹間店舖食排, 好在我哋都識路, 由太子一直行到旺角. 大家邊食飯邊傾計, 有講不完的話題呢^^大娥十點幾, 我地各自回家.

唔知點解突然開心好多, 也睇開好多, 覺得我呢位好友, 即使自己做唔到姐妹或伴娘都唔緊要, 只要我朋友開心, 同那位男士幸福快樂已經足夠, 如果個男仔蝦我個fd, 我實唔會放過佢架!! 同埋可以分享佢既喜悅及幸福, 先係朋友之一既我可以為佢做既事. 老實講, 親人既婚禮我去得多, 但就未去過朋友的婚禮, 其實自己都覺得幾榮幸既~睇黎我要煩下第時著咩衫先. 去人地婚禮既多, 幾時先到自己結婚呢?

五個女人一個虛

係公司又過住悠閒的日子, 我除左做老闆娘的小秘書, 幫佢準備申請樓宇按揭既文件外, 也冇咩野做, 老闆娘及同事, 哎呀~唔記得左介紹我公司有個新女同事, 佢叫maya, 做日本跟單, 同樣地佢也比我大, 而且又係結左婚. 聰明既你地一定估到, 全公司除左我之外, 其他人已經結婚, 可能也因為咁, 佢地開始膽心起我既終身大事黎, 見我同蕃薯冇咩進展, 而且又冇男友, 所以開始幫我打扮下, 老闆娘比左兩件黑色既衫連身裙我穿, 呢條裙著得人好瘦, 而且佢地話我冇肚腩, 但我總係覺得自己有, 我自己照左鏡之後, 自己都嚇左一跳, 原來自己斯文個look都幾ok架!? 其實係佢地讚我幾靚, 除左個頭大d之外...><

同事見到老闆娘又送野比我, 講笑話老闆娘偏心, 可能我係公司最細既關係吧? 我哋互相係fb度add左對方, 其實我之前都add左candy及mooji, 見到佢地仔女d相真係好得意, 我都去左佢地d相度留言, 今日仲add埋老闆娘, 佢地見到我fb度既相, 都係比candy及mooji話左一兩句啦, 仲話我唔會嬲, 我即刻扮嬲去拍枱, 結果換黎既係笑聲. 好在maya都話我張相好靚, 佢話唔係毎個人化妝都係咁靚, 多謝你啊~終於有個識貨啦(講笑), 佢之後係mooji口中得知我係會計, 佢話管理公司全盤數好叻, 影相又靚, 所以好羨慕, 跟住mooji及candy, 加埋maya, 三個人以羨慕既眼光望住我, 即係類似人地漫畫內閃令令的眼神咁啦, 我都只係覺得自己好普通, 冇咩好羨慕, 相反我羨慕你地可以搵到一生最愛既人結婚及生仔, 呢d先係女人既幸福, 呢樣野我就真係冇啦~

係佢地既fb度, 有兩張相我比較鍾意, 偷偷地post出黎先~

mooji係迪士尼度影, 我好鍾意佢身邊隻鬼架~

candy個仔仔牙, 好精靈好得意啊~

哈哈~mooji及candy都話我冇睇佢地個fb, 我真係睇左啦, 之後我都會睇多d你地既相, 至於問我點解唔post相去fb, 唔好問我啦, 我只係post d靚相落去, sorry呢>w<