今早知道我某位好友即將結婚, 同佢係好友, 但伴娘及姐妹都唔係我, 係我另一位好友, 令到我有d介意起黎., 覺得佢點解之前明明約定左互相做大家的姐妹或新娘, 都最後冇左回事呢? 自己好唔開心, 好唔想去, 所以話考慮一下就準備返學.
今日天仍然係黑黑, 下住大雨, 正如我的心情一樣充滿悲哀, 我仰望上天, 期待住放晴的一日. 正當我唔開心之時, 蕃薯突然sms及打電話比我, 問我係邊度, 佢已經到左學校, 仲話比我知佢買左個新電話. 唔知點解, 一聽到佢的聲音之後, 個心開始平靜少少, 但仍然唔開心....
坐小巴返學, 見到好多同學仔, 包括翠絲, 文迪, berry, 雲妮及銘, 我哋一行六人一齊返學, 真係熱鬧呢, 翠絲話我知download左彩雲國物語呢套卡通, 而且知道我同返佢地一組好開心; 好快就返到學校. 返到學校後, 翠絲同我走到蕃薯附近坐, 我本來以為翠絲坐係蕃薯旁邊, 於是我走到翠絲隔離坐時, 蕃薯捉住我隻手臂, 意指我坐係佢旁邊. 翠絲坐我旁邊教我學習電腦繪圖, 我好多野都要問佢, 麻煩到佢啦~而且仲主動問我識唔識, 放左學之後仲答應我借本maya書比我, 多謝你^^佢同以前上web tech時都冇變, 對我仍然好好, 點解我自己仍然多心懷疑佢同蕃薯, 自己係咪真係諗得太多, 自己又胡思亂想, 真係好對唔住呢, 我會反省了..
另一方面, 蕃薯佢比左佢部新買既手提我睇, 佢個部電話個樣同我及阿聯果部差唔多, 都係全部黑色, 又係有點銀色, 而且仲係手寫版, 不過佢果部就厚d及大部d, 阿聯買果陣你又唔買, 我買時又同我果部差唔多樣架!?(講笑)佢話個手寫版好難寫字, 我借左我部機支手寫筆佢用, 寫d字都係斷開, 佢一直都話後悔買左呢部機, 後來佢唔知整左咩, 竟然可順暢寫到字啦^^佢好開心, 加上佢又可以msn, 太好了, 只要你唔好用你六百幾個人既account就得~
終於放學, 我哋全班同學仲未決定去邊度, 只知波特佢地會去深水步買野, 不過就唔會食飯, 於是我同berry, 文迪及雲妮四個女仔去太子食飯, 本來想去食米線, 點知搵唔到間店舖, 去左波特介紹間店舖食排, 好在我哋都識路, 由太子一直行到旺角. 大家邊食飯邊傾計, 有講不完的話題呢^^大娥十點幾, 我地各自回家.
唔知點解突然開心好多, 也睇開好多, 覺得我呢位好友, 即使自己做唔到姐妹或伴娘都唔緊要, 只要我朋友開心, 同那位男士幸福快樂已經足夠, 如果個男仔蝦我個fd, 我實唔會放過佢架!! 同埋可以分享佢既喜悅及幸福, 先係朋友之一既我可以為佢做既事. 老實講, 親人既婚禮我去得多, 但就未去過朋友的婚禮, 其實自己都覺得幾榮幸既~睇黎我要煩下第時著咩衫先. 去人地婚禮既多, 幾時先到自己結婚呢?
welcome to my world...
My model life since Nov 09~
My sweet life w/ bf joejoe since Dec 09^^
係公司又過住悠閒的日子, 我除左做老闆娘的小秘書, 幫佢準備申請樓宇按揭既文件外, 也冇咩野做, 老闆娘及同事, 哎呀~唔記得左介紹我公司有個新女同事, 佢叫maya, 做日本跟單, 同樣地佢也比我大, 而且又係結左婚. 聰明既你地一定估到, 全公司除左我之外, 其他人已經結婚, 可能也因為咁, 佢地開始膽心起我既終身大事黎, 見我同蕃薯冇咩進展, 而且又冇男友, 所以開始幫我打扮下, 老闆娘比左兩件黑色既衫連身裙我穿, 呢條裙著得人好瘦, 而且佢地話我冇肚腩, 但我總係覺得自己有, 我自己照左鏡之後, 自己都嚇左一跳, 原來自己斯文個look都幾ok架!? 其實係佢地讚我幾靚, 除左個頭大d之外...><
同事見到老闆娘又送野比我, 講笑話老闆娘偏心, 可能我係公司最細既關係吧? 我哋互相係fb度add左對方, 其實我之前都add左candy及mooji, 見到佢地仔女d相真係好得意, 我都去左佢地d相度留言, 今日仲add埋老闆娘, 佢地見到我fb度既相, 都係比candy及mooji話左一兩句啦, 仲話我唔會嬲, 我即刻扮嬲去拍枱, 結果換黎既係笑聲. 好在maya都話我張相好靚, 佢話唔係毎個人化妝都係咁靚, 多謝你啊~終於有個識貨啦(講笑), 佢之後係mooji口中得知我係會計, 佢話管理公司全盤數好叻, 影相又靚, 所以好羨慕, 跟住mooji及candy, 加埋maya, 三個人以羨慕既眼光望住我, 即係類似人地漫畫內閃令令的眼神咁啦, 我都只係覺得自己好普通, 冇咩好羨慕, 相反我羨慕你地可以搵到一生最愛既人結婚及生仔, 呢d先係女人既幸福, 呢樣野我就真係冇啦~
係佢地既fb度, 有兩張相我比較鍾意, 偷偷地post出黎先~
mooji係迪士尼度影, 我好鍾意佢身邊隻鬼架~
candy個仔仔牙, 好精靈好得意啊~
哈哈~mooji及candy都話我冇睇佢地個fb, 我真係睇左啦, 之後我都會睇多d你地既相, 至於問我點解唔post相去fb, 唔好問我啦, 我只係post d靚相落去, sorry呢>w<
如常在公司工作,老闆娘突然叫我入佢房,心內仲驚自己又做錯事比佢鬧我吧? 之後佢係手袋內拿左一盒及一支物品出黎,原來係一盒christian dior既化妝品套裝及一支粉底液, 佢話把所有用品送比我, 我起初都唔敢相信自己耳朵,以為自己聽錯...真係唔好意思收咁貴重既禮物,我自己從未買過名牌,更何況收人名牌禮物,我直接講唔好意思,但老闆娘堅持我收下,我希望可請佢食飯,或比返錢佢,佢話係人地送比佢既物品,自己也得物冇所用,所以比我,最後我都收下,多謝你喔^^
第一份收既名牌禮物~係dior既化妝品套裝^^
有粉底, 胭脂, 眼影~仲有埋個粉樸及眼影掃, 可以輕鬆地化妝啦
化妝品套裝加埋粉底液~
近排唔知點解成日接觸化妝呢? 又有嘉華個朋友仔阿詩教, 佢又係叫詠詩, 而家又有老闆娘教, 我開始覺得化妝可以令自己靚D外, 也可以補自己既不足, 自己開始有d興趣學下, 可惜出去學又太貴, 睇時裝雜誌學又唔明, 好在自己身邊有人教下自己也好好呢, 自己都要加油啦! 同時老闆娘也同我講左一句, 我都覺得好有意思, 就係[ 你有錢去買股票, 點解唔願意用錢於化妝品上? 如果有錢, 但唔靚, 又有咩用?], 呢句對我黎講係當頭棒喝, 也令我更加下定決心去學, 不過我d錢近排買左股票上, 而家要努力儲返錢先得!
我覺得而家係一個大轉變, 除左老闆娘及各同事比我知道自己性格及行為弱點外, 我而家好努力改變自己弱點, 如不擅長溝通, 自以為是, 唔顧人感受, 外表不懂打扮整齊, 即俗語講[烏where], 原來自己真係咁多弱點, 我都開始明白點解冇男友..仲有學懂扮靚, 其實我平時對衣著及髮型方面有研究, 但都係以時髦為主, 佢地令我明白要打扮得女性化, 先可吸引到男仔, 唔可以穿得太粗魯及穿得中性化, 我係呢方面也要多加努力!
同埋最近有一個好重大的改變, 就係我開始對bb及細佬仔更有耐性及愛心, 以前我只會覺得bb好煩, 尤其係佢地成日哭, 我好討厭呢d聲音, 但最近我唔知點解我開始會氹我姪仔, 學習去抱佢地及留意佢地舉止, 多同佢地溝通. 原來抱一個bb真係好重, 真係少d臂力都唔得, 但見到姪仔對住自己笑, 所有疲累都唔記得, 只有開心既感覺, 原來母愛係咁偉大, 我有所感觸, 係msn度打左句msg, 講述[抱bb雖重, 但好開心], 點知蕃薯一返到屋企上網, 佢就講左句[抱我都好重架~]吓!? 我見到呢句野之後全個呆左, 要抱佢, 唔係掛!?我同佢講話你又唔係bb, 我做咩要抱佢, 佢冇理到我, 直至我講笑話[頭先你咪講笑話叫我抱你, 其實if 真係可以我都會抱下你既...不過你要抱返我啊], 佢即刻覆我, 整左個抱抱公仔, 仲講話咁我地咪會飛起! 咩飛起牙, 你開心到飛起嗎? 我問佢點解, 佢冇答我, 我太累走左去訓覺, 咁就比大家估下係咩意思啦~
其實國慶對於我黎講, 唔係有太大意義, 只係多一日假期吧!? 不過有時返工休息下都唔錯~尤其係咁懶既我, 又可以訓晏d啦^^
本來係可以訓晏d, 但我父母突然叫我起身, 問我去唔去位於北河街既一間店舖食豬潤麵. 呢間店舖既豬潤麵係蔡欄係電視上介紹過, 你地都知道電視影得d野食幾好食啦, 而且d人又話好食, 最重要係加埋我咁為食, 所以我都冇賴床, 立即梳洗之後出發! 我爸揸車去果度, 係距離間舖好遠的地方擺底我地全家人, 我哋沿街行, 途中我見到好多哈囉喂的物品買, 勁開心~其實我好like呢類物品及服飾, 不過服飾就麻麻, 但我都睇中左一頂魔女帽, 而且仲買左^^
周圍係紫色紗, 旁邊係有三隻蜘蛛仔, 好得意啊~
終於到左間店舖, 我哋急不及待叫左豬潤麵, 後黎我地蠢左, 原來加多兩元有牛肉食, 唔抵牙><惟有下次再去食過啦=.="佢個麵都ok好食既...但d飲品係幾差下, 我叫果杯凍choco 冇咩味...
個樣真係幾好味呢~而且d豬潤真係好鬼滑!! 下次都帶朋友, 同學或屋企人再食多次囉^^
食完野後, 我哋全家行一陣街, 見到好多平野買, 我哋只好盡量忍住手唔好買, 對唔住, 應該只係我忍住手(因我銀包冇錢啊=.="), 最後都要我媽買束絲帶花比我, 都係十元, 好平好靚啊, 仲好過自己整.
多數見到d花都係只有一隻顏色, 呢束竟然有兩隻色, 仲要有隻係我至愛既紫色^^
行完街之後我哋去荃灣買野食, 順便入埋出糧果張支票. 我妹未用過中銀既入票機, 於是我同佢去行自動櫃員機教佢用. 點知自己識教人用, 當自己去匯豐時, 自己就岸居居用左入(銀紙)機去左入支票, 最後張票當然係比部機食鬼左啦, 我立即打電話去匯豐, 好出奇地放公眾假都仲有人辦公, 好彩~佢地話會搵人幫我整返部機同拿返張票, 之後會幫我入返張票, 但係要幾時先可以收返錢呢? 希望快d有得拿返d錢吧...
我都好想老闆娘加我人工, 比多d錢我, 可惜唔係呢. 而係佢係放工之後幫我化妝. 我自己又衰既! 又唔係完全帶哂d化妝品出街, 結果冇粉底液, 乾粉..., 更加冇洗面用品, 可能你地會問, 點解會係公司化妝架? 而且仲係老闆娘幫自己化, 問我係咪撞親個腦. 計我話呢話我d人先short, 真係珍珠都冇咁真!!
老闆娘先叫我用佢擺係公司支洗面奶及茶左cream先, 整到要係廁所度落妝, 好在個廁所只有一個間隔, 而且又冇人出入, 冇人見到我個落妝核突樣^^
洗完面後, 老闆娘即刻施展佢的化妝本領, 冇粉底液唔緊要, 可以用住遮蝦膏, 雖然唔可以盡蓋我面部缺點, 但都ok既. 途中講到我條眉好幼, 後面果部份更係冇, 佢地叫我去紋眉, 但我驚出面果d店舖會紋得好衰, 如果衰左咪一世唔見得人!? 與其係咁, 我寧願自己畫, 而且眉色又唔太粗, 可以畫啡色及黑色都得, 可以話係惟一優點吧? 畫完眉後, 再畫返胭脂, 唇彩, 個基本妝已經完成!
之後老闆娘再幫我set埋個頭, 只係用兩條普通橡巾, 一個長尾夾, 已經set 好左個頭!? 佢果然係好叻牙, 估唔到化妝set頭都難唔到佢. candy即刻拿個電話黎幫我影相, 仲同mooji講話佢地都化妝返公司, 我都想見下你地化妝樣~我都唔好意思哂老闆娘時間幫我化妝, 於是話請佢食飯, 佢話等我結婚先請佢, 我話都係唔好啦, 都係普通請一餐算吧^^
老闆娘幫我set緊個頭啊~
終於化完個妝~後面咁亂既地方係我張工作枱=.="
遲左四十五分鐘先走, 好在公司同學校距離好近, 唔係遲太多, 蕃薯佢又同我sms, 佢話自己就返到, 我誤會左佢意思, 以為佢係葵芳地鐵站, 點知佢已經返到學校, 呢個成日遲返學既人仲比我更早到學校!? 以為有得同佢一齊返學, 不過是但啦, 一開始都知冇可能.
中途發生左件唔開心既事, 應該話我都唔知點解唔開心, 我見到tracy突然坐係蕃薯後面(因佢之前唔係咁坐), 本來都冇野既, 但之後阿sir話有個video 的project時, 佢講到好似全部由佢話事, 阿駿及蕃薯都認同佢意見, 蕃薯仲問阿sir可唔可以打破原定既五人一組, 改為六個人? 阿sir話可以, 不過要做好d, 我都心知不妙啦, 咁即係要同tracy一組!? 我唔知點解勁唔想, 可能係我唔buy佢個idea, 佢話咩拍鬼片, 我對呢d無興趣, 覺得好似好低b, 於是我就問下文迪有冇興趣同我一組, 估唔到我哋既意見幾一致, 都係認同拍以女仔為題目及用抽象的手法去拍攝, 總比鬼屋好吧!?
其實仲有一個原因我唔想同tracy一組, 除左覺得佢咩都話哂事咁, 仲有佢竟然同蕃薯好似近排好好, 成日同佢傾得有說有笑, 我見到佢地咁樣好嬲. 而且之前可能多數只有我一個女仔同佢地班男仔一組, 唔鍾意突然多個女仔係度....呢d都係我私心, 不過當然都係拍片的題材唔滿意既比較多, 於是我同佢地講話分開組, tracy問我係咪怕個內容, 我當然唔係, 只係有其他原因, 就係唔想同你一組, 但邊講得出!? 蕃薯都好爽快同我講話bye, 而且仲話唔洗六個人一組. 佢以前都叫我同佢一組, 而家竟然咁對我!? 我呢個時刻好鬼死憎tracy, 甚至一句說話都冇同佢講!! 我企在路中心, 佢都幾開心踏我博頭, 叫我唔該借借時, 我呢刻真係好想fing開佢隻手!!同埋我同自己講, 之後d科我唔可以再比佢同d男仔一組!!尤其係蕃薯
之後我去左文迪同berry聽書, 佢地都好好, 讓半邊椅子我坐, 我驚令佢坐得唔舒服, 同我睇唔到白版, 於是坐返上前聽書. 我見到蕃薯同tracy坐得好梳時, 我個心不知幾開心, 原來我自己係咁恐怖, 我即刻坐係蕃薯後面(表示抗議吧?) 蕃薯照常扮恐龍聲話我, 最後仲幫我影左張相話我係怨婦, 其實我心情唔好咪因為果隻tracy!!
又係佢手痕痕幫我影既相....當係老闆娘為我化妝的其中一個紀念^^
之後波特同我講, 佢話原本想我做storyboard果部分, 估唔到我竟然唔同佢哋一組, 佢好似有點失望呢....我應承佢英文會同佢一組, 其他科都係, 我只係唔想佢地同tracy一組!! 估唔到我真係可以咁憎一個人, 甚至一返到屋企即時delete佢個msn, 原來女人的妒忌心真係好可怕.....
夜晚臨訓前同蕃薯sms, 話我對佢可有可無, 之前成日同我一組, 而家又唔理我...而且同tracy好似好左咁多, 又得到佢一句 [無情情又唔知講左去邊, 會令我覺得好討厭]. 你而家唔係一直都唔理我, 唔重視我咩? 我冇話佢, 自己訓覺!
琴日仲因為fb上冇得見我呢位好友stacey而唔開心. 仲膽心之後會唔會毎日都見到佢. 係我玩收買朋友時, 見到佢係我留言版上留左言 [facebook admin 終於俾返個account 我喇~~~ T_________T]. 吓!? 到底佢講咩? 發生左咩事呢? 於是我再去inbox睇睇. 原來佢話個原因係佢o係收買朋友post 得太多link, fb話係 spamming, 將我個accuont disable o左, 我即刻send email 俾fb admin 道歉... 佢地今朝先開返俾我咋, 不過佢地話要小心, 係最後一次機會, 如再犯, 就永遠冇o左個account~原來唔可以係收買朋友之中po太多link架, 呢個真係唔知, 因我除左起初玩fb時po左d link去人地個留言版之後, 就一直冇po過, 但也有好多人黎買我或我d貨, 可能係我d貨又平又靚掛, 吸引左好多有錢或普通人黎買我野, 因我好鬼弧寒, 唔願意比太多錢買貴野, 又唔想自己d錢剩下好少.
其實我本人都幾鐘意玩中英文既收買朋友, 因我可以識到唔同既朋友, 又或者可以同唔同既人傾下計,可以冇咁悶麻. 我覺得兩者之間既唔同係, 中文版d人比較保守d, 但佢地相對地會比較好人及好傾, 可能係用廣東話既關係吧? 英文版呢....d人多數係外國人, 所以佢地洗錢會比較豪, 但好少會同你傾計及比較冷淡, 可能呢d就係中西文化的差異吧? 慶幸可以玩到呢兩隻game^^
中文版的account, 影得唔太好!? 託其他朋友既福, 我既身價已經升到一百八十萬^^
英文版身價就好差囉, 同中文版一樣!? 我見好多朋友就有幾百萬啦><
同佢都係傾下大家的愛情經歷及想法, 我哋既想法都幾似, 可能因為咁先可以做到朋友, 加上從未見面, 可能咁先會透露多d自己內心說話. 係佢口中知道好多陽光男孩多數係基!? 唔係掛!? 我仲想搵過陽光男孩做我男友架, 唔好封我條後路啦(吓!? 自己講咩)好過要舊對我冷淡及唔太好既蕃薯, 除左stacey外, d人仲要話我同佢外表襯, 咪玩啦!! 我想殺人啦><
仲有佢問我想唔想我做返佢隻pet, 我當然想啦, 但佢又要買返佢個主人, 成六百幾萬, 冇辦法啦, 惟有希望佢會有錢買返我吧!
琴晚玩得好夜,所以今日毎人都好晏先起身,懶懶行去梳洗後,開始食我哋個杯麵早餐!? 之後我哋去玩埋射箭,個弓比我想像中更重呢,而且又要帶住護腕.教練大約教左我哋既射箭方式及姿勢後, 我哋一行十人分兩批開始進訓練. 雖然成績麻麻, 而且仲整親手,但覺得好好玩~好想再玩耐d,可惜時間好快過....
呢個已經係我最好既成績黎啦~射中外框 + 個紅心, 一共有五支箭=.="
玩左大約一個鐘後又返到營屋收拾東西, 食埋個午飯就走, 餐午飯真係...不願置評, 先講送菜先, d款式又普通, 味道好淡及份量比較少, 但我太肚餓既關係已經食左碗幾飯, 因我知道今晚先有得食飯, 惟有食住先><之後我哋坐旅遊巴士回程, 又坐巴士, 地鐵...用左成三個鐘先返到屋企, 真係好累!
但我都照玩fb, 見到我的好友stacey突然唔見左人, 冇哂佢係收買朋友上的對話, 而且又冇左佢個樣, 好在我同佢係inbox傾計的說話仍然係度. 但唔知點解覺得自己好似突然冇左個好朋友, 覺得好唔開心, 同埋覺得少左個傾心事的對象, 好似有d失落呢, 唔知佢因咩事突然冇左個account, 之後仲有機會見到佢嗎? 希望會啦.....睇黎自己真係好倚賴人, 自己未夠獨立, 究竟自己幾時先可以堅強, 自己面對所有困難, 唔使只係把自己唔會開心既事同人講呢? 而係去真正解決困難?