我突然覺得自己琴日好白痴,話咩要寫自己對佢的感覺,自己可唔可以忘記佢,同佢冇任何關係等等. 今日突然驀然回首,覺得自己唔應該再為佢傷心難過,或者話唔會再為佢做任何野.但話哂自己真正愛過,又點會一下子唔記得,又點會唔悲痛? 愛情只係人生的其中一部分,又點可以只係執著呢方面? 仲有好多既人我要珍惜,好多既野要去做,就算自己冇愛情,又或者愛情經驗少,都唔係咩大不了既事,都係寧缺勿濫既好. 好多人認為個女仔冇拍拖,一定係佢唔靚女,身材唔好,唔識打扮,所以先唔會有男仔鍾意.我唔認同呢個講法,實在太表面,如果個男人只係鍾意我外在,我寧願唔要.我覺得只係個女仔係佢人生路上仲未遇到對象,外表固然重要,但如只有外表,個人性格係極度差,難以相處,令人討厭,又有咩用呢?
至於寧缺勿濫,我覺得即使拍拖拍得多,有好多愛情經驗,理應係比其他未拍拖既人優勝,係同愛人相處方面應該會比較成熟,但點解最後都分手收場,係茫茫人海之中仍然找尋情人呢?如果一個人毎次拍拖之後,都知道自己缺點所在,之後好好檢討及改善,可改善之後拍拖時同情人的關係.但講就易,自己本身又點知呢? 除非個前情人親口同自己講,但分手時都失去理性啦,咩都聽唔入耳,惟有要個人事後冷靜及檢討先得.個前情人同自己講都好d,有d因為第三者,愛上或鍾意另一位,個前情人就咁走左去,咩野都冇留底,咩都冇講,自己只好恨個第三者,女既話佢係狐狸精,男既話佢撬牆腳,但其實係咪出自個人本身,係因佢自己問題而被第三者承虛而入呢?....我覺得愛情實在太麻煩,短短呢兩段又講唔到d咩,加上自己又被一段感情深深傷害過,令到自己萬念俱灰,覺得自己一直愛佢,但佢又唔愛自己先會有想離開,忘記佢呢個想法.與其話離開,不如話自己應該搵個自療既方法啦,令我有呢個想法的係一個心理治療師素黑的文章:
大部份人都不知道自療的驚人效應。
大部份人都忘記了自愛才是最大的能量。
找到自我改善的命門，才是最實在，最成功的人。
原來，每個人都有自療的能力，只要妳你掌握自己，抓緊身心命格的正確方向，自己也可以治療自己，成為自己的主人。
找我治療的客人和讀者，來自香港、中國大陸、台灣、馬來西亞，還有美加和澳洲等地的自困女男。
治療不是我的事業，是我體味和學習尊重生命的門檻。我一頭探進去，和迷失的人一起尋找通往愛的一道光。
治療原是自我修行。尋求治療，也是修行的一步。我給妳你的，是靈性的啟導(spiritual enlightenment)，和專業的整全治療(holistic healing)。我，只是一個願意聆聽和陪走一段的路人。治療只停留在借助他力改變自己或命運的話，最終不是徹底的，永劫回歸夠妳你受幾世。
妳你認同這種自療的態度的話，我會見妳你，和妳你走一段。
但我自己又冇咩錢去睇佢, 自己一直細味及了解佢文章,明白當中的意義,希望可改變自己既諗法,性格及增強自己的內心修養,令到自己思想,語言,行為更成熟,去迎接另一名真心愛我,待我好及真正比到我精神上需要的男子,我相信呢名男仔無論係外表,性格,思想及財政上!?都蕃薯更加好~
welcome to my world...
My model life since Nov 09~
My sweet life w/ bf joejoe since Dec 09^^
大家唔知有冇睇到溏心風暴2的家好月圓呢?其中一部份講到鐘家欣演既角色于素秋佢愛上bosco, 後來bosco結婚,佢自己仍然愛住bosco,好難忘記佢,於是林峰演既角色管家仔叫于素秋毎日寫個病歷報告比佢,講于素秋的心事及感受.
我好鍾意佢呢部分劇情.係現實中,我雖然話蕃薯做我好友而未能做情侶,覺得冇所謂,但我其實自己仲好想同佢一齊,當知道冇得同佢一齊時,我個心真係覺得好難過, 好想忘記蕃薯,於是我都學于素秋咁,把自己唔開心既事寫底,仲比埋自己分數,惟一和劇情唔同既係,我冇一個好似管家仔咁好既男人係我身邊一直支持我...不過唔緊要,我仲有對我好既家人,朋友及同事,無論發生咩事,佢地都會支持我,呢段痛苦時間一定可以好快就過去^^
今日仍舊同佢sms,當然只有我hi佢,佢左冇耐就要做野.其實自己已經叻左,以前佢唔同我傾,我會狂同佢傾計,而家已經冇啦,佢唔同我傾都唔緊要,我要努力工作.不過最衰自己係msn見佢上網時,自己又主動搵佢傾計,我係想忘記佢麻,仲同佢傾計做咩呢?所以呢度扣左好多分數,所以都係比自己40分啦, 剛好及格
今日我做左樣好蠢既事, 我特登走問佢我哋係咩關係, 佢話至討厭人地問佢呢d事. 於是我同佢講出自己的內心感覺, 什麼[之前我真係太依賴你, 成日痴住你, 可能係同一組的關係吧. 同你一齊合作都幾開心, 我見你同波特都合作得幾好, 不過你地英文真係要加油囉!], [我同你講真話, 係因為我覺得好友不需要隱瞞. 我覺得最近大家都坦白左, 開始明白對方, 係我最開心既事^^], 係真架, 佢比我起初認識佢果陣, 真係對我坦白好多, 開始知道大家既事, 只係我成日胡思亂想, 先會令大家唔開心.
最後佢突然同我講出我哋既關係 : 我同你而家係比朋友要好好多的...你係一個對我好重要的人, 而且仲講左兩次. 其實我都覺得佢係我重要的人, 但又講唔出點解重要. 其實你一直對我好好, 係我自己真係唔知? 定假裝唔知呢? 你咁講會令我唔捨得走架><唔係情人, 做得到朋友應該開心先係, 但點解仲唔開心呢? 點都開心埋呢四個月, 唔好再發佢脾氣, 再胡思亂想話佢, 唔好比佢知道我就黎走黎呢件事, 就一直開心及珍惜埋呢段時間^^
至於自己理想方面, 我突然明白左愛情唔係人生之全部, 我自己會向理想進發, 人地話人生之中20-30歲係人生之黃金時期, 係呢段時間內博殺, 加上我e+ 公司有人訓練緊我做經理, 我一定會珍惜呢個機會^^, 其實老闆娘係我令我重新愛上會計及行政方面既事, 我想自己係呢方面發展, 自己唔可以再哂時間, 加上我想減少自己對同蕃薯唔可以做得成情人的傷痛, 想自己完全放開呢個想法, 我會先比自己一個悠長假期休息一下, 放鬆一下自己先. 係下年度既九月先再黎過~
我覺得呢個對我黎講, 已經係個比較好的結局吧? 但係咪真係決定左咁樣呢?好大機會係咁, 有冇咩變掛,自己真係唔知, 聽天由命吧!
今日可以話係驚喜一鑼鑼, 除左今日蕃薯約左波特及阿聯去佢屋企試鏡頭我冇得去而唔開心外, 不過好在全部都係好果隻. 首先係多謝個中秋, 我哋有多一日假, 又可以休息下.
第一個驚喜係有個叫mike一早hi我, 其實佢之前已經成日hi我啦, 我都冇咩理佢. 其實我又衰, 見到佢句msg打左[三十日...for u, 這首歌係送給你], 我以為佢有女友, 我咪唔理佢囉. 其實人地有冇女友關我鬼事咩, 於是我好奇問佢首歌係送比邊個, 佢即刻問我有冇聽過, 佢知道我有聽過之後好驚訝, 佢即刻問我有聽過佢唱, 我話只係聽原唱, 之後佢話呢首歌係送比我!? 吓!? 唔係掛, 繼蕃薯叫我聽果首紅地氈後, 我又聽側田d情歌!?都唔知係咪, 最後只好嘻嘻一笑置之, 聽下好了....
呢個係阿mike, 只係細我一年. 點解我認識的男仔唔係大我一年, 就係細我一年?
第二個驚喜呢, 就係蕃薯突然問我, 星期日去唔去唱k, 我起初以為係同學仔咪去, 點知我後來先知佢原來係同佢d朋友一齊慶祝, 係私人k party. 呢個時候, 我先知道自己中左招, 好在波特同阿聯都去, 唔係我會嚇死....同埋佢話私人party內好在有男有女, 而且女仔都唔係太靚, 咁都好d. 唔係d男仔把我同d女仔比較就唔好啦....不過呢, 係私人party就早d講麻! 真係牙(有點怒, 講笑)
中秋呢兩日多數同男仔傾多, 琴日同佢傾開計既n神都有係msn度同我傾計, 我哋傾左好耐下, 佢係個講得笑既人黎, 太好啦, 可惜佢細我太多, 佢細我四年呢..
佢就係新認識的anson, 同佢傾計都幾開心^^
仲有一個男仔, 琴日講過研究心理學既嘉輝, 今日同佢sms, 傾左好多心理學既野, 當我講到自己唔敢再拍拖及同男仔熟時, 佢突然叫我打電話比我, 佢話電話講會清楚d. 佢的確解開我好多心結, 同佢傾完電話之後輕鬆好多.
佢就係嘉輝, 佢同我一樣, 因比同一個深愛的人hurt過, 不過有樣野唔同, 就係佢發憤研究心理學, 咁我呢?
(三位先生對唔住, 未經你地同意po左張相係度><, 不過真係多謝你地, 即使我中秋冇得出街, 也可以同你傾計, 令我唔使咁悶)
仲有文迪都係, 平時好少同佢傾計, 今日同佢傾左好多, 來來去去都係同蕃薯d野, 又要你聽, 唔好意思><其實你哋兩個都係我的明燈, 聽完你哋兩個講, 我個心舒服左好多. 又變返以前開心, 唔會再為愛情煩惱的自己, 對上一次係買淋浴露, 本來都係開心, 但點解我又變返唔開心架? kumi shing, 你要keep住先得架>w<
我突然有個古怪構思, 就係剛認識呢三位男仔, 加埋呢個蕃薯, 剛係四男 + 一女, 於是諗起流星花園final內的組合, 佢地都叫做四個俊男, 咁我咪即係杉菜, 咁邊個係道明寺呢? 不過我都係講笑, 我邊有杉菜咁靚. 都係唔好想太多, 訓吧!
先同大家講句中秋節快樂先~但我今年既中秋都唔知快唔快樂?
之前問開蕃薯, 佢中秋節呢兩日得唔得閒, 佢都話係屋企休息, 點知佢轉頭同第二個女仔影相, 唔知點解我會傷心及憤怒, 仲係fb的中英版買賣朋友度叫人買走佢, 仲打左好多難聽的說話, 叫佢同第二個女仔同佢慶祝生日, 都唔使我同佢慶祝....我不停地哭, 哭到訓左覺....
之後佢搵返我傾計, 講佢頭先行開左, 話我做咩亂咁up.
幻想P 說: 其實根本...
幻想P 說: 就無事發生...
幻想P 說: 我都唔知點解你會自己幻想咁多事出呢..
幻想P 說: 我都係無應你幾個鐘o者...
幻想P 說: 你想我點呀
艾爾莎kuｍｉ 說: 其實都只係我亂諗, 今日係中秋節, 你又同個女仔影相. 我都唔知點解自己會咁緊張, so 就胡思亂想, 見你冇覆我, 我又唔知你唔得閒, 先會胡亂講野
艾爾莎kuｍｉ 說: 我都唔想亂諗, 但自己都控制唔到
艾爾莎kuｍｉ 說: 估唔到又傷害左你, 對唔住
幻想P 說: ...............................
艾爾莎kuｍｉ 說: 不過我估之後唔會再令你困擾及唔開心呢
幻想P 說: 你唔係又話你想離開..或者咁 上下既野下話 (其實我呢次真係決定12月要走, 你以後唔使再話我...)
艾爾莎kuｍｉ 說 :.......
艾爾莎kuｍｉ 說: 冇可奉告, sorry
幻想P 說: 唉...
幻想P 說: 你又係咁..
幻想P 說: 次次自己唔知諗咩...攪到件事麻煩哂之後又唔知諗左去邊
幻想P 說: 老實講..你咁樣...只會令我怕左你
幻想P 說: 你可以..唔好咁嗎? (都可以, 或許我走左之後會改)
艾爾莎kuｍｉ 說: 我都唔知點回答你, 呢個係我思考方式
艾爾莎kuｍｉ 說: 其實我都怕你, 你咩都唔會講
幻想P 說: 其實...你呢個問題就係我最覺得同你無可能最大原因
幻想P 說 :你明嗎
艾爾莎kuｍｉ 說 :if 你一早講清楚, 我唔會胡思亂想
幻想P 說: 講真你好多野都好.(算啦, 我好唔好已經同你無關啦!!)
幻想P 說: 但...
幻想P 說 :你真係太鐘意亂諗野..
幻想P 說:令我好怕
艾爾莎kuｍｉ 說: 算啦, 就算我改左呢樣野, 你都唔會鍾意我
幻想P 說: 呢個可能係我地之間最大既問題
艾爾莎kuｍｉ 說: ic, 多謝你同我講真話
艾爾莎kuｍｉ 說: 其實我都好like 以前自己唔會亂諗野, 毎日開心既自己
幻想P 說: 我係要一個..諗野成熟 & 獨立既另一半 (哈哈~一定唔係我...)
艾爾莎kuｍｉ 說: 可惜我唔係你另一半, 獨立我係有, 我細細個咩都係靠自己
艾爾莎kuｍｉ 說: 可惜我想法我自己都知, 唔太成熟
幻想P 說: 感情上你一o的都唔獨立
艾爾莎kuｍｉ 說: 成日因一時衝動傷害左你
艾爾莎kuｍｉ 說: 因我從未試過拍拖, 講真我26年黎只係不停做野, 都冇機會拍拖(我做咩講左秘密佢聽!?不過算啦, 反正四個月之後唔會再見...)
艾爾莎kuｍｉ 說: 一個咩都唔識既人, 點會學識係感情上獨主及成熟
艾爾莎kuｍｉ 說: 你覺得我會同你拍拖只係短時間, 會完全學識咩? 呢d係講經驗, 冇又點會認識
幻想P 說: 希望..你係會愈來愈好..而唔好變本加例..
幻想P 說: 加油
艾爾莎kuｍｉ 說: 不過我唔會用冇經驗而令自己唔學, 我都會努力學習
艾爾莎kuｍｉ 說: 我都冇男性朋友, 點學呢
艾爾莎kuｍｉ 說: 或許我唔適合拍拖, 寧願做野, 取得地位, 金錢及權力比較適合我
幻想P 說: 哈哈
幻想P 說: 無男性朋友?你當我死左?
艾爾莎kuｍｉ 說: 我都希望你可以找到個思想成熟及成熟的另一半
艾爾莎kuｍｉ 說: 你都講話同你冇可能啦, 點練習牙
艾爾莎kuｍｉ 說: 哈哈~當然冇當你死左啦, 傻佬
幻想P 說: 如果你再係成日亂諗野...就真係無可能了
即係咩意思呢? 我問左之後佢冇再答, 同佢傾左其他野去忘記呢件事, 但點可以忘記呢? 忘唔忘記都好, 12月係表現事實的全部, 我也不用多講. 我都唔想成日講句[我想離開]之類, 而係真正的離開, 唔想再見到蕃薯唔再愛我, 我朋友有一句說話好岩, 如果鍾意一件事, 或者一個人, 跟本唔需要咁多藉口, 佢呢句說話令我明白. 其實我呢位朋友心理學好叻, 好多時都講中要害, 佢都幾關心我, 可能我係佢個case吧, 佢驚我有事, 佢先叫我係msn度add佢, 甚至叫我打電話比佢, 佢叫嘉輝.
仲有個口花花既n神, 不但問我幾歲, 住邊度及係邊度做野, 仲講左好多野引我笑, 佢把我個艾爾莎改左做愛莎(因個艾字同普通話同音), 仲成日叫我做愛莎, 好怕聽到個愛字, oh my god=.="同佢傾計都幾開心, 幾好笑; 又擅自把我住果個縉皇居改左做縉記, 碧堤半島改左做碧記.
仲有一個叫做, 弊啦, 我都唔記得佢叫咩名, 佢係新加坡住, 仲係個作詞人, 佢寫的文章都幾好架. 佢屋企人係台灣住, 剛好有颱風, 希望佢屋企人冇事吧.
本來同三個人傾, 我都已經好忙呢, 早上明明冇人傾, 夜晚又咁鬼多, 本來同佢地都傾得好開心, 所以我打左句[多謝唔識我既男仔關心我. 今日我好開心^^]. 所以覺得自己即使唔出街, 都有人同自己傾計, 咁就過左兩個鐘, 本來真係好開心, 點知蕃薯突然覺得悶, 話想出下街, 起初問左波特及聯, 起初我都想去, 但只有我一個女仔唔方便, 加上而家又夜. 加上我唔想見佢太多, 我驚第時自己走, 我會唔捨得佢.....都係同d男仔傾計吧~
今日下午返左去姑姐度食左姑姐煮得最味既烏冬, 之後幫手洗碗, 準備今晚食飯要用的餐具; 仲有同姑姐去買送及拖地, 做得太累訓左覺.
係做家務時, 同蕃薯sms, 知道佢今日會剪髮, 之後佢突然打電話黎, 話我知ive已經出左成績, 問我睇左未, 我姑姐屋企冇得開電腦, 冇得睇成績, 於是蕃薯幫我上網睇, 我的成績都ok既....比我想像中已經算叫做高分, 但都唔及蕃薯, 波特的分數. 令我覺得自己係咪真正適合讀電腦呢? 自己同佢傾電話時, 語氣有點失望, 蕃薯同我講話下個sem唔係太多programming讀, 叫我不用擔心. 多謝你, 不過我都係決定左讀埋呢個sem應該唔會再讀落去, 我呢句冇同佢講. 唔知佢係咪感受得到我就黎走呢? 佢最近越黎越關心我, 好似呢件事咁, 出左成績都特登打電話, 幫我check成績; 仲有我話夜晚一個人去海攤, 佢都話危險叫我唔好去,; 仲有我話比佢知我邊讀呢個course時, 佢話我會好開心. 但你知道我真係開心嗎? 可能這只係朋友的關心嗎?
屋企人終於黎到, 我姪仔都黎到~食飯之前一於同佢影返張靚相先, 仲有玩下燈龍, 睇下月餅先~
哈哈~我影相時, 佢即刻擺呢個pose啦^^
我的中秋節玩具~綠色發光彈彈波 + 螢光圈
堂妹比我食既芒果奶皇糯米滋~
唔同size的月餅~細個裝的月餅^^我哋食完飯之後的月餅, 味道係多啦! 不過冇隻味道好食!
全家準備食飯囉~
食完飯之後, 我哋全家休息左一陣之後再食月餅(我哋仲食得落嗎?), 味道雖然多, 但冇一隻味道好食, 尤其係果隻宇之金時, 真係難食到暈. 至於成日賣廣告果隻芒果脆脆及香滑奶茶, 都係麻麻地好味, 睇黎都係原味最穩陣^^
仲有差d漏左, 我係收買朋友度認識既stacey, 即之前係fb度提及過好好傾果個女主人, 佢今日生日呀~先祝佢生日快樂, 仲有希望我哋友誼永固啦^^
唔知大家食月餅時, 係咪成日左拆一個盒, 右拆一個袋呢? 拆左出黎之後, 個月餅盒最多用黎[煲臘]吧?其餘的廢物當然唔要, 我覺得真係浪費架! 不過有時又冇辦法, 毎個月餅都講求獨立包裝, 呢個都仲可原諒, 但有時會見到有d兩個裝的月餅出面又有個盒, 真係需要咁包裝嗎?
今日見到網上有篇新聞講得幾好, 就係話 [環保署 與五大月餅生產商簽署《自願性月餅包裝管理協議》，生產商須於未來一年減少包裝物料數目，及採用環保設計和生產程序。環境局局長邱騰華 又預計有關膠袋包裝的附屬法例將於本年底至明年初完成審議及通過。], 如果係真既話, 一定係一件好事黎, 但係用咩方法去減少廢物呢? 其後睇到話[盡量選用可循環再造的包裝物料，並支持回收和循環再造包裝物料。], 哈哈~如果真係有回收, 都應該見到有回收廢物設施之類啦, 可惜我都好似唔多覺有, 希望之後會見到. 即使有呢d設施, 也希望其他人合作吧!
今次簽約既有五間公司, 分別係東海堂、恆香、美心、聖安娜 和大班. 我覺得美心今年係環保方面好似做得唔太好, 唔知大家有冇留意, 頭先咪講到有d公司賣兩個裝的月餅時有用個盒裝住賣比人既, 其中一間就係佢, 希望佢下年係包裝方面可以做好d啦....
希望下年可以見到減少包裝的月餅. 仲有我今年買少好多好好味的月餅, 希望下年可以早d買月餅, 食多d唔同種類味道的月餅啦!