過左試用期, 但....

好開心今日開始已經過左probation, 但係因本人工作太懶的關係, 所以冇加到人工, 真係有點可惜! 不過可以遇到一班對我好好的同事:

老闆娘 :分別係女強人, 好顧及各員工感受. 佢知我冇咩社會經驗, 教左我作為一個員工及一個伙計應有的工作態度及能力, 令我在工作上及做人上學懂好多野. 但我卻係工作心懶洋洋, 連你都話, 如果我幫唔到公司手, 或者會炒我, 真係令我返工提心吊擔. 但你地迫我先會做得好, 呢個習慣我真係要改下~

仲有恭喜你生左個聽話的仔仔, 祝你生活及工作愉快! 我覺得佢管理佢父親生意已經好好, 而且也因為請左我而減少同老公在公司上的磨擦, 希望我真係可以幫到你~

candy: 雖然佢講野比較直接, 而且又易傷害人, 但佢唔係有心, 都係想幫我. 我有時駁你咀, 好對唔住.我成日做錯野, 你都一直睇住我有冇做錯, 成日從旁邊提點及幫我改正錯處, 除左講多次對唔住外, 而且仲要多謝你~

仲有希望你可同個仔仔搵到你及仔仔鍾意的學校. 知道你近排為仔仔搵學校好辛苦, 而我又都唔識, 只可同你講句加油!!

mooji: 同你一齊入職, 但你都可加人工, 你咁勤力係應該. 你雖然平時冇咩同我傾計, 但有時也教左我好多工作及做人的道理, 令我得益不少, 多謝你!

阿珍: 最記得幫你買左同我一樣款的鞋~佢同我一樣都好慳, 又係鍾意食平飯, 尤其係咸魚肉餅, 但唔好食太多咸魚, 對身體唔好><

倚安: 同我一樣, 成日做錯野比老闆娘鬧, 真係同是天涯淪落人. 希望我哋大家一齊做d野, 唔好比人鬧啦! 仲有佢似男仔一樣短髮, 而且衣著又似男仔, 比附近公司以為我地公司請多個男仔...

總之而家呢間公司, 毎個都係好人. 毎個都係比較直接, 有果句講果句的人, 而且又願意教懶惰及冇記性的我, 一直以黎比左好多麻煩比你哋毎一位, 真係唔好意思. 我最近也開始改善惡習, 真心真意為呢間公司. 我而家的目標係幫公司慳多d錢, 令到大家有多點花紅分^^

多謝你..

因為要準時送貨比日本客, 費時d日本客嘈我哋公司, 佢哋真係好煩架! 聽速遞講今日塞車, d貨又係佢哋公司度都仲未黎, 而且又唔願出貨比我哋, 但我哋公司堅持要佢比貨我哋, 於是就好遲d先收到貨. 收到貨後, 都已經成六點九, 又要做埋出貨文件, 整到成七點幾先走得, 仲要去DHL的收件中心度, 我今日要返學, 遲哂大到啦>_<"好在我呢班好同事及老闆娘, 知道我趕時間, 佢叫我拿住一箱貸品落DHL, 佢哋會幫我出電郵比日本客, 打卡放工, 及星期二先比返個底單佢哋, 多謝你哋啊~

終於完成送貨任務, 蕃薯打電話比我, 問我係邊度, 原來佢都係剛去到葵芳地鐵站, 我原本想叫佢返學先, 點知佢竟然話等埋我, 我都覺得好意外, 對上一次佢同我返學, 已經係幾個月前拍拖的事, 呢種感覺既熟悉, 但又覺得陌生, 點解毎件事都在重演中?

返到學校, 阿sir話programming冇只有一份功課交, 多數用平時的堂上課計分, 唔使我哋做project. 即係只有database要做功課嗎? 於是講開組隊問題, 要三個人一組, 蕃薯問波特有冇人同佢組, 波特話我同佢一定係一組, 最後二人都同意, 我哋三個人就一組啦! 但係....我全件事上冇出過聲, 就已經決定左一組麼? 佢哋二人先問我係咪反對, 我當然唔反對啦, 有二個勁人伴住我, 我開心都黎唔切. 之後靜靜打電話比我, 可能又叫佢honey之類, 又話係屋企整蛋糕佢食, 蕃薯以為我同男仔傾電話, 佢一直在電話旁邊大聲講[kumi牌蛋糕真係好味~], 哈哈~估唔到佢會誤會, 後來我同佢講, 我對我女仔朋友先會咁講. 仲有又話我係男仔就好, 一定會做運動型氹女仔都似, 即使我話似同性戀男性打扮, 佢只係講左句, 你始終都係女仔....

由於遲左上堂, 阿sit要求我哋做的堂課仲未完成, 我先開工, 蕃薯仲氣定神閒整佢琴日影個女仔張wallpaper, 好心你心快d做野啦!! 最後我地終於做完份功課, 但我竟然黑仔到部電腦冇javascript, 冇得交功課, 最後只好返屋企交. 但所有同學都已經走哂, 只剩下我, 蕃薯及青衣人. 好多謝蕃薯你, 全部人走哂, 你都幫我執執個java先交功課, 而且仲等埋我^^

距離仲有一個多月, 好好享受埋同佢呢段開心時刻....

又再心痛!?

難得在屋企得閒, 都係玩下fb多, 尤其係買賣朋友中英文版, 簡直係我至愛~甚至連同學都笑我, 我一定係最熟玩fb果個, 因某次波特去工聯會度拿左本章程, 其中有個課程係學fb!? 於是蕃薯話我, 我成日玩fb, 不如叫我去教好過. 傻架咩!? 係都唔教fb, 而且我又唔係樣樣都識...

至於蕃薯, 佢又同佢個靚女朋友阿grace在屋企影左一輯有動態的相. 唉....又係同人去影, 個主角永遠都唔會係我...佢話係第一次嘗試影動態的相, 佢果然係靚女...

佢影完相之後, 即刻在msn上hi左我, 但我見到幅相, 除左覺得靚之外, 也冇咩感覺. 只係鼓勵佢影多d呢類作品, 唔係我仲可以講d咩? 即使佢同媽媽出街食飯, 佢也叫我同佢sms聯絡, 我只好裝到若冇其事, 一直同佢傾計....但只要見到佢開心就好了, 起碼可以在我走之前, 留比佢一個開心的回憶, 咁都唔錯吧!?

我真係可以咁大方嗎? 我都唔係佢女友, 只最多只係佢所謂的[友達以上, 戀人未滿]的朋友, 我仲可以干涉什麼? 明知係呢種關係, 就唔好再想啦~都係快d決定係咪讀art的hi dip仲好!!

和同學去食pizza^^

今日都係上悶悶的programing, 阿sir教書真係好悶, 蕃薯突然有個提議, 就係偷偷地拿部psp黎玩, 同佢玩只有一個遊戲, 之唔係太鼓. 但我又洗左呢隻game, 於是蕃薯用佢部手提電腦比我整返隻game落去, 大家開始一齊玩. 成日都係佢win, 不過冇所謂啦, 我哋真係玩到傻左, 落左堂都仲打緊機, 結果比班同學影左相....

我哋真係專心打機~睇黎我哋兩個都玩得好投入呢^^

放左學之後, 又到左全班同學的周會, 即係大家一齊去食飯, 以為可以齊人去食, 點知蕃薯約左左人, 去唔到食飯, 我做咩有點失望? 算啦, 今次食飯的, 連埋我有八個人, 分別係berry, 文迪, 波特, 阿聯, 阿駿及壞人. 我哋女仔及波特會先去左黃金商場買電腦書先, 之後會去旺角同另外五名集合~

買完書之後, 我哋到旺角, 中途撞到蕃薯, 本來我都見唔到佢, 都係同學仔突然大叫我先知, 你同朋友食飯開心點吧! 我哋全部人一致同意食去pizza hut, 但等左好耐先至食得. 經過波特的研究, 最後決定叫兩個pizza 餐, 仲計埋幾多錢, 果然有效率!

個意粉真係幾好食, 個汁都幾好, 而且個樣仲幾好睇~

我至like的葡汁焗什菜~葡汁好香!

芝士焗縲絲粉~呢個真係好好味!

我哋全家都鍾意食的意式肉丸, 但真係縮左水, 以前有六粒, 而家只有三粒...

忘記左叫咩批, 總之係芝心批, 我覺得好似冇以前咁好食!?

萬眾期待的樓樓腸仔批, 但係....食落去都係麻麻地好食, 尤其係腸仔有些[縮]味, 唔知同學仔覺唔覺得呢?

食完野後, 大家在pizza hut 講左好多笑話, 有傾有笑地渡過, 傾到夜晚成十一點幾先走. 總之係開心的一日, 多謝各位同學^^

model天地

大家有玩開fb的老友, 應該知道fb上有janice man及angela baby的fans club, 其實呢兩隻fans club都幾耐下, 今日正值我又唔想做野, 於是無聊地加入左呢d組織....佢哋有d相都影得幾靚, 等我擺d係度先~

其實二人之中, 我比較鍾意janice man多d, 因我覺得佢真係比較似model, 而且佢真係好靚(在化妝影相之後)
janice man 的fans club的頭像, 我至like佢靚及高傲的形象. 也係我最鍾意的一張~

呢張比較優雅, 但我覺得唔太襯佢....不過都ok靚

以我角度黎講, 佢唔係毎張相都影得靚, 呢兩張只係令我印象深刻的相, 其他都係普通...呢個只係我個人意見, 如果閣下佢佢的fans, 真係唔好意思. 可能只係影相, 我都已經覺得佢幾靚.

至於angelababy, 我都覺得佢麻麻地靚, 唔知係咪攝影師問題, 覺得佢個人照冇咩特色....但佢同jancie man 一齊影相時, 我覺得佢哋兩個都靚^^
我睇過二人fans club內的相, 我至鍾意呢幅, 不但顏色對比強烈, 而且從相中面部表情及動作, 仲可表達二人不同的性格^^
呢張我都少少鍾意, 大家留意下佢哋件衫, 果二個公仔係一對, 好得意~

仲有一個model我個人都like, 係日本的lena fuji. 如果你地有留意日本雜誌, 就知佢係邊個, 佢就係vivi中的主要model, 佢打扮以sweet架妹為主, 我好like佢的形象及打扮; 而且係2%中, 也有搵佢做model賣廣告, 大家唔知有冇留意到呢? 我見佢有個fans club, 一於join埋先~

日本8月號的其中一張相, 真係好靚呢~可能我都係like日本style的女仔吧^^

如果我都有佢哋咁靚就好啦, 佢一定會影我多d. 又或者應該講, 我會比d知名的攝影師影我囉. 不過都係冇咩可能, 發下夢好了~

回到過去!?

過去的事會再發生嗎? 相信大家, 連包括我在內, 都知道多數都唔會, 但真係唔會發生嗎? 今日呢件事令我更相信, 原來呢個世界上有一樣野叫巧合, 原來會真係發生....

突然蕃薯同我講, 今日同我一齊坐深井的小巴!? 我有冇聽錯牙? 好似好耐冇聽過....我仲問佢做咩咁做, 佢話有好多時間, 同我一齊坐車唔緊要啦~呢件事好熟, 好似好耐冇發生, 究竟係幾耐呢? 忘記了....估唔到佢真係同我一齊坐小巴, 我以為佢只係講笑. 在車上, 佢又講埋d唔正經的事, 都唔知好嬲定好笑, 佢太訓累左(唔知係咪真), 我竟然想錫佢一啖, 但我又唔敢錫, 我到底係度究竟做咩? 佢突然叫我鍚佢, 唔係掛!? 佢點會知架? 於是我只係鍚佢面, 之後佢叫我錫咀!? 我終於記起, 原來係我同佢拍時的情景, 點解會再出現返? 上天究竟係咪要折磨我? 佢已經不再係我的男友, 而且也有男仔開始追我, 我想重新開始過另一段新愛情時, 點解又要比呢D事再出現?

事情仲未完, 佢仲同我一齊落車, 佢做咩牙? 又浪費金錢囉.....我同佢一齊等車, 佢竟然攬住及摸我, 呢度係街上牙?? 而且周圍仲有人等車, 我也唔好意思攬住佢, 直到有車時, 我哋先至同對方道別...我返屋企途中時, 個心jump得好利害, 成個人都好緊張, 到底發生咩事?

返到屋企時, 突然有個土耳其的男仔在fb上hi我, 而且我同佢互不認識. 佢突然同我講左句, 佢覺得我好靚, 問我有冇男友? 吓!!? 又有同我講呢d野? 近排fb都聽左幾次, 究竟近排做咩事牙? 其實都有少少開心, 有邊個女仔吅唔鍾意聽男仔話鍾意佢, 不過我都相信有些人例外....我都猶豫左一陣, 之後答佢冇, 但有表明我有個鍾意的男仔(蕃薯), 可惜佢似唔鍾意我, 可能只係自己覺得, 也唔敢多想. 因蕃薯都冇正式同我講鍾意我, 想同我一齊, 做佢女友之類....所以都唔算係吧!?其實心內暗自希望可以同佢一齊, 不過我都相信上天的安排 : 如果同佢真係好緣份, 無論經歷幾多事都會同佢在埋一齊, 如果無緣的話, 無論做幾多事, 都係徙勞. 至於我同蕃薯有冇緣, 以我角度黎講似係有緣, 因我毎次都想忘記佢, 又或者開始過男一段戀情, 佢總係我身邊出現, 我想避開佢, 點都避唔到, 而家仲要毎天都返學, 佢叫我留位比佢, 令我少左好多機會認識其他男仔及同佢哋開始.....睇黎我的感情路上真係多災多難....

其實我之前都幾鍾意運動型的男仔, 覺得佢哋好開朗, 一定冇悶場. 也都係我的選擇伴侶的其中一個條件, 但當自己想起, 自己又不擅長運動, 又唔想迫自己做自己唔鍾意做的事, 其實我本身唔太鍾意做運動的, 同佢哋一齊應該唔會太夾. 而且也開始搵到自己需要的條件, 就係一個可補足我弱點, 同佢一齊會開心, 使我忘記一切煩惱的人; 愛講笑; 事業有野心及好有才能, 即係好叻果類....點解d條件好似咁熟, 好似指緊某人, 係咩???

友達以上, 戀人未滿!?

大家知唔知咩叫做 [友違以上, 戀人未滿]呢? 同埋唔知大家有冇呢d經歷呢? 或者你哋睇左以下呢d解釋你就知, 我都係用左 fb上吹水論壇上某人的說話:

[你是不是也有這樣的朋友??

對彼此存在著好感，但你知道那不是愛情，只知道必須守護著他，陪著他變成你的責任，漸漸他變成你生活的一部份。這種關係很微妙，卻始終達不到愛情，終於，你了解什麼叫「友達以上、戀人未滿」。

你們不是戀人，在一起卻是開心快樂的，感覺很溫暖、很扎實，他會給你滿滿的勇氣和感動，跟他在一起就是一種幸福，只需要自然的呈現自己就行了，沒有刻意營造的氣氛，也不需偽裝自己的缺點。總之在他面前，你的表現永遠是最真實的。但你明白你喜歡他，卻不能擁有他。

你是否因為「友達以上、戀人未滿」為他感到進退兩難呢??

就是因為友達以上，所以你明瞭前面無路可走；又因為戀人未滿，你不甘心就此乖乖退下。甜蜜心煩、愉悅混亂。不到戀愛的甜蜜愉悅，又沒有正式被拒絕的痛苦感 傷，卡在兩者之間的灰色地帶，往朋友那方望去，你顯然已超越；往戀人方向去努力，可能永遠沒有結果。明明很靠近，卻不能牽他的手。

你說怎麼辦，感覺甜又酸??

似乎也只能繼續等待下去了！再不然，企盼一個奇蹟出現，帶著你飛躍深谷，降落在戀人的心房。可是，這還是一個不確定時間，也是一樣無助的等待呀！

總之「友達以上、戀人未滿」是給人最甜蜜的無奈。
不知道你是否和我一樣在希望與失望之間徘徊呢?
無論和他距離多遠，我只盼他永遠是開心的。 ]

我都唔知覺得好唔好, 如佢所講, 係希望與失望之間徘徊, 我覺得係一件痛苦的事, 明知鍾意佢, 但又唔可以同佢一齊. 呢段關係就如我同蕃薯, 上文所講的野完全正確, 我好討厭呢種感覺, 但蕃薯似乎好享受, 可惜我都唔覺係享受, 到底係開心定痛苦, 我又答唔出. 不過我同自己講, 我一定要脫離呢種關係, 而且我一直想做插畫師, 或者我也係應該要離開佢, 除左去追尋自己的夢想, 搵個值得我愛佢, 而佢又愛我的人, 這才是真正的幸福, 如果個男人真係鍾意你, 佢絕對唔會要個女仔無止境等佢, 同埋會盡一切去保護及唔會令佢傷心. 毎個人都在尋找疼愛自己的另一半, 大家唔知已經找到未?