爸爸不在家的父親節...

今日雖然係一年一度的父親節, 但公司似乎太忙呢~爸爸一早返左工, 連見佢一面的時間都冇, 而媽媽又返左去大陸, 阿b浩鏗又同自己父母去街街, 屋企只有我及妹妹, 但我妹只顧玩網上遊戲多, 於是我只好msn搵人傾計及玩fb~

不過今日都唔算差, 竟然見到阿ling hi我, 平時好少同佢傾計架, 估唔到佢會主動hi我, 都不知幾開心, 佢起初只係問我, 波特有冇比琴日唱k的相我, 之後我同佢傾計先知佢唔會慶祝父親節, 而且一家仲好少出街食飯, 多數都係自己父母煮, 就算去食飯也係會比較近的地方, 原來佢係同我一樣的~~而且仲有一個同通點, 就係我地本身唔識煮飯的, 嘻嘻~~

之後同佢傾開理想, 睇黎阿ling都有點想做船務, 我聽我公司個同事講, 呢行都搵得幾多錢下, 佢問我知唔知道邊度有得讀呢類course, 我話好多大學都有辦, 佢擔人心要讀好耐, 不過佢咁後生, 唔怕啦, 係都竹我擔心自己多d. 仲有佢都同我一樣, 自己都好like design, 但又要搵多錢返屋企, 連我都唔知應該點樣去選擇, 而家只好暫時講, 邊讀邊想吧, 我自己覺得上天一定會為我安排一條更好的路給我吧!!

突然整我部電腦內的資料, 發現到波特比左呢樣野我....

內容真係好正, 大家不妨去睇下, 我仲問波特有冇溫仔呢個term, 當然有啦, 不過我唔係~~

唔知佢仲有冇其他好笑字解釋呢? 得閒問佢拿多d黎睇下先~

祝六月同學仔生日快樂^^

今日係全班幫五位同學仔慶祝生日的日子, 有一名同學susuki係五月生日, 但撥左去同六月生日的同學仔一同慶祝生日, 同埋安有正日生日的berry, 同埋呢個月生日的阿光, 阿聯及ryan. 在呢個blog度先祝呢五位生日快樂先, 我只得二蔬蕉, sorry>_<" 本來想同波特一齊去唱k果度, 點知佢地已經出發左, 我惟有自己一個行去. 原本以為好易去, 點知自己弄錯方向, 就咁盪失路.....直至文迪sms比我, 及蕃薯打電話比我, 我先話比佢地知我迷路, 最後問左好幾位途人先黎到...一去到k房, 我已經好肚餓, 於是叫左個壽司及沙律項下肚先~

$8 兩件都幾抵, 而且仲幾好味~~

tuna 蟹子沙律, 都ok好味啦, 始終沙律唔太難整, 也唔會難食得去邊, 加上只係八元, 又係抵!

又有得食, 又有冷氣涼下, 我終於覺得咩叫幸福, 同我在街上成個傻婆咁行黎行去, 呢度真係一流!! 我熱到束起邊子, 坐埋一二邊, 就咁樣就比佢哋影左相, 佢哋真係無聊啊=_="

張相好紅, 而且我個樣都好岸居居....但我好like張相呢隻紅紅的感覺~

連蕃薯整相機個樣都比人影.....呢d野當然係阿聯的傑作, 不過做得好, 十卜你!!

大家呢日都玩得好開心, 我也展示我一下難聽的歌喉, 最令我深刻的除左係蕃薯唱側田的歌之外, 仲有susuki唱謝安琪的歌都幾好聽, 把聲好似佢; 而我就點左首日文歌唱, 但都要伴唱, 因自己冇唱呢首好耐!! 當中蕃薯見我訓在中間幾張黑色椅子合我的床時, 佢竟然成個人責左落黎!!!?? 佢真係好重牙, 而且仲責左幾次我度, 唔該佢快d讓開啦>_<" 呢日大家玩得好開心, 仲影底左d相~
翻版大塚愛, 等我高歌一曲先(講笑)!! 呢張個角度好正!!

大家悠閒的感覺令我好開心~

其實我哋今晚有個餘興節目, 就係和五位同學慶祝生日. 首先當然要切生日蛋糕及許個願~

吓!? 女仔都吹熄左個蛋糕啦, 男仔都仲未, 真係冇用!!!

之後就到左送禮環節, 先係為五位主角送上生日卡先~

都係女仔細心, 仔細睇下張卡, 係文迪心機黎架^^

之後由文迪, 波特及雲妮送上生日禮物: 所以話男仔心急呢, 你睇ryan, 幾快拆開份禮物! 其實係波特同佢講, 話我送唔到真野比佢, 因為太貴, 所以佢先拆~

原來係個小小提琴黎, 好得意^^

呢兩個就係我地今日的生日蛋糕, 仲有我都幾愛的什果黑森林~~


臨走時見到的purple裙, 佢真係太靚了, 如果可以把佢穿上身, 之後再化妝及影靚相就好^^

大家各自離去, 蕃薯在地鐵站前問我係咪坐地鐵, 可能佢想同我一齊搭去荃灣掛, 不過點會有可能呢! 最初同berry, 阿ling, 波特及阿聯一齊坐地鐵, 後來佢哋走左, 真係只有我同佢兩個!?
途中我地仍然有傾有笑, 其中講到我媽媽之前在我面前讚佢個樣比我細!? 我話左呢件事比佢知, 佢仲話自己可愛....吓!? 佢又黎啦, 又話自己係女仔及可愛, 係都我可愛啦!!(講笑)

同文迪約會!?

今晚雖然天文台話落雨, 但我一於少理, 約左文迪七點食飯, 點都要去!! 文迪約左個舊朋友食飯, 我只好在我地的食飯地方, 尖沙咀附近周圍行下, 不過都唔緊要啦, 話咁快就七點, 見到文迪穿住西褲恤衫黎到, 原來佢約朋友之前去左見工, 佢似乎好鍾意呢份工, 呢份工係做管理之類, 係訓練管理果類, 有三個星期訓練, 訓練之後派到中國其中地方實習二個月到, 睇黎都好吸引, 我都好想試下, 不過唔係做管理, 而係可以周圍去學design就好^^

我地二人先去搵地方食飯, 文迪問我食咩, 我都係來來去去果樣, 食日本野先, 我地去金太朗食野, 見到佢回轉壽司好得意(天啊, 你未見過咩!?)


有各式各樣的壽司轉黎轉去係好得意, 但只有好少款選擇....塊鏡仲反射, 見到我拿部相機影相=_="

我見到佢款式不多, 只係拿左碟三文魚壽司食, 但味道都係麻麻. 經過我細心計算, 食三碟的價錢等如一個餐, 加上我又想食曼魚, 見到個曼魚飯連三文及tuna刺身餐都係四十二元, 我一於唔理, 叫左呢個餐先算~~果d燒汁好好味, 可惜份量太少, 唔夠食!!!

食飽飽後, 文迪話尖沙咀海旁果度有個香港原創的漫畫展睇, 好多似乎相識的作品, 不過我都係鐘意百分百感覺多d, 可以睇到原畫, 真幸運^^先見到呢個先~係享應四川災民的心意咭, 好有意思^^

漫畫節個正門~~

其中呢支柱都幾鍾意, 我好鍾意佢個構圖, 簡單又可表達意思~

在呢個畫展內, 個會場唔係太大, 可能係香港始終唔係個漫畫盛行的地方, 作品少之有少, 究竟我地對本地作品, 有幾多係認識呢? 如果呢個係日本漫畫展, 一定會勁多人去睇, 而且地方也好大. 加上當時又落雨, 黎睇的人真係少之有少, 有兩幅畫我都幾鍾意, 仲走左去幅畫隔離影相~

呢幅係個叫kai的漫畫家, 我只睇過佢其中一部作品, 內容麻麻, 畫法少少似日本, 加上佢色調柔和, 勁正!!

第二幅係好似係一套叫首都高速的漫畫, 我冇睇過, 只係欣賞呢張畫, 又真實, 又畫得靚^^

同文迪合影一張先, 但我遮住左張畫, 都係比下面張正本你地睇~~

我都好鍾意呢張, 除左個人樣之外, 整體配搭又完美, 又有氣勢!!

睇完漫畫展後, 本來在海旁傾心事, 點知中途落大雨, 我同文迪好狼狽地走, 最後只好在附近搵個地方食dessert及傾計, 最後去左許留山, 仲叫左我地好鍾意的食物~~

文迪的dessert, 好多什果啊!!!

我的芒果小丸子, 真係好好味~~

食完dessert之後都差唔多返屋企, 文迪冇帶遮, 我就遮埋佢到屋企附近. 之後我冒住大雨返屋企, 終於去到地鐵站, 全個人已經濕哂, 在地鐵途中收到蕃薯個sms, 話佢自己肚痛, 好在最後佢都冇, 下次食野小心d吧!! 後來返到屋企先知原來我返屋企途中係紅色暴雨警告, 唔怪之得啦, 同時我都好佩服自己, 可以克服落大雨呢個困難返到屋企^^

努力點工作吧!!

今日老闆娘突然捉我入房, 我都深知不妙啦, 果然真係.....佢話我工作上唔夠專心及懶惰, 工作表現不太好, 做的東西好慢, 即使佢不在公司, 也知我工作情況, 總之你做得幾慢果隻, 仲比佢見到我有時玩fb=_="好在佢冇鬧我, 又冇話炒我之類, 只係叫我工作上用心, 比機會我再去學習. 而且仲指出我有好多問題, 真係好感激佢及多謝佢教我.

首先佢問我, 點樣為之一個好會計? 我竟然唔太識答, 證明我不是一個好會計吧!? 老闆娘同我講, 作為一個好會計, 先要好好管理公司的賬目, 而最初個STEP係開票果部分, 先要睇清楚單據有冇收錯錢, 繳款期限....如果冇問題就可開票, 比完老闆簽名之後先開voucher入賬及在bank control記錄. 除此之外, 佢仲教左我好多關於會計的事, 如向大陸廠買圓時所出的款項, 發票制定, 有關shipping少少事項等等, 講下講下已經人傾左成個鐘, 真係得益不少.

之後佢同我講, 話我唔夠主動去學野, 有問題又唔去問, 成日以為自己對的就做, 結果又係做錯. 可能同我性格有關, 自己好怕去問人, 覺得好似好[雨], 鍾意自己去思考問題, 去搵出解決問題方法. 而我個人本身比較慢熱及自私, 見到人忙, 同自己冇關的事唔會去理, 所以其他負責日本及大陸廠事宜我係唔會理, 從冇主動去幫佢哋, 老闆娘叫我應該主動下幫人. 減輕下各人之工作負擔, 大家得閒囉, 可以傾下計都得. 嗯, 我會學識去同人相處, 唔好太自我中心.

我姑姐曾經同我講過, 呢間公司冇野學, 做夠一年就走. 但我而家覺得唔係, 冇錯, 在會計角度黎講, 呢度的確冇野學, 但呢個世界好大, 除左會計呢方面外, 仲有好多方面的事我根本唔認識, 如人際關係處理, 溝通, 工作態度, 做人處事.....我都要慢慢學習, 同埋知道自己性格的弱點. 而呢度比左好多野比我學, 又或者個天想我學多d性格呢方面的事, 如文迪所講, 如果女仔無論在思想, 性格及行為方面阿成熟, 真命天子或會出現, 呢個idea都幾好, 自己又唔會強求, 而且自己又可生活得開心^^

聽日約左同文迪食晚飯, 期待中~~

索女大改造(part 1)~

大家唔知心目中的索女係點樣呢? 一般人覺得係擁有一把長髮, 一對大眼睛, 一個高高的nose及一個細咀吧!? 我都係咁覺得, 不過仲有多一樣野, 就係要似日本女仔的頭髮, 衣著打扮先叫靚. 我一直都學習佢哋打扮, 除左化妝之外....而我就係覺得佢地化妝好麻煩, 又要買好多化妝品, 應該話自己唔願花錢在化妝品上, 加上又多step, 平時返工都一定唔會花時間打扮, 所以我一直都冇學.

但我而家有決心想學好化妝, 個原因要追索返星期一田買電腦果日....話說同蕃薯買完電腦之後, 我哋一齊坐巴士回家, 佢在車上突然同我講, 話我對髮型及衣著都好講究, 點解唔學好化妝, 我都係貪靚, 點解做一半, 又唔做一半. 我同佢講左以上果段唔化妝的原因, 佢話你係女仔黎, 貪靚打扮係天經地義. 我聽到貪靚打扮, 自己有點醒覺, 點解自己唔扮靚d? 話唔埋扮靚d會吸引到真命天子呢, 第時就可忘記蕃薯, 同時又搵到一個鍚我及真心對我好的人, 一舉兩得; 加上我萬一唔讀呢個course時, 又可以用生日為理由叫佢同我影最後一輯相, 因佢用幫我影相黎令我學化妝. 於是我答應左佢, 在呢兩個月內努力學化妝, 用最靚的一面去見佢最後果個月~~仲有佢唔知點解一直要我學化妝, 就算佢話自己化妝唔叻, 也要教我化妝....

但我而家個髮型都麻麻地, 唔太靚, 點可以做個索女呢? 於是我今日到葵涌廣場, 搵平的髮型屋幫我駁髮. 本來只係駁髮, 但個髮型師同我講, 我上面頭髮生返, 同我之前所染的頭髮唔同色, 問我染唔染埋, 最後我都應承左, 要我用左成七百幾元, 好貴呀, 但要做索女, 呢d錢係必要吧!?整左三個幾鐘後, 終於都整完...

剪完頭髮返堅企影返張相先~個頭都ok啦....

頭髮係長到落腰度, 髮色係橙金, 但呢度似乎睇唔清楚呢~~

返到屋企, 都比我媽媽鬧左幾句, 話我又去駁髮及哂錢. 不過算啦, 佢都係為左我好!! 我個頭染到好淺色, 而且又長又捲, 唔知老闆娘會唔會唔比, 仲要我把個頭變回原形呢? 都係聽日先算~

幾時黎個索女大改造part2呢? part 2應該係學化妝及買衫吧!!真係唔知架, 都係有錢d先啦!!

又再黎整電腦again~

話說琴日整個電腦, 當整到連線部分時, 發覺隻router冇左條lan線, 而我又心急, 想快d可以上網, 於是再短訊問下蕃薯. 睇佢邊日得閒上去我屋企度整, 點知佢竟然答應我今日放工之後幫我整, 太好了!! 如果今日可以整到電腦, 我以後就可以毎天都上網打blog, 玩fb及msn, 想起都開心^^

蕃薯八點幾先放工, 即刻去黃金買左條lan線, 再黎我屋企度整. 但我驚佢肚餓, 特登打電話比佢, 叫佢食埋飯先整. 佢一早已經到左我屋企樓下, 仲打電話叫我快d落黎接佢, 因我屋企有道閘, 只係住客有住戶證先可進入, 麻煩你要在屋企等多一陣~我地終於會合, 先到附近深井村搵野食, 但佢睇黎睇去都唔適合, 只係去左椰林閣買食物, 我見佢幫我整電腦, 咪請佢食呢餐, 盛惠五十幾元, 連我自己都唔捨得食咁貴, 呢位先生果然係唔客氣!!!

終於要整電腦, 大家都好緊張, 因要同時兩部電腦連線, 所以要確保裝左router之後要做到呢個目的! 但問題終於出現, 就係要拿電訊盈科上網同密碼!? 呢d野我同我個妹真係唔知, 平時我哋只會普通上網, 點會知道呢d事, 只知密碼要用身份證號碼頭五個字, 但妹只記得個號碼,唔記得個字頭, 於是我即刻打電話比爸爸, 佢電話又唔通, 我哋三個只好撞下密碼, 但一直撞唔中. 後來我妹聽到樓下爸爸同人傾計, 因佢把聲好大聲, 連十九樓都聽到, 於是我即刻走到樓下搵佢....

搵到爸爸後, 爸爸先知道自己電話冇電....於是把我果部電話比住爸先, 自己返上樓. 佢哋撞密碼都仲未撞到, 後來阿爸都返黎屋企, 連佢都唔知密碼, 爸爸, 妹妹及我三人一齊搵記錄密碼的文件, 可惜都冇, 後來蕃薯叫爸去個唔知咩mail內打個密碼, 總之係同電訊盈科個密碼一樣, 終於搵到啦, 好開心~經蕃薯努力駁好各線後, 終於可以上網啦^^佢仲幫我去到fb內的[fd for sale], 連佢都知道我鍾意玩, 嘻嘻~

今日真係辛苦哂你, 原本你想早d返屋企訓覺, 點知哂你咁多時間, 除左同你講句對唔住外, 仲有多謝你今日幫我整上網^^

新電腦登場~!!

以為今日成日都無聊在屋企休息, 蕃薯突然一個電話, 問我去唔去同佢睇電腦, 既然有人主動問我及同我去買 電腦, 當然應承啦!! 順便同佢傾下幾時砌埋電腦, 佢話今晚黎我屋企整埋!!??吓! 我都係第一次比男仔黎我屋企, 可惜的係佢唔係我男友, 應該話如果真係我帶個男友返屋企, 唔知會係點? 我估一定會好好笑, 好得意, 可惜我永遠都冇呢日....

我哋約好左在深水步地鐵站等, 佢一早已經去到, 我哋行左好多間電腦中心, 好辛苦先至買到合心水的電腦外箱, 但我睇中的款全部都賣哂, 當蕃薯已經幫我選擇好處理器, 底板等設備, 在我唔願意的情況下, 我要被迫選擇第二款外箱, 那時蕃薯已經好唔耐煩, 叫我是但選擇一款, 仲話我已經麻煩左成四個sales, 但我第一次買電腦, 唔想是但買, 最後抵受唔住壓力都買左. 在途中, 蕃薯話呢間店佢成日幫襯, 冇理由最後唔買, 一直話我. 我一直低頭不停勸自己鍾意個外箱, 蕃薯話我唔好自言自語. 由黃金到地鐵內, 我哋冇咩傾過計, 自己仲差點哭出黎, 佢明顯冇在我角度想過? 佢又唔細心, 唔顧我感受, 只係顧自己, 我呢一刻心淡....

我買的電腦mon~在個mon仲要係purple邊^^

我唔like的電腦箱>_<"但佢都幾快, 就好似好d好男人一樣, 外表或不太討好, 但內心好!?

之後同佢去到銅鑼灣剪頭髮, 大家先互相傾下及互相say sorry, 大家又開始有說有笑, 到左蕃薯朋友間髮型屋, 我一直等佢剪髮. 佢驚我悶, 成日同我sms及叫我拿佢部psp黎玩, 等下等下已經兩個鐘, 本來我已經問佢日影個新look我睇, 但佢又唔願意, 真係...總之佢頭髮又短又金.

去到我屋企, 我地兩都未食飯, 於是媽媽準備我地兩個人飯, 蕃薯都係第一次在我屋企食飯, 佢仲食左好多, 仲學人添飯=_="食完飯之後開始裝電腦, 由於我屋企太熱, 所以在我間房度裝電腦. 間房只有我同佢兩個人, 睇黎我都危險, 而且佢仲叫自己做咸濕維修員(嚇)但美中不足的係....當我地買左router時, 竟然冇lan線!!? 即係上唔到網嗎? 原本想今日上網的, 結果惟有早d訓吧!!